Author: क्लिक लुम्बिनी

काठमाडौं,११ साउन। जबरजस्ती करणी गरेको आरोपमा प्रहरीले दुई जनालाई पक्राउ गरेको छ। मोरङ र उदयपुरमा भएको जबरजस्ती करणीका घटनामा २ जना पक्राउ परेका हुन् । मोरङमा १४ वर्षीया बालिकालाई जबरजस्ती करणी गरेको आरोपमा सुन्दरहरैंचा नगरपालिका-६ नमुना चोकका ३७ वर्षीय खगेन्द्र विक रहेका छन्। विकले ती बालिकालाई जबरजस्ती करणी गरेको भन्ने उजुरीको आधारमा प्रहरी चौकी गछियाबाट खटिएको प्रहरीले उनलाई पक्राउ गरेको हो। त्यस्तै उदयपुरमा २४ वर्षीया युवतीलाई जबरजस्ती करणी गरेको आरोपमा चौदण्डीगढी नगरपालिका-९ हडियाका ४८ वर्षीय गजेन्द्र गिरीलाई शनिबार साँझ पक्राउ गरिएको प्रहरीले जनाएको छ। गिरीले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय बेल्टारबाट खटिएको प्रहरीले उनलाई…

काठमाडौं,११ साउन। नेपाल प्रहरी प्रधान कार्यालयले गैरहाजिर भएका प्रहरीलाई स्पष्टिकरण सहित उपस्थित हुनका लागि सूचना जारी गरेको छ । विभिन्न पदमा कार्यरत प्रहरी आफुखुशी गैरहाजिर भएको र खोजतलास गर्नुका साथै प्रक्रिया अनुसार सूचना टाँस गर्दा समेत सम्पर्कमा नआएकोले उपस्थित हुनका लागि प्रधान कार्यालयले आइतबार सूचना जारी गरेको हो । प्रहरी प्रधान कार्यालयको प्रहरी महानिरीक्षकको सचिवालय, कानुन शाखाले जारी गरेको सूचना अनुसार ०८१ चैत देखि ०८२ असारसम्म कार्यालय सहयोगी देखि लिएर प्रहरी सहायक निरीक्षक तहसम्मका कर्मचारीहरु सगँठनको सम्पर्कमा छैनन्। सबैभन्दा बढी प्रहरी जवान सम्पर्कबिहिन छन्। प्रधान कार्यालयले विभिन्न पदमा कार्यरत २२ जना कर्मचारीहको नामसहितको विवरण सार्वजनिक गर्दै ७ दिनभित्र उपस्थित हुन…

सुर्खेत, ११ साउन। सुर्खेतमा श्रीमानले श्रीमतीको हत्या गरेका छन्। हत्याको आरोपमा प्रहरीले वीरेन्द्रनगर नगरपालिका-१३ करेखोलाका ४५ वर्षीय दानसिंह ठाडा मगरलाई पक्राउ गरेको छ। बेलुकाको खाना खाइसकेपछि श्रीमान दानसिंहले ४१ वर्षीया श्रीमती रविना थापा सुतेपछि खाटको खुट्टा बनाउन राखिएको काठले टाउकोमा हिर्काएर हत्या गरेका प्राराम्भिक अनुसन्धानमा पाइएको जिल्ला प्रहरी कार्यालय सुर्खेतका डीएसपी एवं प्रवक्ता मोहनजंग बुढाथापाले बताए। हत्यापश्चात विदेशमा रहेका छोराछोरीहरुलाई फोन गरेर घटनाबारे सुनाएका थिए । उनको एउटा छोरा दुबईमा र एउटी छोरी जापानमा छन्। अर्की एउटी छोरी सुर्खेतमै छिन्। त्यसपछि उनले प्रहरीको फोन माग्न वडाध्यक्षलाई फोन गरेका थिए। आफैले घटनाबारे जानकारी गराएपछि उनलाई नियन्त्रणमा लिएर अनुसन्धान सुरु गरिएको डीएसपी…

