Author: क्लिक लुम्बिनी

काठमाडौं, २१ माघ । निर्देशक रामजी ज्ञवालीको लेखन तथा निर्देशनमा तयार डकुमेन्ट्री सर्ट फिल्म ‘रित्तो गाउँ’ ले छैठौं नेपाल साँस्कृतिक अन्तर्राष्ट्रय फिल्म महोत्सवमा उत्कृष्ट राष्ट्रिय सर्ट फिल्म अवार्ड जित्न सफल भएको छ । अवार्ड समारोहमा सञ्चार तथा सूचना प्रविधिमन्त्री पृथ्वीसुब्बा गुरुङ, चलचित्र विकास बोर्डका अध्यक्ष दिनेश डिसी लगायतले ‘रित्तो गाउँ’ का निर्माता आनन्द शर्मा वाग्लेलाई अवार्ड तथा प्रमाणपत्रसहित सम्मान गरे । प्रोजेक्टका निर्देशक ज्ञवाली कार्यव्यस्तताका कारण उपस्थित हुन नसके पनि उनले आफ्नो खुसी सामाजिक सञ्जालमार्फत व्यक्त गर्दै दर्शक, टीम र सम्पूर्ण सहयोगीप्रति आभार प्रकट गरेका छन् । उनले लेखेका छन्,–‘यो खुसी तपाईंहरूसँग बाँड्न पाउँदा म अत्यन्त गौरवान्वित छु । यो…

दाङ, २१ माघ । लुम्बिनी प्रदेशका मुख्यमन्त्री चेतनारायण आचार्यले प्रदेश सरकार नागरिकको दैनिक जीवनसँग जोडिन सफल भएको बताएका छन् । प्रदेश स्थापना दिवसको अवसरमा सोमबार शुभकामना सन्देश जारी गर्दै मुख्यमन्त्री आचार्यले प्रदेश देखिने, अनुभव गर्न सकिने र नागरिकको दैनिक जीवनसँग जोडिन सफल भएको बताएका हुन् । ‘विगत ७ वर्षमा संघीयता कार्यान्वयन गर्न लुम्बिनी प्रदेश सफल भएको हामीले महसुस गरेका छौं’उनले भने,‘लुम्बिनी प्रदेशको आफ्नै प्रशासनिक संरचना, विकास मोडेल, जनअपेक्षा पुरा गर्न सक्षम हुने विश्वास व्यक्त गर्दछु । स्थापनाको आठौं वार्षिकोत्सव मनाउँदै गर्दा प्रदेश सरकार आम नागरिकहरुको भरोसाको रुपमा स्थापित हुन सफल भएको बताउन पाउँदा हामी उत्साहित छौं ।’ प्रदेश सरकार नागरिकको…

भैरहवा, २१ माघ। नेपाल प्रहरी प्रधान कार्यालयले डीएसपीबाट एसपीमा बढुवा भएका ३७ जना अधिकृतहरुको पदस्थापन गरेको छ । प्रहरी प्रधान कार्यालयले जारी गरेको पदस्थापन सूची अनुसार मनोहर प्रसाद भट्टको काठमाडौं उपत्यका अपराध अनुसन्धान कार्यालय, डिल्ली नारायण पाण्डेयको लुम्बिनी प्रदेश प्रहरी कार्यालय आर्थिक प्रशासन तथा प्रबन्ध महाशाखा दाङमा पदस्थापन भएको छ भने कुलदीप चन्दको जिल्ला प्रहरी परिसर काठमाडौंमा पदस्थापन भएको छ । हेर्नुहोस् एसपी पदस्थापन तथा काजको सूची:

बुटवल २१ माघ । महिला उद्यमशिलतालाई मुलुकको अर्थतन्त्रसँग जोड्नका लागि तीन तहकै सरकारले विशेष ध्यान दिनुपर्नेमा महिला उद्यमीहरुले जोड दिएका छन्। महिला उद्यमी महासंघले लुम्बिनीमा आयोजना गरेको महिला उद्यमशीलता प्रबद्र्धनकालागि डिजीटलाईजेशन तथा उद्यम विकासका सिकाइ, अनुभव आदानप्रदान कार्यक्रममा उनीहरुले महिला उद्यमशिलताको विकासका लागि उत्पादित बस्तुको बजारीकरण र वित्तिय पहुँच स्थापितमा तीन तहैका सरकारले ध्यान दिए महिला उद्यमशिलता मुलुकको अर्थतन्त्रसंग जोडिएर विकासमा टेवा पुग्ने बताए । महिला उद्यमशिलताको विकासका लागि उत्पादित बस्तुको बजारीकरणमा समस्या छ भने वित्तिय पहुँच त्यती स्थापित हुन सकेको छैन। उत्पादित बस्तुको बजारीकरण, वित्तिय पहुँच स्थापित र प्रविधि प्रयोग सम्बन्धि विशेष योजनाहरुको खाँचो छ। महिला उद्यमी महासंघका अध्यक्ष…

भैरहवा, २० माघ । सिद्धार्थनगर नगरपालिकामा आयोजित मैत्रीपूर्ण क्रिकेट खेलको उपाधि सिद्धार्थनगर नगरपालिका कार्यालयको कर्मचारी टिमले उचालेको छ। सिद्धार्थनगर नगरपालिकाले ५७ औं स्थापना दिवसको अवसरमा आइतबार भैरहवास्थित पक्लिहवा माविको खेलमैदानमा आयोजना गरेको मैत्रीपूर्ण खेलको उपाधि कर्मचारी टिमले उचालेको हो। फाइनलमा नगरपालिकाका जनप्रतिनिधिको टीमलाई १० विकेटले पराजित गर्दै कर्मचारीको टिमले उपाधि उचाल्न सफल भएको हो । टस जितेर ब्याटिङ रोजेको जनप्रतिनिधिको टिमले निर्धारित १० ओभरमा ६ विकेट गुमाउँदै ७८ रन बनाएको थियो । जवाफी ब्याटिङ गरेको कर्मचारीको टिमले ५ ओभर ४ बलमा बिना क्षति सहजै जित निकाल्यो । खेलमा ३ विकेट लिएका कर्मचारी टिमका जनक थापा प्लेयर अफ द फाइनल घोषित…

झापा, २०माघ। झापाको दमकमा बन्दकर्ता र प्रहरीबीच झडप भएको छ । ताप्लेजुङको पाथीभरा क्षेत्रमा ‘नो केबलकार’ भन्दै आन्दोलनमा उत्रिएका बन्दकर्ताहरुले दमक–६ स्थित गणतन्त्र चोक टायर बालेर सडक अवरोध गर्न खोजेपछि बन्दकर्ता र प्रहरीबीच झडप भएको हो । प्रहरीले बन्दकर्तालाई नियन्त्रणमा लिन खोज्दा उनीहरूले प्रहरीमाथि ढुंगा प्रहार गरेका थिए। ढुंगा प्रहारबाट मे १ च ५१६१ नम्बरको स्कोरपियोसहित केही सवारी साधनमा क्षति पुगेको प्रहरीले जनाएको छ। इलाका प्रहरी कार्यालय दमकले केही बन्दकर्ताहरुलाई पक्राउ गरेपछि दुवै पक्षबीच झडप भएको थियो । यातायात अवरुद्ध पार्न खोज्दा तनावग्रस्त स्थितीलाइ नियन्त्रणमा लिन तीन सेल अश्रुग्यास प्रहार गरिएको झापाका डीएसपी कृष्णकुमार चन्दले बताए। हाल सवारीसाधनहरु वैकल्पिक बाटोबाट…

हृदयराम गुप्तामर्चवार, २० माघ । श्री मर्चवार संचार सहकारी संस्था लिमिटेडको पाँचौँ वार्षिक साधारण सभा सम्पन्न भएको छ । कोटहीमाई गाउँपालिका–३ स्थित मार्यादपुर संस्थाको कार्यालयमा एक कार्यक्रमका बीच उक्त सभा सम्पन्न भएको हो । सभामा संस्थाका अध्यक्ष अशोक कुमार जयसवालले १० लाख ३६ हजार शेयरपुँजी रहेको संस्थाले १ करोड ३३ लाख ३ सय ९७ रुपैया पुँजी बनाउन सफल भएको बताए । संस्थामा ९७ हजार ९ सय १२ रुपैयाको स्थित सम्पत्ति सहित संस्थाबाट विभिन्न शेयर सदस्यहरुलाई ८९ लाख ५८ हजार ७ सय ८० रुपैया विभिन्न शिर्षकमा ऋण लगानी गरेको उनले बताए । उनका अनुसार संस्थाले आर्थिक वर्ष २०८०÷०८१ मा विभिन्न किसिमको…

