Author: क्लिक लुम्बिनी

भैरहवा,२ जेठ। रुपन्देहीको भैरहवामा प्रथम माननीय कप क्रिकेट प्रतियोगिता हुने भएको छ। आइतबारबाट हुने रुपन्देही क्षेत्र नम्बर ३ (१) अन्तरगतको क्रिकेट प्रतियोगितामा १८ वटा वडा, कर्मचारी र पत्रकार गरी २० वटा टिमबीच प्रतिस्पर्धा हुने आयोजकले जनाएको छ। प्रतियोगीता बारे जानकारी दिने उद्देश्यले शुक्रबार भैरहवामा आयोजित पत्रकार सम्मेलनमा बोल्दै सामाजिक विकास डिभिजन कार्यालय रुपन्देहीका प्रमुख हरि बहादुर बिष्टले संचालन हुने प्रतियोगितामा टेनिस बलले १० ओभरको खेल खेलाइने बताए। उनका अनुसार प्रतियोगिताको विजेता टोलीले नगद ५१ हजार र उपविजेताले २५ हजार प्राप्त गर्नेछन्। भैरहवा स्थित सिद्धार्थ क्रिकेट रंगशालामा आयोजना हुने प्रतियोगिता जेठ ४ गते देखि जेठ ७ गतेसम्म संचालन हुनेछ। रुपन्देही क्षेत्र…

भैरहवा,२जेठ। रुपन्देहीको ओमसतिया गाउँपालिकामा पालिका स्तरिय तेश्रो अध्यक्ष कप क्रिकेट प्रतियोगिता शुक्रबारबाट सुरु भएको छ । शुक्रबार भएको उद्घाटन खेलमा पालिकाको वडा नम्बर ६ ले वडा नम्बर २ लाई ५ विकेटले पराजित गरेको छ। टस हारेर ब्याटिङको निम्तो पाएको वडा नम्बर २ ले निर्धारित १२ ओभरको खेलमा ९२ रन मात्र बनायो। वडा नम्बर २ का लागि बादल छन्त्यालले सर्वाधिक २२ रन बनाउदा अजय यादवले ११ रन र विकास यादवले १० रन मात्र जोड्न सके। बलिङमा वडा नम्बर ६ का शेखर चौधरीले ४ विकेट, नितेश वरुण र किशोर यादवले समान २/२ विकेट लिए। ९३ रनको लक्ष्य सहित मैदानमा छिरेका वडा नम्बर…

भैरहवा,१ जेठ। लामो समयदेखि जिल्लामा हुँदै आएको हुण्डी कारोबारमाथी रुपन्देही प्रहरीले डण्डा चलाउन सुरु गरेको छ। हुण्डी कारोबारको आरोपमा प्रहरीले दुई दिनमा तीन जनालाई पक्राउ गरी उनीहरुको साथबाट २५ लाख ७५ हजार बढी रुपैयाँ बरामद गरेको छ। गोप्य सूचनाको आधारमा प्रहरीले एक भारतीय नागरिकसहित कपिलवस्तु र रुपन्देहीका गरी ३ जनालाई रकमसहित पक्राउ गरेको जनाएको छ । पक्राउ पर्नेहरुमा रुपन्देहीको सम्मरीमाई गाउँपालिका-७ का ३८ वर्षीय दिनेश बनियाँ, कपिलवस्तुको शुद्धोधन गाउँपालिका-१ का ४६ वर्षीय मसिउद्दिन फकिर र भारतको नौतनवाका ५० वर्षीय कृष्ण अग्रहरी रहेको जिल्ला प्रहरी कार्यालय रुपन्देहीले जनाएको छ। प्रहरीले यी तीनै जनालाई छुट्टाछुट्टै रुपमा रकमसहित पक्राउ गरेको हो । प्रहरीका…

