Author: क्लिक लुम्बिनी

काठमाडौ, २७ पुस । काठमाडौ प्रहरीले गत २८ दिनमा ८ सय २२ जना फरार प्रतिवादीहरुलाई पक्राउ गरेको छ । विभिन्न स्थानबाट पक्राउ परेका फरार प्रतिवादीहरुलाई अदालतमा पेश गरिएको प्रहरी उपरीक्षक नवराज अधिकारीले जानकारी दिए । उनका अनुसार गत साउनमा एक सय २९, भदौमा तीन सय ९९, असोजमा एक सय ८४, कात्तिकमा एक सय तीन र मङ्सिरमा दुई सय आठ फरार प्रतिवादी पक्राउ गरिएको छ । अदालतले विभिन्न कसुरमा उनीहरुविरुद्ध चार करोड ८२ लाख ३६ हजार पाँच सय ८५ जरिवाना र एक सय ४३ वर्ष आठ महिना २६ दिन कैद फैसला गरेको थियो ।

भैरहवा,२७ पुस । भैरहवास्थित चारतारे होटल नान्स परिसरमा ‘क्याफे थट्टिन्थ स्ट्रिट’ संचालनमा आएको छ । आन्तरिक र बाह्यक पर्यटक समेत आउने उक्त होटलमा कफी र बेकरीका पारखीहरुलाई लक्षित गर्दै लगि ‘क्याफे थट्टिन्थ स्ट्रिट’ संचालनमा ल्याइएको हो । बिहानदेखि मध्यरात १२ बजेसम्म संचालनमा रहेको उक्त क्याफेमा कफी, खाजा र बेकरीका स्वाद लिन सकिने ‘क्याफे थट्टिन्थ स्ट्रिट’ का संचालक अभिनाश श्रेष्ठले बताए । ‘हामीले ४० जना बढीलाई एकैपटकमा सेवा प्रवाह गर्न सकिने गरी दुई वटा तलामा क्याफे संचालनमा ल्याएका छौँ’, उनले भने, ‘जसमा हामीले नाफा कमाउने भन्दा पनि पाहुनाहरु समक्ष गुणस्तरीय परिकार पस्किनमा ध्यान दिएका छौँ ।’ क्याफेमा क्यापिचिनो, अमेरिकानो, डबल अमेरिकानो,…

हृदयराम गुप्तामर्चवार, २६ पुस। रुपन्देहीको मर्चवार क्षेत्रमा घुम्ती बन्धयाकरण शिविरमा ८५ जना लाभान्वित भएका छन् । मर्चवारको सम्मरीमाई, मर्चवारी र कोटहीमाई गाउँपालिकामा सम्पन्न भएको उक्त बन्ध्याकरण शिविरमा महिलाहरुले सेवा लिएपनि पुरुष संख्या शुन्य देखिएको छ । सम्बन्धित स्थानीय तहको आयोजना स्वास्थ्य कार्यालय रुपन्देहीको समन्वय र सुनौलो परिवार नेपाल (मेरीस्टोप्स)को प्राविधिक सहयोगमा रुपन्देही जिल्लाको हरेक स्थानीय तहमा संचालन हुने शिविरको मर्चवारबाट सुरु भएको छ । ग्त पुस १८ र १९ गते सम्मरीमाई ५ स्थित रोइनिहवा स्वास्थ्य चौकीमा सम्पन्न उक्त शिविरमा ३८ जना महिलाहरुले सेवा लिएको सम्मरीमाई गाउँपलिका स्वास्थ्य शाखा प्रमुख मुन्सी प्रसाद माझीले बताए । गत पुस २१ र २२ गते…

भैरहवा, २६ पुस । पछिल्लो केही दिन यता रुपन्देहीमा चिसो बढेसँगै स्थानिय पालिकाहरुले न्यानो कपडा वितरण शुरु गरेका छन् । रुपन्देहीमा गत मंगलबारदेखि अत्यधिक चिसो बढेको छ । चिसोबाट जोगाउनका लागि रुपन्देहीको सियारी गाउँपालिकासहित अन्य पालिकाहरुले पनि न्यानो कपडा वितरणलाई प्रभावकारी बनाएका छन् । चिसो बढेपछि नागरिकको जनजिवन कष्टकर बनेपछि सियारीले नागरिकको घरदैलोमा पुगेर न्यानो कपडावापत कम्बल वितरण गरेको छ । चिसो बढेपछि रुपन्देहीको सियारी गाउँपालिकाले ७५ वर्षमाथिका र अति अशक्त नागरिकलाई कम्बल वितरण गरेको छ । सियारीले सबैजसो वडामा कम्बल वितरण गरेको गाउँपालिका अध्यक्ष थानेश्वर घिमिरेले जानकारी दिए । बढ्दो चिसोका कारण निम्न आयवर्गका पालिकावासी बालबालिका र वृद्धवृद्धालाई बढी…

