Author: क्लिक लुम्बिनी

काठमाडौं,२१ बैशाख। प्रधानमन्त्री वालेन्द्र शाहले कुनै पनि नागरिकलाई घरबारविहीन हुने अवस्था सिर्जना हुन नदिने बताएका छन्। सुकुम्बासीको उठिबास लगाएको भन्दै सरकारको आलोचना भएपछि सामाजिक संजाल फेसबुकमार्फत उनले नियोजित रुपमा त्रास फैलाउने प्रयास भइरहेको सम्बन्धमा प्राप्त सूचनालाई सरकारले गम्भीरतापूर्वक लिएको बताएका हुन्। ‘सरकार प्रत्येक भूमिहीन नागरिकको सुरक्षित, सम्मानजनक र स्थायी आवास सुनिश्चित गर्न पूर्ण रुपमा प्रतिबद्ध रहेको जानकारी गराइन्छ’ ,उनले भनेका छन्,‘कुनै पनि नागरिक घरबारविहीन हुने अवस्था सिर्जना हुन दिइने छैन।’ दीर्घकालीन समाधान कार्यान्वयनमा अवरोधका रुपमा रहेका भूमिसम्बन्धी ऐन २०२१ का केही दफाहरु अध्यादेशमार्फत खारेज गरिएको उनको दाबी छ। कानुनी अवरोध हटेसँगै वास्तविक भूमिहीन नागरिकहरुको डिजिटल लगत संकलन, विवरण प्रमाणीकरण तथा…

काठमाडौं,२१ बैशाख । नेपालको स्थानीय बजारमा आज सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुन प्रतितोला ३०० रुपैयाँले घटेर २ लाख ९४ हजार ८०० रुपैयाँमा कारोबार भइरहेको छ । आइतबार प्रतितोला सुनको मूल्य २ लाख ९५ हजार १०० पुगेको थियो। यस्तै चाँदीको मूल्य सामान्य वृद्धि भएको छ। महासंघका अनुसार आज २० रुपैयाँले बढेर प्रतितोला चाँदी ५ हजार ३० रुपैयाँमा कारोबार भइरहेको छ।आइतबार प्रतितोला चाँदी ५ हजार १० रुपैयाँमा कारोबार भएको थियो।

काठमाडौं,१६ बैशाख । नेपाली सेनाका प्रधानसेनापति अशोक राज सिग्देलले तीन सहायक रथीलाई उपरथीको दर्ज्यानी चिन्ह प्रदान गरेका छन् । बुधवार जङ्गी अड्डामा उपरथीमा बढुवा भएका प्राविधिक सहायक रथी डा. भरत बहादुर भण्डारी, माधव थापा र शक्ति जंग बस्नेतलाई प्रधानसेनापति सिग्देलले दर्ज्यानी चिन्ह प्रदान गरेका हुन्। उक्त कार्यक्रममा नेपाली सेनाका बलाधिकृत, रथीवृन्द, अधिकृत लगायत पदोन्नति भएका रथीवृन्दका परिवारजनको उपस्थिति रहेको थियो ।

काठमाडौं,१६ बैशाख। राष्ट्रिय स्वतन्त्र पार्टी (रास्वपा)का सभापति रवि लामछिानेले प्रतिनिधिसभा सदस्य एवं निर्वतमान गृहमन्त्री सुधन गुरुङमाथि चाँडै छानबिन प्रक्रिया सुरु हुने बताएका छन् । बुधवार सञ्चारकर्मीसँग कुराकानी गर्दै उनले कस्तो छानबिन हुने भन्नेबारे पनि जानकारी गराउने बताए । ‘मलाई लाग्छ छानबिनको प्रक्रिया चाँडै सुरु हुन्छ। कस्तो छानबिन हुन्छ भन्ने कुरा पनि जानकारी गराउँछौं,’ उनले भने, ‘उहाँले म माथि पनि छानिबन होस्, अरुलाई जस्तै मलाई पनि छानबिन गरियोस् भन्नुभएको छ । उहाँमाथि कुन प्रक्रियाबाट छानबिन हुने भन्ने कुरा चाँडै हुन्छ।’ विवादित व्यवसायी दीपक भट्टसँग व्यवसायीक साझेदारी देखिएपछि गुरुङेले गृहमन्त्री पदबाट राजीनामा दिएका थिए ।

