Author: क्लिक लुम्बिनी

स्याङ्जा, १४ साउन । स्याङ्जा प्रहरीले २०५० सालमा विवाह समारोहमा अपराध गरेर फरार रहेका एक जनालाई प्रतिवादीलाई पक्राउ गरेको छ। पक्राउ पर्नेमा पोखरा महानगरपालिका-१७ तल्लोबिरौटाटोलका ४६ वर्षीय बाजिन्द्र बहादुर सोतीमगर रहेको प्रहरीले जनाएको छ। जिल्ला प्रहरी कार्यालय स्याङ्जाका अनुसार, पक्राउ परेका प्रतिवादीले २०५० साल फागुन मा तत्कालीन स्याङ्जा जिल्लाको रत्नपुर गा.वि.स–२, धुर्कोट (हाल चापाकोट नगरपालिका–२) मा आयोजित विवाह समारोहका स्थानीय ६० वर्षीय हस्ते विकमाथि कुटपिट गरेका थिए। उपचारको क्रममा विकको मृत्यु भएपछि प्रहरीले सोतीमगरविरुद्ध कर्तव्य ज्यान मुद्दा दर्ता गरेको थियो। सर्वोच्च अदालतले ०५९ असोज ७ गते घटनामा संग्लन सोतीमगरलाई २ वर्ष कैद सजायको फैसला गरेको थियो। त्यसयता उनी फरार थिए…

भैरहवा,१४ साउन। राष्ट्रिय स्वतन्त्र पार्टी (रास्वपा) को संसदीय दलको बैठक भैरहवामा बस्ने भएको छ। पार्टीका प्रवक्ता मनिष झाका अनुसार बुधवार अपरान्ह १ बजेदेखि ४ बजेसम्म संसदीय दलको बैठक आह्वान गरिएको छ। बैठकको भैरहवाको एक होटलमा बस्ने बताइएको छ। बैठकमा सहभागी हुनका लागि केही सांसद मंगलबार भैरहवा पुगिसकेका छन् भने केही आज आउने बुझिएको छ। मंगलबार भैरहवा पुगेका पार्टी उपसभापतिद्वय डिपी अर्याल, डा.स्वर्णिम वाग्ले, महासचिव कविन्द्र बुर्लाकोटी, प्रवक्ता मनिष झासहितका सांसदहरुले स्थानीय व्यक्तिहरुसँगको भेटघाटमा चुनावी छलफल गरेका छन्। रास्वपा अहिले संसदीय दलको नेताविहीन छ । सभापति रवि लामिछानेको सांसद पद निलम्बित भएपछि अर्को संसदीय दलको नेता चयन गरिएको छैन भने कसैलाई…

लुम्बिनी, १३ साउन। दीगो विकासका लागि बौद्ध शिक्षा र कुटनीति विषयक लुम्बिनीमा दुई अन्तर्राष्ट्रिय गोष्ठी १५ बुँदे घोषणापत्र जारी गर्दै सकिएको छ । लुम्बिनी बौद्ध विश्वविद्यालयको आयोजना र साउथ एसिया फाउण्डेशन, भारतीय राजदूतावासको सहकार्यमा भएको गोष्ठीमा नेपाल र भारतका कुटनीतिज्ञ, विश्वविद्यालयका पदाधिकारी तथा बौद्ध विद्वानहरुको सहभागीता थियो । गोष्ठीले बौद्ध दर्शनमा आधारित रही विश्वव्यापी शान्ति कुटनीति विस्तारमा जोड दिएको छ । लुम्बिनीलाई शान्ति अनुसन्धानको प्रमुख केन्द्रका रुपमा विकास गर्ने घोषणा गोष्ठीमार्फत गरिएको छ । विश्वका संघर्षग्रस्त संवेदनशील क्षेत्रहरूमा संवाद र समस्या समाधानका लागि बौद्ध वातावरणीय कूटनीतिक केन्द्रहरु स्थापना गर्नुपर्ने गोष्ठीबाट निष्कर्ष निकालिएको छ । प्रकृतिप्रति करुणा र अन्तरनिर्भरता सम्बन्धी बुद्धका…

