Author: क्लिक लुम्बिनी

भैरहवा, ५ बैशाख । जिल्ला प्रशासन कार्यालय रुपन्देहीले पाँच वर्षभन्दा बढी समयदेखि नवीकरण नगरिएका हातहतियार कार्यालयमा बुझाउनका लागि सूचना जारी गरेको छ। साथै कतिपय इजाजत प्राप्त धनीले तोकिएको म्यादभित्र हतियार नवीकरण नगरेकोले ३५ दिनभित्र नवीकरण गर्न समेत कार्यालयले आग्रह गरेको छ। ‘इजाजत लिएर हातहतियार राखेको तर कतिपयले म्यादभित्र नवीकरण नगरेको कार्यालयको अभिलेखबाट देखिएपछि नवीकरण गर्न र हतियार बुझाउनका लागि सूचना जारी गरेका छौँ’ रुपन्देहीका प्रमुख जिल्ला अधिकारी गणेश अर्यालले भने, ‘अटेर गरेमा कारबाही गर्छौं।’

भैरहवा, ४ बैशाख । नेपाल प्रहरीका दुई जना प्रहरी नायब महानिरीक्षक (डीआईजी) अभिरिक्त महानिरीक्षक (एआईजी) पदमा बढुवा सिफारिस भएका छन् । बैशाख ३ गते बसेको बढुवा समितिको निर्णय अनुसार डीआईजी उमेशराज जोशी र भिमप्रसाद ढकाल एआईजी पदमा बढुवा सिफारिस भएका हुन् । उमेर हदका कारण क्रमश: बैशाख ५ र बैशाख ७ गते एआईजी सन्दीप भण्डारी र मिरा चौधरी अवकाशमा जाँदैछन् । सोही रिक्त हुने एआईजी पदमा डीआईजी उमेशराज जोशी र भिमप्रसाद ढकाल बढुवा सिफारिसमा परेका हुन् । डीआईजी जोशी ७३.८३६८ प्राप्ताङ्कसहित पहिलो नम्बरमा र ढकाल ७३.६३०६ अंकप्राप्त गर्दै दोस्रो नम्बरमा बढुवा भएका हुन् । जोशी राष्ट्रिय प्रहरी प्रशिक्षण प्रतिष्ठान महाराजगञ्जमा…

भैरहवा, २ चैत । बलिउड अभिनेता सलमान खानको घरमा गोली प्रहार भएको छ । आइतबार बिहान अभिनेता खानको मुम्बईको ब्रन्दा स्थित ग्यालेक्सी अपार्टमेन्टमा करिब ५ बजे मोटरसाइकलमा आएका दुई जना अज्ञात व्यक्तिले घरमा गोली प्रहार गरेको भारतीय संचारमाध्यमहरुले जनाएका छन् । भारतीय प्रहरीका अनुसार गोली उनको घरको भित्तामा लागेको छ भने कुनै मानवीय क्षति भएको छैन । घटना भएलग्त्तै अभिनेता खानको घरमा सुरक्षा बढाइएको छ र मुम्बई क्राइम ब्रान्च सहितको फोरेन्सिक टोलीले अनुसन्धान सुरु गरेको छ । अभिनेता खानलाई यस अघि लरेन्स बिश्नोईको समूहले ज्यान मार्ने धम्की दिइएपछि उनको सुरक्षा बढाइएको थियो । यस घटनामा पनि मुम्बई क्राइम ब्रान्चले लरेन्स…

भैरहवा, ३० चैत । भैरहवाको सिद्धार्थ क्रिकेट मैदानमा जारी ड्रिम युनिक रुपन्देही सुपरलिग एक दिवसीय क्रिकेट प्रतियोगितामा न्यु होराइजन क्रिकेट क्लब विजयी भएको छ । डिभिजन ‘ए’ अन्तर्गतको खेलमा न्यु होराइजनले मेलवर्न क्रिकेट क्लबलाई १६ रनले हराउँदै विजयी भएको हो । टस जितेर ब्याटिङ रोजको न्य होराइजनले निर्धारित ५० ओभरमा सबै विकेट गुमाउँदै २ सय १४ रनको योगफल बनायो । जसका लागि १ सय ४३ बलमा अमर मिश्राले ६ चौकाको मद्दतले ८९ रनको अर्धशतकीय पारी खेले । यस्तै, निश्चल ज्ञवालीले २९, महेश भरले २४, बाबुराम क्षेत्रीले २२ र प्रदीप शाहनीले १० रन जोड्न सफल भए । बलिङमा मेलवर्नका रमेश कुर्मी,…

