Author: क्लिक लुम्बिनी

काठमाडौं२ असोज । जनमत पार्टीका ६ शीर्ष नेताहरुले सामूहिक राजीनामा दिएका छन् । पार्टी नेतृत्वप्रति असन्तुष्टि जनाउँदै उनीहरुले राजीनामा दिएका हुन् । जनमत पार्टीका वरिष्ठ उपाध्यक्ष अब्दुल खान, केन्द्रीय प्रवक्ता डा. शरत सिंह यादव, जनमत युवा संघका केन्द्रीय संयोजक सञ्जय कुमार यादव, जनमत स्वास्थ्यकर्मी संघका केन्द्रीय संयोजक सी.के. सिंह, सुदूरपश्चिम प्रदेशका वरिष्ठ प्रदेश इन्चार्ज राजाराम चौधरी र राष्ट्रिय परिषद् सदस्यसहित केन्द्रीय सदस्य विक्रम बहादुर बमले सामूहिक राजीनामा दिएका हुन् । नेपालका विषम परिस्थिति र जनमानसको अपेक्षा अनुरुप पार्टी नेतृत्वले आत्मालोचना गर्न नसकेको र नेतृत्व परिवर्तनको मागलाई अस्वीकार गर्दै नेताहरुले अपमान गरेको उनीहरुले आरोप लगाएका छन्।

झापा,२ असोज। प्रहरीले टेलिफोनको अप्टिकल फाइबर तार चोरीको आरोपमा पाँच जनालाई पक्राउ गरेको छ। पक्राउ पर्नेमा भारत दार्जिलिङका २४ वर्षीय कार्तिक अधिकारी, सोही स्थानका ३४ वर्षीय राहुल अधिकारी, झापाको बुद्धशान्ति गाउँपालिका सितलवस्तीका २५ वर्षीय विजय राजवंशी, कचनकवल गाउँपालिका–३ डाँगीवारिका ४२ वर्षीय सञ्जय माझी र इलामको माई नगरपालिका–३ का २७ वर्षीय दिनेश परियार रहेको प्रहरीले जनाएको छ। पक्राउ परेकाहरुको साथबाट ५ बोरा फाइबर तार बरामद भएको जिल्ला प्रहरी कार्यालय झापाले जनाएको छ । उनीहरुलाई इलाका प्रहरी कार्यालय काँकडभिट्टाको हिरासतमा राखेर आवश्यक अनुसन्धान अघि बढाइएको छ ।

काठमाडौं,२ असोज। राष्ट्रिय स्वतन्त्र पार्टीले जेनजी आन्दोलनको फाइदा उठाउँदै पार्टीको नाम लिएर धम्की दिनेलाई कारबाही गर्न आग्रह गरेको छ। बिहीवार रास्वपाले विज्ञप्ति जारी गर्दै पार्टीको नाम लिएर उद्योगी, व्यवसायी, न्यायालय, उच्च पदस्थ कर्मचारीहरुलाई डर, त्रास, धम्की देखाई टेलिफोन मेसेज गरिरहेको जानकारी आएको भन्दै ध्यानाकर्षण भएको जनाएको छ। पार्टीले यस्ता कार्यमा रास्वपाको कुनै संलग्नता नरहेको र यस्ता गतिविधिमा लाग्ने जो कोही भएपनि आवश्यक छानबिन र कारवाहीका लागि अनुरोध गरेको छ। ‘जेनजी आन्दोलनबाट उत्पन्न परिस्थितिको फाइदा उठाउँदै केही अवाञ्छित व्यक्ति र समूहले रास्वपा र रास्वपा सम्बद्ध व्यक्तिहरुको नाम लिँदै विभिन्न निजी क्षेत्रका उद्योगी, व्यवसायी, न्यायालय, उच्च पदस्थ कर्मचारीहरुलाई डर, त्रास, धम्की देखाई…

