Author: क्लिक लुम्बिनी

भैरहवा, ६ बैशाख। रुपन्देहीमा पछिल्लो चैत महिनामा महिला छिमेकी सँग झगडाको घटनामा वृद्धि भएको छ । जिल्ला प्रहरी कार्यालय रुपन्देहीले सार्वजनिक गरेको चैत महिनाको विवरण अनुसार, एक महिनामा मात्रै जिल्लामा महिला छिमेकीसँग झगडाको ८८ वटा ठाडो निवेदन प्रहरी कार्यालयमा दर्ता भएको थियो । जसमध्ये ८० वटा निवेदनउपर छलफल गरी मिलापत्र गराइएको छ । ८८ वटा उक्त घटनामा सबैभन्दा बढी १९ वर्षदेखि ५९ वर्ष उमेरसमूहका ५३ जना व्यक्ति संग्लन रहेको विवरणमा उल्लेख छ। गत फागुन महिनामा जिल्लामा महिला छिमेकीसँग झगडाको ३८ वटा घटना दर्ता भएको थियो । जसमध्य ३० वटा घटना सोही महिनामा मिलापत्र भएको थियो। यस महिनामा पनि सबैभन्दा बढी…

भैरहवा,६ वैशाख। रुपन्देहीको तिलोत्तमा नगरपालिकामा फुटपाथ अतिक्रमणका कारण पैदल यात्रुलाई समस्या भएपछि सरोकारवालाले नियन्त्रणमा सक्रियता देखाएका छन् । तिलोत्तमा नगरपालिका कार्यालयले जारी गरेको सूचनालाई मध्यनजर गर्दै तिलोत्तमा व्यापार संघ (चेम्बर अफ कमर्स) ले फुटपाथमा निर्माण सामग्री, ठेलागाडा तथा पसलका सामग्री हटाउन आग्रह गरेको छ। संघको वैशाख ६ गते बसेको बैठकले सडक सीमाभित्र राखिएका सामग्रीका कारण पैदल यात्रुलाई आवतजावतमा समस्या हुनुका साथै शहरी सौन्दर्यमा समेत नकारात्मक असर परेको निष्कर्षसहित फुटपाथमा राखिएका सामग्री हटाउन आग्रह गरेको हो र संघका अध्यक्ष नेत्र प्रसाद न्यौपानेले जारी गरेको सूचनामा नगरलाई स्वच्छ, सफा, व्यवस्थित र सुन्दर बनाउने अभियानमा व्यवसायी र घरधनीको साथ आवश्यक रहेको उल्लेख गर्दै…

दाङ, ६ वैशाख। लुम्बिनी प्रदेश सभा बैठकले ‘लुम्बिनी प्रज्ञा प्रतिष्ठान स्थापना तथा सञ्चालन सम्बन्धी विधेयक’दफावार छलफलका लागि अर्थ, उद्योग तथा पर्यटन समितिमा पठाएको छ। सातौं अधिवेशनको आइतबार (आज) बसेको १२ औं बैठकले उक्त विधेयक दफावार छलफलका लागि समितिमा पठाएको हो। बैठकमा उक्त प्रस्ताव उद्योग, पर्यटन तथा यातायात मन्त्री प्रचण्ड विक्रम न्यौपानेकोतर्फबाट भौतिक पूर्वाधार विकास मन्त्री भूमिश्वर ढकालले प्रस्तुत गरेका थिए। त्यस्तै प्रदेश मामिला तथा कानून समितिका सभापति दिल कुमारी बुढाले समितिको वार्षिक प्रतिवेदन सभामा पेश गरेका थिए। सातौं अधिवेशनको १३ औं बैठक सोमबार दिउँसो १ बजे बस्ने जानकारी गराइएको छ। आज बसेको बैठकमा प्रदेश सभा सदस्यहरुले संघीय सरकारले विद्यार्थी संगठन…