काठमाडौं,११ साउन। प्राइम बैंकले लामो समयदेखि निष्क्रिय रहेका र शून्य मौज्दात भएका (पैसा नभएका) खाताहरु बन्द गर्ने भएको छ। हालै एक सार्वजनिक सूचना जारी गर्दै १० वर्षभन्दा बढी समयदेखि कुनै कारोबार नभएका र खातामा पैसा नभएका खाताहरु बन्द गर्ने बैंकले जनाएको छ। बैंकका अनुसार, यदि खाता १० वर्षसम्म सञ्चालनमा नआएको र त्यसमा कुनै मौज्दात नरहेको अवस्थामा मात्र यस्ता खाताहरु बन्द गरिनेछन्। यद्यपि त्यस्ता खाता पुनः सञ्चालनमा ल्याउन चाहेकमा खातावालहरुले सूचना प्रकाशित भएको ७ दिनभित्र बैंकको जुनसुकै शाखा कार्यालय गएर सम्पर्क राख्न सक्नेछन्। तोकिएको अवधिभित्र सम्पर्क नगरिएमा बैंकले त्यस्ता खाताहरुलाई बन्द गर्ने जनाएको छ।

काठमाडौं, ११ साउन। नेपालमा धानचामलको आयातमा बढेको छ। जसका कारण अर्बौं रुपैयाँ विदेशिएको छ। आर्थिक वर्ष २०८०/८१ को तुलनामा आर्थिक वर्ष २०८१/८२ मा धानचामल आयात करिब दोब्बरले बढेको भन्सार विभागले जनाएको छ। विभागको तथ्यांक अनुसार, गत आर्थिक वर्ष २०८१/८२ मा नेपालले ४० अर्ब १८ करोड रुपैयाँ बराबरको धानचामल आयात गरेको छ। यो अघिल्लो आर्थिक वर्ष २०८०/८१ मा भएको २२ अर्ब २२ करोड रुपैयाँको आयातभन्दा निकै बढी हो। आयातित वस्तुमध्ये धानको परिमाण सबैभन्दा धेरै छ। गत आर्थिक वर्षमा २१ अर्ब ५२ करोड २७ लाख ८४ हजार रुपैयाँ बराबरको ५३ करोड ३७ लाख १५ हजार २५९ केजी धान आयात भएको छ। अघिल्लो…

काठमाडौं,११साउन। देशभर मनसुनी वायुको प्रभाव कमजोर रहेको छ । जल तथा मौसम पूर्वानुमान महाशाखाका अनुसार मनसुनको न्यूनचापीय रेखा सरदर स्थानको आसपास अवस्थित रहेकोछ। आज दिउँसो देशभर साधारणतया बदली रहनेछ । देशका पहाडी भू-भागका केही स्थानहरूमा तथा तराई भू–भागका थोरै स्थानहरुमा मेघगर्जन/चट्याङसहित मध्यम वर्षाको सम्भावना रहेको महाशाखाले जनाएको छ। कोशी प्रदेश, बागमती प्रदेश, गण्डकी प्रदेश र कर्णाली प्रदेशका पहाडी भू–भागका एक-दुई स्थानमा भारी वर्षा र मधेश प्रदेश र लुम्बिनी प्रदेशका तराईमा हावाहुरी चल्ने सम्भावना रहेको छ । यस्तै आज राति देशभर साधारणतया बदली रहनेछ। कोशी प्रदेश र सुदुरपश्चिम प्रदेश लगायत देशका पहाडी भू-भागका केही स्थानहरुमा तथा बाँकी तराई भू–भागका थोरै स्थानहरुमा…

सिरहा,१० साउन। सिरहामा प्रहरीले गोली चलाएर लागुऔषध ब्राउनसुगरसहित एक भारतीय नागरिकलाई पक्राउ गरेको छ।पक्राउ पर्नेमा भारतको मधुवनी जिल्ला अन्तर्गत ग्राम पंचायत बिरपुरका श्यामसुन्दर पासवान रहेको प्रहरीले जनाएको छ। पक्राउ परेका पासवानले भारतबाट लागुऔषध ल्याउँदै गरेको विशेष सूचनाका आधारमा जाँच गर्न खोज्दा उनी भाग्न खोजेपछि एक राउन्ड हवाइ फायर गरिएको जिल्ला प्रहरी कार्यालय सिरहाका डीएसपी एवं प्रवक्ता बिरेन्द्र पासवानले जानकारी दिए। उनका अनुसार पासवानको साथबाट ५० ग्राम ब्राउनसुगर बरामद गरिएको छ। पक्राउ परेका पासवानलाई थप अनुसन्धानका लागि इलाका प्रहरी कार्यालय महेशपुरपतारमा पठाइएको प्रहरीले जनाएको छ।

