Author: क्लिक लुम्बिनी

काठमाडौं, ९ साउन । आजदेखि बौद्ध धर्मावलम्बीहरुको गुँला पर्व आजदेखि सुरु भएको छ। यो पर्व नेपाल सम्वत्को गुँलाथ्व पारुदेखि ञलाथ्व पारुसम्म एक महिना मनाइने गर्दछ । नेपाल भाषामा ‘गुँ’ को अर्थ ‘नौ’ र ‘ला’ को अर्थ ‘महिना’ हो, यसअर्थमा नेपाल संवत्को नवौँ महिनामा मनाइने पर्व भएकाले यसलाई गुँला पर्व भनिएको बताइन्छ। यस पर्वको अवसरमा मुख्यगरी नौ बाजा बजाउने परम्परा छ। गुँला पर्व विशेषगरी बौद्धमार्गीहरुको पर्व भए तापनि गुँला पर्वमा अन्य धर्मावलम्बीहरु समेत सहभागी हुने गर्दछन्। पर्वको अवसरमा नगरका बहाः, बही, चैत्यलगायत विभिन्न मठमन्दिरको परिक्रमा गर्ने प्रचलन छ । गुँला पर्वमा बौद्धमार्गीहरु दैनिक महाचैत्यको परिक्रमा गर्नुका साथै उपत्यकाका विभिन्न चैत्यहरुको परिक्रमा…

काठमाडौं,९ साउन। भारतको मणिपुरमा थप ६ महिनाका लागि राष्ट्रपति शासन बढेको छ। राज्यसभाले सूचना जारी गर्दै अगस्ट १३, २०२५ देखि लागू हुने गरी राष्ट्रपति शासन बढेको जनाएको छ । जारी सूचनामा भनिएको छ ,‘यो सदनले संविधानको धारा ३५६ अन्तर्गत मणिपुरको सम्बन्धमा १३ फेब्रुअरी, २०२५ मा राष्ट्रपतिद्वारा जारी गरिएको घोषणालाई १३ अगस्ट, २०२५ देखि ६ महिनाको अवधिका लागि निरन्तरता दिन अनुमोदन गर्दछ।’ फेब्रुअरी १३ मा एन बिरेन सिंहले मुख्यमन्त्री पदबाट राजीनामा दिएपछि मणिपुरमा राष्ट्रपति शासन लागू गरिएको थियो। राज्यमा मे २०२३ देखि जातीय द्वन्द्व जारी छ। जसकारण अझै स्थायी रुपमा शान्ति स्थापित भएको छैन।

सिरहा, ९साउन। सिरहामा एक जनाको हत्या भएको छ । भाइ–बुहारी बीचको झगडा छुटाउन गएका गोलबजार नगरपालिका–३ का ३५ वर्षीय मोतिराम सदाको खुकुरी प्रहार गरी हत्या भएको सिरहाका प्रहरी प्रवक्ता डिएसपी विरेन्द्रकुमार पासवानले बताए। उनका अनुसार २५ वर्षीय आफ्नै भाई श्याम सदाले खुकुरी प्रहार गरेर दाई मोतिरामको हत्या गरेका हुन्। बिहीबार राति श्याम र उनकी श्रीमती कौशल्या सदाबीच घरायसी विवाद भइरहेको अवस्थामा विवाद छुट्टाउन गएका दाइ मोतिरामलाई भाइ श्यामले खुकुरी प्रहार गरेका थिए। खुकुरी प्रहारबाट घाइते भएका मोतीरामको प्रादेशिक अस्पताल लहानमा उपचारको क्रममा बिहीवार राति नै मृत्यु भएको उनले बताए। घटना पश्चात फरार श्यामलाई पक्राउ गरी घटनाको आवश्यक अनुसन्धान अघि बढाइएको…