काठमाडौं,६ बैशाख। प्रहरीले खोला किनारबाट चार थान पेस्तोल र ५८ राउण्ड गोली बरामद गरेको छ । आइतबार विशेष सूचनाको आधारमा प्रहरी वृत्त स्वयम्भूबाट खटिएको टोलीले काठमाडौं महानगरपालिका-१५ शोभाभगवतीस्थित विष्णुमती खोला किनार क्षेत्रमा खोजतलास गर्ने क्रममा पेस्तोल र गोली बरामद गरेको हो। प्रहरीका अनुसार टाइप ५४ पेस्तोल चार थान, सोही पेस्तोलका म्याग्जिन सात थान र ९ एमएम बेरेटाका ५८ राउण्ड गोली बरामद भएको छ। घटनाका सम्बन्धमा आवश्यक अनुसन्धान अघि बढाइएको प्रहरीले जनाएको छ ।

काठमाडौं,६ बैशाख। वैदेशिक अध्ययनमा जाने विद्यार्थीले अब घरबाटै ‘नो अब्जेक्सन सर्टिफिकेट’ (एनओसी) लिन सक्ने भएका छन्। शिक्षा, विज्ञान तथा प्रविधि मन्त्रालय अन्तर्गत सानोठिमीस्थित एनओसी शाखाले अनलाइन पोर्टलमार्फत सेवा फेसलेस बनाएको हो। बैशाख ४ मा त्रिभुवन विश्वविद्यालयसँग एपीआई सम्झौता गरिएको छ भने काठमाडौं विश्वविद्यालयसँग यसअघि नै सहकार्य भइसकेको छ। यससँगै विद्यार्थीले अनलाइन आवेदन दिन, प्रक्रिया पूरा गर्न र प्रमाणपत्र आफैं प्रिन्ट गर्न सक्ने व्यवस्था गरिएको छ । यसअघि स्नातकोत्तर वा सोभन्दा माथि अध्ययनका लागि आवेदन गर्दा विश्वविद्यालयको प्रमाणपत्र रुजु गर्न कार्यालयमै जानुपर्ने बाध्यता थियो। अब त्रिवि र केयूको प्रणालीसँग अन्तरआवद्धता भएपछि रजिस्ट्रेसन नम्बर र जन्ममितिका आधारमा विवरण स्वतः प्रमाणीकरण हुने भएकाले…

भैरहवा,४ बैशाख। अख्तियार दुरुपयोग अनुसन्धान आयोगले घुससहित पक्राउ गरेको कर्मचारीको साथबाट थप रकम बरामद भएको छ। सर्जमिन मुचुल्काका लागि सहजीकरण गरिदिने भन्दै सेवाग्राहीसँग माग गरको दुई लाख रुपैयाँ घुससहित अख्तियारको बुटवल कार्यालयबाट खटिएको टोलीले मालपोत कार्यालय भैरहवाका नायब सुब्बा ओमबहादुर खाम्चालाई पक्राउ गरेको थियो। कर्मचारीलाई नियन्त्रणमा लिएर घटनाको आवश्यक प्रक्रिया पुरा गर्ने क्रममा कर्मचारीको साथमा रहेको झोला चेकजाँच गर्दा स्रोत नखुलेको थप साढे ३ लाख रुपैयाँ बरामद भएको विश्वस्त स्रोतले बतायो।  अख्तियारले शुक्रबार साँझ सिद्धार्थनगर नगरपालिका-१३ स्थित होटल निर्मलाबाट खाम्चालाई घुससहित रंगेहात पक्राउ गरेको थियो। र, यो पनि… घुससहित भैरहवा मालपोतका कर्मचारी पक्राउ

भैरहवा,४ बैशाख ।अख्तियार दुरुपयोग अनुसन्धान आयोगले भैरहवाबाट घुससहित एक जना कर्मचारीलाई पक्राउ गरेको छ। स्रोतका अनुसार, अख्तियारको बुटवल कार्यालयबाट खटिएको टोलीले मालपोत कार्यालय भैरहवाका नायब सुब्बा ओमबहादुर खाम्चा मगरलाई दुईलाख रुपैयाँ घुससहित पक्राउ गरेको हो। सर्जमिन मुचुल्काका लागि सहजीकरण गरिदिने भन्दै सेवाग्राहीसँग माग गरको दुई लाख रुपैयाँ घुससहित उनलाई भैरहवा बजार (मालपोत कार्यालयदेखि केही दुरीमा रहेको होटल निर्मला) बाट पक्राउ गरिएको विश्वस्त स्रोतले बताएको छ। र, यो पनि… घुससहित पक्राउ परेका मालपोत कर्मचारीको साथबाट थप रकम बरामद

