Author: क्लिक लुम्बिनी

लुम्बिनी, २२ फागुन। शान्तिका अग्रदुत गौतमबुद्ध जन्मस्थल लुम्बिनीमा चार हजार दीप प्रज्वलन गरिने भएको छ । पाँच सय जनाको कुलपुत्र प्रवज्या, चौथौ त्रिपिटक वाचन चलिरहेको बेला शनिबार राती लुम्बिनीस्थित केन्द्रीय नहरको मध्यभागमा अवस्थित लुम्बिनी उद्यानमा चार हजार दीप प्रज्वलन गरिने भएको हो। धम्मकाय फाउण्डेशनले भिक्षु भिक्षुणी, लामा गुरु, आनी, उपासक उपासिका र प्रवजित भएका पाँच सय जना कुलपुत्रहरुको सहभागितामा विश्व शान्तिका लागि दीप प्रज्वलन कार्यक्रम राखेको हो। धम्मकायका अध्यक्ष भिन्ते फ्रा थाभोर्न थाभ्राले बुद्धजन्मस्थल लुम्बिनीमा दीप प्रज्जवलन गरी विश्व शान्ति र प्राणी जगतको कल्याणको कामना गरिने बताए। उनले गत वर्ष पनि दीप प्रज्वलन गरिएको बताउँदै आगामी बर्ष यसलाई अन्तर्राष्ट्रिय स्तरको…

लुम्बिनी, २२ फागुन । लुम्बिनी बौद्ध विश्वविद्यालयमा ३८ जना विदेशी विद्यार्थी भर्ना भएका छन् । चालु शैक्षिक सत्र मा भर्ना भएका उनीहरुलाई विश्वविद्यालयले एक कार्यक्रमकाबीच स्वागत गरेको छ। भर्ना भएका विद्यार्थीमध्ये ३५ जना चिनियाँ, दुई जना भारतीय र एक जना मलेसियन रहेको विश्वविद्यालयले जनाएको छ। विश्वविद्यालयका उपकुलपति प्रा.डा. सुवर्णलाल बज्राचार्य, रजिष्ट्रार डा. तिलकराम आचार्य, बौद्ध अध्ययन संकायका डिन डा. माणिकरत्न शाक्य, योजना तथा मूल्यांकन महाशाखाका निर्देशक डा. कुलप्रसाद खनालले विद्यार्थीहरुलाई एडमिसन अफर लेटर प्रदान गरेर स्वागत गरे। चालु शैक्षिक सत्रमा स्नातकोत्तर तहमा ३७ जना र स्नातक तहमा एक जना विद्यार्थी भर्ना भएको देवदह शिक्षा विकास परियोजनाका निर्देशक डा. कुमार खड्काले…

काठमाडौं,२२ फागुन । जनकपुरबाट काठमाडौंका लागि उडानको क्रममा बुद्ध एयरको विमानको अगाडीको चक्का (नोज ह्विल) खसेको छ। नागरिक उड्डयन प्राधिकरणका अनुसार ६२ यात्रुसहित उडान भरेको यूफोर ५०६ उडान नम्बरको एटीआर ७२ नामक ९ एन-एएनएच कलसाइनको बुद्ध एयर काठमाण्डौं विमानस्थलमा सुरक्षित अवतरण गरेपछि मात्र विमानको चक्का खसेको थाहा भएको थियो । जनकपुरबाट ४ः३९ बजे उडान भरेको विमानको अगाडी दुईवटा नोज ह्वील हुनुपर्नेमा अवतरणपछि एउटा मात्रै पाइएको थियो । प्राधिकरणका प्रवक्ता ज्ञानेन्द्र भुलका अनुसार विमान त्रिभुवन अन्तर्राष्ट्रिय विमानस्थलमा अवतरण गरेपछि गरिएको नियमित प्राविधिक निरीक्षणका क्रममा नोज ल्याण्डिङ गियर नदेखिएपछि खोजी गरिएको थियो । काठमाडौंको विमानस्थलका साथै जनकपुरमा पनि हराएको चक्का खोजी गर्दा…

