Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
काठमाडौ,२ कार्तिक। सरकारमा सहभागी भएको लोकतान्त्रिक समाजवादी पार्टी (लोसपा) का अध्यक्ष महन्थ ठाकुर विपक्षी दलहरुको बैठकमा सहभागी भएपछि सत्ता गठबन्धनबीच तरंग पैदा भएको छ। विपक्षी दलका नेता पुष्पकमल दाहाल (प्रचण्ड)ले आह्वान गरेको विपक्षी दलहरुको बैठकमा महन्थ ठाकुर सहभागी भएपछि सत्ता गठबन्धनबीच तरंग पैदा भएको हो । लोसपाबाट शरदसिंह भण्डारी श्रम मन्त्री छन्। विपक्षी दलहरुको बैठकमा ठाकुरको सहभागितालाई अर्थपूर्ण रुपमा हेरिएको छ। महन्थको सहभागिताले सत्ता गठबन्धनमा असर नपर्ने भएपनि महन्थ सत्ता गठबन्धनबाट असुन्तष्ट रहेको देखिएको छ।
भैरहवा,२कार्तिक। जिल्ला प्रहरी परिसर भक्तपुरले स्रोत नखुलेको नगद ८ लाख ५० हजार रुपैयाँ सहित एक जनालाई पक्राउ गरेको छ। पक्राउ पर्नेमा रौतहट गजुरा नगरपालिका-४ घर भई काठमाडौं महानगरपालिका-७ रातोपुलका ३७ वर्षीय शशीकान्त चौलागाई रहेको प्रहरीले जनाएको छ। प्रहरीलाई उनलाई रकमसहित विभिन्न बैंकको एटिएम कार्ड ५ थान लगायतका सामग्रीहरुसहित मध्यपुर ठिमी नगरपालिका-९ राधेराधेबाट पक्राउ गरेको हो। पक्राउ परेका चौलागाई उपर हुण्डी सम्बन्धी कारोबार गर्न नहुने सम्बन्धी कसुरमा जिल्ला अदालत भक्तपुरबाट ५ दिन म्याद थप अनुमति लिएर घटनाका सम्बन्धमा आवश्यक अनुसन्धान भइरहेको जिल्ला प्रहरी परिसर भक्तपुरले जनाएको छ।
भैरहवा,२कार्तिक। नेपालको स्थानीय बजारमा सुनको मूल्यमा नयाँ कीर्तिमान कायम भएको छ। शुक्रबार सुन प्रतितोलामा २ हजार रुपैयाँले बढेको नेपाल सुनचाँदी व्यवसायी महासंघले जनाएको छ। बिहीबार प्रतितोला १ लाख ६२ हजार ४ सय रुपैयाँमा कारोबार भएकोमा शुक्रवार सुन प्रतितोला १ लाख ६४ हजार ४ सय रुपैयाँ पुगेको हो। सुनसँगै चाँदीको मूल्य बढेको छ। बिहीवार १९५० रुपैयाँमा खरिदबिक्री भएको चाँदी शुक्रवार बढेर १९८० रुपैयाँमा कारोबार भइरहेको महासंघले जनाएको छ।
भैरहवा, २ कार्तिक । सरकारले शुक्रबार (आज) र शनिबार (भोलि) ५ वर्षका बालबालिकालाई भिटामिन ‘ए’ क्याप्सुल र जुकाको औषधि खुवाउन सुरु गरेका छ। रोहिणी गाउँपालिका कार्यालयका स्वास्थ्य शाखा प्रमुख रामनेवास प्रसाद चौधरीका अनुसार पालिकामा भिटामिन ए कार्यक्रममार्फत ६ महिनादेखि ५९ महिनाका बालबालिकाहरुलाई भिटामिन ए क्याप्सुल १ देखि ५ वर्षसम्मका बालबालिकालाई जुकाको औषधि खुवाउने कार्यक्रम संचालनमा छ। दुईदिने अभियानमा रोहिणी गाउँपालिकाका करिब ४ हजार बालबालिकालाई भिटामिन ‘ए’ र जुकाको औषधि खुवाइने चौधरीले जानकारी दिए । उनका अनुसार यो कार्यक्रमका लागि रोहिणी गाउँपालिका अन्तर्गत ७ वटा वडामा ९८ जना महिला स्वास्थ्य स्वयंसेविका खटिएका छन् । ‘प्रत्येक ६–६ महिनामा बालबालिकालाई भिटामिन ‘ए’ र…
भैरहवा, १ कार्तिक । मारवाडी सेवा संघ भैरहवाले काठमाडौंको पशपुति गौशाला धर्मशालामा गैरकानूनी हस्तक्षेप भएकोले मुद्दा किनारा नलागेसम्म हस्तक्षेप रोक्न माग गरेको छ । संघले बिहीबार जिल्ला प्रशासन कार्यालय रुपन्देहीमार्फत प्रधानमन्त्री केपी शर्मा ओलीलाई ज्ञापनपत्र बुझाउँदै हस्तक्षेप रोक्न आवश्यक सहयोग गरिदिन आग्रह गरेको हो । मारवाडी सेवा समिति नेपालद्वारा सञ्चालित श्री पशुपति गौशाला धर्मशालाको प्रांगणमा असोज २३ गते भएको घटनाले मारवाडी समाजको इतिहासमै अत्यन्तै भयभित एवं कहालीलाग्दो घटना भएको मारवाडी सेवा संघ भैरहवा, रुपन्देहीका उपाध्यक्ष अरुण कुमार अग्रवालले बताए । उनले भने, ‘यो घटनाले हाम्रो सम्पूर्ण समाज डर त्रासको भयले अत्यन्तै चिन्तित छ । घटनापश्चात हाम्रा समाजका व्यक्तिहरुलाई निजी धनसम्पत्ति…
