Author: क्लिक लुम्बिनी

भैरहवा,२९ जेठ। रुपन्देही प्रहरीले जिल्लाको तीन वटा स्थानीय तह (पालिका) को विभिन्न स्थानबाट अवैध रुपमा भन्सार छलेर भित्राइएको विभिन्न सामग्री बरामद गरेको छ। जिल्ला प्रहरी कार्यालय रुपन्देहीबाट खटिएको टोलीले विभिन्न स्थानमा चेकजाँचको क्रममा ३ लाख ७८ हजार ७५ रुपैयाँ बराबरको किराना सामग्री, कुखुरा, फुल, कपडाहरु बरामद गरेको जिल्ला प्रहरी कार्यालय रुपन्देहीका सूचना अधिकारी एवं प्रहरी नायब उपरीक्षक कृष्ण कुमार चन्दद्वारा जारी विज्ञप्तिमा उल्लेख छ। प्रहरीका अनुसार, बुटवल उपमहानगरपालिका, लुम्बिनी सांस्कृतिक नगरपालिका र सिद्धार्थनगर नगरपालिकाको विभिन्न स्थानबाट उक्त सामग्रीहरु बरामद गरिएको हो। नियन्त्रणमा लिइएका सामग्रीहरु आवश्यक कारवाहीका लागि पशु क्वारेन्टाईन कार्यालय र भैरहवा भन्सार कार्यालय बेलहियामा पठाइएको प्रहरीले जनाएको छ।

भैरहवा,२९ जेठ। रुपन्देही प्रहरीले मर्चवार क्षेत्रमा कुटपिट घटनामा संलग्न आरोपमा तीन जनालाई नियन्त्रणमा लिएको छ। जिल्ला प्रहरी कार्यालय रुपन्देहीका सूचना अधिकारी एवं प्रहरी नायब उपरीक्षक कृष्णकुमार चन्दद्वारा जारी विज्ञप्तिका अनुसार, गत जेठ २३ गते मर्चवारी गाउँपालिका–१, सोनवर्षाको २८ वर्षीया लक्ष्मिना केवटलाई आफ्नै एकाघरका परिवारका सदस्यहरुले कुटपिट गरेको वारदातमा संग्लन ३ जनालाई नियन्त्रणमा लिइएको हो। जेठ २८ गते पीडित पक्षले घटनाका सम्बन्धमा इलाका प्रहरी कार्यालय मर्चवारमा जानकारी गराएपश्चात प्रारम्भिक अनुसन्धानको क्रममा वारदातमा संग्लन ३ जनालाई नियन्त्रणमा लिइएको जारी विज्ञप्तिमा उल्लेख छ। नियन्त्रणमा लिइएका ३ जना व्यक्तिको नामसहितको विवरण प्रहरीले सार्वजनिक गरेको छैन। घटनाका सम्बन्धमा थप अनुसन्धान कार्य जारी रहेको प्रहरीले जनाएको…

रुकुम पूर्व,२९ जेठ। प्रहरीले अवैध हातहतियार खोजतलास अभियान अन्तर्गत विभिन्न स्थानमा लुकाएर राखिएका १५ थान भरुवा बन्दुक बरामद गरेको छ। जिल्ला प्रहरी कार्यालय रुकुम पूर्वका सूचना अधिकारी एंव प्रहरी निरीक्षक लालबहादुर बिकका अनुसार,विभिन्न प्रहरी युनिटबाट खटिएका टोलीहरूले गस्ती गर्ने क्रममा जिल्लाका विभिन्न स्थानको जंगल, ओडार क्षेत्रमा लुकाएर राखिएका अवस्थामा भरुवा बन्दुक फेला पारेका हुन्। बरामद भएका हतियारका सम्बन्धमा थप अनुसन्धान भइरहेको प्रहरीले जनाएको छ।

काठमाडौं,२९ जेठ। नेपालको स्थानीय बजारमा सुनचाँदीको मूल्य बढेको छ। नेपाल सुनचाँदी व्यवसायी महासङ्घका अनुसार, बिहीबार प्रतितोला २ लाख ८६ हजार ७०० रुपैयाँमा कारोबार भएको सुनको मूल्य आज प्रतितोला ५ हजार ३०० रुपैयाँले बढेर २ लाख ९२ हजार रुपैयाँमा किनबेच भइरहेको छ। सुनसँगै चाँदीको मूल्यमा पनि वृद्धि भएको छ। बिहीबार प्रतितोला ४ हजार ६५० रुपैयाँ रहेको चाँदी आज १ सय ९० रुपैयाँले बढेर ४ हजार ८४० रुपैयाँमा कारोबार भइरहेको महासंघले जनाएको छ।

चितवन, २९ जेठ। चितवनमा ८ वर्षअघि एक महिलामाथि सामूहिक बलात्कारको आरोप लागेका फरार अभियुक्तलाई प्रहरीले पक्राउ गरेको छ। पक्राउ पर्नेमा कालिका नगरपालिका–७ का सुमन दोङ भन्ने सुमन तामाङ रहेका छन्। उनलाई खोजतलास गर्ने क्रममा इलाका प्रहरी कार्यालय रत्ननगर, टाँडीबाट खटिएको प्रहरी टोलीले पक्राउ गरेको हो । प्रहरीका अनुसार, उनले अर्का अभियुक्तसँग मिलेर २०७५ साल असार ७ गते आफूहरु ‘सीआईडी प्रहरी’ भएको भन्दै एक महिलालाई जंगलमा लगेर जबर्जस्ती करणी गरेका थिए। घटनामा संलग्न अर्का अभियुक्त कालिका नगरपालिका–३ का पुटम थिङलाई यसअघि नै अदालतले १९ वर्ष कैद र ५० हजार रुपैयाँ जरिवाना सजाय सुनाइसकेको थियो भने फरार रहेका तामाङलाई हाल प्रहरीले पक्राउ…

काठमाडौं,२९ जेठ। शुक्रवार प्रतिनिधिसभा बैठक बिहान ११ बजेदेखि बस्ने भएको छ। बैठमा अर्थमन्त्री डा. स्वर्णिम वाग्लेले ‘विनियोजन विधेयक, २०८३ माथि विचार गरियोस्’ भन्ने प्रस्ताव प्रस्तुत गर्ने कार्यसूची रहेको छ । यस्तै संस्कृति, पर्यटन तथा नागरिक उड्डयन मन्त्री खडक राज पौडेलले राष्ट्रिय सभामा उत्पत्ति भएको ‘अभौतिक सांस्कृतिक सम्पदा (संरक्षण) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्ने कार्यसूची रहेको बताइएको छ। युवा, श्रम तथा रोजगार मन्त्रीको समेत कार्यभार सम्हालेका उद्योग, वाणिज्य तथा आपूर्ति मन्त्री गौरी कुमारीले ‘अन्तर्राष्ट्रिय श्रम संगठनको श्रम निरीक्षण सम्बन्धी महासन्धि, १९४७ नं ८१’ पेस गर्ने, ‘अन्तर्राष्ट्रिय श्रम संगठनको बाध्यकारी श्रम महासन्धि, १९३० सम्बन्धी सन् २०१४ को प्रोटोकल…

काठमाडौं, २९ जेठ । पछिल्ला दिनहरुमा नेपाल सरकारले भारतबाट आयात हुने आँपमा पूर्ण प्रतिबन्ध लगाएको भन्ने समाचार र सामाजिक सञ्जालमा फैलिएको दाबी गलत भएको सरकारले स्पष्ट पारेको छ। विशेष गरी भारतीय संचारमाध्यम र सामाजिक संजालमा भारतबाट आयात हुने आँपमा पूर्ण प्रतिबन्ध लगाएको भन्दै अफवाह फैलाइएको पाइएको छ। कृषि मन्त्रालय अन्तर्गतको प्लान्ट क्वारेन्टिन तथा विषादी व्यवस्थापन केन्द्रका अनुसार, भारतबाट आयात हुने आँपमा प्रतिबन्ध लगाइएको नभई नेपाली कृषि उत्पादनलाई हानिकारक रोग तथा किराबाट जोगाउन अन्तर्राष्ट्रिय कानुन र नेपालको ‘बिरुवा संरक्षण ऐन २०६४’ बमोजिम आयातमा कडा सर्त लागू गरिएको हो। केन्द्रले बुधबार एक सूचना जारी गर्दै भारतबाट आँप आयातमा पूर्ण प्रतिबन्ध नलगाएको स्पष्ट…

दाङ,२९ जेठ। लुम्बिनी प्रदेश सरकारले आर्थिक कार्यविधि तथा वित्तीय उत्तरदायित्व सम्बन्धी नियमावली २०८३ स्वीकृत गरेको छ। बिहीबार रातिको मन्त्रिपरिषद् बैठकले आर्थिक मामिला तथा योजना मन्त्रालयले पेश गरेको उक्त नियमावली स्वीकृत गरेको हो। नयाँ नियमावली लागू भएसँगै बजेट कार्यान्वयन तथा वित्तीय व्यवस्थापनलाई थप प्रभावकारी, सहज र उत्तरदायी बनाउने अपेक्षा गरिएको छ। यसअघि आन्तरिक रकमान्तरका लागि सम्बन्धित मन्त्रालयले आर्थिक मामिला तथा योजना मन्त्रालयको स्वीकृति लिनुपर्ने व्यवस्था रहेकामा अब सो प्रक्रिया थप सहज बनाइएको छ । त्यस्तै योजना संशोधनको अधिकार सम्बन्धित मन्त्रालयलाई नै प्रदान गरिएको सरकारका प्रवक्ता तथा स्वास्थ्यमन्त्री रामजीप्रसाद घिमिरेले जानकारी दिए। अघिल्लो नियमावलीमा योजनाको नाम संशोधन गर्ने अवधि पुस मसान्तसम्म मात्र…

काठमाडौं। नेपाल लेयर्स कुखुरापालक संघले अन्डाको समर्थन बिक्री मूल्य पाँच दिनमै पुनः वृद्धि गरेको छ। शुक्रबारदेखि लागू हुने नयाँ मूल्यअनुसार सबै प्रकारका अन्डाको फार्म मूल्य प्रतिक्रेट १५ रुपैयाँले बढाइएको छ। संघका सचिव मदन पोखरेलका अनुसार, उत्पादन लागत र बजार माग मध्यनजर गर्दै देशभरिका लागि चितवनलाई आधार मानेर नयाँ मूल्य तय भएको हो । संघका अनुसार, उत्पादन लागत वृद्धि र बजार मागलाई ध्यानमा राख्दै नयाँ मूल्य निर्धारण गरिएको हो। नयाँ दरअनुसार एक्सएल अन्डाको मूल्य प्रतिक्रेट ५७५ रुपैयाँ, ठूलो अन्डाको ५६० रुपैयाँ र मिडियम अन्डाको ५३० रुपैयाँ कायम गरिएको छ। यद्यपि, फार्म मूल्य बढे पनि उपभोक्ताले तिर्ने खुद्रा मूल्यमा तत्काल कुनै परिवर्तन…

काठमाडौं,२८ जेठ। विशेष सरकारी वकिल कार्यालयले व्यवसायी दीपक भट्टसहित ३९ जनाविरुद्ध सम्पत्ति शुद्धीकरणको कसुरमा २२ अर्ब ३९ करोड रुपैयाँ बिगो दाबी गर्दै विशेष अदालतमा मुद्दा दायर गरेको छ। सम्पत्ति शुद्धीकरण अनुसन्धान विभागको अनुसन्धानका आधारमा कार्यालयले विभिन्न व्यक्ति र ४ कम्पनीलाई प्रतिवादी बनाउँदै बिहीबार विशेष अदालतमा मुद्दा दायर गरेको हो। सम्पत्ति शुद्धीकरण अनुसन्धान विभागले नेपाल धितोपत्र बोर्ड र नेपाल बिमा प्राधिकरणबाट प्राप्त अनुसन्धान प्रतिवेदनका आधारमा मुद्दा दायर गर्न सिफारिस गरेको थियो। सम्पत्ति शुद्धीकरण मुद्दामा दिपक भट्ट, शंकर ग्रुपका सञ्चालक सुलभ अग्रवाल र शंकरलाल अग्रवाल, सन्दीप चाचन अग्रवाल र अमित मोर सहितलाई प्रतिवादी कायम गरिएको छ। सहन्यायाधिवक्ता गङ्गाराम पौडेलका अनुसार, हिमालयन रि–इन्स्योरेन्स…