भैरहवा, २२ फागुन। नेपाल प्रहरीका प्रहरी नायब महानिरीक्षक (डीआईजी) जनक भट्टराई प्रहरी अतिरिक्त महानिरीक्षक (एआईजी)मा बढुवा भएका छन्। प्रहरी नियमावली अनुसार ३० वर्षे सेवा अवधिका कारण आगमी चैत ५ मा अनिवार्य अवकाशमा जान लागेका भट्टराईलाई मन्त्रिपरिषद्को बैठकले एआईजीमा बढुवा गरेका हो।   बढुवा सिफारिस समितिले गत फागुन ११ गते भट्टराईलाई एआईजी बढुवाका लागि सिफारिस गरेको थियो।

पाल्पा, २२ फागुन । पाल्पाको रिब्दीकोट गाउँपालिका-१ र २ को सिमानाको संसारकोट डाँडामा गत मंगलबार दिउँसोदेखि लागेको आगो अझै नियन्त्रणमा आउन सकेको छैन। अधिक पातपतिङ्गर र लगातारको हुरीका कारण आगो निभाउन नसकिएको जिल्ला प्रहरी कार्यालय पाल्पाले जनाएको छ। करिब एक सय ७० हेक्टरमा फैलिएका चार वटा सामुदायिक वनमा क्षति भएको डिभिजन वन कार्यालय पाल्पाले जनाएको छ । कार्यालयका अनुसार देउरालीको लेक सामुदायिक वन, भारेखोला सामुदायिक वन, मधुवन सामुदायिक वन र वृन्दावन सामुदायिक वनमा क्षति भएको हो। आगो निभाउन नेपाली सेना, सशस्त्र प्रहरी बल र स्थानीय लागेका छन् ।

बुटवल, २२ फागुन ।रुपन्देही प्रहरीले अभौतिक मुद्राको कारोबार गरेको आरोपमा तीन जना युवाहरुलाई बुटवलबाट पक्राउ गरेको छ । पक्राउ पर्नेमा बुटवल उपमहानगरपालिका-५ विकाश पथका २३ वर्षीय जिसान मिया, बुटवल उपमहानगरपालिका-१ गणेशस्थानका २९ वर्षीय सुरज कशैधन, अर्घाखाँची छत्रदेव गाउँपालिका-५ घर भई बुटवल बुटवल उपमहानगरपालिका-११ देवीनगरका ३० वर्षीय ईमरान खान रहेको प्रहरीले जनाएको छ । कानुन विपरित वान एक्स बेट र बाइनान्स समेतका एप्सहरुको अनाधिकृत रुपमा प्रयोग गरी कारोबार गरेको आरोपमा इलाका प्रहरी कार्यालय बुटवलले उनीहरुलाई पक्राउ गरिएको जिल्ला प्रहरी कार्यालय रुपन्देहीका डीएसपी एवं सूचना अधिकारी सुरज कार्कीले जनाए । उनका अनुसार पक्राउ परेका व्यक्तिहरुको साथबाट विभिन्न बैंकको चेकबुक, वान एक्स बेट,…

दाङ, २२ फागुन । लुम्बिनी प्रदेश मन्त्रिपरिषद् बैठकले सचिवहरुको जिम्मेवारी तोकेको छ । मुख्यमन्त्री चेतनारायण आचार्यको अध्यक्षतामा बुधबार बसेको बैठकले सचिवहरुको जिम्मेवारी तोकेको हो । बैठकको निर्णयअनुसार कविन्द्र नेपाललाई मुख्यमन्त्री तथा मन्त्रिपरिषद्को कार्यालय, बलराम ढकाललाई युवा तथा खेलकुद मन्त्रालय, लोकबहादुर सुनारलाई आन्तरिक मामिला तथा कानून मन्त्रालय, नारद गौतमलाई उद्योग, पर्यटन तथा यातायात मन्त्रालयमा र दुर्गा लक्ष्मी श्रेष्ठलाई स्वास्थ्य मन्त्रालयको सचिवको जिम्मेवारी तोकिएको छ । यस्ते, समपूरक तथा विशेष अनुदानका आयोजनाहरु स्वीकृत गरी राष्ट्रिय योजना आयोगमा पठाउने निर्णय गरेको छ । प्रदेश खानेपानी, सरसफाई तथा स्वच्छता सेवा विधेयकको अवधारणापत्र माथि सैद्धान्तिक सहमति प्रदान गर्ने तथा लुम्बिनी प्राविधिक विश्वविद्यालयको संगठन संरचना तथा…