काठमाडौं,३० भदौ । नवनियुक्त अर्थमन्त्री रामेश्वर खनालले टुक्रे (खुद्रे) आयोजना नअगाडि बढाउने निर्णयसँगै सरकारको १०० अर्ब रुपैयाँ स्रोत बचत हुने बताएका छन्। अर्थ मन्त्रालयमा पदबहालीपछि सोमबार आयोजित छलफलमा उनले यस्ता आयोजनाहरु हटाउन कार्यदल गठन गर्ने पहिलो निर्णय लिइएको जानकारी दिए। मन्त्री खनालले आगामी ६ महिनाभित्र निर्वाचन हुनुपर्ने अवस्थालाई उल्लेख गर्दै त्यसका लागि बजेट व्यवस्थापन गर्न टुक्रे आयोजना कटौतीबाट १०० अर्ब रुपैयाँ जोहो गर्न लागिएको बताए। उनका अनुसार राजनीतिक दबाबमा बजेटमा समावेश गरिएका यस्ता आयोजनाहरू कार्यान्वयनमा नल्याउने निर्णय गरिएको छ। साथै, वर्तमान सरकारले पूरक बजेट ल्याउने तयारी नभएको स्पष्ट पारे।

भैरहवा, ३० भदौ । काठमाडौंमा जेनजी प्रदर्शनको क्रममा समाचार संकलनका लागि पुगेका भारतीय पत्रकारहरुमाथी भएको कुटपिट तथा दुर्व्यवहार गर्नेहरुलाई कारवाही गर्न भारतीय पत्रकारहरुले माग गरेका छन् । भारत उत्तरप्रदेशको सीमवर्ती महारजगंज जिल्लाको प्रेस क्लब अफ महारजगंजले रुपन्देहीस्थित लुम्बिनी प्रेस क्लब मार्फत प्रधानमन्त्री सुशीला कार्कीलाई ज्ञापन पत्र दिदैं कुटपिट तथा दुर्व्यवहार गर्नेहरुको पहिचान गरी कारवाहीको माग गरेका हुन् । प्रेस क्लब अफ महारजगंजका अध्यक्ष अमित त्रिपाठीसहितका भारतीय पत्रकारहरुको टोलीले लुम्बिनी प्रेस क्लबका अध्यक्ष कमल रायमाझीसहितको नेपाली पत्रकारको टोलीलाई सुनौली–बेलहियास्थित सीमा नाकामा ज्ञापनत्रपत्र बुझाएका थिए । ‘भारतबाट सामचार संकलनका लागि नेपाल गएका पत्रकारहरुमाथी केही सिमित व्यक्तिहरुद्वारा अभद्र व्यवहार गरिएको छ । कुनै…

काठमाडौं,३० भदौ। नेकपा एमालेका नेता गोकुल बास्कोटाले पार्टीलाई छिटो पुनर्गठन गर्नुपर्ने बताएका छन्। एमाले नेतृत्वको सरकार ढलेर पूर्वप्रधान न्यायाधीश सुशीला कार्की नेतृत्वको अन्तरिम सरकार गठन भएपछि बास्कोटाले पार्टी पुनर्गठन गर्नुपर्ने धारणा सार्वजनिक गरेका हुन् । उनले फेसबुक मार्फत भनेका छन्, ‘छिटो तर सुविचारित निर्णय गरी पार्टीलाई पुनर्गठन गरौँ ।’ राजनीतिक दलविना गणतन्त्र र गणतन्त्र विना समाज बाँच्दैन भन्दै बास्कोटाले लेखेका छन्, ‘समय, परिवेश, प्रकृति, प्रक्रिया र समाज विज्ञानका नियमले नेतृत्व बदल्छ सबै तयार हुनैपर्छ ।’

काठमाडौं,३० भदौ। अख्तियार दुरुपयोग अनुसन्धान आयोगले आन्दोलनका क्रममा आयोगको विभिन्न कार्यालयबाट लुटपाट भएका सामान फिर्ता गर्न आग्रह गरेको छ । आयोगले एक सूचना जारी गर्दै इटहरी, हेटौंडा, पोखरा, बुटवललगायत कार्यालयमा तोडफोड र आगजनी गरेर लुटपाट भएका उपकरणहरु फिर्ता गर्न आग्रह गरेको हो । अख्तियारका अनुसार तोडफोड, आगजनी गरी चार पाङ्ग्रे र दुई पाङ्ग्रे गाडी, टिभी, कम्प्युटर, माइक्रो ओभन, विभिन्न साइजका हार्ड डिस्क, स्क्यानर, क्यामरा, आइप्याड, मोबाइल, ल्यापटप, हिटर, पङ्खालगायत उपकरणहरु चोरी भएको छ । कसैले सामान फेला पारेमा काठमाडौंको हकमा प्रहरी वृत्त मालिगाउँ र अरु स्थानको हकमा सम्बन्धित जिल्लाका प्रहरी कार्यालयहरुमा बुझाउन नभए कारवाही हुने सूचनामा उल्लेख छ । चोरी…

