Author: क्लिक लुम्बिनी

भैरहवा, ७ जेठ। खाद्य प्रविधि तथा गुण नियन्त्रण विभागले बाराको सिमरामा रहेको डाबर नेपाल प्रालिद्वारा उत्पादित मह (हनी) गुणस्तरहीन पाएपछि तत्काल बजारबाट फिर्ता गर्न आदेश दिएको छ । बजार अनुगमनको क्रममा उद्योगद्वारा उत्पादित महको नमुना संकलन गरेर प्रयोगशालामा परीक्षण गर्दा ‘डाबर हनी’ गुणस्तरहीन पाइएको विभागले जनाएको छ विभागका अनुसार, उद्योगबाट उत्पादित ५०० ग्रामको (ब्याच नं. एनबी००४७७) ‘हनी’ परीक्षणको क्रममा न्यूनस्तरको पाइएको छ । उत्पादित मह न्यूनस्तरको पाइएपछि विभागले ऐनको दफा ३८ (२) बमोजिम उक्त उत्पादनको मह बिक्री वितरण नगर्न र नगराउनका साथै बजारबाट तत्काल फिर्ता गर्न उत्पादक कम्पनीलाई निर्देशन दिएको छ। त्यस्तै केही दिन अघि अनुगमनको क्रममा रुपन्देहीको तिलोत्तमा नगरपालिकामा…

भैरहवा,६ जेठ। रुपन्देहीको एक जना व्यक्तिलाई काठमाडौंमा कुटपिट गरी ज्यानमार्ने धम्की दिएर फिरौती असुलेको आरोपमा प्रहरीले दुई जनालाई पक्राउ गरेको छ । पक्राउ पर्नेहरुमा धनकुटा महालक्ष्मी नगरपालिका–७ का ३३ वर्षीय योगेन्द्र पौडेल र धनुषा मिथिला नगरपालिका–८ का ४३ वर्षीय रविन कोइराला रहेको प्रहरीले जनाएको छ । काठमाडौं उपत्यका प्रहरी कार्यालयले सार्वजनिक गरेको घटना विवरण अनुसार, पक्राउ परेकाहरुले सोमबार काठमाडौंको पिंगलास्थानस्थित डिजिटल स्टुडियोमा संचालन गर्दै आएका रुपन्देहीको सियारी गाउँपालिका–५ का ६० वर्षीय विष्णु न्यौपानेलाई कुटपिट गरी पसलमा रहेको २ लाख रुपैयाँ लुटपाट गरेका थिए । रकमसँगै न्यौपानेलाई बागमती करिडोरस्थित निलोपुलमा लगेर आफन्तसँग फिरौती माग्दै नदिए ज्यान मार्ने धम्की दिएर थप ५०…

महोत्तरी,६ जेठ। नेपाली कांग्रेसका सभापति गगनकुमार थापाले पार्टीभित्र देखिएका मतभेद समाधान गर्दै संगठनलाई एकताबद्ध रुपमा अघि बढाउन आवश्यक सबै विषयमा छलफल गर्न आफू तयार रहेको बताएका छन् । महोत्तरीको बर्दिबासमा बुधबार आयोजित प्रदेश तथा स्थानीय तह केन्द्रित प्रदेशस्तरीय भेलालाई सम्बोधन गर्दै उनले सहमतिका आधारमा पार्टी सञ्चालन गर्ने प्रतिबद्धता व्यक्त गरे । उनले पार्टीभित्रका असन्तुष्ट पक्षका भावना सम्बोधन गर्दै संगठनलाई एकढिक्का बनाएर अघि बढाउने प्रयास जारी रहने बताए । यस क्रममा उनले संस्थापनइतर समूहका नेताहरूलाई क्रियाशील सदस्यता अद्यावधिक प्रक्रियामा अवरोध नगर्न आग्रह गरे। सदस्यता व्यवस्थापन पार्टी सुदृढीकरणका लागि महत्वपूर्ण भएकाले यसलाई विवादको विषय नबनाउन उनले बताए । क्रियाशील सदस्यता अद्यावधिक प्रक्रियाप्रति…

