Author: क्लिक लुम्बिनी

उदयपुर,२१ असोज। जेनजी आन्दोलनका क्रममा कारागारबाट फरार भएका एक कैदी मृत अवस्थामा फेला परेका छन्। जिल्ला प्रहरी कार्यालय उदयपुरका अनुसार आन्दोलनको क्रममा झुम्का कारागारबाट फरार भएका त्रियुगा नगरपालिका-८, शाहीखोला राजाबासका ३५ वर्षीय गम्भीरबहादुर दनुवारको शव मंगलबार दिउँसो घरबाट करिब सय मिटर टाढा रहेको सिसौको रुखमा फेला परेको थियो। सुनसरी जिल्ला अदालतको फैसला अनुसार २० वर्ष कैद सजाय पाएका दनुवार झुम्का कारागारमा कैद थिए। । जिल्ला प्रहरी कार्यालय उदयपुरका सूचना अधिकारी डीएसपी केदारमान दोङले मृतकको शव आवश्यक कानुनी प्रक्रिया पूरा गरी आफन्तलाई बुझाइएको बताए। घटनाका सम्बन्धमा अनुसन्धान भइरहेको प्रहरीले जनाएको छ।

भैरहवा,२१ असोज। रुपन्देही प्रहरीले ५० क्विन्टल खरबुजाको बिउसहित एक मिनि ट्रक नियन्त्रणमा लिएको छ। वडा प्रहरी कार्यालय भैरहवाबाट खटिएको टोलीले ओमसतिया गाउँपालिका वडा नं. ४ डण्डास्थित चेकजाँचका क्रममा बिउसहितको उक्त मिनि ट्रक नियन्त्रणमा लिएको हो। बा.प्र.०३-००१ ख १६८४ नम्बरको मिनि ट्रक चेकजाँच गर्दा १२५ बोरा (५० क्विन्टल) खरबुजाको बिउ फेला पारेको थियो। बरामद खरबुजाको बिउ र मिनि ट्रकसहितको अनुमानित मूल्य २० लाख रुपैयाँ रहेको प्रहरीले जनाएको छ। प्रहरीले सामानसहित मिनि ट्रकका चालक रुपन्देही मायादेवी गाउँपालिका-६ का २२ वर्षीय राजकुमार मल्लाहलाई समेत नियन्त्रणमा लिएको छ। आवश्यक अनुसन्धान तथा कारबाहीका लागि बिउसहित मिनि ट्रक र चालकलाई राजस्व अनुसन्धान कार्यालय बुटवल पठाइएको जिल्ला…

भैरहवा,१९ असोज। वर्षाका कारण भैरहवा आसपास अलपत्र परेका यात्रुहरुलाई चार्टर विमानमार्फत काठमाडौं पठाउन थालिएको छ। आज राति आकस्मिक रुपमा काठमाडौं पुग्नैपर्ने यात्रुहरुलाई रुपन्देही प्रशासनले विमान चार्टर गरेर काठमाडौं पठाउन थालेको हो। रुपन्देहीका प्रमुख जिल्ला अधिकारी डा. टोकराज पाण्डेका अनुसार अलपत्र परेका र आज राति पुग्नैपर्ने यात्रुहरुको सूची तयार गरेर नेपाल एयरलाइन्सको विमानमार्फत काठमाडौं पठाउन लागिएको हो। उनले काठमाडौंबाट साँझ ७ बजे भैरहवा आउने नेपाल एयरलाइन्सको विमानमार्फत अलपत्र यात्रुहरुलाई काठमाडौं पठाइने बताए। उनका अनुसार १ सय ५८ जना यात्रुहरुलाई विमानमार्फत काठमाडौं पठाइनेछ । भैरहवा विमानस्थलमा रहेको नेपाल एयरलाइन्सको काउन्टरमा गएर आफ्ना समस्याबारे जानकारी गराउन पनि प्रशासनले अनुरोध गरेको छ। यात्राबारे बुझ्न…

