Author: क्लिक लुम्बिनी

काठमाडौं।२ कार्तिक। नेकपा एमालेका अध्यक्ष केपी शर्मा ओलीले आफुले प्रधानमन्त्रीमा सुशीला कार्कीको नाम सिफारिस नगरेको बताएका छन्। आइतबार काठमाडौंमा आयोजित सम्पादकहरुसँग साक्षात्कार कार्यक्रमलाई सम्बोधन गर्दै उनले संविधान र लोकतान्त्रिक प्रणाली, प्रक्रिया भित्रैबाट खोज्नका लागि आफूले राष्ट्रपतिसमक्ष सिफारिस गरेको तर त्यसमा सुशीला कार्कीको नाम कतै नभएको बताए । उनले राष्ट्रपतिसमक्ष गरेको सिफारिसको व्यहोरा पढेर सुनाउँदै कहीँकतै सुशीला कार्कीको नाम नभएको जिकिर गरे । ‘यसमा सुशीला कार्की सुन्नुभयो ? मैले लेखेको यत्ति हो । यसमा सुशीला कार्की भन्ने वा अरु कोही भन्ने केही छैन,’ व्यहोरा सुनाइसकेपछि उनले भने। संविधान र संसद् चलाउन हुँदैन भन्ने कुरा आफूले राष्ट्रपति रामचन्द्र पौडेल र प्रधानसेनापति अशोकराज…

काठमाडौं,२ कार्तिक । काठमाडौं,२ कार्तिक । नेकपाका महासचिव नेत्रविक्रम चन्द विप्लवले मुलुकमा ५ सय र हजारका नोट प्रतिबन्ध लगाउनुपर्ने बताएका छन् । आइतबार राजधानीमा आयोजित पत्रकार सम्मेलनमा उनले कालोधन लुकाइएको चर्चा भएकाले नोटबन्दी गर्नुपर्ने माग गरे । उनले भने, ‘विदेशी बैंक वा स्वदेशी बैंकमा लुकाइएको छ भने पनि छानबिन गर्नुपर्छ। पैसा जनतासँग छैन। कालोधन थुपारेको हल्ला छ। पैसा निष्क्रिय भएर बसेको छ। कानुन हक बाहेकको पूजीको छानबिन गर्नुपर्छ। राख्नेबाहेकको रकम जफत गर्नुपर्छ। अब ५ सय र हजारका नोट प्रतिबन्ध लगाउनुपर्छ। खारेज गर्नुपर्छ र नयाँ नोट निकाल्नुपर्छ।’ नेकपाले कृषि उत्पादन बढाउँदै ‘एकीकृत स्वामित्व’ अन्तरगत एउटा उद्योग सञ्चालन गर्ने निर्णय गरेको छ।…

भैरहवा,२ कार्तिक। दुई दशक अघि भैरहवामा दीपावली (तिहार) पर्वको रौनक छुट्टै थियो । सहर नै आर्कषक देखिन्थ्यो । सहरको विभिन्न स्थानको घर अगाडी लगाइने केराको बोट, लिपिएको आँगन, पालामा बलेको दीपले पुरै घर आँगन नै उज्यालो हुन्थ्यो । सांस्कृतिक झल्किन्थ्यो । सहर मनमोहक देखिन्थ्यो । भैरहवा लगायत वरीपरी क्षेत्रमा सांस्कृतिक कार्यक्रमहरु आयोजना हुन्थ्यो । जहाँ आन्तरिक तथा बाह्य पर्यटक यहाँको दीपावली हेर्न झुम्मिन्थे । देउसी भैलो खेल्नहरु आगनमा आएपछि परिवारिक खुसी नै छुट्टै हुन्थ्यो (जुन अहिले पनि छ) । यहाँको दीपावली पर्वको तस्विर चर्चित क्यालेण्डरहरुमा प्रकाशित हुन्थे । तर, मुलुकमा अपराधिक क्रियाकलाप बढ्दैसँगै समाजमा बढ्दो त्रासले दीपावलीको चमक र रौनक…

