Author: क्लिक लुम्बिनी

बुटवल,१२ फागुन । प्रतिनिधिसभा सदस्य निर्वाचनमा रुपन्देही-२ बाट नेकपा एमालेका उम्मेदवार विष्णुप्रसाद पौडेललाई जेनजी २.० ले समर्थन गर्ने घोषणा गरेको छ। यसअघि जेनजी २.० ले सर्लाहीमा कांग्रेसका सभापति एवं उम्मेदवार गगनकुमार थापा, चितवनमा नेकपाको उम्मेदवार रेणु दाहाललाई समर्थनको घोषणा गरेको थियो । देशव्यापी युवाहरुको संगठन बनाएको समूहले उम्मेदारको क्षमताको आधारमा विभिन्न जिल्लामा विभिन्न दलका उम्मेदारहरुलाई साथ दिने रणनीतिअनुसार रुपन्देहीमा पूर्वअर्थमन्त्री समेत रहेका पौडेललाई समर्थनको घोषणा गरेको हो । बुटवलमा पत्रकार सम्मेलन गरेर समूहका प्रवक्ता अविन लिम्बुले कुनै राजनीतिक दलभन्दा पनि उम्मेदवाहरुको पृष्ठभूमि र क्षमताको आधारमा समर्थन र सहयोग गर्ने नीति अनुसार रुपन्देही-२ मा विष्णु पौडेललाई समर्थन गरेको बताए । रुपन्देहीमा…

काठमाडौं,१२ फागुन । प्रतिनिधिसभा सदस्य निर्वाचनको मतपरिणाम मतदान सम्पन्न भएको २४ घण्टाभित्र सार्वजनिक गर्ने तयारी भइरहेको निर्वाचन आयोगले जनाएको छ । कार्यवाहक प्रमुख निर्वाचन आयुक्त रामप्रसाद भण्डारीका अनुसार, मतदान सकिए पश्चात मतपेटिका सङ्कलन गरी तत्काल मतगणना कार्य सुरु गरिनेछ। मतपेटिका सङ्कलन भएको २४ घण्टाभित्रै प्रत्यक्षतर्फको मतपरिणाम सार्वजनिक गर्ने योजना रहेको उनले बताए । समानुपातिकतर्फको मतपरिणाम एकदुई दिन लाग्न सक्ने बताइएको छ। आयोगले निर्वाचनको सम्पूर्ण तयारी पूरा गरिसकेको र हाल कार्यान्वयनको चरणमा प्रवेश गरिसकेको जनाएको छ।

लुम्बिनी,१२ फागुन। रुपन्देही–५ का युवाहरुलाई वैदेशिक रोजगारीको बाध्यता हटाउँदै आफ्नै माटोमा उद्यम सुरु गर्न प्रोत्साहन गर्ने उद्देश्यले राष्ट्रिय स्वतन्त्र पार्टी (रास्वपा) का उम्मेदवार तौफिक अहमद खानले योजनाहरु बनाइएको बताएका छन्। उनका अनुसार, आगामी पाँच वर्षभित्र कम्तीमा पाँच हजार युवालाई प्रत्यक्ष स्वरोजगारमा जोड्ने लक्ष्य राखिएको छ। उद्यमशीलता र स्वरोजगार गुरुयोजना अन्र्तगत सक्षम युवा, स्वावलम्बी क्षेत्र बनाइने उनले बताए । उनले निर्वाचित भएमा क्षेत्रलाई जागिर खोज्ने नभई जागिर दिनेको क्षेत्र बनाउने भन्दै युवाहरु रोजगारी पाउनुका साथै आफ्नै व्यवसाय सुरु गर्न सकिने योजना बनाइएको बताए । ‘क्षेत्रका युवाहरु रोजगारीको लागि खाडी मुलुक जानुपर्ने बाध्यात्मक अवस्था छ । शान्तिका अग्रदुत गौतम बुद्धको जन्मस्थलको क्षेत्रका…