दार्चुला,८साउन। कृषक समूहका पदाधिकारीको मृत्यु भएको भन्दै कृषि अनुदान रकम लिनका लागि नक्कली विवरण पेश गरेको आरोपमा प्रहरीले दुई जनालाई प्रहरीले पक्राउ गरेको छ। पक्राउ पर्नेमा शैल्यशिखर नगरपालिकाको कृषि शाखा प्रमुख दीपकराज विष्ट र भेटेरिनरी प्राविधिक जनकसिंह धामी रहेका प्रहरीले जनाएको छ। धामी मालिकार्जुन कृषक समूहका अध्यक्ष तथा शैल्यशिखर नगरपालिकाका मेयर विजयसिंह धामीका छोरा हुन्। उनीहरुले सचिव र कोषाध्यक्षको मृत्यु भएको नक्कली विवरण पेश गरेका थिए। पक्राउ परेका आरोपीहरुविरुद्ध लिखत सम्बन्धी कसुर, किर्ते र आपराधिक विश्वासघात मुद्दा दर्ता गरी अनुसन्धान अघि बढाइएको जिल्ला प्रहरी कार्यालय दार्चुलाका प्रहरी प्रमुख डीएसपी प्रकाश दाहालले बताए। उनका अनुसार आरोपीहरुले ओखर पकेट क्षेत्र अन्तर्गत दुई…

भैरहवा,८ साउन। काठमाडौंको त्रिभुवन अन्तर्राष्ट्रिय विमानस्थलमा भिजिट भिसामा कडाई गरिएपछि भारतको नयाँ दिल्लीस्थित अन्तर्राष्ट्रिय विमानस्थलबाट भिजिट भिसामा कुवेत जान लागेका ४७ जना नेपाली नागरिकहरुको उद्दार गरेर भैरहवा ल्याइएको छ। उद्दार गरिएका सबै महिला हुन्। एनओसी विना विदेश जान लागेका महिलाहरुलाई दिल्लीस्थित नेपाली राजदूतावासको समन्वयमा उद्दार गरेर स्थलमार्ग हुँदै बिहीवार भैरहवा ल्याइएको हो। रुपन्देहीका प्रमुख जिल्ला अधिकारी बासुदेव घिमिरेका अनुसार दिल्लीस्थित नेपाली राजदूतावासका एसएसपी प्रकाश मल्लसहित दूतावासका कर्मचारीको टोलीले उद्दार गरिएका महिलाहरुलाई बेलहिया नाका हुँदै भैरहवा ल्याएर प्रशासनको जिम्मा लगाएको छ। गृहमन्त्री रमेश लेखकले घटनाका सम्बन्धमा आवश्यक छानबिन गरी दोषीलाई कारबाहीको दायरामा ल्याउन प्रहरीलाई निर्देशन दिएको गृह मन्त्रालयले जनाएको छ। घटनाको…

परासी,८साउन। गर्मी अत्याधिक बढेपछि पश्चिम नवलपरासीका रामग्राम नगरपालिका र प्रतापपुर गाउँपालिकाले विद्यालयमा विदा दिएको छ। गर्मीका कारण पठनपाठनमा समस्या र बालबालिकाहरु स्वास्थ्यलाई मध्यनजर गर्दै जिल्लाको दुई पालिकाले विद्यालयमा विदा दिने निर्णय गरेका हुन्। प्रतापपुरले शुक्रबारदेखि आइतबारसम्म र रामग्रामले शुक्रबार पालिकाका विद्यालयमा विदा दिएको छ। बढ्दो गर्मीका कारण बालबालिकाका लागि मौसम प्रतिकूल बनेकोले बिदा दिने निर्णय गरिएको प्रतापपुर गाउँपालिकाका अध्यक्ष उमेशचन्द्र यादवले बताए। उनका अनुसार मौसममा सुधार नदेखिए बिहानी कक्षा सञ्चालन गर्ने वा अन्य वैकल्पिक व्यवस्था गरेर पठनपाठन सुचारु गरिने बताए। रामग्राम नगरपालिकाका अनुसार शनिबार बिदा रहेकोले आइतबार मौसमको अवस्था हेरेर विद्यालय सञ्चालनबारे निर्णय गरिनेछ। वर्षा नहुँदा यस क्षेत्रको जनजीवन प्रभावित…