विराटनगर, २० माघ। सशस्त्र प्रहरी बल, नेपालले मानव कंकालसहित एक जनालाई पक्राउ गरेको छ । विराटनगरको सशस्त्र प्रहरी बल प्रस्तावित सीमा सुरक्षा गुल्म रानीबाट खटिएको टोलीले भारतबाट मानव कंकाल लिएर आउँदै गरेको अवस्थामा विराटनगर महानगरपालिका–१७ का ३७ वर्षीय विनोद रायलाई पक्राउ गरेको हो । गुल्मका प्रमुख डीएसपी ऋषिकेश राउतका अनुसार पक्राउ परेका राय रिक्सामा आउँदै गर्दा चेकजाँचको क्रममा उनले बोकेको झोलाबाट ३८ वटा मानव खप्पर र १० वटा नली खुट्टा बरामद भएको हो । साथै, रायसँगै रिक्सामा बसेको एक जना महिला फरार भएको र उनको खोजी भइरहेको उनले जानकारी दिए । पक्राउ परेका रायलाई आवश्यक अनुसन्धान र कारवाहीका लागि इलाका…

काठमाडौ, २० माघ। अख्तियार दुरुपयोग अनुसन्धान आयोगले नवलपरासी पश्चिमको पाल्हीनन्दन गाउँपालिकास्थित राजनारायण माध्यमिक विद्यालयका प्रधानाध्यापकसहित तीनजनाविरुद्ध भ्रष्टाचार मुद्दा दायर गरेको छ। भवन निर्माणका क्रममा सेवाग्राहीसँग घुस मागेको आरोपमा विद्यालयका प्रधानाध्यापक रेशम राज कण्डेल,विद्यालय सहायक लेखापाल सुरेश गुप्ता र विद्यालय व्यवस्थापन समितिका सदस्य सुरेन्द्र कहारसमेत गरी तीनजनाविरुद्ध आइतबार विशेष अदालत काठमाडौंमा आरोप पत्र दायर गरेको हो। अख्तिायरका प्रवक्ता नरहरि घिमिरेका अनुसार अनुसन्धानका क्रममा प्रधानाध्यापक कण्डेल,विद्यालय सहायक लेखापाल गुप्ता र विद्यालय व्यवस्थापन समितिका सदस्य कहारको मिलेमतोमा भवन निर्माण सम्पन्न पछि अन्तिम बिल भुक्तानी गर्नका लागि सेवाग्राहीसँग ६५ हजार घुस लिएको पुष्टि हुन आएपछि उनीहरूविरुद्ध आरोप पत्र दायर भएको हो। उनीहरु केही समयअघि…

भैरहवा, २० माघ। रुपन्देहीको सिद्धार्थनगर नगरपालिकाले ५७ औं स्थापना दिवस बिभिन्न कार्यक्रम गरी मनाउने भएको छ । वि.स २०२४ माघ २२ गते भैरहवा नगर पञ्चायतको नामबाट हालको नगरपालिका स्थापना भएको थियो । तत्कालीन ‘श्री ५ को सरकारद्वारा दश हजार सात जनसंख्या भएको क्षेत्रलाई २०२४ माघ २२ गते भैरहवा नगर पञ्चायत’ नामले स्थापना गरेको विषय उक्त समयमा प्रकाशित राजपत्रमा उल्लेख छ । सिद्धार्थनगर नगरपलिकाका नगर प्रमुख इश्तियाक अहमद खाँका अनुसार स्थापना दिवसको अवसरमा कार्यालयले विभिन्न संघसंस्था, नगरबासीहरुको सहभागितामा नगरमा प्रभातफेरी, शुभकामना आदानप्रदान कार्यक्रम गर्ने भएको हो। सामुदायिक एवं संस्थागत विद्यालयका शिक्षक शिक्षिकाहरु आफ्नो पोशाक र ब्यानर सहित सहभागी हुने तर विद्यार्थीहरुलाई…