काठमाडौं,११ फागुन। डिजिटल प्रविधिको दुरुपयोगबाट उत्पन्न चुनौतीहरुको सामना गर्न नेपाल प्रहरीले ‘एआई एन्ड एड्भान्स्ड एनालिटिक्स (एआई सेल)’ स्थापना गरेको छ। सामाजिक सञ्जालमा पोष्ट् हुने गलत, भ्रामक तथा मिथ्या सामग्रीको निगरानी र व्यवस्थापन गर्ने उद्देश्यले उक्त सेल गठन गरिएको प्रहरीले जनाएको छ। उक्त एआई सेलले नक्सालस्थित प्रहरी प्रधान कार्यालयबाट कार्य गर्नेछ। गृहमन्त्री ओमप्रकाश अर्यालले एआई सेलको कार्यक्षेत्र र भावी योजनाबारे जानकारी लिँदै विशेषगरी निर्वाचनसँग सम्बन्धित गलत र भ्रामक सूचनालाई नियन्त्रण गरी निर्वाचन आचारसंहिता कडाइका साथ कार्यान्वयन गर्न निर्देशन दिए। उनले सामाजिक सञ्जालमार्फत हुने अवाञ्छित गतिविधि नियन्त्रणमा एआई सेल प्रभावकारी साबित हुने विश्वास पनि व्यक्त गरे।

भैरहवा,११ फागुन । प्रतिनिधिसभा सदस्य निर्वाचनमा रुपन्देही ३ बाट राष्ट्रिय स्वतन्त्र पार्टी (रास्वपा) का उम्मेदवार डा. लेखजंग थापाले नागरिकले आकर्षक नारा र ठूला सपनाभन्दा पनि आधारभूत आवश्यकता पूरा हुने र सुशासन स्थापिन हुने अपेक्षा गरेको बताएका छन् । घरदैलो अभियानका क्रममा स्थानीयसँग भेटघाट गर्दै जनताको मुख्य समस्या र पार्टीका प्रतिबद्धताबारे धारणा राखेका हुन्। घरदैलोका क्रममा आफूले सुनेका अनुभव सुनाउँदै डा. थापाले गाउँ–बस्तीमा पुग्दा नागरिकले ठूलो राजनीतिक परिवर्तनभन्दा पनि दैनिक जीवनसँग प्रत्यक्ष जोडिएका विषय उठाउने गरेको बताए। उनका अनुसार स्थानीयको प्राथमिकतामा सडक पूर्वाधार, कृषिमा सुधार, समयमा मलखाद उपलब्धता, गुणस्तरीय शिक्षा तथा सहज स्वास्थ्य सेवा रहेका छन्। साथै देशभित्रै रोजगारी सिर्जना गरी…

लुम्बिनी, ११ फागुन ।रुपन्देहीको निर्वाचन क्षेत्र नम्बर ५ बाट राष्ट्रिय स्वतन्त्र पार्टी (रास्वपा) का उम्मेदवार तौफिक अहमद खानले क्षेत्रमा विद्युत् सेवा पुगे पनि न्यून भोल्टेज, पटक–पटक लाइन काटिने समस्या र काठका पोलको जोखिम अझै कायमै रहेको भन्दै ऊर्जा क्षेत्र सुधारलाई प्राथमिकतामा राखिएको बताएका छन् । ऊर्जा क्षेत्रको गुरुयोजना अन्र्तगत दिगो विकासका लागि आधुनिक ऊर्जा कार्यक्रममार्फत क्षेत्रलाई ‘पूर्ण उज्यालो र ऊर्जामा आत्मनिर्भर’ बनाउने योजना रहेको उनले सुनाए । चुनावी घरदैलो अभियानका क्रममा उनले भने, ‘बिजुली पुगेको भनिए पनि भरपर्दो छैन। न्यून भोल्टेजले किसानको मोटर समेत चल्दैन। अब क्षेत्रमा कमजोर पूर्वाधार सहेर बसिँदैन। त्यो बनाउनैपर्छ । सबैको साथले मैले बनाउँछु ।’ उम्मेदवार…

काठमाडौं,११ फागुन । गृह मन्त्रालयले धादिङको बेनीघाट रोराङ गाउँपालिका–५ भैंसीगौडामा भएको बस दुर्घटनाबारे छानबिन गर्न समिति गठन गर्ने निर्णय गरेको छ ।मन्त्रालयका प्रवक्ता आनन्द काफ्लेका अनुसार सरोकारवाला निकायसँग छलफल गरी आजै समिति गठन गरिनेछ। धादिङको बेनिघाट रोराङ्ग गाउँपालिका-५ मा गए राति बस दुर्घटना हुँदा १९ जनाको मृत्यु भएको छ। पोखराबाट काठमाडौं आउँदै गरेको ग १ ख १४२१ नम्बरको बस भैँसीगौडास्थित पृथ्वी लोकमार्गबाट त्रिशूली नदीमा खस्दा दुर्घटना भएको थियो । प्रहरीका अनुसार, बसमा चालकसहित ४४ जना सवार थिए जसमा मृत्यु भएका मध्ये ९ जनाको सनाखत भएको छ। १० जनाको पहिचान खुल्न बाँकी छ। सनाखत हुन बाँकी रहेका १० जना मृतकमध्ये ७…

