Author: क्लिक लुम्बिनी

काठमाडौं,१९ जेठ। प्रधानमन्त्री एवं नेकपा एमालेका अध्यक्ष केपी शर्मा ओलीले सामाजिक सञ्जाल फेसबुकमा आफू झोले भएको पोस्टर पोष्ट गरेका छन्। पोष्ट गरिएको पोष्टरमा लेखिएको छ,‘म झोले हो। एउटा सामन्ती परिवारको दास बन्नु भन्दा देशमा परिवर्तन र विकासको झोला बोकेर हिँड्नु कयौं गुणा उत्तम चरित्र हो।’, पोस्टरको साथै स्टाटस पनि लेखिएको छ। जहाँ ओलीले झोले आरोपबाट नडराउन कार्यकर्तालाई प्रोत्साहन गरेका छन् । ‘सामाजिक सञ्जालमा झोले भनेर खेदियो भन्दैमा सत्य अँगाल्न नछोडौं । सामुहिक र संगठित आक्रमणबाट हरेकले आफ्नो निजत्व जोगाउन पर्छ’, ओलीले लेखेका छन् ।

नवलपुर,१९जेठ। पूर्वी नवलपरासीमा सवारी दुर्घटना हुँदा एक जनाको मृत्यु भएको छ । साथै ६ जना घाइते भएका छन्। सोमबार बुटवलबाट नारायणघाटतर्फ बिरामी बोकेर आउँदै गरेको ना ४ च १६४६ नम्बरको एम्बुलेन्स र रजहर चोकबाट दुम्कौलीतर्फ गइरहेको केउरेनीस्थित दिव्य एकेडेमी बोर्डिङ स्कुलको बा २० च ७२ नम्बरको भ्यान देवचुली नगरपालिका २ स्थित दुम्कौली चोकमा दुर्घटना भएको प्रहरीले जनाएको छ। दुर्घटनामा गम्भिर घाइते भएका स्कूल भ्यानका चालक देवचुली नगरपालिका–१ का ५२ वर्षीय कुल प्रसाद सुबेदीको अस्पतालमा उपचारको क्रममा मृत्यु भएको पूर्वी नवलपरासीका डीएसपी मधु नेपालले बताए। एम्बुलेन्समा सवार घाइते भएका बुटवल उपमहानगरपालिका–३ गोलपार्कका ३६ वर्षीया लक्ष्मी राई, २५ वर्षीया इसु राई र…

काठमाडौं,१९ जेठ। सुनको मूल्य बढेको छ। नेपाल सुनचाँदी व्यवसायी महासंघका अनुसार आज सुन प्रतितोला एक हजार रुपैयाँले बढेर १ लाख ८९ हजार ८ सय रुपैयाँमा कारोबार भइरहेको छ। अघिल्लो दिन आइतबार प्रतितोला १ लाख ८८ हजार ८ सय रुपैयाँमा कारोबार भएको थियो । त्यस्तै चाँदीको मूल्य पनि प्रतितोला ५ रुपैयाँले बढेको छ। अघिल्लो दिन प्रतितोला १ हजार ९८५ रुपैयाँमा कारोबार भएको चाँदी आज १ हजार ९९० रुपैयाँमा किनबेच भइरहेको छ।

काठमाडौं, १९ जेठ । उपप्रधानमन्त्री एवं अर्थमन्त्री विष्णु प्रसाद पौडेल र अन्तर्राष्ट्रिय मुद्रा कोष (आइएमएफ) को मिसन प्रमुख सरवत जहानबीच सोमबार शिष्टाचार भेटवार्ता भएको छ । सो अवसरमा अर्थमन्त्री पौडेल र मिसन प्रमुख जहानबीच छैठौं समीक्षा, संरचनागत सुधार लगायतका विषयमा छलफल भएको छ ।

काठमाडौं,१८जेठ। राजावादीहरुको प्रदर्शनका क्रममा प्रहरीले नियन्त्रणमा लिएको राप्रपा नेपालका अध्यक्ष कमल थापा र राप्रपा संसाद दीपक सिंहसहित ७ जनालाई रिहा गरेको छ। जिल्ला प्रहरी परिसर काठमाडौंका प्रवक्ता अपीलराज बोहोराका अनुसार एक जनाबाहेक अन्य सात जनालाई जमानीमा रिहा गरिएको छ। हिरासतमा रहेका राजीव झालाई मुद्दा चलाउने प्रहरीको तयारी छ। निषेधित क्षेत्र तोड्ने प्रयास गरेपछि नक्साल क्षेत्रबाट प्रहरीले आइतबार थापासहित शिला राणा, राकेश बस्नेत, विनोद कपाली, रामचन्द्र लामिछाने र सरोज तिमल्सिनालाई पक्राउ गरेको थियो।

