Author: क्लिक लुम्बिनी

दाङ, २२ वैशाख। लुम्बिनी प्रदेशका मुख्यमन्त्री चेतनारायण आचार्य र कोशी प्रदेश सभाका सभामुख अम्बरबहादुर बिष्टको नेतृत्वमा रहेको एक प्रतिनिधि मण्डलबीच सोमबार राप्ती उपत्यका (देउखुरी) मा छलफल भएको छ। मुख्यमन्त्री तथा मन्त्रिपरिषद्को कार्यालयमा आयोजित कार्यक्रममा मुख्यमन्त्री आचार्यले संघीयतालाई बलियो बनाउन अन्तरप्रदेशीय समन्वयलाई थप सुदृढ गर्नुपर्ने र सिकाइको आदानप्रदानलाई निरन्तरता दिनुपर्ने बताए। ‘प्रदेश स्थापना भएको ८ वर्षको अवधिमा संघीयतालाई बलियो बनाउने गरी प्रदेश तहबाट उल्लेखनीय कार्यहरु भएका छन्। पूर्वाधार विकास, सामाजिक सुधार तथा मानव पूँजी निर्माणका क्षेत्रमा भएका प्रयासहरु उपलब्धीपूर्ण छन्,’मुख्यमन्त्री आचार्यले भने,‘अन्तरप्रदेश समन्वय र सहकार्यले संघीयतालाई थप मजबुत बनाउनेछ।’ उनका अनुसार प्रदेश तहबीच कानुन निर्माणदेखि असल अभ्यासहरुको आदानप्रदानलाई सिकाइको माध्यमका रुपमा…

काठमाडौं,२२ बैशाख। विश्वकै सबैभन्दा खतरनाक मानिने अल्काट्राज जेलको पूननिर्माण गरी पुनः खोल्न आदेश भएको छ । अमेरिकी राष्ट्रपति डोनाल्ड ट्रम्पले आफ्नो सरकारलाई अल्काट्राज जेल पुनः खोल्न र विस्तार गर्न निर्देशन दिएको विभिन्न अन्तर्राष्ट्रिय संचारमाध्यमहरुले जनाएका छन् । ट्रम्पले लामो समयदेखि अमेरिका क्रूर, हिंसात्मक र बारम्बार अपराधीहरुले ग्रस्त रहेको भन्दै उक्त जेल पुनः खोल्न निर्देशन दिएको बताएका हुन्। उनले भने,‘अल्काट्राजको पुनः उद्घाटन कानुन, व्यवस्था र न्यायको प्रतीक हुनेछ।’ अल्काट्राज जेल एउटा टापुमा अवस्थित छ। यसलाई १९६३ मा बन्द गरिएको थियो। अल्काट्राज टापु हाल पर्यटकीय गन्तव्यको रुपमा सञ्चालनमा छ। यो सान फ्रान्सिस्कोको गोल्डेन गेट ब्रिज नजिकै अवस्थित छ।

काठमाडौं,२२ बैशाख । राष्ट्रिय क्रिकेट टिमका खेलाडी आदिल आलममाथी लगाइएको प्रतिबन्ध फुकुवा गरिएको छ । नेपाल क्रिकेट संघ (क्यान)ले आदिल आलमको राष्ट्रिय तथा अन्तर्राष्ट्रिय क्रिकेट खेल्न नपाउने गरी लगाइएको प्रतिबन्ध फुकुवा गरेको हो । २०७९ माघमा भएको नेपाल टी-२० लिगमा स्पट फिक्सिङको आरोपमा प्रतिबन्धमा परेका आदिलले ०८० चैत १२ गते जिल्ला अदालत काठमाडौंले सफाइ दिएको थियो। उनलाई अदालतले सफाइ दिएपनि प्रतियोगिता भने खेल्न पाएका थिएनन्। क्यानको ‘इन्टिग्रिटी कमिटी’ले आवश्यक प्रक्रिया पूरा गरी प्रतिबन्ध फुकुवाको निर्णय गरेको हो। क्यानले सोमबार विज्ञप्ति जारी गरी आदिलमाथी लगाइएको प्रतिबन्ध फुकुवा भएको जनाएको छ। अब उनले राष्ट्रिय तथा अन्तर्राष्ट्रिय प्रतियोगिता खेल्न पाउनेछन्। उनले २०७९ माघमा…