काठमाडौं,१६ बैशाख। केन्द्रीय अनुसन्धान ब्यूरो (सीआईबी) इ–बिडिङ ह्याक प्रकरणमा संलग्नताको आरोपमा थप एक जना निर्माण व्यवसायीलाई पक्राउ गरेको छ । पक्राउ पर्नेमा आशिष निर्माण सेवाका अध्यक्ष ऋषिकेश गौली रहेको सीआईबीले जनाएको छ । सीआईबीका अनुसार, सरकारी बोलपत्र प्रणालीमा अनधिकृत पहुँच स्थापना गरी ठेक्का प्रक्रियामा प्रभाव पार्ने गतिविधिमा उक्त निर्माण कम्पनीको समेत संलग्नता देखिएपछि अध्यक्ष गौलीलाई पक्राउ गरिएको हो। प्रारम्भिक अनुसन्धानका क्रममा उक्त कम्पनी र ह्याकिङमार्फत सरकारी ठेक्का प्रक्रियामा हस्तक्षेप गर्ने समूहबीच मिलेमतोको संकेत भेटिएको सीआईबीका एसएसपी शिव श्रेष्ठले जनाए ।

मर्चवार । शिक्षालाई समाज परिवर्तनको संवाहक र विद्यालयलाई ज्ञानको मन्दिर मानिन्छ । जहाँ बालबालिकाले आफ्नो भविष्यको सुन्दर सपना बुन्छन्, त्यही ठाउँको एउटा घटना बाहिरिएको छ-जसले शैक्षिक जगतको मर्म र मर्यादामाथि नै आघात पुर्याएको भन्दै रुपन्देहीको मर्चवारमा चर्चा चुलिएको छ । जिल्लाको मर्चवारीमाई गाउँपालिका–३ स्थित श्रीमती मनराजीदेवी माध्यमिक विद्यालयका कर्मचारी (लाइब्रेरियन) विकास यादवले विद्यालयमा अध्यनरत १७ वर्षीया छात्रालाई जबरजस्ती करणी गरेको दावीसहितको घटना बाहिरिएको छ । विद्यालयको पुस्तकालयमा कार्यरत यादवले जबरजस्ती करणी गरेको आरोप पीडितको छ । आफूसित शारीरिक सम्बन्ध नबनाए परीक्षामा फेल गराइदिने धम्की दिँदै कर्मचारी यादवले पटक–पटक जबरजस्ती करणी गरेको पीडित छात्राको दावी छ । विद्यालय प्रशासनको दबाब र…

काठमाडौं,१६ बैशाख। राष्ट्रिय स्वतन्त्र पार्टी (रास्वपा) का सभापति रवि लामिछानेले पार्टीबाट निर्वाचित सांसदहरुलाई राजनीतिक विषय र भूमिकाबारे १२ बुँदे निर्देशन दिएका छन् । बुधवार बसेको संसदीय दलको अनौपचारिक बैठकमा उनले ‘मालिक बन्न खोज्नेको लागि रास्वपा नभई, सेवक र सहजकर्ताहरुको लागि’ भएको बताए। पार्टीका प्रवक्ता मनिष झाका अनुसार, यस्तो छ सभापति लामिछानेले सांसदहरुलाई दिएको सुझाव र निर्देशन । १) सांसद र मन्त्रीबीच निश्चित समय अन्तरालमा मन्त्रालयको सचिव सहितको मन्त्रालयगत अन्तरक्रिया गरिनेछ। २) सरकार फेरियो अब सत्ता र सार्वजनिक सेवाको संस्कार फेरिन आवश्यक छ। यो अबको महत्त्वपूर्ण प्राथमिकता हो। ३) ‘मालिक बन्न खोज्नेको लागि राष्ट्रिय स्वतन्त्र पार्टी हैन। यो दल सेवक र…