लुम्बिनी, २ कार्तिक । रुपन्देहीको लुम्बिनी सांस्कृतिक नगरपालिकाका नगर प्रमुख सजरुद्दीन मुसलमानको निधनसँगै उनले विकासका लागि चालेका कदमहरुले सार्थकता पाउन थालेको छ । नगरको विकासका एशियाली विकास बैक (एडिबी) को शहरी लचिलोपन र बसोबास योग्यता सुधार परियोजना अन्र्तगत नगरपालिका कार्यालयको प्रशासनिक भवन निर्माणका लागि नगरपालिकाको कार्यालय समेत र निर्माण कम्पनीबीच ठेक्का सम्झौता भएको छ । लुम्बिनी सांस्कृतिक नगरपालिका कार्यालयको आफ्नै प्रशासनिक भवन नहुँदा भाडा (बहाल) को भवनमा कार्यालय संचालन गर्नुपर्ने बाध्यात्मक अवस्था छ । जसका लागि बहालबापत मासिक लाखौं रुपैयाँ खर्च हुने गरेको छ । भवन निर्माण पश्चात सेवाप्रवाहमा पनि सहजता र बहालमा हुने खर्च रकम नगर विकासमा खर्च गर्न…

काठमाडौं, २ कार्तिक। क्रान्तिकारी कम्युनिस्ट पार्टी नेपालको महासचिव मोहन वैद्य किरणले पदबाट राजीनामा दिएका छन्। उमेरले ८० वर्ष पुगेका उनी केही वर्षदेखि अस्वस्थ छन्। महासचिवबाट राजीनामा दिएपछि उनले नेता सीपी गजुरेललाई महासचिवको जिम्मेवारी दिएका छन्। वैद्यले स्वैच्छिक राजीनामा दिएको बताइएको छ । पुष्पकमल दाहाल नेतृत्वको माओवादीसँग विद्रोह गरी २०६९ सालमा मोहन वैद्यको नेतृत्वमा नयाँ पार्टी ‘नेकपा-माओवादी’ बनेको थियो ।

काठमाडौं,३१ असोज। प्रहरी मुख्यालयले दुई जिल्लाका एसपी (प्रहरी उपरीक्षक)हरुलाई हेडक्वार्टर तानेको छ । धनुषाका एसपीलाई नरहरि रेग्मीलाई तानेर उनको स्थानमा मानव बेचबिखन अनुसन्धान ब्यूरोमा कार्यरत रुगम कुवँरलाई पठाइएको छ। त्यस्तै रौतहटमा ६ महिनादेखि कार्यरत एसपी नेत्रमणि गिरीलाई फिर्ता बोलाएर एसपी रवीन कार्कीलाई जिम्मेवारी दिइएको छ। कार्की काठमाडौं उपत्यका प्रहरी कार्यालय रानिपोखरीमा कार्यरत थिए ।

काठमाडौं,३१ असोज। गृहमन्त्री ओमप्रकाश अर्यालले नेपाल प्रहरीलाई पर्याप्त स्रोत,साधन उपलब्ध नभए आगामी प्रतिनिधि सभा सदस्यको निर्वाचन गराउने कार्य प्रभावित हुनेमा सरकार सतर्क रहेको बताएका छन् । ७० औं प्रहरी दिवसको अवसरमा आयोजित प्रहरी मुख्यालयमा आयोजित कार्यक्रमलाई सम्बोधन गर्दै उनले प्रहरीलाई स्रोत, साधनयुक्त बनाउन तत्काल आवश्यक कदम अघि बढाउने बताए । नेपाल प्रहरी कानुन कार्यान्वयनमा अग्र पङ्क्तिमा रहने र सरकारप्रतिको धारणा र प्रतिक्रियामा समेत निशानामा पर्ने सङ्गठन रहेको बताए । गत भदौ २३ र २४ गतेको विरोध प्रदर्शन र आन्दोलन यसैको प्रतिबिम्ब भएको अर्यालले जिकिर गरे। जेनजी आन्दोलनका क्रममा प्रहरीका सांगठनिकदेखि व्यक्तिगत सामानहरु पनि लुटपाट र आगजनी भएको र स्रोत साधनको…