भैरहवा, ४ बैशाख । रुपन्देही प्रहरीले जिल्ला अदालत रुपन्देहीबाट सजाए पाएका ३ जना फरार प्रतिवादीहरुलाई पक्राउ गरेको छ । पक्राउ पर्नेमा रुपन्देहीको ओमसतिया गाउँपालिका-४ पननीका रमाकान्त पाण्डेय, बुटवल उपमहानगरपालिका-९ मिलनचोकका प्रदिपकुमार भारी र सोही पालिका वडा नम्बर ११ कालिकानगरका विष्णुप्रसाद वाग्ले रहेको प्रहरीले जनाएको छ। पक्राउ परेका तीनै जना व्यक्ति चेक अनादर मुद्दामा सजाए पश्चात फरार प्रतिवादीको सूची थिए । जिल्ला प्रहरी कार्यालय रुपन्देहीले जारी गरेको प्रेस विज्ञप्ती अनुसार, पक्राउ परेका पाण्डेयलाई अदालतले एक हजार रुपैयाँ जरिवाना, भारीलाई २ सय रुपैयाँ र वाग्लेलाई पनि २ सय रुपैयाँको जरिवाना सजाएको फैसला गरेको थियो । फैसला कार्यान्वयनको सिलसिलामा उनीहरुलाई विभिन्न स्थानबाट बिहीवार…

भैरहवा,४ बैशाख । रुपन्देही प्रहरीले विभिन्न आपराधिक मुद्दामा अदालतबाट दोषी ठहर भई फरार रहेका ९६ जना प्रतिवादीलाई पक्राउ गरेको छ। अदालतबाट विभिन्न समयमा कैद तथा जरिवानाको सजायको फैसला सुनाइए पनि फरार रहेका उनीहरुलाई प्रहरीले विभिन्न स्थानबाट पक्राउ गरेको हो। जिल्ला प्रहरी कार्यालय रुपन्देहीका अनुसार, चैत महिनामा मात्रै पक्राउ परेका ९६ जनालाई सजाय भुक्तानका लागि अदालतमा पेश गरिएको थियो। त्यसपछि कैद सजाय पाएका व्यक्तिहरुलाई कारागार चलान गरिएको थियो भने जरिवाना सजाय पाएका व्यक्तिहरुले जरिवाना बुझाएर रिहा भएका छन्। जरिवाना तिर्न नसक्नेहरुलाई भने कारागार पठाइएको थियो । प्रहरीले सार्वजनिक गरेको चैत महिनाको तथ्यांकअनुसार पक्राउ परेकाबाट ४२ लाख ४२ हजार १९१ रुपैयाँ जरिवाना…

काठमाडौं,४ बैशाख । सवारी चालक अनुमतिपत्र (लाइसेन्स) अब ट्रायल पास गरेर राजस्व तिरेपछि २४ घण्टाभित्रै छापिने भएको छ। उक्त व्यवस्था आजदेखि लागू गरिएको सञ्चार तथा सूचना प्रविधिमन्त्री डा. बिक्रम तिमिल्सिनाले जानकारी दिए। मन्त्री तिमिल्सिनाले काभ्रेको पनौती–५ स्थित सुरक्षण मुद्रण केन्द्रको निरीक्षण गर्दै छपाइ प्रक्रिया तीव्र बनाउन निर्देशन दिएका थिए। लामो समयदेखि लाइसेन्स नपाउने समस्या समाधान गर्न सरकार प्रतिबद्ध रहेको उल्लेख गर्दै बाँकी सबै लाइसेन्स आगामी असार मसान्तभित्र छापिसक्ने लक्ष्य लिइएको बताए। हाल केन्द्रले दैनिक करिब ४० हजार लाइसेन्स छापिरहेको छ भने विदेश जाने नागरिकका लागि आवश्यक लाइसेन्सलाई प्राथमिकता दिइएको छ।साथै, वैशाख १२ गतेभित्र १२ लाख र बाँकी १७ लाख लाइसेन्स…