भैरहवा, २६पुस। रुपन्देहीको सिद्धार्थनगर नगरपालिकामा शनिबार (भोलि) देखि चौथो राष्ट्रपति रनिङशिल्ड प्रतियोगिता सुरु हुने भएको छ । पुस २९ गतेसम्म संचालन हुने उक्त प्रतियोगिता नगर भित्रका सामुदायिक र संस्थागत बिद्यालयमा अध्ययनरत बिद्यार्थीहरुको सर्वागिङ विकासका लागि लक्षित गरेर संचालन गर्न लागिएको सिद्धार्थनगर नगरपालिकाको कार्यालयले जनाएको छ । शुक्रवार नगरपालिका कार्यालयद्धारा आयोजित पत्रकार सम्मेलनमा नगरका शिक्षा शाखा प्रमुख चेतनशिल लम्सालले सवै तयारी पुरा भएको जनाए । उनका अनुसार प्रतियोगिता सिद्धार्थनगर–१ स्थित पक्लिहवा मावि, पक्लिहवा कृषि क्याम्पस र वडा नं. ५ स्थित भैरहवा नमूना उच्च माविको खेल मैदानमा संचालन हुनेछ । प्रतियोगिताभर ४२ वटा इभेन्टमा खेल हुनेछन् । नगर भित्रका कुल २७ वटा…

भैरहवा, पुस २६ । रुपन्देहीको भैरहवास्थित सिद्धार्थ क्रिकेट रंगशालामा सम्पन्न १०औं साई ग्लोबल कप जिल्लास्तरीय अन्तरकलेज टि–२० क्रिकेट प्रतियोगिताको उपाधि बुटवल कालिका क्याम्पसले उचालेको छ । शुक्रवार भएको फाइनल खेलमा प्यारामाउण्ट कलेजलाई २२ रनले पराजित गर्दै कालिकाले उपाधि उचाल्न सफल भएको हो । उपाधिसँगै कालिकाले नगद ५५ हजार रुपैयाँ, ट्रफी, मेडर र प्रमाणपत्र प्राप्त गर्यो । उपविजेतामा चित्त बुझाएको प्यारामाउण्टले २५ हजार ५५५ रुपैयाँसहित ट्रफी, मेडल र प्रमाणपत्र प्राप्त गर्यो । फाइनलमा टस जितेर ब्याटिङ गरेको बुटवल कालिकाले निर्धारित २० ओभरको खेलमा ३ विकेट गुमाउँदै १ सय १७ रन बनायो । कालिकाका लागि प्रज्वल थापा र गगन अधिकारीले समान ३२–३२,…

भैरहवा, २६ पुस । रुपन्देही प्रहरीले बुटवलस्थित सुप्रिम बचत तथा ऋण सहकारी संस्था लिमिटेडको रकम अपचलन प्रकरणको अनुसन्धान प्रतिवेदन जिल्ला सरकारी वकिल कार्यालयलाई बुझाएको छ । इलाका प्रहरी कार्यालय बुटवलले राष्ट्रिय स्वतन्त्र पार्टीका सभापति एवं गोर्खा मिडिया नेटवर्क प्रालिका पूर्वप्रबन्ध निर्देशक रवि लामिछाने, पूर्वडीआईजी छविलाल जोशीसहित १४ जनाविरुद्ध सहकारी ठगी, संगठित अपराध र सम्पत्ति शुद्धिकरणमा मुद्दा चलाउनु पर्ने रायसहित अनुसन्धान प्रतिवेदन सरकारी वकिल कार्यालयलाई बुझाएको हो । सुप्रिम सहकारीको रकम अपचलन सम्बन्धमा शुक्रवार जिल्ला सरकारी वकिल कार्यालयमा अनुसन्धान प्रतिवेदन बुझाइएको रुपन्देहीका एसपी रंजितसिंह राठौरले जानकारी दिए । सहकारीको रकम अपचलन सम्बन्धमा यस अघि लामिछाने गृहमन्त्री भएको बेला एक हजार आठ…