बैतडी,१३ साउन। बैतडीको सिगास गाउँपालिका-४ स्थित आधारभूत स्वास्थ्य केन्द्र कन्धारमा कार्यरत अनमी (सहायक नर्स मिडवाइफ) जानकी पूजाराले श्वाँस फेर्न नसकेको नवजात शिशुको ज्यान बचाएकी छन्। गत साउन ८ गते रातिको समयमा स्थानीय लक्ष्मी धामीले शिशुलाई जन्म दिएकी थिइन् । तर, जन्मिएको शिशुले श्वाँस फेर्न नसकेपछि स्वास्थ्य उपकरणहरुको अभावका कारण तत्काले उनले आफैंले मुखमार्फत कृत्रिम श्वाँस दिँदै शिशुको ज्यान बचाएकी हुन्। ‘राति ९ बजेर ३३ मिनेटदेखि बिहान ४ बजेसम्म लगातार मुखबाट श्वाँस दिएपछि शिशुको ज्यान जोगिएको’, उनले भनिन्, ‘त्यो बेलामा स्वास्थ्य केन्द्रमा एउटै एम्बु बेग थियो, त्यो पनि साइज नमिलेको। त्यसैले बाध्य भएर मुखै प्रयोग गरें।’ उनका अनुसार नवजात शिशुलाई जोगाउन…

कैलाली,१३ साउन। सुदूरपश्चिम प्रदेश सरकारका दुई मन्त्री सवार गाडीहरु एकआपसमा ठोक्किएका छन्। मंगलबार कैलालीमा आयोजित कार्यक्रममा सहभागी हुन जाँदै गर्दा भौतिक पूर्वाधार विकास मन्त्री सुरेन्द्र पाल र आन्तरिक मामिला तथा कानुन मन्त्री हिरासिंह सार्की सवार गाडीहरु चिसापानी नजिकैको सडक खण्डमा एक आपसमा ठोक्किएको जिल्ला प्रहरी कार्यालय कैलालीका डीएसपी राजकुमार सिंहले बताए। दुर्घटनाले सामान्य क्षतिबाहेक मानवीय चोटपटक नलागेको प्रहरीले जनाएको छ।

काठमाडौं,१३साउन। संघिय लोकतान्त्रिक मोर्चाले निर्धारित कार्यक्रम सञ्चालनका लागि ८ जिल्लामा संयोजक तोकेको छ। सिंहदरबारमा बसेको संघिय लोकतान्त्रिक मोर्चाको मूल समितिको बैठकमा पार्टीहरुले नै कार्यक्रमको अध्यक्षता गर्ने गरी संयोजक तोकिएको हो। जनता समाजवादी पार्टी, नेपालका महासचिव रामकुमार शर्माका अनुसार भैरहवामा नागरिक उन्मुक्ति पार्टी, काठमाडौँमा लोकतान्त्रिक समाजावादी पार्टी, विराटनगरमा जसपा नेपाल, राजविराजमा राष्ट्रिय मुक्ति पार्टी, जनकपुरमा तमलोपा, वीरगञ्जमा लोकतान्त्रिक समाजवादी पार्टी, नेपालगञ्जमा जनता प्रगतिशील पार्टी र जसपा, नेपालले कार्यक्रमको संयोजन गर्नेछ। बैठकमा मधेस प्रदेशमा खडेरीको समस्याबारे पनि छलफल भएको उनले बताए।

भैरहवा,१३ साउन। के तपाईले घर/पसलको फोहोर सडकमा फाल्ने गर्नुहुन्छ ? यदि फाल्ने गर्नुहुन्छ भने अब बन्द गर्नुहोला। किनभने रुपन्देहीको सिद्धार्थनगर नगरपालिकाको कार्यालयले सडकमा फोहोर फाल्ने उपर कारवाही सुरु गरेको छ। साथै, सडकमा फोहोर फाल्ने क्रमको अवस्थाको भीडियो बनाएर सामाजिक संजाल मार्फत सार्वजनिक समेत गर्न थालिएको छ।सरसफाई तथा फोहोर उठाउन नियमित रुपमा टोल–टोलमा ट्याक्टर पुग्दा समेत स्थानीयहरुले सार्वजनिक स्थान, सडक किनार जस्ता क्षेत्रमा फोहोर फाल्ने क्रम नरोकेपछि पछिल्लो समय पालिकाले कडाई गरेको हो । नगरपालिकाले फोहोरको प्रकृति अनुसार जथाभावी फोहोर फाल्नेलाई फोहोरमैला व्यवस्थापन ऐन २०६८ को दफा ३८ (क) अनुसार ५० हजारसम्म जरिवाना कारवाही गर्न सक्ने व्यवस्था छ। जसअनुसार पछिल्लो दुई…

