Author: क्लिक लुम्बिनी

नेपालगञ्ज, २८ माघ। बाँके प्रहरीले वैदेशिक रोजगारीमा पठाइदिने भन्दै विभिन्न व्यक्तिसँग रकम ठगी गरेको एक महिलालाई पक्राउ गरेको छ । पक्राउ पर्नेमा बाँकेको बैजनाथ गाउँपालिका ५ की २३ वर्षीया तिर्सना बाठा मगर रहेको प्रहरीले जनाएको छ । जिल्ला प्रहरी कार्यालय बाँकेका सूचना अधिकारी एवं डीएसपी आयुश प्रसाद जोशीका अनुसार वर्किङ भिसामा जापान पठाइ दिने भन्दै विभिन्न व्यक्तिसँग एक करोड २३ लाख रकम लिएर उनी तीन महिनादेखि बेपत्ता भएका थिइन्। पीडितले दिएको उजुरीको आधारमा इलाका प्रहरी कार्यालय कोहलपुरबाट खटिएको प्रहरी टोलीले उनलाई पक्राउ गरेको हो। पक्राउ परेको मगर माथि थप अनुसन्धान भइरहेको जिल्ला प्रहरी कार्यालय बाँकेले जनाएको छ ।

तिलोत्तमा, २६ माघ । रुपन्देहीको तिलोत्तमा नगरपालिकाले नगरलाई महिला मैत्री बनाउने भएको छ । जसका लागि संयुक्त राष्ट्रको परियोजना सेवा कार्यालय (यूएनओपीएस) ले पालिकामा परियोजना संचालन गरेर नगरलाई महिला मैत्री सहर बनाउनका लागि छनौट गरेको छ । नगरमा रहेका भूउपयोगी क्षेत्रमा महिला मैत्री सहर परियोजना मार्फत समावेशी र जलवायु प्रतिरोधी सहरीकरणका लागि उपयोगी जमिन व्यवस्थापन गर्न सहरी विकास मन्त्रालय र (यूएनओपिएस (महिलाका लागि सहरी परियोजना) का प्रतिनिधिहरुसँग नगरपालिकामा छलफल तथा अन्तरक्रिया कार्यक्रम भएको छ । प्रतिनिधिहरुसँगको छलफल तथा अन्तरक्रिया पश्चात परियोजना मार्फत उपयोगी खाली जमिनहरु व्यवस्थापनमा सहयोग पुग्ने विश्वास लिइएको तिलोत्तमा नगरपलिकाका प्रमुख प्रशासकीय अधिकृत नारायण अर्यालले बताए । ‘महिला…

भैरहवा, २६ माघ । राष्ट्रिय मुक्ति पार्टी नेपालका अध्यक्ष राजेन्द्र महतोले लोकतन्त्रवादीबाट नै लोकतन्त्रमाथी खतरा भएको बताएका छन् । शनिवार भैरहवामा पत्रकारहरुसँग भेटघाट गर्दै ३५ वर्षदेखि देशमा शासन गरेका नेपाली कांग्रेस, नेकपा एमाले र नेकपा माओवादीले अहिले मुलुकलाई अधिनायकवादतर्फ धक्लेन खोजेको भन्दै यी दलहरुबाटै लोकतन्त्रमाथी खतरा भएको बताए । ‘लोकतन्त्र विरोधीबाट लोकतन्त्रमाथी खतरा हुने हो भने लोकतन्त्रवादी लडिहाल्छन् । तर, यहाँ त जो लोकतन्त्रका लागि लड्यो आज उसैबाट खतरा भयो’,उनले भने,‘अधिनायकवाद लाद्न र लोकतन्त्रको हत्या गर्नैका लागि कांग्रेस र एमाले मिलेका छन् ।’ पूर्व उपप्रधानमन्त्री समेत रहेका महतोले एकल राष्ट्रिय राज्य चिन्तनवादबाट मुलुक चलिरहेको भन्दै ठूला दलहरुले जनतासँग विश्वासघात गरेर दुवै…

