Author: क्लिक लुम्बिनी

भैरहवा, २३ साउन । सहकारी ठगी र संगठित अपराधको अभियोगमा पूर्पक्षका लागि थुनामा रहेका राष्ट्रिय स्वतन्त्र पार्टीका सभापति रवि लामिछानेलाई जिल्ला कारागार कार्यालय भैरहवामा भीआइपी सुविधा प्रदान गरेको पाइएको छ । अदालतले पूर्पक्षका लागि थुनामा पठाउने आदेश गरेपछि कारागार प्रशासनले लामिछानेको सुविधाको लागि एटज ट्वाइलेट, बाथरुम भएको कोठा उपलब्ध गराएको छ । जसलाई प्रशासनले ‘४ नम्बर ब्लक’ को नाम दिएको छ । उनी आउनु अघि कारागारमा ‘४ नम्बर ब्लक’ थिएन । त्यस्तै मन लागेको बेला कोठाबाहिर निस्किएर ‘ग्राउण्ड’ मा घुम्ने व्यवस्था समेत कारागार प्रशासनले मिलाएको छ । ‘उहाँ (लामिछाने) कोठा बाहिर निस्किएको बेला बाहिरबाट कसैले नदेखोस् भनेरै उहाँ आएपछि डण्डीले…

राजविराज,२३ साउन। प्रहरीले सप्तरीको डाक्नेश्वरी नगरपालिका–५, महादेवा टोलबाट ठूलो परिमाणमा लागुऔषध गाँजा बरामद गरेको छ। नेपाल प्रहरी र सशस्त्र प्रहरी बलको संयुक्त टोलीले शुक्रबार धान खेत तथा बाँसघारीमा बेवारिसे अवस्थामा राखिएको ३ सय ९६ किलोग्राम गाँजा बरामद गरेको जिल्ला प्रहरी कार्यालय सप्तरीका प्रवक्ता तथा प्रहरी नायव उपरीक्षक जितेन्द्रकुमार बस्नेतलृे बताए। उनका अनुसार बरामद गाँजा १७ वटा पोकामा प्याक गरिएको छ। घटनाका सम्बन्धमा आवश्यक अनुसन्धान अघि बढाइएको प्रहरीले जनाएको छ।

भैरहवा, २३ साउन। अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) सिद्धार्थनगर रुपन्देहीले कक्षा १२ को परीक्षामा उत्कृष्ट नतिजा ल्याउने विद्यार्थीहरुलाई सम्मान गर्ने भएको छ । अनेरास्ववियुले भैरहवाका विद्यालय र भैरहवामामा स्थायी बसोबास गर्ने उत्कृष्ट अंक ल्याउने विद्यार्थीहरुलाई सम्मान गर्ने जनाएको छ। कक्षा १२ मा ३.२ र सो भन्दा माथि जीपीए ल्याउने करिब १ हजार विद्यार्थीहरुलाई सम्मान गरिने अनेरास्ववियु सिद्धार्थनगरका अध्यक्ष के.एल. पाण्डेले दिए। ‘अघिल्ला वर्षहरुमा पनि यो कार्यक्रम गरेका थियौं, यस वर्ष पनि निरन्तरता दिदैछौं,’ उनले भने। अगामी साउन ३१ गते दिउँसो सिद्धार्थ उद्योग वाणिज्य संघको सभाहलमा कार्यक्रम तय भएको प्रचार विभाग प्रमुख प्रतीक नेपालले बताए।

वीरगन्ज,२३ साउन। पर्सा प्रहरीले नाबालिकालाई जबरजस्ती करणी गरेको आरोपमा एक जनालाई पक्राउ गरेको छ । पक्रा पर्नेमा पर्साको ठोरी गाउँपालिका-२ सुन्दरबस्तीका ४६ वर्षीय अशोक साह रहेको प्रहरीले जनाएको छ। प्रहरी अनुसार पक्राउ परेका साहले बुधबार बिहान बाख्रा चराउन गएका बेला ११ वर्षीया नाबालिकालाई साहले १० रुपैयाँको नोट दिएर फकाएर नजिकैको जंगलमा लगेर बलात्कार गरेको आरोप छ। जिल्ला प्रहरी कार्यालय पर्साका डीएसपी एवं प्रवक्ता किशोर लम्सालले बलात्कारको उजुरीको आधारमा साहलाई पक्राउ गरिएको बताए। घटनाका सम्बन्धमा अनुसन्धान भइरहेको प्रहरीले जनाएको छ।

