Author: क्लिक लुम्बिनी

सिमरा, ८ कार्तिक। अख्तियार दुरुपयोग अनुसन्धान आयोगको टोलीले बाराको सिम्रौनगढ नगरपालिकाका निमित्त प्रमुख प्रशासकीय अधिकृत वीरेन्द्रप्रसाद साहलाई घुससहित पक्राउ गरेको छ। बिल भुक्तानी गरिदिने भन्दै सेवाग्राहीसँग ७८ हजार रुपैयाँ घुस लिएको अवस्थामा निमित्त प्रमुख प्रशासकीय अधिकृत साहलाई कलैया उपमहानगरपालिका-४ बाट घुससहित पक्राउ गरिएको अख्तियार दुरुपयोग अनुसन्धान आयोग हेटौंडा कार्यालयका सूचना अधिकारी गोविन्दप्रसाद गौतमले बताए। पक्राउ परेका साहलाई आवश्यक कारबाहीका लागि हेटौंडा लैजाने तयारी भइरहेको सूचना अधिकारी गौतमले बताए।

दाङ, ८ कार्तिक। नबालिकालाई जबरजस्ती करणीको आरोपमा सशस्त्र प्रहरी बल, नेपालका दुई जना सुरक्षाकर्मी पक्राउ परेका छन्। पक्राउ पर्नेहरुमा सशस्त्र प्रहरी बल, नेपाल २९ नम्बर ज्वालामाई गण, दाङमा कार्यरत सहायक हवल्दार भरत रोका मगर र जवान रेवन पचभैया मगर रहेको प्रहरीले जनाएको छ। गत असोज २४ गते पिङ खेल्न आएको एक जना ८ वर्षीया नाबालिकामाथि उनीहरुले बलात्कार गरेको आरोप छ । बलात्कारको आरोपपछि सशस्त्र प्रहरीले नै दुवै जनालाई अनुसन्धानका लागि जिल्ला प्रहरी कार्यालय दाङलाई बुझाएको सशस्त्र प्रहरीका सहप्रवक्ता तथा डीएसपी शैलेन्द्र थापाले बताए।

काठमाडौं, ८ कार्तिक । विश्व बैंकद्वारा नेपाल सरकारलाई विपद् व्यवस्थापनका लागि तत्काल सुविधा (क्याट्रोस्ट्रोपि ड्र–डाउन) अन्तर्गत १५० मिलियन अमेरिकी डलर सहुलियतपूर्ण ऋण सहायता प्रदान गर्ने सम्वन्धी सम्झौता भएको छ । विश्व बैंक समूह र अन्तर्राष्ट्रिय मुद्रा कोषको वार्षिक बैठकमा सहभागी भएका उपप्रधानमन्त्री तथा अर्थमन्त्री विष्णुप्रसाद पौडेलको उपस्थितिमा बिहीबार बैंकको केन्द्रीय कार्यालयमा अर्थ सचिव डा. रामप्रसाद घिमिरे र बैंकका नेपाल, माल्दिभ्स र श्रीलंका हेर्ने कन्ट्रि डाइरेक्टर डेभिड सिस्लनले सहायता परिचालन सम्बन्धि सम्झौतापत्रमा हस्ताक्षर गरेका हुन् । बजेटरी सहायताको रुपमा उपयोग हुने उक्त रकम विपद पुनर्स्थापना, पुनरोत्थान र पुनर्निर्माणमा उपयोग हुनेछ । अर्थमन्त्री पौडेल विश्व बैंक र अन्तर्राष्ट्रिय मुद्रा कोषको ५५ औं…

भैरहवा, ८ कार्तिक। रुपन्देहीको सिद्धार्थनगर नगरपालिका कार्यालयले नगर क्षेत्रमा रहेका औषधि पसल, मेडिकल हल लगायतमा अनुगमन गरेको छ । नगरपालिका कार्यालयले बिहीबार भैरहवास्थित बैंकरोड र भीम अस्पताल क्षेत्रमा रहेका औषधि पसल, ल्याब तथा मेडिकल हलहरुमा अनुगमन गरेको हो । अनुगमनको क्रममा अधिकांश मोडिकलजन्य पसलहरुले नगरपालिका कार्यालयमा नवीकरण नगरेको पाइएको थियो । त्यस्ता पसलहरुलाई पहिलोपटकका लागि तत्काल नवीकरण गर्न निर्देशन दिइएको र अटेर गरेमा कारवाही गरिने सिद्धार्थनगर नगरपालिकाका उपप्रमुख एवं अनुगमन समितिको संयोजक उमा अधिकारीले जानकारी दिइन् । त्यस्तै म्याद गुज्रिएको औषधिहरु छुट्टै राख्नुुपर्ने, ल्याबहरुको सफाईमा ध्यान दिनुुपर्ने, औषधि विक्रीको अनिवार्य रुपमा बिल काट्नुुपर्ने लगायतका सुुझावहरु दिइएको नगरपालिका कार्यालयको स्वास्थ्य शाखा…