भैरहवा, ३० चैत। लुम्बिनी प्रदेशलाई लक्षित गरि राइड शेयरिङ एप ई-ड्राईभ नेपाल सञ्चालनमा आउने भएको छ । ई-ड्राईभ लुम्बिनी र ई-ड्राईभ नेपालको सहकार्यमा बैशाख पहिलो साताबाट लुम्बिनी प्रदेशमा पहिलोपटक राइड शेयरिङ संचालनमा आउने भएको हो । ई-ड्राईभ लुम्बिनी नेपालले सर्वसाधारणलाई ओहोर दोहोर सहज तुल्याउन अनलाइन माध्यमबाट टयाक्सी र मोटरसाइकलबाट राइडिङ सुविधा प्रदान गर्ने ई-ड्राईभ लुम्बिनी प्रालिका अध्यक्ष राजकुमार गुप्ताले जानकारी दिए ।नेपालमै तयार भएको एप र मुख्य गरी विधुतिय गाडीलाई प्राथमिकता राखेर बैशाखको पहिलो साताबाट सेवा सुरु गर्न लागिएको उनले बताए ।कम्पनीले नेपाल सरकारबाट निर्धारण गरिएको भाडा दर नै कायम गरिने उनको भनाई छ । ‘स्थानीय युवालाई आफ्नै ठाउमा रोजगारको…

भैरहवा, २७ चैत । जिल्ला प्रहरी कार्यालय रुपन्देही मातहतका विभिन्न प्रहरी ईकाईहरुले भन्सार छलेर भित्राइएको कुखुरा र कपडा बरामद गरेको छ । तस्करीमा प्रयोग भएको मोटरसाइकलको मूल्य सहित साढे तीन लाख बराबरको साम्रगीहरु विभिन्न प्रहरी ईकाइहरुले बरामद गरेको रुपन्देहीका एसपी रंजित सिंह राठौरले जानकारी दिए । प्रहरी चौकी पिप्रहवाबाट खटिएको टोलीले भन्सार छलेर मोटरसाइकलमा भित्राइएको ५७ हजार बढी मूल्य बराबरको कुखुरा रोहिणी गापाको कोटिहवाबाट नियन्त्रणमा लिएको छ । त्यस्तै प्रहरी बिट बसपार्क भैरहवाको टोलीले भैरहवा बसपार्कबाट वेवारिसे अवस्थामा एक लाख पचास हजार मूल्य बराबरको ६७ थान कुर्ता, सुरुवाल, एक हजार सात सय नब्बे थान मोजा बरामद गरेको रुपन्देहीका डिएसपी मनोहर…

काठमाडौँ, २७ चैत। नेपाली कांग्रेसले प्रतिनिधिसभाको बैठक अवरुद्ध गरेको छ । प्रतिनिधिसभाको बैठक सुरु भएलग्त्तै प्रमुख प्रतिपक्षी दल नेपाली कांग्रेसका सांसदहरुले उठेर संसदमा अवरुद्ध गरेका थिए । सभामुखको अनुमतिले कांग्रेस सचेतक सुशिला थिङले सहकारी ठगि प्रकरणमा उपप्रधान तथा गृहमन्त्री रवि लामिछानेको संग्लनताबारे छानबिन गर्न संसदीय समिति गठनको माग राखिन् ।उनले लामिछानेको ठाउमा अरु भएको भए के हुन्थ्यो भन्दै प्रश्न समेत गरेकी छन् । सांसद थिङले सहकारी प्रकरण बारे कांग्रेस संसदीय दलको बैठकले गरेका निर्णय समेत संसदमा सुनाइएकी थिइन् । सभामुखले रास्वपाका सांसद मनिष झालाई बोल्न समय दिएपछि कांग्रेसका सांसदले उठेर विरोध गर्दै बैठक अवरुद्ध गरेका छन् । बैठक अवरुद्ध भएसँगै…