काठमाडौं,१९ असोज। भारतीय प्रधानमन्त्री नरेन्द्र मोदीले नेपाललाई जुनसुकै सहयोग गर्न तयार रहेको बताएका छन्। निरन्तर वर्षाका कारण आएको बाढी र पहिरोले नेपालमा धनजनको क्षति गरेपछि भारतीय प्रधानमन्त्री मोदीले आवश्यक सहयोग गर्न तयार रहेको बताएका हुन्। उनले सामाजिक सञ्जाल एक्समा भारी वर्षाका कारण नेपालमा भएको धनजनको क्षतिमा दुःख व्यक्त गर्दै भारत नेपाली जनता र सरकारको साथमा रहेको उल्लेख गरेका छन्। ‘नेपालमा भारी वर्षाका कारण भएको जनधनको क्षति पीडादायी छ। हामी यस कठिन समयमा नेपालका जनता र सरकारको साथमा छौं। एक मैत्रीपूर्ण छिमेकी र पहिलो प्रतिक्रियाकर्ताको रूपमा, भारत आवश्यक पर्ने कुनै पनि सहयोग प्रदान गर्न प्रतिबद्ध छ’, प्रधानमन्त्री मोदीले भनेका छन्।

काठमाडौं,१९ असोज। निरन्तर वर्षासँगै देशमा आएको बाढी–पहिरोबाट ऊर्जा, जलस्रोत तथा सिँचाइ मन्त्रालयका संरचनामा ठुलो क्षति भएको छ। मन्त्री कुलमान घिसिङले आइतबार पत्रकार सम्मेलनमा दिएका जानकारी अनुसार मुलुकका विभिन्न भागमा एक हजार ५०० मिटर तटबन्ध कटान हुँदा १० करोड रुपैयाँ बारबरको क्षति भएको छ। कन्काइले गौरीगञ्ज–२ झापामा हुलाकी राजमार्गको तल्लोतटीय दायाँ किनारमा करिब २०० मिटर तटबन्धन कटान गरी होक्लबारी गाउँका करिब ११४ घर डुबाएको छ। त्यहाँको ५०० हेक्टर धान खेतमा क्षति साथै झापा गाउँपालिका–२ को कुवाडीमा २०० मिटर तटबन्ध कटान हुँदा ७५ लाख रुपैयाँको क्षति भएको छ। यसैगरी, मेची नदीले ठाउँठाउँमा रहेको स्परमा करिब रु ५० लाख, विराटनगरस्थित केशलिया नदीमा डुबान…

काठमाडौं,१९ असोज। प्रहरीले नक्कली भुटानी शरणार्थी प्रकरणमा फरार रहेका एक प्रतिवादीलाई पक्राउ गरेको छ। पक्राउ पर्नेमा दाङको तुलसीपुर–१६ का सन्देश शर्मा रहेको प्रहरीले जनाएको छ । प्रहरीका अनुसार काठमाडौं उपत्यका अपराध अनसन्धान कार्यालयको टोलीले उनलाई आइतबार ललितपुरको बख्खुडोलबाट पक्राउ गरेको हो ।

काठमाडौं,१९ असोेज। वर्षा गराउने न्यूनचापीय मौसम प्रणाली नेपालबाट बहिरिएको छ। जल तथा मौसम विज्ञान विभागले आइतबार सूचना जारी गरेर मनसुन कमजोर भई मौसममा सुधार आइसकेको जनाएको छ। तर, मनसुन नेपालबाट बाहिरिनसकेकाले अझै पनि वर्षा हुने सम्भावना रहन्छ। बंगालको खाडीबाट विकसित भएको न्यून चापीय प्रणालीको कारणले २०८२ असोज १७ गते साँझबाट १९ गते बिहानसम्म मनसुन सक्रिय भई मधेस र बागमती प्रदेशका अधिकांश वर्षामापन केन्द्रहरुमा भारीदेखि अति भारी वर्षा तथा कोसी प्रदेशका अधिकांश वर्षामापन केन्द्रहरुमा मध्यमदेखि अति भारी वर्षा मापन भएको छ। अविरल वर्षाका कारण बागमती, त्रिशूली, पूर्वी राप्ती, लालबकैया, कमला लगायतका नदीहरुमा जलसतहले सतर्कता तह पार गरेको र हाल घट्दो क्रममा…

