Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
रौतहट, १० भदौ । चन्द्रनिगाहपुर-निजगढ सडकखण्डमा सवारी दुर्घटना हुदाँ दुई जनाको मृत्युको भएको छ । निजगढबाट चन्द्रनिगाहपुरतर्फ आउँदै गरेको बाग्मती प्रदेश ०३–००१ च ५३१ नम्बरको यात्रुबाहक टाटा सुमो र विपरीत दिशातर्फ जाँदै गरेको प्रदेश १–०२–०४३ प ८०२५ नम्बरको मोटरसाइकल चन्द्रपुर नगरपालिका–४ लच्कामा ठोक्किदा दुर्घटना भएको हो । उक्त दुर्घटनामा मोटरसाईकलमा सवार सुनसरी जिल्ला धरान उपमहानगरपालिका–१५ का ३३ वर्षीय तुलसी ओझा र मोरङ जिल्ला सुन्दरहरैचा नगरपालिका–११ निवासी विवश सापकोटाको मृत्यु भएको इलाका प्रहरी कार्यालय चन्द्रनिगाहपुरका डिएसपी राजकुमार राईले जानकारी दिए । टाटा सुमो नियन्त्रणमा रहेको घटनाको अनुसन्धान भइरहेको प्रहरीले जनाएको छ ।
काठमाडौं, १० भदौ । प्रधानमन्त्री केपी शर्मा ओलीले नेपाली समाज बहुसांस्कृतिक र शान्तिप्रेमी भएकाले बिथोल्ने र भड्काउने प्रयास सफल नहुने बताएका छन् । गौरा पर्वको अवसरमा सैनिकमञ्चमा आयोजित कार्यक्रममा उनले नेपालीपन भनेको मेलमिलाप र शान्तिपूर्ण भएपनि कतिपय नयाँ पुस्तामा सभ्यता, शिष्टता र मर्यादाको ख्याल नभएको देख्दा दुःख लागेको बताए । नेपाली काङ्ग्रेसका सभापति एवं पूर्वप्रधानमन्त्री शेरबहादुर देउवासमेत सहभागी कार्यक्रममा प्रधानमन्त्री ओलीले सुन्दर सुदूरपश्चिमबाट सुरु भएको सो पर्व नेपालको मौलिक पर्व भएको उल्लेख गरे ।
काठमाडौं, १० भदौ । ओमानका विदेशमन्त्री बद्र बिन हमाद अल्बुसैदी नेपाल भ्रमणमा आउन लागेका छन् । परराष्ट्रमन्त्री डा। आरजु राणा देउवाको निमन्त्रणामा उनी दुई दिनको औपचारिक भ्रमणका लागि सोमबार आउन लागेका हुन् । भ्रमणको क्रममा दुई देशको सम्बन्ध र अन्य विविध विषयमा द्विपक्षीय भेटवार्ता तथा छलफल हुने परराष्ट्र मन्त्रालयले जनाएको छ । विदेशमन्त्री अल्बुसैदीले राष्ट्रपति रामचन्द्र पौडेल र प्रधानमन्त्री केपी शर्मा ओलीसँग पनि शिष्टचार भेट गर्ने कार्यक्रम रहेको बताइएको छ ।
काठमाडौं, ९ भदौ । नेकपा एमालेको सांसद सरस्वती सुब्बाले जग्गा कित्ताकाटमा रोक लगाउनका लागि आग्रह गरेकी छिन् ।आइतबार प्रतिनिधिसभा अन्तर्गतको कृषि सहकारी तथा प्राकृतिक स्रोत समितिमा बोल्दै उनले जग्गा कित्ताकाट नरोकिए अगामी ५–१० वर्षमा खाली जग्गा पाउन कठिन हुने बताइन् । उनले प्रत्येक १०–१० वर्षमा गर्नुपर्ने जग्गाको नापी अहिलेसम्म हुन नसकेको बताउँदै यदि नापी नहुने हो भने अहिलेसम्म जोगाएर राखेका सार्वजनिक जग्गा बचाउन कठिन हुने उल्लेख गरिन् । यस्तै उनले ७७ वटै जिल्लामा सुकुम्वासी समस्या समाधान आयोग बनाउन हतार नगर्न भूमि व्यवस्था, सहकारी तथा गरिबी निवारण मन्त्री बलराम अधिकारीलाई आग्रह गरिन् ।उनले भनिन, ‘जहाँ सुकुम्वासीसगँ समबन्धित बढी समस्या छ त्यहाँ…
काठमाडौं, ९ भदौ । कृषि तथा पशुपन्छी विकास मन्त्रालयले दुग्ध विकास संस्थान ९डीडीसी०लाई थप ६० करोड रुपैयाँ उपलब्ध गराउने भएको छ । आइतबार मन्त्रालयद्धारा आयोजित पत्रकार भेटघाट कार्यक्रममा किसानहरुको दुधको रकम भुक्तानीका लागि डीडीसीलाई थप ६० करोड रुपैयाँ सहुलियत दिने बताएका हुन् । मन्त्रालयका अनुसार डीडीसीले किसानलाई करिब १ अर्ब ३६ करोड रुपैयाँ भुक्तानी गर्न बाँकी छ । डीडीसीले २५ करोड रुपैयाँ भुक्तानी गरी सकेको छ । किसानलाई दसैं अघि नै भुक्तानी हुने गरी रकम निकासा हुने बताइएको छ । उनले किसानलाई भुक्तानी दिनका लागि अर्थ मन्त्रालयसँग ६० करोड रुपैयाँको पहल गरिएको जनाए ।
काठमाडौं, ९ भदौ । नेपाल साफ यु-२० च्याम्पियनसिपको फाइनल खेलका लागि नेपालले आफ्नो स्थान सुनिश्चित गरेको छ । आइतबार काठमाडौंको सातदोबाटोस्थित एन्फा कम्प्लेक्समा नेपाल र भुटानबीच भएको फुटबल खेलमा नेपालले भुटानलाई टाइब्रेकरमा ४-१ गोलले हराउँदै फाइनल खेलका लागि आफ्नो स्थान सुनिश्चित गरेको हो । त्यसअघि निर्धारित समयको खेल १-१ गोलको बराबरीमा सकिएको थियो।
महोत्तरी ९ भदौ । महोत्तरीको रामगोपालपुर नगरपालिका २ का वडाअध्यक्ष मुकेशकुमार यादव मृत अवस्थामा फेला परेका छन् । जलेश्वर-बर्दिवास सडकखण्डको बर्दिवास नगरपालिका-८ स्थित आइतबार बिहान उनी मृत अवस्थामा फेला परेको जिल्ला प्रहरी कार्यालय महोत्तरीका डिएसपी एवं सन्तुलाल जयसवारले जानकारी दिए । लु.प्रदेश ०१-००१ प ६३६२ नम्बरको मोटरसाइकल पनि दुर्घटनाग्रस्त अवस्थामा छ । ‘मोटरसाइकल कलभर्टमा ठोक्किएर दुर्घटना भएको जस्तो देखिन्छ’, उनले भने, ‘तर, घटनाबारे थप खुलिसकेको छैन । अनुसन्धान भइरहेको छ ।’
कपिलवस्तु, ८ भदौ । जनता समाजवादी पार्टी (जसपा) को कपिलवस्तुको अध्यक्षमा ईरफान खाँ चयन भएका छन् । शनिवार कपिलवस्तुको जिल्ला कार्यसमिति घोषणा सभामा खाँ सर्वसम्मत अध्यक्षमा चयन भएका हुन् । अध्यक्ष खाँको संयोजकत्वमा २१ सदस्यीय जिल्ला कार्य समिति सर्वसम्मत रुपमा घोषणा गरिएको छ । समितको सदस्यहरुमा उदयभान यादव, कबुतारा कहार, सहाबुद्दीन मुसलमान, परशुराम यादव, ईन्द्रराम यादव, बृजराज चौधरी, बिजय सिंह चौहान, अब्दुल कलाम खाँ, सुनिता तेली र जगमोहन बरई रहेका छन । यस्तै नसिम पठान, ज्ञानमति भर, नारायण चौधरी, साजन ठाकुर, रिजवान खाँ, बिनय चौबे, झगरु थारु, बिसाल यादव, हेम बहादुर असलमी मगर र बिन्देश्वरी यादव सदस्यमा सर्वसम्मत चयन भएको…
पाल्पा, ८ भदौ । पाल्पा-बुटवल सडकखण्ड अन्र्तगत पाल्पाको तिनाउ गाउँपालिका-३ को माथिल्लो सिद्धबाबा क्षेत्रमा सुख्खा पहिरो खसेर अवरुद्ध भएको सडक एकतर्फी संचालनमा आएको छ । शनिवार दिउँसो ठूला ढुंंगासहितको सुख्खा पहिरो खस्दा सडक अवरुद्ध भएको थियो । जसकारण सवारी साधन आवगमन रोकिन पुगेको थियो । प्रहरीका अनुसार पहिरो पन्छाएर सडक एकतर्फी खुलेको हो। सुरुङ मार्ग बनाइरहेको ठेकेदार कम्पनीले पहिरो पूर्ण रुपमा हटाउने काम गरिरहेको छ।
भैरहवा, ८ भदौ । रुपन्देहीको ओमसतिया गाउँपालिका-२ मा रहेको युथ क्लब अफ पडसरीले डेंगु रोगविरुद्ध अभियान संचालन गरेको छ । क्लबले पडसरी स्वास्थ्य चौकीको सहकार्यमा संचालन गरेको अभियान अन्र्तगत गाउँटोलहरुमा पुगेर विभिन्न वस्तुमा जम्मा भएको पानी फाल्ने देखि लिएर सर्वसाधरणलाई डेंगुरोग र त्यसबाट जोगिने उपायहरुबारे जानकारी गराउने गरेको छ । अभियान अन्र्तगत क्लबले शनिवार ओमसतिया- २ को पडसरी, केवटलिया, कर्वलहा, कर्मडाँडा, तेनुहवा, विरनगर, बर्दिहवा र जितपुर गाउँमा मोटरसाइकल र्याली निकालेर सर्वसाधरणहरुलाई डेंगुरोग र त्यसबाट जोगिने उपायहरुबारे जानकारी गराइएको युथ क्लब अफ पडसरीका अध्यक्ष सुरज मिश्राले बताए । ‘अझै पनि सर्वसाधरणहरु डेंगुरोगबाट बच्ने उपायहरुबारे जानकार नहुदाँ समाजकै विकासका लागि स्थापना भएको…