Author: क्लिक लुम्बिनी

काठमाडौं,७ असार। रोजगारीको प्रलोभन देखाउँदै भारतमा बन्धक बनाइएका ३५ जना नेपाली नागरिकको उद्धार गरिएको छ। दिल्लीस्थित नेपाली राजदूतावासका अनुसार भारतको उत्तराखण्डस्थित काशिपुर क्षेत्रमा बोलाएर बन्धक बनाइएका नेपालीहरुलाई कुटपिट र यातना दिँदै जबरजस्ती रकम असुली गरिएको थियो। प्राप्त सूचनाका आधारमा उत्तराखण्ड प्रहरी र ‘किन इन्डिया’ संस्थाको सहकार्यमा उनीहरुको उद्धार गरिएको दूतावासले जनाएको छ । उक्त घटनासँग सम्बन्धित केहि व्यक्तिलाई उत्तराखण्ड प्रहरीले पक्राउ गरी घटनाको थप अनुसन्धान गरिरहेको छ। त्यस्तै, उत्तराखण्डको अन्य स्थानमा बन्दी बनाइएका, थप नेपाली युवाहरुको खोजी र उद्धार कार्य जारी रहेको छ । साथै उद्धार गरिएका व्यक्तिहरूलाई कानुनी प्रक्रिया पूरा गरेर नेपाल पठाइने पनि दूतावासले विज्ञप्तिमार्फत जानकारी गराएको छ…

काठमाडौं,६असार। नेपाल प्रहरीले जनपद प्रहरी समूहतर्फ प्रहरी जवान पदमा नयाँ भर्नाका लागि पद संख्या थप गरेको छ। प्रहरी प्रधान कार्यालय, मानवस्रोत विकास विभागले एक सूचना जारी गर्दै सर्वोच्च अदालतको आदेश कार्यान्वयन गर्नका लागि पहिले माग गरिएको १ हजार १६५ पदमा थप ६७७ पद थप गर्ने निर्णय गरिएको जानकारी दिएको हो। यो सँगै अब कुल १ हजार ८४२ जनालाई प्रहरी जवान बन्ने अवसर प्राप्त हुनेछ । यस्तै, समावेशी कोटामा आदिवासी/जनजातिका लागि २६०, मधेसीका लागि २२८, महिलाका लागि १६२, दलितका लागि १२२, पिछडिएको क्षेत्रका लागि ४० र अमर तथा अशक्त प्रहरी परिवारका लागि ३७ पद छुट्याइएको छ ।

भैरहवा, ६ असार। रुपन्देहीको भैरहवामा शनिबार (भोली) देखि टी–१० क्रिकेट प्रतियोगिता हुने भएको छ। प्रोफेसनल मास्टर्स–११ क्रिकेट क्लबको आयोजनामा प्रतियोगिता हुने भएको हो। आयोजकले शुक्रबार भैरहवामा पत्रकार सम्मेलन गरी तीन दिनसम्म संचालन हुने प्रतियोगिताबारे जानकारी गराएका छन्। क्लबका अध्यक्ष हरि बहादुर थापाले सिद्धार्थ क्रिकेट रंगशालामा हुने प्रतियोगितामा रुपन्देहीका क्लब र एकेडेमीहरु गरी १४ वटा टीम सहभागी हुने बताए। उनका अनुसार प्रतियोगितामा प्रथम हुनेलाई नगद ८० हजार र उपविजेतालाई ४० हजार रुपैयाँसहित मेडल र प्रमाणपत्र प्रदान गरिनेछ। त्यस्तै सेमीफाइनल खेल खेल्ने दुईवटा टीमलाई नगद दश-दश हजार रुपैयाँ, प्रत्येक खेलको म्यान अफ द म्याचलाई १ हजार २ सय र प्रमाणपत्र तथा म्यान…

काठमाडौं, ६ असार। गृह मन्त्रालयले भक्तपुर र अर्घाखाँची जिल्लाका प्रमुख जिल्ला अधिकारी (प्रजिअ) सहित तीन सहसचिवको सरुवा गरेको छ। भक्तपुरका सीडिओ गोपालप्रसाद अर्याललाई अर्घाखाँची पठाइएको छ भने अर्घाखाँचीका सीडिओ वेदप्रसाद खरेललाई मन्त्रालय तानिएको छ। मन्त्रालयमा रहेका सहसचिव भरतमणि पाण्डेलाई भक्तपुरको सीडिओ बनाइएको छ। पाण्डे केही दिनअघि मात्र कास्कीबाट गृह मन्त्रालय सरुवा भएका थिए। सेवाग्राही र कर्मचारीसँग असहयोगी व्यवहार गरेको गुनासोपछि अर्घाखाँचीका सीडिओ खरेललाई मन्त्रालय तानिएको बताइएको छ।

काठमाडौं,६असार। नेपालमा चालु आर्थिक वर्ष २०८१/८२ को ११ महिना देशमा ३२ अर्ब बढीको स्मार्टफोन आयात भएको छ । भन्सार विभागले सार्वजनिक गरेको विवरण अनुसार साउनदेखि जेठसम्मको समयमा ३२ अर्ब ८ करोड ७८ लाख १ हजार रुपैयाँको १९ लाख ७५ हजार ५ सय १३ थान स्मार्टफोन आयात भएको हो । उक्त परिमाणमा स्मार्टफोन आयात हुँदा सरकारले ५ अर्ब ९८ करोड २१ लाख २ हजार रुपैयाँ राजस्व संकलन गरेको छ ।