भैरहवा,१ जेठ। पछिल्लो समय तस्करी नियन्त्रणमा सक्रिय देखिएको रुपन्देही प्रहरीले बिहीवार भारतबाट अवैध रुपमा भन्सार छलेर भित्राइएका कपडा लगायतका सामग्रीहरु नियन्त्रणमा लिएको छ। जिल्लाको विभिन्न स्थानमा चेकजाँचको क्रममा भारतबाट अवैध रुपमा भित्राइएको ७ लाख ४० हजार बढी मूल्य बराबरको कपडा, मटर, मिठाई, चिनी लगायतका सामग्रीहरु बरामद भएको जिल्ला प्रहरी कार्यालय रुपन्देहीका डीएसपी सुरज कार्कीले जनाए। साथै, उक्त सामग्री ढुवानीमा प्रयोग गरिएका चार वटा मोटरसाइकल र एउटा स्कुटर समेत प्रहरीले नियन्त्रणमा लिएको छ । प्रहरीका अनुसार सुट १३० थान, साडी ६७ थान, मटर ५ बोरा, चिनी १९० किलो, विभिन्न प्रकार मिठाई र खाद्यन्न सामग्रीहरु बरामद भएको छ। बरामद सामग्रीहरु आवश्यक कारवाहीको…

भैरहवा,१जेठ। अवैध रुपमा माटो उत्खनन् र ओसारपसारमा प्रयोग गरिएको सवारी साधन रुपन्देही प्रहरीले नियन्त्रणमा लिएको छ। बिहीवार इलाका प्रहरी कार्यालय मझगाँवाको टोलीले कोटहीमाई गाउँपालिका-१ स्थित विना अनुमति माटो उत्खनन् र ओसारपसारमा प्रयोग गरिएका दुई वटा भ्याकु लोडर र दुई वटा ट्याक्टर नियन्त्रणमा लिएर कारवाहीको लागि सम्बन्धित पालिकामा पठाएको थियो। गाउँपालिकाको कार्यालयले दुई लाख पच्चिस हजार रुपैयाँ जरिवाना कारवाही गरेर उक्त सवारी साधन छाडेको जिल्ला प्रहरी कार्यालय रुपन्देहीले जनाएको छ । रुपन्देहीमा एसपी प्रदीप बहादुर क्षेत्री आएपछि अवैध कार्य नियन्त्रणमा रुपन्देही प्रहरी सक्रिय देखिएको छ।

काठमाडौं,१ जेठ। प्रधानमन्त्री केपी शर्मा ओलीले १४ महिनापछि नेपाली काँग्रेस सभापति शेरबहादुर देउवालाई प्रधानमन्त्री पद हस्तान्तरण गर्ने बताएका छन्। बिहीवार काठमाडौँमा पूर्व योजनाकार मञ्च नेपालको कार्यक्रमलाई सम्बोधन गर्दै उनले यस्तो बताएको हुन्। उनले देश विकासको योजना बनाउने काममा कतिपयले मौका नपाएको र कतिले बारम्बार मौका पाएको बताए। उनले कतिपयले बारम्बार योजना बनाउन मौका पाएझैँ काँग्रेस सभापति देउवालाई पनि अबको १४ महिनापछि आफूले लौ प्रधानमन्त्री भनेर किस्तीमा राखेर धुमधामसँग पद हस्तान्तरण गर्ने बताए। प्रधानमन्त्री ओलीले भने, ‘कतिपय योग्य मान्छे यसमा आउनै नपाएर बाहिरै बसेका छन्। मौका पाएका छैनन्। कसैले पटक पटक पाउँछन्। अब शेरबहादुरजी पाँचपटक प्रधानमन्त्री हुनुभयो। मौका उहाँलाई जुर्छ। के…

काठमाडौं,१जेठ। अख्तियार दुरुपयोग अनुसन्धान आयोगले टेरामक्स प्रकरणमा ३ अर्ब बढीको बिगो र कैद माग गर्दै भ्रष्टाचार मुद्दा दायर गरेको छ। आयोगले नेपाल दूरसञ्चार प्राधिकरणका लागि टेरामक्स प्रविधि खरिद गर्दा भ्रष्टाचार गरेको ठहर गर्दै मोहन बस्नेतसहित पूर्वकानुन सचिव धनराज ज्ञवालीसहित १६ जनाविरुद्ध आज विशेष अदालतमा आरोप पत्र दायर गरेको हो। आयोगले मुद्दा दायर गरेसँगै नेपाली कांग्रेस सांसद समेत रहेका बस्नेतको सांसद पद स्वतः निलम्बनमा परेको छ। बस्नेत २०७९ मंसिरमा भएको प्रतिनिधिसभा निर्वाचनमा सिन्धुपाल्चोक क्षेत्र नम्बर २ बाट निर्वाचित भएका थिए। अख्तियार दुरुपयोग अनुसन्धान आयोग ऐन,२०४८ को दफा १७ मा सार्वजनिक पदमा भएको व्यक्तिविरुद्ध मुद्दा दायर भएमा स्वतः निलम्बनमा पर्ने व्यवस्था छ।…