भैरहवा,१८जेठ। अन्डर–१६ राष्ट्रिय पुरुष क्रिकेट प्रतियोगिताका लागि लुम्बिनी प्रदेशस्तरीय टीम घोषणा गरिएको छ। लुम्बिनी प्रदेश क्रिकेट संघका कार्यबाहक अध्यक्ष विनय राजभण्डारीका अनुसार क्रिकेटर समीर अली मुसलमानको कप्तानीमा लुम्बिनी प्रदेशको टीम घोषणा गरिएको हो। आगामी जेठ १९ गतेदेखि ३१ गतेसम्म सुर्खेतको कालुनचोक क्रिकेट रंगशाला र बीरेन्द्रनगर क्रिकेट रंगशालामा आयोजना गरिएको यु–१६ राष्ट्रिय क्रिकेट प्रतियोगिताका लागि मुसलमानको कप्तानीमा लुम्बिनी प्रदेशका १८ खेलाडीको टीम बनाइएको छ। मुसलमान प्रदेशस्तरीय यु–१६ क्रिकेट छनोट खेलमा रुपन्देहीको टीमको समेत कप्तान थिए । छनोट खेलमा उनले एक शतक प्रहार गर्नुका साथै सबैजसो खेलमा उत्कृष्ट प्रदर्शन गरेका थिए । प्रदेशको टीममा रोजन कुमाल, रौनक श्रीवास्तव, सिद्धार्थ ढकाल, केशव बिष्ट,…

वीरगन्ज,१८जेठ। बारामा एक आठ वर्षीया नबालिकाको सामूहिक बलात्कार भएको घटना बाहिरिएको छ। जिल्ला प्रहरी कार्यालय पर्साका डीएसपी एवं प्रवक्ता विजयराज पण्डितका अनुसार बाराको प्रसौनी गाउँपालिकाकी ८ वर्षीया बालिकामाथि गत जेठ १३ गते रातिको समयमा सामूहिक बलात्कार घटनामा संग्लन आरोपमा ७ जनालाई पक्राउ गरिएको छ। पक्राउ परेकाहरु पनि कम उमेर सूमहका रहेकोले प्रहरीले उनीहरुको परिचय खुलाएको छैन। पीडित बालिकालाई उपचारका लागि नेशनल मेडिकल कलेजमा लगिएपछि त्यसको भोलीपल्ट मात्र अस्पताल प्रशासनबाट घटनाबारे प्रहरीलाई जानकारी प्राप्त भएको उनले बताए। उनले पक्राउ परेकाहरुको विरुद्ध जिल्ला अदालत बाराबाट ५ दिनको म्याद थप गरेर आवश्यक अनुसन्धान अघि बढाइएको र पीडित बालिकाको अस्पतालमा उपचार भइरहेको बताए।

भैरहवा,१८जेठ। जब गर्मीले तपाईंलाई सुस्त महसुस गराउन थाल्छ तब चिसो र स्फूर्तिदायी चीज पिउनु भन्दा राम्रो अरु केही हुँदैन। गर्मी मौसममा फलफूल र तरकारीहरु प्रशस्त मात्रामा हुने भएकाले गर्मीमा स्वस्थ रहन धेरै विकल्पहरु छन्। यी विकल्पहरु मध्ये सबैभन्दा राम्रो भनेको काँक्राको रस हो। यो स्वादिष्ट मात्र होइन तौल घटाउन पनि मद्दत गर्छ। यदि तपाईं चिनीयुक्त गर्मी पेय पदार्थको स्वस्थ विकल्प चाहनुहुन्छ भने यो उत्तम हो। हाइड्रेटेड राख्छ तौल घटाउँदा हाइड्रेसनलाई प्रायः बेवास्ता गरिन्छ। वेब अफ साइन्सको एक अध्ययनले काँक्रामा लगभग ९५ प्रतिशत पानी हुने देखाएको छ। काँक्राको रस पिउनाले तिर्खा मेट्छ र शरीरको प्राकृतिक डिटोक्सिफाइलाई समर्थन गर्छ। डिहाइड्रेसनले शरीरमा पानी…

काठमाडौं,१८जेठ। प्रहरीले राष्ट्रिय प्रजातन्त्र पार्टी नेपालका अध्यक्ष कमल थापालाई नियन्त्रणमा लिएको छ। आइतबार भएको राजावादीको प्रर्दशन बालुवाटारमा प्रहरीले राखेको ब्यारियर तोडेर अघि बढ्न खोजेपछि थापालाई नियन्त्रणका लिइएको जिल्ला प्रहरी परिसर काठमाडौंका एसपी अपील राज बोहराले बताए। उनका अनुसार थापासहित पाँच जनालाई नियन्त्रणमा लिइएको छ। बालुवाटार क्षेत्रलाई निषेधित क्षेत्र तोकिएको छ। राजावादीहरुले गत जेठ १५ गतेबाट काठमाडौंमा प्रर्दशन गर्दै आएका छन्।

भैरहवा,१८जेठ। नेपाल प्रहरी केन्द्रीय अनुसन्धान ब्यूरोले कर्णाली डेडेभलपमेन्ट बैंक लिमिटेडका संस्थापक अध्यक्ष राजेन्द्र वीर रायलाई पक्राउ गरेको छ। बैंकमा संकलन भएको बचतकर्ताहरुको २५० करोड भन्दा बढी रकम हिनामिना गरेको आरोपमा उनलाई भैरहवा (बेलहिया) बाट पक्राउ गरिएको ब्यूरोका प्रवक्ता एवं एसपी युवराज खड्काले जनाए। उनी लामो समयदेखि फरार थिए। ब्यूरोका अनुसार उनी बैंकको संस्थापक अध्यक्ष तथा तत्कालिन प्रमुख कार्यकारी अधिकृत हुन् भने पटक पटक संचालक समितिको अध्यक्ष पदमा रहेर रकम हिनामिना गरेको आरोप छ। पक्राउ परेका रायउपर बैंकिङ कसुर तथा सजाय ऐन, २०६४ अन्तर्गतको कसूरमा नेपाल राष्ट्र बैंकको समन्वयमा थप अनुसन्धान भइरहेको ब्यूरोले जनाएको छ।