काठमाडौं,६असार। अख्तियार दुरुपयोग अनुसन्धान आयोगले पर्साको पोखरिया नगरपालिकाका तत्कालिन प्रमुख प्रशासकीय अधिकृतसहित चार जनालाई नियन्त्रणमा लिएको छ। पालिकामा विभिन्न योजना स्वीकृति, कर्मचारी नियुक्ति लगायतका काममा भ्रष्टाचार भएको उजुरीका आधारमा अनुसन्धानका लागि तत्कालीन प्रमुख प्रशासकीय अधिकृत अजय कुमार श्रीवास्तव, नायव सुब्बा संदीप साहलाई नियन्त्रणमा लिइएको आयोगका सहायक प्रवक्ता देवी प्रसाद थपलियाले जानकारी दिए। श्रीवास्तव र साह हाल पर्साकै बहदुरमाई नगरपालिकामा कार्यरत थिए। आयोगको टोलीले श्रीवास्तवलाई वीरगञ्ज महानगरपालिका–१२ स्थित प्रतिमा चोकबाट तथा साहलाई वीरगञ्ज महानगरपालिका–३ स्थित प्रगतिनगरबाट नियन्त्रणमा लिएको हो। उनीहरुको साथबाट चार थान मोबाइल फोन पनि बरामद गरिएको छ। यस्तै पोखरिया नगरपालिकाका हालका प्रमुख प्रशासकीय अधिकृत राम विनय कुमार सिंह र…

भैरहवा, ५असार। सुन्न र बोल्न नसक्ने आफ्ना सन्तानको उपचारमा आर्थिक सहयोग गर्न यहाँको एक परिवारले आह्वान गरेका छन् । कपिलबस्तुको वाणगंगा नगरपालिका वडा नं ३ मा स्थायी घर भई हाल सिद्धार्थनगर–९ मा बस्दै आएका सन्तराम थारु तथा सुनिता कार्कीका ४ वर्षका जुम्ल्याहा छोराहरू एरिक थारु र इभान थारु दुबै भाइले कानले सुन्न र बोल्न सक्दैनन् । एरिक र इभानका वुवाआमा सन्तराम र सुनिताले भैरहवामा पत्रकार सम्मेलन गरी आफ्ना छोराहरुको उपचारमा आर्थिक सहयोग गर्न सबैमा आग्रह गरेका छन् । जन्मजातै सुन्न नसक्ने एरिक र इभान अहिले पाँच वर्ष पुग्दै छन् । काठमाडौंस्थित टिचिङ अस्पतालमा चेकजाँच गराउँदा शल्यक्रियामार्फत् ‘कक्लियर इम्प्लान्ट’ राखे उनीहरुले…

काठमाडौं,५असार। नेपालको स्थानीय बजारमा सुनको भाउ तोलामा ४ सय रुपैयाँले घटेको छ। नेपाल सुनचाँदी व्यवसायी महासंघका अनुसार बिहीबार सुनको भाउ प्रतितोला १ लाख ९५ हजार ५ सय रुपैयाँ कायम भएको छ। अघिल्लो दिन सुनको प्रतितोला १ लाख ९५ हजार ९ सय रुपैयाँमा कारोबार भएको थियो। चाँदीको मूल्य पनि केही गिरावट आएको छ। अघिल्लो दिन चाँदी प्रतितोला २ हजार २२५ रुपैयाँमा कारोबार भएकोमा आज भाउ घटेर २ हजार २०० रुपैयाँमा किनबेच भइरहेको छ।

काठमाडौं,५असार। काठमाडौँ महानगरपालिकाका नगर प्रहरी प्रमुख राजुनाथ पाण्डे नियमित काममा फर्किएका छन् । बुधबार उच्च अदालत पाटनले पाण्डेको निलम्बन कार्यान्वयन नगर्न अन्तरिम आदेश जारी गरेको थियो। उक्त आदेशसँगै उनी आज कार्यालय पुगेका हुन्। काठमाडौं महानगरका प्रमुख प्रशासकीय अधिकृत सरोज गुरागाईंले गत जेठ २० गते पाण्डेलाई ६ महिनाका लागि निलम्बन गरेका थिए ।

काठमाडौं,५असार। काठमाडौंको त्रिभुवन अन्तर्राष्ट्रिय विमानस्थलमा एक किलो बढी सुनसहित एक महिलालाई पक्राउ गरिएको छ। पक्राउ पर्नेमा भारतको मिना सुर्जित सिंह रहेको प्रहरीले जनाएको छ। प्रहरीका अनुसार दुबईबाट एयर अरेबियाको विमानमा आएकी सिंहले मलद्धारमा प्लास्टिकले बेरेको तीन वटा डल्लामा एक किलो १५९ ग्राम सुन लुकाएर ल्याएको अवस्थामा बरामद भएको हो। घटनाको थप अनुसन्धान तथा कारबाहीका लागि सिंह र सुन विमानस्थल भन्सार कार्यालयलाई बुझाइएको प्रहरीले जनाएको छ।