भैरहवा, २७ चैत । नेपाल भन्सार एजेन्ट संघ सिद्धार्थनगर, रुपन्देहीको अध्यक्षमा मधुप्रसाद पन्थी सर्वसम्मत निर्वाचित भएका छन्। भैरहवामा सम्पन्न संघको २५ औं वार्षिक साधारण सभा तथा ११औं अधिवेशनबाट अध्यक्ष पन्थी सहित १७ सदस्यीय नयाँ कार्यसमिति सर्वसम्मत निर्वाचित भएका हुन् । संघका अनुसार नयाँ कार्यसमितिको वरिष्ठ उपाध्यक्षमा हिरालाल धोवी, प्रथम उपाध्यक्षमा ओमप्रकाश गिरी, द्वितिय उपाध्यक्षमा सत्यनारायण चौधरी, तृतिय उपाध्यक्षमा वाकेप्रसाद मेडिहार, महासचिवमा विष्णुप्रसाद भुसाल, कोषाध्यक्षमा प्रकाश पौडेल र सचिवमा गोविन्द रेग्मी सर्वसम्मत निर्वाचित भएका छन् । त्यस्तै सदस्यहरुमा सुमन पन्थ, रुक्मागत खनाल, अशोक वर्मा, जिवलाल भण्डारी, सीता सापकोटा, हिमाकुमारी शर्मा, विपिन पराजुली र रामप्रसाद आचार्य निर्वाचित भएका छन् ।

वीरगञ्ज, २६ चैत । पर्सा प्रहरीले वीरगञ्जको नेशनल मेडिकल कलेजमा प्रहरीले छापा मारेर दुई जनालाई पक्राउ गरेको छ ।पक्राउ पर्नेमा मेडिकल कलेजका म्यानेजिङ डाइरेक्टर (एमडी) सहनवाज अन्सारी र ल्याब प्रमुख सञ्जय साह छन् । उनीहरुलाई जिल्ला प्रहरी कार्यालय पर्साको टोलीले सोमबार दिउँसो पक्राउ गरेको हो । मेडिकल कलेजले म्याद गुज्रिएका सामाग्री प्रयोग गर्ने गरेका गुनासो आएपछि प्रहरीले अनुसन्धान गरेको थियो । सो क्रममा म्याद गुज्रिएका सामाग्री समेत बरामद गर्नुका साथै दुई जनालाई पक्राउ गरिएको पर्सा प्रहरीका प्रमुख एसपी कुमोध ढुंगेलले बताए ।

काठमाडौं । गायक निशान भट्टराई र मोडल ऋचा न्यौपानेको सम्बन्ध विच्छेद भएको छ । काभ्रे जिल्ला अदालतका न्यायाधीश विश्वनाथ भट्टराईको एकल इजलासले सम्बन्ध विच्छेदको फैसला गरेको हो । ऋचाले डिभोर्सको मुद्दा दायर गरेकी थिइन् । अदालतको वेबसाइटमा उनीहरुबीच सम्बन्ध विच्छेदको मिलापत्र भएको उल्लेख छ । आपसी सहमतिमै उनीहरुले डिभोर्स गरेको जनाइएको छ । अदालतको आदेशमा भनिएको छ, ‘प्रस्तुत मिलापत्रको ब्यहोरा, त्यसको मतलब र परिणामसमेत दुवै पक्षलाई पढीबाची लेखिए बमोजिम पति पत्नीबीचको सम्बन्धविच्छेद हुनेगरी मिलापत्र गर्न सहमत भई दुवै पक्षहरुले सहीछाप समेत गरेकाले मुलुकी देवानी कार्यविधि संहिता २०७४ को दफा १९३ बमोजिम प्रस्तुत मिलापत्र प्रमाणित गरिदिएको छ ।’ २०७७ सालमा दुईबिच…