चितवन,१० साउन। चितवनमा केही क्षेत्रमा भोली (आइतबार) ६ घण्टा लोडसेडिङ हुने भएको छ। नेपाल विद्युत् प्राधिकरण चनौली वितरण केन्द्रले अत्यधिक गर्मी र रोपाईंको समयमा आकाशे पानी नपरेकाले सिँचाइ ग्राहकको लोड बढ्न गएको भन्दै आइतबार ६ घण्टा लोडसेडिङको तालिका सार्वजनिक गरेको छ। सूचना अनुसार नारायणी-माडी, मेघौली-विजयनगर-शुक्रनगर र जगतपुर-रामपुर फिडरहरुमा लोडसेडिङ हुने भएको हो । भरतपुर १३२ र ३३ केभी सब स्टेशनबाट आउने ३३ केभी डग कन्डक्टर तारमा ३०० एम्पिएर भन्दा बढी विद्युत् प्रवाह गर्न नमिल्ने (क्षमताले नधान्ने) र माग बढेर उक्त तारमा ४५० एम्पिएरसम्म विद्युत् प्रवाह हुँदा लोड धान्न नसक्ने अवस्था रहेको वितरण केन्द्रले जनाएको छ। समस्या समाधान गरेर लोड व्यवस्थापन…

भैरहवा,१० साउन। रुपन्देहीको भैरहवास्थित बालसुधार गृहमा जबरजस्ती करणी मुद्दामा कैद सजाए भुक्तान गरिरहेका एक बालक (उमेरले युवा भएपनि मुद्दा दर्ता हुँदा बालक रहेको बालक भनिन्छ) को मृत्यु भएको छ। जिल्ला प्रहरी कार्यालय रुपन्देहीका डीएसपी गणेश सापकोटाका अनुसार शनिवार दिउँसो रुपन्देही सम्मरीमाई गाउँपालिका-४ का २१ वर्षीय सन्दिप गोसाईको झुण्डिएको अवस्थामा शव फेला परेको हो। बाल कैदीहरुको गणना गर्ने क्रममा गोसाई नभेटिएपछि खोजी गर्ने क्रममा सुधार गृहको तेस्रो तल्लामा रहेको स्टोर कोठामा नरिवलको डोरीले पासोमा झुण्डिएको अवस्थामा उनको शव बरामद भएको उनले बताए। विगत एक वर्षदेखि उनी सुधार गृहमा मोनिटर (नाइके) थिए। घटनाका सम्बन्धमा अनुसन्धान अघि बढाइएको प्रहरीले जनाएको छ।

भैरहवा,१०साउन। भैरहवास्थित पक्लिहवा कृषि क्याम्पस क्षेत्रको डण्डा खोलामा पौडी खेल्ने क्रममा डुबेर दुई बालकको मृत्यु भएको छ। प्रहरीका अनुसार पौडी खेल्ने क्रममा सिद्धार्थनगर नगरपालिका-९ का १४ वर्षीय प्रज्वल अर्याल र नवलपरासीको बिनय त्रीबेणी गाउँपालिका-६ घर भई हाल सिद्धार्थनगर नगरपालिका-७ का १५ वर्षीय दिनेश न्यौपानेको मृत्यु भएको हो। खोलामा पाँच जना पौडी खेल्न गएपनि दुई जना बालक बाहिर नआएपछि नेपाल प्रहरी र सशस्त्र प्रहरीको संयुक्त टोलीले खोजको क्रममा दुई जनालाई मृत अवस्थामा फेला पारेको थियो। शव पोष्टमार्टमका लागि भैरहवास्थित भीम अस्पतालमा पठाइएको र घटनाका सम्बन्धमा थप आवश्यक अनुसन्धान अघि बढाइएको जिल्ला प्रहरी कार्यालय रुपन्देहीले जनाएको छ।