काठमाडौं,३१ असोज। नेपाल प्रहरीमा सर्बोत्कृष्ट अनुसन्धानकर्ताको पुरस्कार प्रहरी नायब उपरीक्षक (डीएसपी) धर्मराज भण्डारीलाई प्रदान गरिएको छ ७० औं प्रहरी दिवसको अवसरमा प्रहरी मुख्यालयमा आयोजित कार्यक्रममा गृहमन्त्री ओमप्रकाश अर्यालले केन्द्रीय अनुसन्धान ब्यूरो (सीआईबी) मा कार्यरत भण्डारीलाई पुरस्कार प्रदान गरेका हुन्। भण्डारी ठूला घटनाको अनुसन्धानमा संलग्न रहँदै आएका छन्। जिल्ला प्रहरी कार्यालय रामेछापमा कार्यरत डीएसपी भोला भट्टलाई पूर्ण शान्ति पुरस्कार दिइएको छ। त्यस्तै, जेनजी आन्दोलनमा कारागारबाट कैदी भाग्न नदिई साहसिक कार्य गरेकोले डिल्लीबजार कारागारमा कार्यरत इन्सपेक्टर दुर्गा राईलाई योगेन्द्र स्मृती साहसीक पुरस्कार प्रदान गरिएको छ। यस्तै अवकाशप्राप्त प्रहरी नायव महानिरीक्षक कृष्णबहादुर रानालाई लाइफटाइम अचिभमेन्ट अवार्ड प्रदान गरिएको छ।

काठमाडौं,३१ असोज। नेपालको बजारमा सुनको मूल्य शुक्रवार पनि बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ७ हजार १०० रुपैयाँ बढेर प्रतितोला २ लाख ५८ हजार रुपैयाँ पुगेको छ। बिहीबार सुन तोलामा २ लाख ५० हजार ९०० रुपैयाँमा कारोबार भएको थियो। शुक्रवार चाँदीको मूल्य पनि बढेको छ। बिहीबार तोलामा ३ हजार २७५ रुपैयाँ कायम भएको चाँदीको मूल्य शुक्रवार बढेर ३ हजार ३५० रुपैयाँ कायम भएको महासंघले जनाएको छ।

काठमाडौं,३१ असोज। राष्ट्रियसभाका अध्यक्ष नारायणप्रसाद दाहाल स्वीजरल्याण्ड प्रस्थान गरेका छन्। अन्तर–व्यवस्थापिका संघको १५१ औँ महासभामा सहभागी हुन दाहाल स्वीजरल्याण्ड प्रस्थान गरेका हुन्। टोलीमा राष्ट्रियसभाका सदस्यहरु गोपीबहादुर सार्की आछामी र मदनकुमारी शाह (गरिमा) सहभागी छन्। कात्तिक २ गतेदेखि ६ गतेसम्म स्विट्जरल्याण्डको जेनेभामा आयोजना हुने महासभामा अध्यक्ष दाहालले नेपालको तर्फबाट सम्बोधन गर्नेछन् भने विभिन्न देशका संसद्का प्रमुखहसँग द्विपक्षीय भेटघाट गर्ने कार्यक्रमसमेत रहेको संघीय संसद सचिवालयका सहसचिव एवं प्रवक्ता एकराम गिरीद्वारा जारी विज्ञप्तिमा उल्लेख छ । अन्तर–व्यवस्थापिका संघका स्थायी समितिका कार्यक्रममा प्रतिनिधिमण्डलमा सम्मिलित सदस्यहरु सहभागी हुनेछन्। उक्त टोली आगामी कात्तिक ९ गते स्वदेश फर्किने कार्यक्रम रहेको संघीय संसद सचिवालयले जनाएको छ।