भैरहवा,८ कार्तिक। लुम्बिनी प्रदेश सरकारमा थपिएका तीन मन्त्रीहरुले शपथ ग्रहण गरेका छन्। बिहीवार बिहान तीन जना मन्त्रीले प्रदेश प्रमुख कृष्णबहादुर घर्तीबाट शपथ ग्रहण गरेका हुन्। तीन जनामध्ये दुई नेपाली कांग्रेसबाट र एक जना जनता समाजवादी पार्टी (जसपा) बाट मन्त्री बनेका हुन्। नेपाली कांग्रेसबाट बर्दियाका जन्मजय तिमिल्सीनाले सामाजिक विकास, नेपाली कांग्रेसबाट पश्चिम नवलपरासीका देवकरण कलवारले वन तथा वातावरण र जनता समाजवादी पार्टीबाट बाँकेका आदेश अग्रवालले आन्तरिक मामिला तथा कानुन मन्त्रीको शपथ लिएका हुन्। लुम्बिनी प्रदेश सरकारमा मुख्यमन्त्री सहित एमालेका पाँच, कांग्रेसका पाँच र जसपाका एक जनागरी मन्त्रीको संख्या ११ पुगेको छ । प्रदेशमा १२ मन्त्रालय छन । युवा तथा खेलकुद मन्त्रालयमा…

भैरहवा,७कार्तिक। भैरहवाको सिद्धार्थ क्रिकेट रंगशालामा जारी ‘वीपी कोइराला स्मृति कप टी–२०’ अन्तर्राष्ट्रिय अन्तरक्लब क्रिकेट प्रतियोगिताको सेमिफाइनल समिकरण पूरा भएको छ । बुधबारको पहिलो खेलमा अली हुसेनको सम्हालिएको ब्याटिङ र समोनको उत्कृष्ट बलिङमा पाकिस्तानको जावेद गोहार इन्टरनेशनल क्रिकेट एकेडेमी सेमिफाइनल प्रवेश गरेको छ । जावेद गोहारले श्रीलंका राज्य सेवा क्रिकेट संघ श्रीलंकालाई ४७ रनले पराजित गर्दै सेमिफाइनल यात्रा पक्का गरेको हो । पाकिस्तानसँग पराजित भएसँगै श्रीलंकन टिम भने प्रतियोगिताबाट बाहिरिएको छ । दोस्रो खेलमा दुई खेलाडीको अर्धशतकको मद्दतमा भारतको लाइफ केयर क्रिकेट क्लबले बंगलादेशको साइक्यू क्रिकेट एकेडेमीमाथि ६३ रनको सहज जित निकाल्यो । यी दुबै टीम यसअघि नै सेमिफाइनल पुगिसकेका छन्…

नुवाकोट, ७ कार्तिक । नेपाली कांग्रेसका प्रवक्ता एवं पूर्व अर्थमन्त्री डा. प्रकाशशरण महतले विकास निर्माणमा कुनै सम्झौता नहुने बताएका छन् । नुवाकोट जिल्लाको शिवपुरी गाउँपालिकास्थित सिक्रे मैदान तलाखु छाप सडक स्तरोन्ती कार्यक्रमको सम्बोधन गर्दै उनले तोकिएको मितिमा काम सम्पन्न गर्न र गुणस्तरीय काम गर्न निर्माण व्यवसायीलाई आग्रह गरे। उनले पूर्वाधार कार्यालयका प्रमुख कार्यक्रममा उपस्थित नभएकोप्रति असन्तुष्टि जनाउँदै काम गरिसकेपछि कामको भुक्तानी समयमा दिन र आनकानी नगर्न पनि आग्रह गरे । डा. महतले माओवादी नेताहरुले उक्त सडक निर्माण गर्ने भन्दै धेरै पटक शिलान्यास गरेको तर बजेट हाल्न नसकेकोप्रति इंगित गर्दै भने, ‘बर्षामान पुन जी अर्थमन्त्री र हितबहादुर जी पर्यटन मन्त्री बन्नुभयो,…