भैरहवा, ६ जेठ। नेपाल प्रहरीको साइबर ब्यूरोले सामाजिक सञ्जाल तथा विभिन्न अनलाइन माध्यममार्फत फैलाइएका भ्रामक विज्ञापनप्रति सचेत रहन सर्वसाधारणलाई आग्रह गरेको छ। ब्यूरोका अनुसार पछिल्लो समय ‘विश्वकप २०२६’ तथा ‘लाइभ टिभी’ हेर्ने प्रलोभन देखाउँदै प्रयोगकर्तालाई शंकास्पद एपीके फाइल डाउनलोड गराउने र त्यसमार्फत मोबाइल बैंकिङ एप ह्याक गरी आर्थिक ठगी गर्ने प्रवृत्ति बढ्दै गएको छ। साइबर ब्यूरोले सार्वजनिक गरेको सूचनामा स्पोन्सर्ड विज्ञापनमार्फत विभिन्न लिंक पठाई अनधिकृत एप डाउनलोड गराउन खोजिएको उल्लेख गरिएको छ। यस्ता फाइल डाउनलोड गर्दा मोबाइलमा रहेको व्यक्तिगत विवरण, बैंकिङ सूचना तथा गोप्य डेटा जोखिममा पर्न सक्ने चेतावनी ब्यूरोले दिएको छ। ब्यूरोले प्ले स्टोर वा अन्य माध्यमबाट एप्लिकेसन इन्स्टल…

काठमाडौं,६ जेठ। श्रम संस्कृति पार्टीका अध्यक्ष हर्कराज राई (हर्क साम्पाङ) ले प्रधानमन्त्री बालेन्द्र शाह (बालेन) संसदप्रति जिम्मेवार र उत्तरदायी नबन्दासम्म आफ्नो पार्टीले संसदमा विरोध जारी राख्ने बताएका छन् । बुधवार संसद भवन सिंहदरबारमा सञ्चारकर्मीहरुसँगको कुराकानीमा उनले सरकारको आलोचना गर्दै संसदप्रति जवाफदेही बनाउन खोज्दा निलम्बन गरिए पनि आफूहरु तयार रहेको बताए। सरकारलाई प्रश्न गर्न नदिनेगरि सभामुखले गरेको रुलिङको समेत आफूहरुको विरोध रहेको उनले बताए। उनले सार्वभौम संसद र संसदको विधि–विधानका लागि निलम्बन हुन तयार रहेको धारणा राखे। सुकुमबासी, लिपुलेक, विदेशी ऋण लगायत आफूहरुका धेरै प्रश्नको जवाफ नआएकाले विरोध जनाउनुपरेको उनले बताए। उनले जनताको प्रश्नको उत्तर नदिने गैरजिम्मेवार सरकारको मूल्यांकन जनताले गर्ने…

भैरहवा,६ जेठ। भैरहवाको सिद्धार्थ क्रिकेट रंगशालामा जारी ‘पञ्चकन्या रुपन्देही सुपरलिग’मा लिग चरणका खेलहरु सकिएका छन् । लिग चरणको ‘ए’ डिभिजनको अन्तिम खेलमा बुद्ध क्रिकेट क्लब पराजित भएसँगै ‘बी’ डिभिजनमा घटुवा भएको छ । बुधबारको खेलमा बुद्धलाई १ सय १० रनले पराजित गर्दै नेपथ्य तिलोत्तमा क्रिकेट क्लबले जित निकालेको छ । हारसँगै बुद्ध रेलिगेशनमा परेको हो । टस हारेर ब्याटिङको निम्तो पाएको नेपथ्य तिलोत्तमाले निर्धारित ५० ओभरको खेलमा ४८ ओभर १ बलमा सबै विकेट गुमाउँदै २ सय १७ रन बनाउन सफल भयो । जसका लागि प्रतीक भट्टराईले ६२, लक्ष्मण कुमालले ३२, अमन बोहराले २७, मौसम ढकालले २३, कुशल ढकालले १८ र…

भैरहवा, ६ जेठ। लुम्बिनी प्रदेशमा पछिल्लो महिनामा मात्रै १ सय ३४ जनाले आत्महत्या गरेका छन् । लुम्बिनी प्रदेश प्रहरी कार्यालय दाङले सार्वजनिक गरेको बैशाख महिनाको विवरण अनुसार, १६ वर्षमुनी देखि ६० वर्षमाथी उमेरसमूहका१ सय ३४ जनाले आत्महत्या गरेका हुन् । लुम्बिनी प्रदेश प्रहरी कार्यालय दाङका सूचना अधिकारी एवं एसएसपी शारदा प्रसाद चौधरीका अनुसार, १२१ जना जनाले झुण्डी, १० जनाले विष सेवन गरी, हामफालेर, आगो लगाएर र औजार तथा हातहतियारको प्रयोग गरेर १ १ जनाले आत्महत्या गरेका हुन् । जसमध्ये ६६ जना पुरुष र ६८ जना महिला रहेका छन् । आत्महत्या गर्नेमा १६ वर्षमुनिको १८ जना, १६ देखि २५ वर्ष उमेरसमूहका…