काठमाडौं,३० असार। प्रहरीले स्रोत नखुलेको साढे ७ लाख बढी रुपैयाँसहित तीान जनालाई पक्राउ गरेको छ । पक्राउ पर्नेहरुमा बाँकेको कोहलपुर नगरपालिका-५ का १९ वर्षीय प्रयास लम्साल, २० वर्षीय युवल बलायर र नेपालगंज उपमहानगरपालिका-१८ कारकाँदो का २६ वर्षीय ऋषिकेश मिश्रा रहेको प्रहरीले जनाएको छ । इलाका प्रहरी कार्यालय कोहलपुरबाट खटिएको प्रहरीले बा ८७ प ९०२० नम्बरको स्कुटरमा सवार उनीहरुलाई ७ लाख ६६ हजार रुपैयाँसहित पक्राउ गरेको हो । घटनाका सम्बन्धमा आवश्यक अनुसन्धान अघि बढाइएको प्रहरीले जनाएको छ ।

काठमाडौं, ३० भदौ । नवनियुक्त तीन जना मन्त्रीहरुले पद तथा गोपनीयताको शपथ ग्रहण गरेका छन् । सोमबार शीतल निवासमा आयोजित समारोहमा राष्ट्रपति रामचन्द्र पौडेलले नवनियुक्त अर्थमन्त्री रामेश्वर खनाल, ऊर्जा, जलस्रोत तथा सिँचाइमन्त्री कुलमान घिसिङ र गृहका साथै कानुन, न्याय तथा संसदीय मामिलामन्त्री ओम प्रकाश अर्याललाई शपथ गराएका हुन्। पूर्वसचिव समेत रहेका खनालले अर्थ मन्त्रालयको जिम्मेवारी सम्हालेका मौका पाएका हुन्। त्यस्तै, नेपाल विद्युत प्राधिकरणका पूर्वकार्यकारी निर्देशक घिसिङलाई उर्जाका साथै भौतिक योजना तथा यातायात र सहरी विकास मन्त्रालयको पनि जिम्मेवारी दिइएको छ। अधिवक्ता र जेनजी आन्दोलनका सहजकर्ता रहेका अर्यालले भने गृह र कानुन मन्त्रालय सम्हाल्ने अवसर पाएका हुन् । शपथ ग्रहण समारोहमा…

काठमाडौं,,२९ भदौ। राष्ट्रिय स्वतन्त्र पार्टी (रास्वपा) की नेतृ सुमना श्रेष्ठले पार्टी छोडेकी छन् । उनले रास्वपाका केन्द्रीय सदस्यहरुको ग्रुपमा आफूले पार्टी छोडेको बताएकी हुन्। सुमना लामो समयदेखि रास्वपाभित्र असन्तुष्ट थिइन् । उनी प्रधानमन्त्री सुशीला कार्कीको शपथ ग्रहणमा पुगेपछि मन्त्री बन्न सक्ने चर्चा चलेको थियो । तर सुमना स्वयम्ले आफू मन्त्री अहिले नबन्ने र बाहिरैबाट सरकारलाई सघाउने बताएकी छन् । सुमनाले केही महिना अगाडि रास्वपाको सहमहामन्त्री पद त्यागेकी थिइन् । उनी निवर्तमान सांसद हुन् । उनले ग्रुपमा यस्तो लेखेकी छन्ः कहिल्यै गल्ती नस्विकार्ने । गल्तीमाथि गल्ती गरिरहने र त्यसको बोझ पार्टीका सबैले बोकिदिनु पर्ने । पार्टीभित्र आलोचना गर्नेहरूका विरुद्धमा मिडिया ट्रायल…