Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
भैरहवा, ३ पुस। लुम्बिनी बौद्ध विश्वविद्यालयमा विदेशी विद्यार्थीको आकर्षण बढ्दै गएको छ। बौद्ध दर्शन तथा सो सम्बन्धित विषयहरु अध्ययनका लागि विदेशी विद्यार्थीको संख्या बढ्दै गएको विश्वविद्यालयले जनाएको छ । विश्वविद्यालयले लुम्बिनीमा बौद्ध दर्शन केन्द्रीत र बुटवल तथा देवदहमा प्रयोगिक बौद्ध अन्तर्गतका शैक्षिक कार्यक्रमहरु सञ्चालन गर्दै आएको छ । स्नातक, स्नातकोत्तर तथा विद्यावारिधि तहमा विदेशी विद्यार्थीहरु भर्ना भएका छन्। विश्वविद्यालयमा चीन, भारत, श्रीलंका, भुटान, म्यानमार, जापान, मलेसिया लगायतका देशका विद्यार्थीहरुले अध्ययन गरिरहेका छन् । सबैभन्दा धेरै चीनका विद्यार्थीहरु छन्। बुद्धिजम एण्ड नेपाल स्टडिज, बुद्धिजम एण्ड पीस, बुद्धिजम एण्ड हिमालयसहितका विषयमा विदेशी विद्यार्थीको आकर्षण देखिएको हो। लुम्बिनी बौद्ध विश्वविद्यालय बौद्ध अध्ययन संकायका…
हृदयराम गुप्ता मर्चवार,३ पुस । रुपन्देहीको कोटहीमाई गाउँपालिका वडा नं. १ मा प्रथम वडाध्यक्ष कप क्रिकेट प्रतियोगिता सुरु भएको छ । युवाहरुमा लुकेका खेल प्रतिभालाई प्रष्टफुटन हुने समेतको उद्देश्यले प्रतियोगिताको आयोजना गरिएको बताइएको छ। पुस ६ गते सम्म आयोजना गरिएको प्रतियोगितामा वडा नं. १ का १४ टोलीबीच १२ ओभरको खेल हुने वडाध्यक्ष राजेश गुप्ताले जानकारी दिए। युवाहरुमा लुकेका प्रतिभा, चाहना र मनोभावनालाई आत्मसात गर्दै क्रिकेटले स्वास्थ्य, सहकार्य र नेतृत्व विकासमा महत्वपूर्ण योगदान पुर्याउनेसमेत विश्वासकासाथ वडाध्यक्ष कप आयोजना गरिएको उनले बताए। आयोजकका अनुसार प्रतियोगितामा प्रथम हुने टोलीलाई ३५ हजार रुपैयाँ, सिल्ड, प्रमाणपत्र तथा उपविजेतालाई २२ हजार रुपैयाँ, सिल्ड, प्रमाणपत्र प्रदान गरिने…
काठमाडौं,३ पुस। प्रहरीले झुटा विवरण पेस गरी नागरिकता, राष्ट्रिय परिचयपत्र तथा राहदानी (पासपोर्ट) बनाउने कार्यमा संलग्न तीन जनालाई पक्राउ गरेको छ। पक्राउ पर्नेहरुमा दाङको तुलसीपुर उपमहानगरपालिका–१७ का ४३ वर्षीय यमबहादुर बस्नेत, झापाको कचनकलब गाउँपालिका–३ का ५१ वर्षीय कृष्णबहादुर कटुवाल, झापाकै भद्रपुर नगरपालिका–९ का ४१ वर्षीय सूर्यबहादुर खड्का रहेको प्रहरीले जनाएको छ। झुटा विवरण पेस गरी नागरिकता, राष्ट्रिय परिचयपत्र र राहदानी बनाइ विभिन्न व्यक्ति तेस्रो मुलुक जाने गरेका भन्ने सूचनाका आधारमा काठमाडौं उपत्यका अपराध अनुसन्धान कार्यालयको टोलीले उनीहरुलाई काठमाडौँको विभिन्न स्थानबाट पक्राउ गरेको हो। पक्राउ परेकाहरुविरुद्ध लिखत कीर्तेको कसुरमा अनुसन्धान अघि बढाइएको प्रहरीले जनाएको छ।