भैरहवा, २२ फागुन ।रुपन्देही प्रहरी केराउ लोड रहेको कन्टेनर (ट्रक) नियन्त्रणमा लिएको छ । प्रहरी चौकी खैरेनीको टोलीले जिल्लाको देवदह नगरपालिका-७ खैरेनीमा आठ लाख मूल्य बराबरको चार सय बोरा केराउ लोड रहेको ना ६ ख ४२७५ नम्बरको कन्टेनर (ट्रकं) नियन्त्रणमा लिएको जिल्ला प्रहरी कार्यालयले रुपन्देहीका डीएसपी एवं सूचना अधिकारी सुरज कार्कीले जनाए । साथै, प्रहरीले रामेछाप, मन्थली नगरपालिका-१३ का २८ वर्षीय ट्रक चालक सुजन अधिकारीलाई पनि पक्राउ गरेको छ । चेकजाँच गर्ने क्रममा केराउको बिलबिजक शंकास्पद लागेपछि चालक र केराउसहित ट्रक आवश्यक कार्यवाहीका लागि राजस्व अनुसन्धान कार्यालय बुटवल पठाइएको उनले बताए ।

दाङ, २२ फागुन । नेपालका लागि म्यानमारका राजदूत उ म्यो म्यिन्ट माउङले लुम्बिनी प्रदेशका मुख्यमन्त्री चेतनारायण आचार्यसँग शिष्टाचार भेट गरेका छन् । मुख्यमन्त्री तथा मन्त्रिपरिषद्को कार्यालय, राप्ती उपत्यका (देउखुरी) मा भएको भेटवार्तामा दुई देशबीचको सम्बन्धलाई थप प्रगाढ बनाउने, आपसी सहयोग आदानप्रदान गर्ने तथा सहकार्यलाई विस्तार गर्ने विषयमा छलफल भएको थियो । मुख्यमन्त्री आचार्यले नेपाल–म्यानमार विकास साझेदारीलाई अझ मजबुत बनाउँदै दातृ निकायहरुसँग सहकार्य गरेर प्रदेशलाई समृद्ध बनाउन पहल भइरहेको बताए । साथै, लुम्बिनी प्रदेशमा कृषि, पर्यटन, मौलिक कला तथा संस्कृतिको समृद्धि रहेको र यी क्षेत्रहरूको प्रर्वद्धन तथा विकासका लागि म्यानमार सरकार तथा सम्बन्धित साझेदारहरुसँग सहकार्य गर्ने अपेक्षा रहेको उल्लेख गरे ।…

सलमान खानभैरहवा, २२ फागुन । नाम–अजय उर्फ अमिरीका थारु। वर्ष–४२ । पेश–मजदुरी । मुद्दा–कर्तव्य ज्यान । जिल्ला प्रहरी कार्यालय रुपन्देहीको अपराध अनुसन्धान शाखामा एक व्यक्तिको ‘अपराधिक’ परिचय हो यो । ०८० मंसिर २५ गते हातहतियार खरखजाना मुद्दामा पक्राउ परी जेल सजाए भोगेर बाहिरिएका थारु फेरी जघन्य अपराधमा जोडिएका छन् । जेठीले छाडेपछि घरमा कान्छी श्रीमती भित्राएका उनको सम्बन्ध कान्छीसँग पनि सुमधुर रहेन । कान्छीले पनि छाडेर परपुरुष गएपछि मजदुरी गरेर हाल सियारी गाउँपालिका–२ च्याङठामा चार वर्षीया छोरी र आमाको लालनपालन गर्दै आएका उनी हत्याको आरोपमा प्रहरी हिरासतमा छन् । मजदुरीको सिलसिलमा बुटवलमा बसेर लेबर काम गर्दै आएका थिए । सधैंझै…