भैरहवा,१ कार्तिक। बुद्ध एयरको माउन्टेन फ्लाइटमा गएको जहाजमा प्राविधिक समस्या देखिएको छ। बिहीबार बिहानको उडान नम्बर १०० बाट उडान गरेको नाइन एन एजेएसको दायाँ इन्जिनमा प्राविधिक समस्या देखिएपछि विमानलाई डाईभर्ट गरी काठमाडौं विमानस्थलमा सुरक्षित अवतरण गराइएको बुद्ध एयरले जनाएको छ। बुद्ध एयरले यस बारेमा जानकारी दिँदै भनेको छ-‘आज बिहान उडान नम्बर १०० नाइन एन एजेएसको दायाँ इन्जिनमा प्राविधिक समस्या देखिएको हुँदा जहाजलाई डाईभर्ट गरी काठमाडौं विमानस्थलमा सुरक्षित अवतरण गराइएको छ। हाम्रो प्राविधिक टोलीले जहाजको चेकजाँच गरिरहेको छ।’
सुर्खेत, १ कार्तिक। कर्णाली प्रदेश सरकारले असोज शुक्ल पूर्णिमा (कोजाग्रत पूर्णिमा) अवसरमा आज (बिहिवार) सार्वजनिक बिदा दिएको छ। यस वर्ष असोज ३० र कात्तिक १ गते दुई दिन पूर्णिमा परेको छ । कर्णाली प्रदेश सरकारको बैशाख १७ गते बसेको मन्त्रिपरिषद् बैठकले कोजाग्रत पूर्णिमा प्रदेशभर बिदा दिने निर्णय गरेको थियो। जसअनुसार बिहिवार प्रदेशमा बिदा दिइएको प्रदेशको आन्तरिक मामिला तथा कानून मन्त्रालयले जनाएको छ।
भैरहवा, १ कार्तिक। नेपाली कांग्रेस क्षेत्र नम्बर ३ रूपन्देहीले पूर्व क्षेत्रीय कोषाध्यक्ष बाबुराम भट्टराईको निधनमा पाल्पाको अर्गलीमा शोकसभा गरको छ । सामाजिक, शैक्षिक तथा राजनैतिक व्यक्तित्व तथा पार्टीका पूर्व क्षेत्रीय कोषाध्यक्ष भट्टराईको ६८ वर्षको उमेरमा पाल्पाको तानसेन नगरपालिका–१४ स्थित अर्गलीमा निधन भएको थियो । उनको निधन भएको नवौं दिनको पुण्यतिथिमा सोमबार कांग्रेस रुपन्देही–३ ले शोकसभा गरेका हो । कांग्रेस क्षेत्रीय सभापति एवं युवा नेता सुशील गुरुङको सभापतित्व तथा पार्टीको नेता, पूर्वमन्त्री तथा लुम्बिनी प्रदेश सभा सदस्य वीर बहादुर रानाको आतिथ्यतामा शोकसभा भएको थियो । कार्यक्रममा बोल्ने अधिकांश वक्ताले स्वर्गीय भट्टराईको पाल्पाका साथै रुपन्देहीमा सामाजिक, शैक्षिक क्षेत्रको विकास मात्र नभइ कांग्रेसको…
भैरहवा,१कार्तिक। रुपन्देहीको देवदह नगरपालिकामा श्रीमतीको हत्याको आरोपमा श्रीमान पक्राउ परेका छन्। प्रहरीका अनुसार देवदह नगरपालिका-९ नौडाँडा टोलका दशरथ चौधरीले पारिवारिक झगडामा कान्छी श्रीमती सुनिता भट्टराई चौधरीलाई चक्कु प्रहार गरी घाइते बनाएका थिए। घाइते चौधरीलाई उपचारका लागि अस्पताल लगिएको थियो । देवदह मेडिकल कलेजमा उपचारको सुनिताको मृत्यु भएको र उनका श्रीमान दशरथलाई नियन्त्रणमा लिएर कर्तव्य ज्यान मुद्दामा घटनाको थप अनुसन्धान भइरहेको ईलाका प्रहरी कार्यालय बुटवलले जनाएको छ।
भैरहवा,३०असोज। रुपन्देहीको भैरहवा चारवटा टेष्ट राष्ट्रसहित पाँच देशका क्लबहरुबीच क्रिकेट प्रतियोगिता हुने भएको छ। नेक्सस क्रिकेट एकेडमीको आयोजनामा पर्यटन बोर्डको प्रवद्र्धन र सिद्धार्थनगर नगरपालिकाको सहकार्य कार्तिक ३ गते देखि भैरहवाको सिद्धार्थ क्रिकेट रंगशालामा बिपी कोइराला स्मृति कप टी-२० क्रिकेट प्रतियोगिता हुने भएको हो। आयोजकले बुधवार पत्रकार सम्मेलन आयोजना गरी प्रतियोगिताबारे जानकारी गराएको छ। उक्त प्रतियोगिता कार्तिक १० गतेसम्म संचालन हुनेछ। प्रतियोगिता दक्षिण एशियाली चारवटा टेष्ट राष्ट्र भारत, पाकिस्तान, श्रीलंका, बंगलादेश र नेपाल सहित ५ देशका प्रथम श्रेणीका खेलाडीहरुको सहभागितामा हुने आयोजक नेक्सस क्रिकेट एकेडेमीका अध्यक्ष भरत कुमार शाहीले जानकारी दिए। नेपाली क्रिकेट विकासमा टेवा पुर्याउने र खेल पर्यटन प्रबर्द्धन गर्ने…