काठमाडौं, ३ पुस । नेकपा एमालेको अध्यक्षमा केपी शर्मा ओली निर्वाचित भएका छन्। पार्टीको ११ औँ राष्ट्रिय महाधिवेशनबाट प्रतिद्वन्द्वी ईश्वर पोखरेललाई पराजित गर्दै अध्यक्षमा ओली निर्वाचित भएका हुन् । ओलीले दुई तिहाई १६६३ मत प्राप्त गरी अध्यक्ष पदमा निर्वार्चित भएका हुन् । उनका प्रतिद्धन्द्धी ईश्वर पोखरेलले ५६४ मत प्राप्त गरे। यस अघि नवौं र दशौं महाधिवेशनमा पनि अध्यक्षमा ओली नै निर्वाचित भएका थिए। बुधबार बिहानबाट भएको मतदानमा २२६३ मध्ये २२२७ जना महाधिवेशन प्रतिनिधिहरुले मतदान गरेका थिए। मतदानमा ३६ जना प्रतिनिधि अनुपस्थित भएका थिए। यस्तो छ निर्वाचित पदाधिकारीको सूची : अध्यक्ष : केपी शर्मा ओली उपाध्यक्ष : पृथ्वी सुब्बा गुरुङ, बिष्णु…
भैरहवा, २ पुस । भैरहवाको सिद्धार्थ क्रिकेट रंगशालामा भएको स्वर्गीय शेरबहादुर सेन्चुरी स्मृति अन्तरविद्यालय टी–२० क्रिकेट प्रतियोगिताको उपाधि न्यु होराइजन स्कूल, बुटवलले हात पारेको छ । फाइनल खेलमा रुपन्देही लीलाराम न्यौपाने मावि, भैरहवालाई ५ रनले पराजित गर्दै होराइजनले उपाधि हात पारेको हो । उपाधिसँगै न्यु होराइजनले नगद ५० हजार र उपविजेतामा चित्त बुझाएको लीलारामले २५ हजार रुपैयाँसहित ट्रफी, मेडल र प्रमाणपत्र प्राप्त गर्यो । टस जितेर ब्याटिङ गरेको न्यु होराइजनले ८ विकेटको क्षतिमा ९९ रन बनायो । उसका लागि प्रिन्स पालले ३१ र आरुष अधिकारीले १७ रन जोडे। बलिङमा लीलारामका विक्की मल्लाहले ३, प्रेमसागर यादवले २ तथा कृष्णमोहन कुर्मी र…
काठमाडौं, २ पुस । संयुक्त अरब इमिरेट्स (यूएई) स्थित नेपाली राजदूतावास, अबुधाबीले अवैध रुपमा हुने वित्तीय कारोबार (हुन्डी) नगर्न तथा त्यस्ता कार्यमा संलग्न नहुनका लागि आग्रह गरेको छ। राजदूतावासको सूचनाअनुसार विदेशमा रहँदा अनौपचारिक माध्यमबाट रकम पठाउने, प्राप्त गर्ने वा त्यसमा संलग्न हुने कार्य कानुनविपरीत रहेको जनाएको छ। गैरकानुनी गतिविधि सम्पत्ति शुद्धीकरण तथा आतंककारी कार्यमा वित्तीय लगानी निवारणसम्बन्धी कानुनी व्यवस्थाअनुसार दण्डनीय हुने जनाएको छ। सूचनामा परराष्ट्र मन्त्रालयमार्फत अर्थ मन्त्रालय तथा सम्बन्धित निकायसँग समन्वय गरी प्रत्येक महिनामा यस्ता गतिविधिसम्बन्धी सूचना तथा विवरण आदान–प्रदान भइरहेको पनि उल्लेख गरिएको छ। राजदूतावासले यूएईमा कार्यरत कुनै पनि व्यक्ति वा संस्थाले अनौपचारिक वित्तीय कारोबार (हुन्डी) नगर्नरनगराउन आग्रह…