भैरहवा,५ जेठ। गृह मन्त्रालयले ६ जना सहसचिव र २ जना उपसचिवहरुको सरुवा गरेको छ। पाँच जना सहसचिवलाई प्रमुख जिल्ला अधिकारीको रुपमा विभिन्न जिल्लामा खटाइएको छ । त्यस्तै २ जना उपसचिवमध्ये एक जनालाई प्रमुख जिल्ला अधिकारीको जिम्मेवारी दिइएको छ। सरुवासूची अनुसार, रुपन्देहीका प्रमुख जिल्ला अधिकारी माधवप्रसाद पोखरेललाई करिब ७ महिनामै कारागार व्यवस्थापन विभागमा सरुवा गरिएको छ। पछिल्लो समयमा रुपन्देहीका सीडीओहरुलाई कार्यकाल अवधि पुरा नहुँदै हटाउने गरिएको छ। त्यस्तै जिल्ला प्रशासन कार्यालय दाङका सीडीओ विश्वप्रकाश अर्याललाई रुपन्देही सीडीओको जिम्मेवारी दिइएको छ भने गौतमबुद्ध अन्तराष्ट्रिय विमानस्थलमा अध्यागमन कार्यालयमा कार्यरत निश्चलराज पाण्डेलाई दाङको सीडीओ बनाइएको छ । को–कहाँ पुगे ? हेर्नुहोस् सूची :

भैरहवा, ५ जेठ । नेपाली कांग्रेसको रुपन्देहीका नेता/कार्यकर्ताले सामुहिक रुपमा पार्टीबाट राजीनामा दिएका छन्। मंगलबार पार्टी परित्याग गर्दै उनीहरु राष्ट्रिय स्वतन्त्र पार्टी (रास्वपा) मा प्रवेश गरेका छन् । कांग्रेसका सिद्धार्थनगर सभापति कोसिसबहादुर खड्का, केन्द्रीय महाधिवेश प्रतिनिधि तथा नेपाल तरुण दल सिद्धार्थनगरका अध्यक्ष दीपेन्द्र बुढाप्रिति, कांग्रेस सिद्धार्थनगरका उपसभापति किरण केसी, सिद्धार्थनगर सहसचिव कृष्ण साहानी चाई, नेपाल विद्यार्थी संघ रुपन्देहीका उपसभापति आकाश पौडेल लगायतले सामुहिक राजीनामा दिएका हुन्। राजीनामा पत्रमा नेपाल विद्यार्थी संघ सिद्धार्थनगरका सभापति प्रतिक भण्डारीको नाम उल्लेख रहेपनि उनको दस्तखत भने छैन। पार्टीबाट सामुहिक राजीनामा दिदैं उनीहरुले भनेका छन्– ‘जरा अभियान गराउँदै गर्दा तथा पार्टीलाई एक ढिक्का गर्ने नाममा पुरानै…

भैरहवा,५ जेठ । नेपाली कांग्रेस रुपन्देहीको सिद्धार्थनगर नगरपालिका (भैरहवा)का सभापति कोसिस बहादुर खड्का राष्ट्रिय स्वतन्त्र पार्टी (रास्वपा) मा प्रवेश गरेका छन्। पार्टी परित्याग गर्दै उनी मंगलबार रास्वपामा प्रवेश गरेका हुन् । पार्टीबाट राजीनामा दिदैं उनले भनेका छन्– ‘जरा अभियान गराउँदै गर्दा तथा पार्टीलाई एक ढिक्का गर्ने नाममा पुरानै कार्यशैलीमा पुरानै र अनपेक्षित व्यक्तिहरुलाई पोषण गर्ने देखिएको र पार्टीभित्र विकसित कार्यशैली, सिद्धान्त र व्यवहारबीच देखिएको असन्तुलन, आन्तरिक लोकतन्त्रको कमजोर अवस्था तथा इमानदार कार्यकर्ताको योगदानको उचित मूल्यांकन हुन नसकेको विषयप्रति गम्भीर असहमति रहेको र पटकपटक आफ्ना धारणा र सुझाव जिल्ला प्रदेश तथा केन्द्रीय स्तरमा राख्दा पनि अपेक्षित सुधार र आत्मसमीक्षा हुन नसकेको…