नवलपुर,२२बैशाख। पूर्व नवलपरासीमा पौडी खेल्ने क्रममा डुबेर दुई जना किशोरको मृत्यु भएको छ । गैंडाकोट नगरपालिका ३ स्थित जुक्तिखोलामा साथीहरुसँग पौडी खेल्ने क्रममा डुबेर उनीहरुको मृत्यु भएको प्रहरीले जनाएको छ । जिल्ला प्रहरी कार्यालय पूर्व नवलपरासीका प्रवक्ता एवं डीएसपी मधु नेपालका अनुसार मृत्यु हुनेमा चितवनको भरतपुर महानगरपालिका ८ का १६ वर्षीय प्रमिशन पाठक र सोही महानगरपालिका ४ का १६ वर्षीय शिशिर पन्त रहेका छन्। घटनाका सम्बन्धमा अनुसन्धान अघि बढाइएको प्रहरीले जनाएको छ।

भैरहवा,२२ बैशाख। रुपन्देहीको सिद्धार्थनगर नगरपालिकाले यत्रतत्र छरिएर संचालित अटोग्यारेजलाई सिद्धार्थ अटो भिलेजमा स्थानान्तरण हुनका लागि ३५ दिने अल्टिमेटम दिएको छ। बजारमा यतत्रत अटो ग्यारेज संचालन हुँदा नगर कुरुप देखिएकोले वर्षौ अघि पालिकाले अटो ग्यारेजलाई व्यवस्थित तथा एकीकृत गर्दै एकैस्थानबाट सेवा उपलब्ध गराउनका लागि निर्णय गरेको थियो। ०७० सालमा उक्त अटोभिलेज स्थापना गरिएको थियो। पालिकाले पटक-पटक अटो भिलेजमा स्थानान्तरण हुनका लागि ग्यारेज व्यवसायीहरुलाई आग्रह गर्दै आएपनि उनीहरु अटेर गर्दै आएका छन् । जसपश्चात नगरपालिकाले अटोभिलेजमा बाहेक अन्यत्र ग्यारेज संचालनमा रोक लगाइएको विषय व्यवसायीलाई स्मरण गराउँदै अन्यत्र संचालित ग्यारेज ३५ दिनभित्र अटोभिलेजमा स्थानान्तरण हुनका लागि अल्टिमेटम दिएको छ । हेर्नुहोस् सूचना :

भैरहवा,२२ बैशाख। रुपन्देहीको सिद्धार्थनगर नगरपालिकाको कार्यालयले करारमा पदपूर्तिका लागि आह्वान गरेको परिक्षा स्थगित गरेको छ । पालिकाले सोमबार एक सूचना जारी गर्दै विशेष कारणबस परिक्षा स्थगित भएको जनाएको छ । पालिकाले सहायक कम्प्युटर अपरेटर, कार्यालय सहयोगी र प्राविधिक सहायक पदमा करारमा पदपूर्तिका लागि दरखास्त आह्वान गरेको थियो । गत बैशाख १६ गते पालिकाले प्राविधिक सहयाक पदको पदपूर्ति प्रक्रिया स्थागित गरिसकेको छ । बैशाख २३ गते सहायक कम्प्युटर अपरेटर र बैशाख २५ गते कार्यालय सहयोगी पदका लागि लिखित परिक्षाको समय तालिका तोकिएको थियो । नगरपालिकाको कार्यालयले जारी गरेको सूचनामा भनिएको छ–‘उक्त पदहरुमा विशेष कारणबस हाललाई लिखित परिक्षाको सबै कार्यक्रमहरु अर्को सूचना…

काठमाडौं,२१ बैशाख। प्रहरीले स्रोत नखुलेको ९५ लाख बढी रुपैयाँसहित ४ जनालाई पक्राउ गरेको छ। पक्राउ पर्नेमा काठमाडौंको तार्केश्वर नगरपालिका-३ फेदीका २९ वर्षीय समुन्द्र जमकट्टेल, सप्तरीको सप्तकोशी नगरपालिका-१ का ४३ वर्षीय गणेश राई, लमजुङको दोदी गाउँपालिका-३ का ३१ वर्षीय सन्तोष गुरुङ र सोही ठाउँका ३९ वर्षीय सन्तोष घिमिरे रहेको प्रहरीले जनाएको छ । जिल्ला प्रहरी परिसर काठमाडौंका अनुसार पक्राउ परेकाहरुको साथबाट स्रोत नखुलेको ९५ लाख १७ हजार ५ सय रुपैयाँ बरामद भएको छ। काठमाडौं महानगरपालिका-९ पिङ्गलास्थान स्थित पशुपति भिजन अगाडि सडकमा मोटरसाइकलमा शंकास्पद अवस्थामा आएका उनीहरुको झोला खानतलासी गर्दा स्रोत खुल्न नसकेको उक्त रकम बरामद भएको परिसरका सूचना अधिकारी एवं प्रहरी…