धकधई,११ फागुन । प्रतिनिधिसभा सदस्य निर्वाचनमा रुपन्देही निर्वाचन क्षेत्र नम्बर १ बाट राष्ट्रिय प्रजातन्त्र पार्टीका उम्मेदवार प्रज्जवल बोहराले सबै नागरिकका लागि सुलभ र गुणस्तरीय विशेषज्ञ सेवा सुनिश्चित गर्ने प्रतिबद्धता जनाएका छन् । गाउँ–नगरमै गुणस्तरीय विशेषज्ञ सेवा उपलब्ध गराउने, क्षेत्रभित्र पर्ने सबै पालिकालाई समेटेर एउटै समन्वित स्वास्थ्य व्यवस्थापन प्रणाली लागू गर्ने आफ्नो योजना रहेको उनले सुनाए । ‘सामान्य उपचारका लागि पनि शहर धाउनुपर्ने बाध्यता अन्त्य हुनुपर्छ’,उनले भने,‘स्वास्थ्य क्षेत्रमा हाम्रो लक्ष्य भनेको गाउँमै विशेषज्ञ सेवा, आवश्यक उपकरण र दक्ष जनशक्ति उपलब्ध गराउनु हो।’ क्षेत्रका स्वास्थ्य केन्द्रहरुलाई स्तरोन्नति गर्दै विशेषज्ञ सेवा विस्तार गरिने र क्षेत्रका लागि सबै पालिकालाई समेट्ने गरी एम्बुलेन्स र दमकलको…

हृदयराम गुप्तामर्चवार,११ फागुन । प्रतिनिधि सभा सदस्य निर्वाचनमा रुपन्देही-४ बाट राष्ट्रिय स्वतन्त्र पार्टीका उम्मेदवार कन्हैया बनियाले मर्चवारको अवस्था परिवर्तनका लागि मत पनि परिवर्तन गर्नुपर्ने अवस्था रहेको बताएका छन् । मतदाता भेटघाटको क्रममा रहेको उनले अहिलेसम्म सामन्तवादी र पुँजीवादी शक्तिहरु पटक-पटक निर्वाचित हुँदै मर्चवारलाई ओझेलमा पारेर पिछडिएको पहिचान दिइएकोप्रति दुःख व्यक्त गरे । ‘पटक-पटकका आन्दोलनमा धेरै युवाहरु शहीद भए र केही परिवर्तन भए तर अब वैचारिक आन्दोलनको आवश्यकता छ’,उनले भने, ‘सडकबाट होइन परिवर्तनका लागि मतपत्रबाट आन्दोलनको आवश्यक छ ।’ देशको नीति परिवर्तन गर्न नेतृत्व परिवर्तन आवश्यक रहेको उल्लेख गर्दै पार्टीले बालेन्द्र शाहलाई प्रधानमन्त्री बनाउने भएकोले बिचौलियाको सल्लाहमा नभई आफ्ना छोराछोरी र…

भैरहवा, ११ फागुन । जनता समाजवादी पार्टीका नेपालका अध्यक्ष उपेन्द्र यादवले मधेसको मुद्दामा राष्ट्रिय स्वतन्त्र पार्टीका वरिष्ठ नेता बालेन्द्र शाह (बालेन) को कुनै स्पष्ट धारणा नरहेको आरोप लगाएका छन् । मधेसको भोट बटुल्ने रणनीति अनुसार प्रधानमन्त्री बनाउने भन्दै रास्वपाले बालेनलाई पार्टीमा भित्राएपछि भएको चुनावी चर्चाप्रति टिप्पणी गर्दै उनले सामाजिक संजालमा चर्चा भएपनि यथार्थ अवस्था त्यस्तो नदेखिएको बताए । सोमबार रुपन्देहीको मर्चवारमा चुनावी सभालाई सम्बोधन गर्न आएका यादवले पार्टीद्वारा भैरहवामा आयोजित पत्रकार सम्मेलनमा उनले प्रश्न गर्दै भने, ‘उहाँले (बालेन) मधेसी जनताको अधिकारको लडाइँ हुँदाखेरि कहाँ हुनुहुन्थ्यो ? मधेसको मुद्दामा उहाँको कुनै धारणा छैन । राष्ट्रिय राजनीतिमा कुनै धारणा सुनिदैन, वैचारिक के…