पोखरा, १२ साउन। विगत केही दिनदेखि सम्पर्कविहिन रहेका सिन्धुलीका हायू परिवार पोखराको गगनगौंडामा भेटिएका छन्। परिवारका १६ जना सदस्यहरु मध्ये एक जना छोरी सुजता हायू पहिल्यै देखि श्रीमानसँग काठमाडौंमा बस्दै आएकी थिइन् । सम्पर्कविहिन भएका परिवारका सदस्यहरु पोखरा महानगरपालिका–३० स्थित गगनगौंडा भेटिएको जिल्ला प्रहरी कास्कीका एसपी श्यामबाबु ओलियाले बताए। उनका अनुसार परिवारका सदस्यहरु सोमनाथ पौडेल र चन्द्र भण्डारीको घरमा बसिरहेको अवस्थामा फेला परेका हुन्। सिन्धुलीबाट सबैजना गाडी रिजर्भ गरेर पोखरा आएका थिए। शनिवार उनीहरु पोखराको होटलमा बसेर आइतबार होटलबाट निस्किएका थिए। परिवारका सदस्यहरुले आफुहरु मजदुरीको काम गर्न पोखरा आएको प्रहरीलाई बताएका छन्। परिवारका सदस्यहरुलाई इलाका प्रहरी कार्यालय सिसुवा ल्याएर आफन्तको…

काठमाडौं,१२ साउन। नेपाल प्रहरीको एसएसपी बढुवा सिफारिस विरुद्ध उजुरी परेको छ। गत साउन ५ गते बढुवा समितिले ११ जना एसपीहरुलाई एसएसपीमा बढुवाका लागि सिफारिस गरेको थियो । मेरिट लिस्टको पहिलो नम्बरमा रहेका एसपी बिमल बस्नेतलाई बढुवामा छुटाइएपछि बढुवा उपर उजुरी सुन्ने समितिमा उनले वारेसमार्फत उजुरी दिएको बुझिएको छ। उनी देशबाहिर रहेकोले वारेसमार्फत उजुरी दिएका हुन्। उजुरी परेसँगै बढुवा प्रक्रिया रोकिएको छ। २०७७ मा एसपी बस्नेत कर्णाली प्रदेशको ट्राफिक प्रहरी प्रमुख हुँदा अनियमिततामा संलग्न रहेकाले निलम्बनमा पर्नुका साथ ५ वर्ष बढुवा रोक्काको कारबाही भएको थियो। बढुवा रोक्काको अवधि सकिएपछि पनि छुटाइएको भन्दै उनले उजुरी दिएका हुन्। तर, कारवाहीको समय सीमा अझै…

काठमाडौं,१२ साउन । गृह मन्त्रालयले दुई जना प्रमुख जिल्ला अधिकारी (सीडिओ) हरुको सरुवा गरेको छ। मन्त्रालयले रुपन्देहीका सीडिओ बासुदेव घिमिरे र सिन्धुपाल्चोकका सीडिओ किरण थापालाई मन्त्रालयमा तानेको हो। घिमिरेको स्थानमा मन्त्रालयको विपद तथा द्वन्द्व व्यवस्थापन महाशाखाका प्रमुख टोकराज पाण्डेयलाई सीडिओ बनाइएको छ भने थापाको स्थानमा बन्धु बास्तोलालाई पठाइएको छ। मन्त्रालय तानिएका घिमिरे र थापाले कुन विभागको जिम्मेवारी सम्हालने अझै स्पष्ट निर्णय सार्वजनिक भइसकेको छैन।