काठमाडौं,२ पुस। भारतको नयाँ दिल्लीमा पुस २ देखि ४ गतेसम्म परम्परागत चिकित्सासम्बन्धी दोस्रो डब्लूएचओ शिखर सम्मेलन आयोजना गरिएको छ। विश्व स्वास्थ्य संगठन (डब्लूएचओ) को विश्वव्यापी परम्परागत चिकित्सा रणनीति २०२५–२०३४ द्वारा निर्देशित यस सम्मेलन जनकेन्द्रित स्वास्थ्य सेवा तथा पृथ्वीको समग्र कल्याणमा परम्परागत चिकित्सा प्रणालीहरुले कसरी सार्थक योगदान पुर्याउन सक्छन् भन्ने विषयमा केन्द्रित हुने बताइएको छ। सन् २०२३ मा सम्पन्न पहिलो सम्मेलनको सफलता र ऐतिहासिक गुजरात घोषणापत्रको आधारमा सन् २०२५ को सम्मेलनले परम्परागत चिकित्सा प्रणालीलाई आकार दिने विज्ञान र ज्ञानका विषयमा गहिरो छलफल गर्ने जनाइएको छ। यस सम्मेलनले विश्वका नेता, वैज्ञानिक, परम्परागत चिकित्सा अभ्यासकर्ता तथा समदायहरुलाई एकै ठाउँमा ल्याई सहकार्यलाई प्रबद्र्धन गर्ने,…
भैरहवा, २ पुस । रुपन्देही प्रहरीले जेनजी आन्दोलनको क्रममा कारागारबाट फरार भएका एक जनालाई भैरहवाबाट पक्राउ गरेको छ । पक्राउ पर्ने सिद्धार्थनगर नगरपालिका-१ (भैरहवा) का २७ वर्षीय धर्मराज अहिर (यादव) रहेको प्रहरीले जनाएको छ । जिल्ला प्रहरी कार्यालय रुपन्देहीका सूचना अधिकारी एवं डीएसपी सुरज कार्कीका अनुसार कर्तव्य ज्यान मुद्दामा काठमाडौंको जगन्नाथ देवल कारागारमा कैद रहेका अहिर देशभर प्रर्दशनका क्रममा कारागार कार्यालयहरुमा भएको तोडफोड, आगजनी पश्चात त्यहाँबाट फरार भएका थिए । फरार भएका अहिरलाई वडा प्रहरी कार्यालय भैरहवाको टोलीले मंगलबार सिद्धार्थनगर नगरपालिका-१ बाट पक्राउ गरी कारागार कार्यालय रुपन्देहीमा पठाइएको प्रहरीले जनाएको छ ।
काठमाडौं, २ पुस। नेपालको स्थानीय बजारमा चाँदीको मूल्य हालसम्मकै उच्च विन्दुमा पुगेको छ। नेपाल सुन-चाँदी व्यवसायी महासंघका अनुसार बुधबार प्रतितोला चाँदीको मूल्य ४ हजार ५५ रुपैयाँ पुगेको छ। मंगलबार ३ हजार ८८५ रुपैयाँमा कारोबार भएको थियो। सुनको मूल्य मंगलबारको तुलनामा ७ सय रुपैयाँले बढेको छ। महासंघका अनुसार आज ७ सय रुपैयाँले बढेर प्रतितोला सुनको मूल्य २ लाख ५९ हजार ७०० पुगेको छ। मंगलबार प्रतितोला सुन २ लाख ५९ हजारमा कारोबार भएको थियो। सोमबार त्यही परिमाणको सुनको मुल्य २ लाख ६० हजार ७०० कारोबार भएको थियो ।
काठमाडौं,२ पुस । हर्क साम्पाङ नेतृत्वको श्रम संस्कृति पार्टीका केन्द्रीय उपाध्यक्षलाई प्रहरीले पक्राउ गरेको छ। पक्राउ पर्नेमा धनकुटा पाख्रिपास नगरपालिका ९ घर भई हाल काठमाडौँ बूढानीलकण्ठ नगरपालिका-११ कपनका ५० वर्षीय राजकुमार तामाङ लामा रहेको प्रहरीले जनाएको छ। जिल्ला प्रहरी कार्यालय पाँचथरमा २०७५ सालमा दर्ता भएको विस्फोटक पदार्थसम्बन्धी कसुर मुद्दामा फरार रहेका लामालाई कपनस्थित घरबाटै पक्राउ गरिएको केन्द्रीय अनुसन्धान ब्युरो (सीआईबी) का प्रवक्ता एवं एसएसपी शिवकुमार श्रेष्ठले बताए। लामालाई आवश्यक कारवाहीका लागि पाँचथरमा पठाइएको छ। उनका अनुसार लामा १५ फागुन २०६८ मा काठमाडौं महानगरपालिका ११‚ बबरमहलस्थित नेपाल आयल निगमको गेटमा टाइम बम बिस्फोट गराएको घटनामा १२ असार २०६९ मा पक्राउ परेका…