भैरहवा, २६ माघ । रुपन्देही प्रहरीले कलबाइपास गरेको आरोपमा एकजनालाई पक्राउ गरेको छ । पक्राउ पर्नेमा पश्चिम नवलपरासीको प्रतापपुर गाउँपालिका–८ नोडिहवाका २७ वर्षीया रोहित अहिर रहेको प्रहरीले जनाएको छ । सिद्धार्थनगर नगरपालिका–३, खजहनास्थित कोठा भाडामा लिएर कलबाइपासको कार्य भइरहेको प्राप्त सूचनाका आधारमा खानतलासी गर्दा विभिन्न उपकरणसहित अहिरलाई पक्राउ गरिएको जिल्ला प्रहरी कार्यालय रुपन्देहीका प्रहरी निरीक्षक यमलाल बञ्जाडे जनाए । उनका अनुसार अहिरको साथबाट स्पोलिएर कम्पनीको हब ९ थान, इन्टल कोर आईफाइभ कम्पनी कप ४ थान, मोडेम १६७ थान, हबविथ एन्टम २ थान, नेपाल टेलिकमको सिमकार्ड १९० थान, एनसेलको सिमकार्ड २७० थान, एलसिडी मनिटर १ थान बरामद भएको छ । यस्तै…

जनकपुरधाम, २५ माघ। प्रहरीले महोत्तरीमा ६ क्विन्टल गाँजा बरामद गरेको छ । साथै, गाँजा बरामद गरिएको ट्रक र चालकलाई नियन्त्रणमा लिएको जनाएको छ । बर्दिबास–जलेश्वर सडकखण्डमा जलेश्वरतर्फ जाँदै गरेको प्रदेश २–०४–००१ ख ००२१ नम्बरको ट्रकलाई शंका लागेर जाँच गर्दा ६ क्विन्टल चार किलो गाँजा बरामद भएको फेला परेको जिल्ला प्रहरी कार्यालय महोत्तरीका प्रवक्ता सन्तुलाल जैसवारले बताए। ट्रकका चालकउदयपुरको कटारी नगरपालिका–१ का गणेशबहादुर विश्वकर्मालाई नियन्त्रणमा लिई घटनाको अनुसन्धान गरिरहेको प्रहरीले जनाएको छ ।

धनगढी,२५ माघ । कैलालीको गोदावरी नगरपालिका–११ गोठानमा बिहीबार साँझ आमा–छोरी मृत अवस्थामा फेला परेका छन् । बिहीबार राति २४ वर्षीया मिरा कामी र उनकी दुई वर्षीया छोरी प्रिन्सी घरमै झुन्डिएको अवस्थामा भेटिएको जिल्ला प्रहरी कार्यालय कैलालीका प्रवक्ता प्रहरी नायव उपरिक्षक कबिन्द्र सिंह बोहराले बताए । मृतकका श्रीमान रोजगारीको सिलसिलामा भारतमा छन्। घटनाबारे अनुसन्धान भइरहेको प्रहरीले जनाएको छ।

झाापा, २५ माघ। झापाको बिर्तामोडस्थित होटलमा एक युवा मृत फेला परेका छन् । सुनसरीको धरान–१५ घर भइ झापा बसोबास गर्दै आएकी एक युवती र हल्दीबारीका सागर बेस्रा बिर्तामोड–४ स्थित एभरेष्ट होटलमा बसेका थिए । उक्त होटलमा युवाको मृत्यु भएपछि युवती र होटल सञ्चालक यामकुमारी उप्रेतीलाई नियन्त्रणमा लिइएको इलाका प्रहरी कार्यालय अनारमनीले जनाएको छ । प्रहरीका अनुसार राती खाना खाएर सुतेको समयमा बेस्रा कोठा भित्र बाथरुमको ढोकाको छेउ लडेर बेहोस भएपछि युवती र होटल सञ्चालकले उपचारका लागि अस्पताल पुर्याएका थिए । अस्पतालमा चिकित्सकले मृत घोषणा गरेपछि प्रहरीले दुवै जनालाई नियन्त्रणमा लिएर घटनाको अनुसन्धान थालेको जनाएको छ ।