भैरहवा,१ जेठ। रुपन्देहीको तिलोत्तमा नगरपालिकालाई महिलामैत्री शहर बनाउनका लागि सम्भाव्यता अध्ययन गरिएको छ। महिलामैत्री बनाउनका लागि युनोप्सले पालिकालाई छनोट गरेको थियो । समुदायमा आधारित महिलामैत्री शहर बनाउने अवधारणा अनुसार परियोजनाले पालिकाको दुईवटा वडामा पूर्वाधार निर्माणबारे समुदायसँग छलफल र सम्भाव्यता अध्ययन गरेको छ। पालिकाको वडा नम्बर ४ सिमानगरमा र वडा नम्बर ९ को मंगलापुरमा हाटबजारसहित महिलामैत्री आराम गृह, शौचालय, बालबालिकाको खेल्ने स्थान, सबैको पहुँचयोग्य पैदल लेन, बगैंचा आदि निर्माण हुनेछ। उक्त स्थानमा महिलाले उत्पादन गरेर विक्री गर्न मिल्ने खाद्य सामग्री तथा अन्य सामग्रीका लागि स्टल समेत निर्माण गरिने परियोजनाका कार्यक्रम विशेषज्ञ निलम धनुषेले बताइन्। उनका अनुसार जुन स्थानमा उक्त पूर्वाधार बनाइन्छ,…

भैरहवा, १ जेठ । ठगहरुका ठगीका पनि अनेक-अनेक कथा । फरक-फरक ठगहरुको आफ्नो कला र कथा । भारतको ताजमहल,लालकिल्ला देखि राष्ट्रपति भवनसम्म नै बेचिदिएका भारतका महाठगको रुपमा परिचित नटवरलाल पनि एक थिए । यस्तै रुपन्देहीमा पनि एउटा ठगीको रुप देखिएको छ। बाख्रीको मासुलाई खसी/बोकाको भन्दै मासुपसल संचालकहरुलाई विक्री गर्दै आएपछि प्रहरीले बुटवल उमहानगरपालिका-१ जितगढीका ३४ वर्षीय मेराज शाहलाई पक्राउ गरेको छ । प्रहरीका अनुसार पक्राउ परेका शाहले विभिन्न स्थानबाट बाख्री खरिद गरी आफ्नै घरमा काटेर खसी/बोकाको भन्दै झुक्काएर मासु पसलहरुमा बेच्दै आएका थिए । प्रहरीले उनको घरकोठा खानतलासी गर्दा बाख्रीको मासु र अंगहरु फेला परेको जनाएको छ। उनी उपर कालोबजार…

काठमाडौं, १ जेठ। राजस्व परामर्श समितिले उपप्रधानमन्त्री एवं अर्थमन्त्री विष्णुप्रसाद पौडेल समक्ष प्रतिवेदन पेश गरेको छ। अर्थ मन्त्रालयमा आयोजित कार्यक्रममा समितिका संयोजक रहेका राजस्व सचिव दिनेशकुमार घिमिरेले अर्थमन्त्री पौडेललाई उक्त प्रतिवेदन बुझाएका हुन् । समितिले सबै प्रकारका आर्थिक क्रियाकलापलाई कर प्रणालीमा समेट्नुपर्ने र कर आधार विस्तार गर्नुपर्ने सुझाव दिएको छ। त्यस्तै डिजिटल कारोबारलाई ध्यानमा राख्दै विद्युतीय सेवा करको दायरा बढाउन, अन्तर्राष्ट्रिय सेवा प्रदायकहरुबाट प्राप्त तथ्यांकको व्यवस्थापन गर्न, घर-जग्गा कारोबारजस्ता क्रियाकलापहरुलाई व्यवसायिक रुपमा वर्गीकृत गरी करयोग्य बनाउन सुझाव दिएको छ। पूँजीगत लाभकरको अभिलेखलाई प्रविधिमैत्री र पारदर्शी बनाउन, करदातासम्बन्धी तथ्यांक तथा आर्थिक विवरणहरुको अन्तर–आबद्धता कायम गर्ने प्रणाली विकास गर्नुपर्ने समितिको राय छ।…