पोखरा,२५पुस। पोखराको सूर्यदर्शन सहकारी ठगी प्रकरणमा पक्राउ परेका राष्ट्रिय स्वतन्त्र पार्टीका सभापति एवं गोर्खा मिडिया नेटवर्क प्रालिका पूर्वप्रबन्ध निर्देशक रावि लामिछाने धरौटीमा रिहा भएका छन्। थुनछेक बहसपछि जिल्ला अदालत कास्कीका न्यायाधीश नीतिज राईको इजलासले ६५ धरौटीमा रिहा गर्ने आदेश पश्चात पक्राउ परेका ८४ दिनपछि उनी धरौटी बुझाएर रिहा भएका हुन्। रिहा भएका लामिछानेविरुद्ध जिल्ला अदालत काठमाडौंले पनि स्वर्णलक्ष्मी सहकारीबाट बचतकर्ताको रकम हिनामिना प्रकरणमा अनुसन्धानका लागि पक्राउ पूर्जी जारी गरेको छ। रिहा भएका लामिछाने काठमाडौं जिल्ला अदालतमा आफैं उपस्थित हुने बताइएको छ।

भैरहवा, २५ पुस। रुपन्देहीको ओमसतिया गाउँपालिका-२ स्थित पडसरीमा खुल्ला नकआउट भलिबल प्रतियोगिता सुरु भएको छ । युथ क्लब अफ पडसरीले स्थापना दिवसको अवसरमा खेलकुदको प्रर्वद्धन गर्ने उद्देश्यले प्रतियोगिताको आयोजना गरेको हो। कार्यक्रमको उद्घाटन गर्दै ओमसतिया गाउँपालिकाका अध्यक्ष मन्जित कुमार यादवले यस्तै किसिमको प्रतियोगिताले खेलाडी उत्पादनमा टेवा पुग्ने बताउँदै पालिकाबाट आवश्यक साथ सहयोग रहने बताए ।  ओमसतिया गाउँपालिकाको उपाध्यक्ष सुनिता चौधरीले क्लबले धेरै राम्रो सामाजिक क्रियकलापहरु गर्दै आईरहेको भन्दै पालिकाले उच्च मूल्याङ्कन गरेको बताईन् । उनले प्रतियोगितामा विभिन्न स्थानबाट आएका खेलाडीहरुबीच सम्बन्ध स्थापित भई राम्रो हुने बताउँदै यस्तै प्रतियोगिताले पालिकामा विभिन्न विधाका लागि खेलाडीहरु उत्पादनमा सहयोग पुगेको जनाईन् । उनले गाउँपालिकाको…

पोखरा, २५ पुस। स्वतन्त्र पार्टी (रास्वपा) का सभापति एवं गोर्खा मिडिया नेटवर्क प्रालिका पूर्वप्रबन्ध निर्देशक रवि लामिछाने धरौटीमा रिहा गर्ने आदेश भएको छ। पोखराको सूर्यदर्शन सहकारी ठगी आरोपमा प्रहरी नियन्त्रयणमा रहेका लामिछानेलाई बिहीबार कास्की जिल्ला अदालतका न्यायाधीश नीतिज राईको इजलासले ६५ लाख धरौटीमा रिहा गर्न आदेश दिएको हो। सूर्यदर्शन सहकारीका बचतकर्ताको रकम अपचलन गरेको आरोपमा लामिछाने गत कात्तिक २ गते काठमाडौंबाट पक्राउ परेका थिए। कास्की जिल्ला अदालतमा बुधबार प्रतिवादी तर्फका कानुन व्यवसायीहरूको बहस सकिएपछि आज सरकारी वकिलले जवाफी बहस गरेका थिए। सरकारी वकिलले जवाफी बहसका क्रममा सहकारी ठगी गरेको पर्याप्त प्रमाण भएकाले लामिछानेलाई पुर्पक्षका लागि थुनामै राख्नुपर्ने तर्क गरेका थिए।लामिछानेमाथि…