बर्दिया, ७ कार्तिक। बर्दियाको बाँसगढीमा प्रथम युवा सम्मेलन सुरु भएको छ। ‘म बनाउछु मेरो पालिका, नागरिकको श्रम र पसिनाः राष्ट्र निर्माणको गहना’ भन्ने मुख्य नारा सहित सुरु भएको सम्मेलनले स्थानिय रोजगार रणनीति निर्माण गर्ने बताइएको छ। बाँसगढी नगरपालिकाको आयोजनामा भएको युवा सम्मेलनको उद्घाटन लुम्बिनी प्रदेशका मुख्यमन्त्री चेतनारायण आचार्यले युवाहरुलाई उद्यमशिलतामा जोड्नेगरी प्रदेश सरकारले तीन स्थानीय र संघीय सरकार संग समन्वय गर्ने बताए। ‘युवाहरुको रुची र चाहना अनुसारको उद्यम, व्यवसाय सञ्चालन गर्ने वातावरण सरकारले निर्माण गर्छ। स्वदेशमै उद्यमशिलताको अवसरहरु सृजना गर्न सरकार तयार छ’उनले भने,‘सिप सिकाउने र उद्यमशिलतामा जोड्ने कुरामा हामी प्रतिबद्ध छौं। म भन्न चाहन्छु युवाहरुलाई स्वदेशमै रोजगारीको अवसर सृजना…

बाँके, ७ कार्तिक। लुम्बिनी प्रदेशका मुख्यमन्त्री चेतनारायण आचार्यले भ्रष्टाचार नियन्त्रण गर्न वर्तमान सरकार त्यागको भावना बोकेर अघि बढेको बताएका छन्। सुशासन प्रवद्र्धन तथा भ्रष्टाचार न्यूनिकरण सम्बन्धी पाँच बर्षे रणनीतिक कार्ययोजनाको मस्यौदा सम्बन्धी बाँकेमा आयोजित छलफल तथा अन्तरक्रिया कार्यक्रमलाई सम्वोधन गर्दै उनले भ्रष्टाचार नियन्त्रण सम्बन्धी पाँच बर्षे रणनीतिक योजनालाई कडाईपूर्वक कार्यान्वयन गरिने बताए। ‘सुशासन कायम गर्न, भ्रष्टाचार नियन्त्रण गर्न आँट गर्न सक्नुपर्छ । त्यसको सुरुवात गरेका छौं’उनले भने,‘एक पटक मुख्यमन्त्री भएपछी, एक पटक सभामुख भएपछी पूर्वबिशिष्टको नाममा सेवा सुविधा दिने निर्णय थियो । म आइसकेपछी त्यो निर्णय उल्टायौं । त्यागको भावना बोकेर यो सरकार अगाडी आएको छ । जनताबाट उठाएको करबाट…

भैरहवा, ७ कार्तिक। रुपन्देही प्रहरीले भारतबाट अवैध रुपमा भन्सार छलेर भित्राइएको कपडासहित विभिन्न साम्रगी बरामद गरेको छ। रुपन्देहीको इलाका प्रहरी कार्यालय सूर्यपुरा, इलाका प्रहरी कार्यालय छपिया र नगर प्रहरी कार्यालय बुटवलबाट खटिएको टोलीले विभिन्न स्थानमा चेकजाँचका क्रममा ६ लाख ९० हजार मूल्य बराबरको कपडासहितका विभिन्न साम्रगी बरामद गरेको हो। जिल्ला प्रहरी कार्यालय रुपन्देहीका सूचना अधिकारी एवं डीएसपी लक्ष्मी खनालका अनुसार चेकजाँचका क्रममा साडी ७६ थान, कुर्ता सुरवाल ६० थान, कुर्ती ३० थान, सर्ट पाईन्टको कपडा ४ बण्डल, सुट आठ थान, चप्पल ७१ जोर, चिनी ६ बोरा र अन्य किराना सामान छन् । साथै, साम्रगी ढुवानीमा प्रयोग गरिएका लु २७ प…