काठमाडौं,१९ असोज। निरन्तर वर्षाका कारण पहिरो र बाढीमा परेर मृत्यु हुनेको संख्या ४९ पुगेको छ । सशस्त्र प्रहरी बल, नेपालका सह-प्रवक्ता डीएसपी शैलेन्द्र थापाका अनुसार अनुसार दिउँसो १ बजेसम्ममा देशका विभिन्न जिल्लामा पहिरो र बाढीमा परेर ४९ जनाको मृत्यु भएको हो। ४९ जनामध्ये इलाममा ३७ जना, पाँचथरमा ६ जना, रौतहटमा तीन, उदयपुरमा दुई, खोटाङमा एक जनाको मृत्यु भएको छ । प्रहरीका अनुसार, रसुवा ४ जना, इलाम, बारा र काठमाडौंमा एक/एक जना बेपत्ता छन् ।

सप्तरी,१८ असोज। सप्तरी जिल्लामा छुट्टाछुट्टै स्थानमा भएको सवारी दुर्घटनामा तीन जनाको मृत्यु भएको छ। जिल्लाको हुलाकी सडक खण्डअन्तर्गत जिल्लाको खड्क नगरपालिका–११ बनौलीमा दुई मोटरसाइकल एकापसमा ठोक्किएर दुर्घटना हुँदा दुवै मोटरसाइकलका चालकको मृत्यु भएको छ। बोदेबर्साइनबाट राजविराजतर्फ आउँदै गरेको मधेस प्रदेश ०१–००५ प ६८३२ नम्बरको मोटरसाइकल र विपरीत दिशातर्फ जाँदै गरेको मधेस प्रदेश २–०१–००३ प ६९३२ नम्बरको मोटरसाइकल एकापसमा ठोकिएर दुर्घटना भएको हो । यस्तै जिल्ला प्रहरी कार्यालयका प्रहरी नायब उपरीक्षक डम्बरबहादुर पुरीका अनुसार दुर्घटनामा मधेस प्रदेश २–०१–००३ प ६९३२ नम्बरको मोटरसाइकलका चालक खड्क नगरपालिका–१० बेल्हाका २८ वर्षीय चिन्तामणि चौधरी र मधेस प्रदेश ०१–००५ प ६८३२ नम्बरको मोटरसाइकलका चालक सुरुङगा नगरपालिका–७…

काठमाडौं,१८ असोज। जल तथा मौसम विज्ञान विभागको मौसम पूर्वानुमान महाशाखाले भारी देखि अतिभारी वर्षाको सम्भावना रहेकोले असोज २० गतेसम्म उच्च सर्तकता अपनाउनका लागि अनुरोध छ। महाशाखाका अनुसार अविरल वर्षाका कारण देशका ४० जिल्ला ‘रेड अलर्ट’ को सूचीमा राखिएको छ। बंगालको खाडीमा विकसित भएको न्यून चापीय मौसमी प्रणालीको नेपालमा पनि असर परिरहेको छ। वर्षाको दर विस्तारै बढ्दै गएको र राति अझै बढ्न सक्ने भएकोले आज बेलुका र भोलिसम्मका लागि विशेष सतर्कता जरुरी रहेको जल तथा मौसम विज्ञान विभागले जनाएको छ । डुबान भइरहने र बाढी आउने क्षेत्रमा विशेष गरी नदी किनारमा यात्रा नगर्न मौसमविदले सुझाव दिएका छन् । विभागका अनुसार सुनसरी,…