काठमाडौं,२१ बैशाख। श्रम, रोजगार तथा सामाजिक सुरक्षामन्त्री शरतसिंह भण्डारीले रोजगारीका लागि आवश्यक सीप हुनुपर्ने बताएका छन्। काठमाडौंमा ग्रील तथा स्टील व्यवसायी महासंघको ३० औं स्थापना विदसको अवसरमा आइतबार आयोजित कार्यक्रमलाई सम्बोधन गर्दै उनले मुलुकमा रोजगारका लागि आवश्यक सीप भए रोजगारीका थुप्रै अवसरहरु उपलब्ध हुने बताए। उनले भने, देशभित्र पनि सीपयुक्त कामदारका धेरै माग छन्। स्थानीयसँग सीप नहुँदा बाहिरबाट आएका श्रमिकहरु नेपालमा काम गरी रहेका छन्। तर, हाम्रा युवाहरु थोरै सेवा सुविधामा विदेशी जाने गरेका छन्।’ देश भित्रका विभिन्न क्षेत्रमा रोजगारीको अवसरहरुको खोजी भईरहेको बताउँदै आवश्यक तालिम र सीप दिएर उनीहरुलाई रोजगारसँग जोडनु पर्ने उनले बताए। उनले भने, ‘देश भित्रका परम्परागत…

भैरहवा,२१ बैशाख। आम जनता पार्टी (आजपा)का अध्यक्ष प्रभु साहले एउटा गभर्नर नियुक्ति गर्न नसक्ने सरकारले सुशासनको कुरा गर्न नसुहाउने बताएका छन्। पार्टीले आइतबार रुपन्देहीको महजिदियामा आयोजना गरेको भ्रष्टाचारको बिरुद्धको खबरदारी भेलालाई सम्बोधन गर्दै उनले नेपाली कांग्रेस र नेकपा (एमाले)को दुई तिहाईको शक्तिशाली सरकार आफ्नै भारी बोक्न नसकेर ढल्न लागेको बताए। ‘राष्ट्र बैंकको गभर्नर खाली भएको महिनौ बितेको छ। तर सरकारमै रहेका बीचमा किचलो छ। दुई तिहाईको शक्तिशाली सरकारले एउटा गभर्नर नियुक्ति गर्न सकेको छैन्’,पूर्वमन्त्री समेत रहेका साहले भने, ‘दुई तिहाईको शक्तिशाली केपी शर्मा ओली नेतृत्वको सरकार धर्मराएको छ । यो सरकार आफ्नै भारी बोक्न नसकेर गलेर ढल्दैछ ।’ कांग्रेस र…

काठमाडौं,२१बैशाख। सुरक्षण मुद्रण केन्द्रका तत्कालीन कार्यकारी निर्देशक विकल पौडेल भ्रष्टाचारी ठहर भएका छन्। विशेष अदालतका न्यायाधीशत्रय टेकनारायण कुँवर, तेजनारायण सिंह राई र रामबहादुर थापाको संयुक्त इजलासले पौडेललाई दोषी ठहर गर्दै आइतबार सजाए निर्धारण गरेको छ। सरकारी पदमा रहदाँ रकम दुरुपयोग गरी भ्रष्टाचार गरेकोले दुई वर्ष कैद र बिगो बराबरको १३ करोड ५८ लाख ५२ हजार ५८० रुपैयाँ जरिवानाको सजाय सुनाएको हो। भ्रष्टाचार कसुरमा दोषी ठहर भएकोले १ वर्ष ६ महिना र केन्द्रको कार्यकारी निर्देशक भएर पदीय दुरुपयोग गरेको कसुरमा पौडेललाई थप ६ महिना गरी २ वर्ष कैद सजाय सुनाइएको हो। त्यस्तै मुद्दाका अन्य प्रतिवादीहरु म्याक्स इन्टरनेसनल प्रालि र सीईओ अकबर…