हृदयराम गुप्तामर्चवार, ८ साउन । रुपन्देहीको कोटहीमाई गाउँपालिकाले आर्थिक वर्ष २०८२/०८३ को नीति तथा कार्यक्रममा कृषि क्षेत्रलाई प्राथमिकतामा राखेर बजेट ल्याएको छ। चालु आर्थिक वर्षमा पालिकाको कृषि क्षेत्रलाई व्यवसायीकरण गर्न तथा कृषि उपजमा वृद्धि गर्न सिंचाई प्रवद्र्धन, कृषि सडक निर्माण, कृषियन्त्रीकरण तथा कृषि आधुनिकीकरण गरी कृषकलाई अनुदान व्यवस्थापन गरी प्रोत्साहन हुने गरी पालिकाको बजेट, नीति तथा कार्यक्रम ल्याइएको कोटहीमाई गाउँपालिका अध्यक्ष बालकृष्ण त्रिपाठीले बताए। पालिकाको प्रत्येक वडामा निःशुल्क सिचाईंको लागि भइरहेको विद्युतीयकरणलाई निरन्तरता दिइने नीति तथा कार्यक्रममा समेटेको छ। कदमहवा, बैरघाट, मझगावाँ हुँदै परसहवा र कुडसर, देवनबक्सापुर, बेनीनगरबाट दुईमोहानसम्म निर्माण गरिएको कृषि सडकलाई थप स्तरीय बनाउने जनाएको छ। कृषि क्षेत्रलाई…

दाङ,८साउन। लुम्बिनी प्रदेशका मुख्यमन्त्री चेतनारायण आचार्यको एक वर्षे उपलब्धि सार्वजनिक गरिएको छ। राप्ती उपत्यका देउखुरी दाङमा आयोजित पत्रकार सम्मेलनमा लुम्बिनी प्रदेशका मुख्यमन्त्री चेतनारायण आचार्यले विवरण सार्वजनिक गर्दै प्रदेश सरकार संघीय संरचनाको अपरिहार्य तहका रुपमा विकास हुँदै गएको बताए। ‘सुशासनलाई केन्द्रविन्दुमा राख्दै हामीले पाँच वर्षे रणनीतिक योजना तयार पारेका छौं, जसअनुसार राजस्व वृद्धि, पुँजीगत खर्चमा सुधार र प्रशासनिक कार्यसम्पादनमा उल्लेखनीय प्रगति भएको छ,’उनले भने, ‘सुशासनको पाटोलाई दृढताका साथ अघि बढाइनेछ।’ उनले चालू खर्च कटौती गर्दै पुँजीगत खर्च बढाउने रणनीति प्रभावकारी रुपमा कार्यान्वयन भएको, कर्मचारी व्यवस्थापन, मन्त्रालय र मातहतका कार्यालयहरुको कार्यसम्पादन मूल्यांकन र अनुगमनका लागि ‘मुख्यमन्त्री ड्यासबोर्ड’ स्थापना जसबाट नीतिगत तथा कार्यान्वयन…

काठमाडौं,८ साउन। नेपाल आयल निगमले त्रिभुवन अन्तर्राष्ट्रिय विमानस्थल परिसरमा रहेको करिब पाँच दशक पुरानो हवाई इन्धन डिपो स्थानान्तरण गर्ने भएको छ। गुह्येश्वरी नजिकै नागरिक उड्डयन प्राधिकरणले उपलब्ध गराउने सहमती भएको ५० रोपनी क्षेत्रफलको जग्गामा निगमको डिपो स्थानान्तरण हुनेछ । निगमले २०८४ मंसिरभित्र नयाँ अत्याधुनिक डिपो निर्माण सम्पन्न गर्ने लक्ष्य राखेको छ। यसका लागि पुल्चोक इन्जिनियरिङ अध्ययन संस्थानले तयार पारेको विस्तृत अध्ययन प्रतिवेदन (डीपीआर) बिहीबार आयल निगम सिनामंगललाई हस्तान्तरण गरेको छ। आगामी भदौ महिनाभित्रै टेन्डर आह्वान गर्ने तयारी रहेको निगमले जनाएको छ। निगमका सिनामंगल डिपो प्रमुख प्रदीपकुमार यादवका अनुसार, हालका डिपोहरु पुराना प्रविधिका छन् भने अब बन्ने नयाँ डिपो अत्याधुनिक हुनेछ।…

काठमाडौं,८ साउन।नेपाल प्रहरीका ७७ जना प्रहरी सहायक निरीक्षक (असई) प्रहरी नायव निरीक्षक (सई) पदमा बढुवा सिफारिस भएका छन् । प्रहरी प्रधान कार्यालयको बढुवा समितिको बैठकले प्रहरी सहायक निरीषक (असई) हरूलाई प्रहरी नायव निरीक्षक पदमा बढुवाका लागि सिफारिस गर्ने निर्णय गरेको हो । हेर्नुहोस् सूची: