Author: क्लिक लुम्बिनी

बुटवल,२९असोज। लुम्बिनी प्रदेशका मुख्यमन्त्री चेतनारायण आचार्यले बदलिदो परिवेश अनुसार नेपाल प्रहरी संगठनलाई थप बलियो बनाउन रुपान्तरण गर्नुपर्ने बताएका छन्। ६९ औं प्रहरी दिवसको अवसरमा प्रदेश प्रहरी तालिम केन्द्र बुटवलमा आयोजना गरिएको कार्यक्रमलाई सम्बोधन गर्दै उनले बढ्दो अपराधलाई न्यूनिकरण गर्न समय अनुसार प्रहरी संगठनलाई प्रविधियुक्त बनाउदै रुपान्तरणको आवश्कता रहेको औल्याए। ‘अपराधहरु बढेर गएका छन् । चुनौतीहरु थपिएका छन् । हाम्रो प्रहरी संगठन बदलिदो परिवेश अनुसार आफुलाई पनि रुपान्तरण गरेर जनहितको रक्षाको निम्ति केन्द्रित गरेर अघि बढ्नुपर्ने छ’उनले भने,‘प्रहरीले मुलुकमा शान्ति सुरक्षा कायम गर्न, बढदो अपराधलाई न्यूनिकरण गर्न महत्वपूर्ण भूमिका खेलेको छ। बदलिदो परिवेश अनुसार समाजमा हुने अपराध न्यूनिकरण गर्न आधुनिकीकरण गरेर…

बुटवल,३० असोज। नेपाल प्रहरीको ६९ औं दिवसको अवसरमा लुम्बिनी प्रदेशका मुख्यमन्त्री चेतनारायण आचार्यले अमर प्रहरी प्रति श्रद्धाञ्जली अर्पण गरेका छन्। प्रदेश प्रहरी तालिम केन्द्र बुटवलमा आयोजना गरिएको प्रहरी दिवस कार्यक्रममा सहभागी भएका आचार्यले अमर प्रहरीको स्मृतिमा निर्माण गरिएको शालिकमा पुष्पगुच्छा राख्नुका साथै श्रद्धाञ्जली अर्पण गरेका हुन्। देशमा भएको विभिन्न आन्दोलनहरु, द्धन्द्धका क्रममा सहादत प्राप्त गरेका प्रहरीप्रति श्रद्धाञ्जली, अपांगता भएकाहरुको शिघ्र स्वास्थ्य लाभको कामना गरे। प्रहरी संगठनको स्थापना वि.सं. २०१२ असोज ३१ गते भएको थियो । प्रत्येक बर्ष प्रहरी दिवस मनाउने गरिएको छ । स्थापना कालमा सात हजार पाँच सयलाई लिएर नागरिकको जीउधनको शान्ति सुरक्षाको जिम्मेवारीका साथ संगठित नेपाल प्रहरीले झण्डै…

भक्तपुर,२९असोज। प्रहरीले पेस्तोल र गोलीसहित एक जनालाई पक्राउ गरेको छ। पक्राउ पर्नेमा भक्तपुर सूर्यविनायक नगरपालिका-८ रानीकोटका ३६ वर्षीय प्रेम तामाङ रहेको प्रहरीले जनाएको छ। पक्राउ परेका तामाङको घरमा खानतलासी गर्दा एक थान पेस्तोल र तीन राउण्ड गोली बरामद भएको जिल्ला प्रहरी परिसर भक्तपुरले जनाएको छ। घटनाका सम्बन्धमा थप अनुसन्धान भइरहेको भक्तपुर प्रहरीले जनाएको छ।

जोमसोम, २९ असोज। मुस्ताङमा सवारी दुर्घटना हुदाँ एक जनाको मृत्यु भएको छ। जोमसोमबाट लेतेतर्फ जाँदै गरेको ना१च ७६९२ नम्बरको कार र बेनीबाट जोमसोमतर्फ आउँदै गरेको मोटरसाइकल घरपझोङ-२ मार्फा नजिक ठोक्किदा सवारी दुर्घटना भएको प्रहरीले जनाएको छ। सवारी दुर्घटनामा घाइते भएका गोरखा आरु चनौटे-९ का मोटरसाइकल चालक ३२ वर्षीय सञ्जय खड्काको मृत्यु भएको जिल्ला प्रहरी कार्यालय मुस्ताङका डीएसपी सूर्यबहादुर बोगटीले जानकारी दिए। मृतक खड्का काठमाडौंबाट माथिल्लो (अप्पर) मुस्ताङका लागि भ्रमणमा निस्किएका थिए। दुर्घटना पश्चात कार चालक सुन्दर ट्वाटीलाई नियन्त्रणमा लिइएको प्रहरीले जनाएको छ।

भैरहवा,२९असोज। नेपाल आयल निगमले पेट्रोलियम पदार्थको मूल्य बढाएको छ । निगमको सञ्चालक समितिको बैठकले पेट्रोलियम पदार्थको मूल्य बढाएको हो । निगमका अनुसार पेट्रोलमा प्रतिलिटर एक रुपैयाँ र डिजेल तथा मट्टितेलमा प्रतिलिटर चार रुपैयाँ बढेको हो। मूल्य बढेसँगै पहिलो वर्ग अन्र्तगत भलवारी, चारआली, विराटनगर, जनकपुर, अमलेखगञ्ज, नेपालगञ्ज, धनगढी र विरगंज वरपर पेट्रोलको मूल्य प्रतिलिटर १५६रुपैयाँ ५० पैसा कायम भएको छ । त्यस्तै दोस्रो वर्ग अन्र्तगत सुर्खेत र दाङ वरपर प्रतिलिटर १५८ र तेसो वर्ग अन्र्तगत काठमाडौं, पोखरा, दिपायल वरपर प्रतिलिटर १५९ रुपैयाँ कायम भएको छ । त्यस्तै, डिजेल तथा मट्टितेलको मूल्य पहिलो वर्ग अन्तर्गतका क्षेत्रमा १४८ रुपैयाँ ५० पैसा, दोस्रो वर्ग…

बुटवल,२९असोज। रुपन्देहीको बुटवलस्थित बुटवल हस्पिटल प्रा.लि.को पूर्वमन्त्री एवं नेपाली कांग्रेसका नेता बालकृष्ण खाँणले अवलोकन गरेका छन्। हालै भवन निर्माण सम्पन्न भएर उपचार सेवा सुरु भएको अस्पतालको मंगलबार पूर्वमन्त्री खाँणसहितका नेताहरुले अवलोकन गर्दै अस्पतालले दुखी,गरिब आसहाय विरामीहरुको उपचारमा पनि मद्दत गर्ने विश्वास व्यक्त गरे। अवलोकनका लागि पुगेका नेताहरुले अस्पतालको नवनिर्मित भवन, उपकरण तथा सेवाका बारेमा जानकारी लिएका थिए। बुटवलमा नीजि क्षेत्रको एक सय शैयाको आफ्नै भवनमा बनेको बुटवल हस्पिटल प्रा.लि. पहिलो अस्पताल हो। अस्पतालको अवलोकन प्रश्चात पुर्वमन्त्री खांणले भने- ‘अस्पताल नमुना बनेछ तर बुटवल धेरै हिसाबले अब्बल रहेपनि स्वास्थ्य क्षेत्रमा कता-कता पछाडी हो कि भन्ने थियो। अब बुटवल हस्पिटलले त्यसको अन्त्य…

अर्घाखाँची,२९असोज। लुम्बिनी प्रदेशका मुख्यमन्त्री चेतनारायण आचार्यले अर्घाखाँची जिल्लामा रहेका विभिन्न शक्ति पिठहरुको दर्शन गरेका छन्। मुख्यमन्त्री आचार्यले मालारानी गाउँपालिका स्थित रागामारे मन्दिर र मालारानी मन्दिरको दर्शन गरेका हुन् । लुम्बिनी प्रदेश सरकारले पुरातात्त्विक महत्त्व बोकेका मठ, मन्दिर तथा सम्पदाको संरक्षण, सम्बर्द्धन र विकासका लागि प्राथमिकतामा राखेर लुम्बिनी पर्यटन सर्किट मार्फत १२ जिल्लाका धार्मिक तथा प्राकृतिक स्थलहरुलाई जोड्नेगरी योजना बनाएको छ । ‘सबै धर्म, संस्कृति, परम्परा, सम्पदाहरुलाइ प्रदेश सरकारले समान महत्त्व दिन्छ। पुरातात्त्विक सम्पदाको संरक्षणका लागि सरकारले योजना बनाएको छ’, उनले भने, ‘समुदायको साथ, सहयोग र सहकार्यबाट संरक्षण, सम्बर्द्धनका कामहरु हुन्छन।’ प्रदेश सरकारले विश्व पर्यटन दिवसको सन्दर्भ पारेर ‘घुमौं लुम्बिनी’ को…

नवलपरासी,२९असोज।भैरहवा-नवलपरासी सडकखण्डमा सवारी दुर्घटना हुदाँ एक जनाको मृत्यु भएको छ। नवलपरासीको रामग्राम नगरपालिका-१५ सुक्रौली स्थित हुलाकी सडकमा ना ५ ख २२५५ नम्बरको ट्रकले लु ९२ प ३५३ नम्बरको मोटरसाइकललाई ठक्कर दिँदा सवारी दुर्घटना भएको जिल्ला प्रहरी कार्यालय नवलपरासीले जनाएको छ। प्रहरीका अनुसार सवारी दुर्घटनामा घाइते भएका मोटरसाइकल चालक चुरामणी भट्टराईको सुनवल नगरपालिका-१३ स्थित अस्पतालमा उपचारको क्रममा मृत्यु भएको हो। मृतक भट्टराई नेपाल प्रहरीमा हवल्दार पदमा कार्यरत थिए। दुर्घटना पश्चात स्थानीयले हुलाकी सडकमा नाराबाजी गर्दै केही समय सडक अवरुद्ध गरेका थिए ।

झापा,२९असोज। प्रहरीले होटलमा छापा मारेर १२ जना जुवाडेहरुलाई पक्राउ गरेका छ। झापाको शिवसताक्षी नगरपालिकामा रहेको सगरमाथा होटेल जुवातास खेल्दै गरेको अवस्थामा प्रहरीले गएराति छापा मारेर उनीहरुलाई पक्राउ गरेको हो। उनीहरुको साथबाट तास र ५ लाख ४ हजार ३० रुपैयाँ बरामद भएको जिल्ला प्रहरी कार्यालय झापाका डीएसपी कृष्णकुमार चन्दले जानकारी दिए। पक्राउ परेकाहरु उपर जुवा ऐन सम्बन्धी कसुरमा मुद्दा दर्ता गरी थप अनुसन्धान भइरहेको प्रहरीले जनाएको छ।

भैरहवा,२९असोज। नेपालको स्थानीय बजारमा दसैपछि एकैदिन सुनको मूल्य प्रतितोला एक हजार चार सय रुपैयाँले बढेको छ। दसैपछि मंगलबार खुलेको बजारमा सुनको मूल्य प्रतितोला एक हजार चार सय रुपैयाँले बढेर प्रतितोला १ लाख ६० हजार ५०० रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ। महासंघका अनुसार मंगलबार चाँदीको मूल्य पनि बढेको छ। चाँदी २५ रुपैयाँले बढेर प्रतितोला १ हजार ९ सय २५ रुपैयाँमा कारोबार भइरहेको छ। यसअघि असोज २३ गते सुन प्रतितोला १ लाख ५९ हजार १०० सय रुपैयाँ र चाँदी १९ सय रुपैयाँमा किनबेच भएको महासंघले जनाएको छ।