सिरहा, २५ माघ। प्रहरीले नेपाल विद्युत प्राधिकरण सिरहा शाखामा कार्यरत कर्मचारीलाई पक्राउ गरेको छ । पक्राउ पर्नेमा उदयपुरको लिम्चुङबुङ गाउँपालिका ४ का ३१ वर्षीय विश्वराज राई रहेको प्रहरीले जनाएको छ । जिल्ला प्रहरी कार्यालय सिरहाका प्रवक्ता तथा डिएसपी विरेन्द्र पासवानका अनुसार राईलाई जबरजस्ती करणी (बलात्कार) र विद्युतीय कारोबार ऐनअन्तर्गत कसुरको मुद्दामा पक्राउ गरिएको हो । काठमाडौं जिल्ला अदालतले उनीविरुद्ध पक्राउ पुर्जी जारी गरेको थियो। जसअनुसार राईलाई पक्राउ गरेर साइबर ब्यूरो काठमाडौं पठाइएको डीएसपी पासवानले बताए ।

काठमाडौं, २५ माघ। परराष्ट्र मन्त्री डा. आरजु राणा देउवाले इस्लामिक गणतन्त्र इरानका विदेशमन्त्री सय्यद अब्बास अराघ्चीसँग फोनवार्ता गरेकी छन्। हमास अतिवादी समूहको नियन्त्रणमा रहेका नेपाली युवा विपिन जोशीको रिहाइका लागि पहल गरिदिन आग्रह गर्दै मन्त्री राणाले इरानका विदेशमन्त्रीसँग फोनवार्ता गरेकी हुन् । फोन वार्तामा विदेशमन्त्री अराघ्चीले हमासका अधिकारीहरुसँग आफूले विपिन रिहाइको मुद्दा प्राथमिकताका साथ उठाउने आश्वासन दिएको जनाइएको छ। इजरायल सरकार र हमासबीच युद्धविराम भएपछि आफ्ना नियन्त्रणमा रहेका बन्दीहरुलाई हमासले मुक्त गर्न थालेको छ । जसकारण विपिनको रिहाईका लागि सरकारले कूटनीतिक पहल जारी राखेको छ । यस अघि मन्त्री राणाले इजिप्टका र इजरायलका विदेशमन्त्रीसँग पनि फोनवार्ता गरी विपिनको रिहाईका लागि…

टर्कीका राष्ट्रपति रेसेप तैयप एर्दोगान र सिरियाका अन्तरिम राष्ट्रपति अहमद अल–शाराबीच भेटवार्ता भएको छ । दुई देश बीचको सम्बन्ध पूर्णरूपमा पुनस्र्थापित गर्ने र सहयोग बढाउने प्रतिवद्धता गरिएको बताइएको छ । टर्की ध्वस्त सिरियाली शहरहरुको पुनर्निर्माणलाई समर्थन गर्न तयार रहेको एर्दोगानले अंकारामा भ्रमणमा रहेका अल–शारासँगको वार्तापछि संयुक्त पत्रकार सम्मेलनमा बताए। अंकारामा भ्रमणमा रहेका अल–शारासँगको वार्तापछि संयुक्त पत्रकार सम्मेलनमा एर्दोगानले उक्त टिप्पणी गरेका हुन्। उनले सिरियामा सुरक्षा सुदृढ पार्ने टर्कीको प्रतिवद्धतालाई जोड दिए। सुरक्षा सहकार्यभन्दा बाहिर दुवै नेताहरूले टर्की र सिरिया बीचको आर्थिक सम्बन्धलाई बढाउने दृढ संकल्प व्यक्त गरे। एर्दोगानले द्विपक्षीय सम्बन्धको बहुआयामिक प्रकृतिलाई प्रकाश पारे। अल–शाराले आफ्नो तर्फबाट टर्कीसँग गहिरो रणनीतिक…