काठमाडौं,१६ बैशाख । सत्तारुढ दल राष्ट्रिय स्वतन्त्र पार्टी (रास्वपा) ले कुनै पनि सुकुम्बासीलाई सरकारले घरबारविहीन हुन नदिने बताएको छ । बुधबार बसेको संसदीय दलको बैठकले जोखिमपूर्ण स्थानमा बसोबास गरिरहेका सुकुम्बासीलाई पटक–पटक सूचना दिँदै सुरक्षित स्थानमा सहज रुपमा सारिएको जनाएको छ। बैठकपश्चात पार्टीका प्रवक्ता मनिष झाले विस्थापित सुकुम्बासीहरुको लगत संकलन र व्यवस्थापनमा सरकार जिम्मेवार ढंगले लागिरहेको बताए। ‘सरकारले घरबारबिहीन सबै नागरिकको गास, बास, कपास र रोजगारीको अवसरबारे जिम्मेवारी लिन्छ। सरकारले कोही सुकुम्बासीहरुलाई घरबारबिहीन हुन दिने छैन, आवश्यक समन्वयको लागि सुझाव स्वागत योग्य छ’,उनले भने,‘तर अनावश्यक राजनीतिकरण गर्नु हुँदैन । कसैलाई बाढीको जोखिम र ढलको छेउ बस्न बाध्य बनाएर ‘भोट बैंक’ को…

भैरहवा,१६ बैशाख। रुपन्देहीको तिलोत्तमा नगरपालिकाको कार्यालयले सहुलियत मूल्यमा औषधि उपलब्ध गराउनका लागि फार्मेसी सेवा सञ्चालनमा ल्याएको छ। बुधवारदेखि पालिकाको मणिग्राम बजारमा ‘सुलभ फार्मेसी’ नामबाट संचालनमा आएको उक्त फार्मेसीमा औषधिको अधिकतम खुद्रा मूल्य (एमआरपी) उल्लेखितभन्दा १० देखि २५ प्रतिशतसम्म छुट प्रदान गरिने नगरपालिकाको कार्यालयले जनाएको छ। बजारका अन्य फार्मेसीहरुले सामान्यतया १० प्रतिशत मात्र छुट दिने गरेकोमा यहाँ नागरिकले बढी सहुलियत पाउने बताइएको छ। नगर प्रमुख रामकृष्ण खाणले संचालनमा ल्याइएको फार्मेसीबाट विपन्न नागरिकलाई ठुलो राहत मिल्ने विश्वास व्यक्त गरे। उनका अनुसार आगामी आर्थिक वर्षदेखि सुलभ प्याथोलोजी सेवासमेत सञ्चालन गर्ने तयारी भइरहेको छ।

काठमाडौं,१६ वैशाख। कृषि विभागले प्रतिकूल मौसमका कारण काटेर खेतमै राखिएको गहुँ सुरक्षित भण्डारण गर्न किसानहरुलाई आग्रह गरेको छ। मौसममा देखिएको फेरबदलले वर्षा लगायतका कारण गहुँमा क्षति हुने जोखिम बढेको विभागले जनाएको छ। विभागका महानिर्देशक प्रकाशकुमार सञ्जेलले गहुँ भण्डारण गर्दा कीराबाट जोगाउन भकारीको माथिल्लो भागमा ४–५ इन्च जति छहारीमा सुकाएको सुकिलो नीम, बकाइनो र तितेपातीका बोटबिरुवाको पात प्रयोग गर्न सुझाव दिएका छन्। कृषि सूचना केन्द्रले पनि उत्पादन वृद्धि, बाली संरक्षण र क्षति न्यूनीकरणसम्बन्धी जानकारी उपलब्ध गराउँदै आएको छ। केन्द्रले खेतमा बाँकी कृषि अवशेष नजलाउन आग्रह गर्दै यस वर्ष करिब २२ लाख मेट्रिक टन गहुँ उत्पादन हुने अनुमान गरेको छ।