काठमाडौं,२३ साउन। भारतको उत्तराखण्ड प्रदेशको उत्तरकाशीमा आएको बाढीपहिरोमा हालसम्म नेपाली नागरिक मृत फेला नपरेको भारतस्थित नेपलाी दूतावासले जनाएको छ। दूतावासले शुक्रबार एक विज्ञप्ति जारी गर्दै बाढी पहिरोमा बेपत्ता भएपनि हालसम्म कुनै पनि नेपालीको शव फेला नपरेको बताएको छ। बाढी प्रभावित क्षेत्रमा रहेका नेपालीहरुको अवस्था, हराइरहेका नेपालीको खोजी तथा उद्दारका लागि नेपाली दूतावासले निरन्तररुपमा उत्तरखण्ड सरकारका सम्बन्धित निकाय र भारतको विदेश मन्त्रालयसँग समन्वयन गरिरहेको बताइकाृ छ।  ‘बाढी पहिरोपछि त्यस क्षेत्रमा रहेका नेपालीहरूको अवस्था, हराइरहेका नेपालीहरूको खोजि तथा उद्दार,घाइतेहरुको उपचार एवं अन्य आवश्यक सहयोगका लागि राजदूतावासले निरन्तर रुपमा उत्तरखण्ड सरकारका सम्बन्धित निकायहरु तथा सरकारको विदेश मन्त्रालयसँग समन्वय गरिरहेको छ’, विज्ञप्तिमा उल्लेख छ…

काठमाडौं, २३ साउन । तस्करहरुले तस्करीका अनेक जुक्ति अपनाउँछन्। भरपर्दो सूचना नहुने हो भने समात्नै मुस्किल । जुक्ति पनि यस्ता यस्ता हुन्छन् कि अनुमान गर्नै कठिन । यस्तै लागुऔषध तस्करहरुले नेपाललाई ट्रान्जिट बनाएर गरेको लागुऔषध तस्करीको एउटा घटना बाहिरिएको छ । लागूऔषध नियन्त्रण ब्यूरोको काठमाडौं विमानस्थलको टोलीले लागुऔषध कोकिन सहित ब्राजिलको २१ वर्षीया एमिली मिकेल सान्टोस फरेरालाई पक्राउ गरेपछि तस्करीको लागि अपनाइएको नयाँ जुक्ति पत्ता लागेको हो। ब्यूरोले ब्राजिलबाट दोहा हुँदै गत साउन २१ गते नेपाल आएको र नेपालबाट भुटान जान लागेको अवस्थामा ती युवतीलाई लागुऔषधसहित पक्राउ गरेको थियो । भुटान जान लागेको बेला शंका लागेर चेकजाँच गर्दा उनले लगाएको…

भैरहवा, २३ साउन। खाडी मुलुक पठाउने भन्दै दिल्लीको होटलमा लगेर राखिएका ४० जना नेपाली नागरिकहरुको उद्दार गरिएको छ । उद्दार गरिएका २० देखि ४० वर्ष उमेर समूहका सबै महिला हुन्। ‘किन इन्डिया’ ले दिल्लीस्थित नेपाली राजदूतावासको समन्वय र भारतीय प्रहरीको सहयोगमा दिल्लीको विमानस्थल नजिक रहेको तीन वटा होटलबाट उनीहरुको उद्दार गरेको हो । बिहीवार उनीहरुको उद्दार गरेर बेलहिया नाका हुँदै नेपाल ल्याइएको छ। किन इन्डियाका निर्देशक नविन जोशीका अनुसार खाडी मुलुकमा आर्कषक रोजगारीको प्रलोभन देखाएर नेपालको विभिन्न २३ जिल्लाबाट उनीहरुलाई दिल्ली पुर्याइएको थियो। घरेलु कामदारका रुपमा कुवेत, साउदी अरेयिबा, ओमान, र दुबई पठाइदिने भन्दै ४० जना महिलाहरुलाई १४ दिन देखि…

काठमाडौं,२२ साउन। भारतको उत्तर प्रदेशस्थित कन्नौजमा एउटा डरलाग्दो घटना भएको छ। जहाँ एक श्रीमानले आफ्नो श्रीमती सँगै घर जान नमानेपछि उनको नाक टोकेर चुँडाइदिएका छन्। पीडित गुड्डी देवीको १४ वर्षअघि पप्पुसँग विवाह भएको थियो। पप्पु लागूपदार्थको लतमा फसेका कारण उनीहरुबीच बारम्बार झगडा हुने गर्दथ्यो। पतिको व्यवहारबाट दिक्क भएर गुड्डी तीन वर्षअघि आफ्नो मामाघरमा बस्न थालेकी थिइन् र ज्यालामजदुरी गरेर जीवन चलाउँदै आएकी थिइन्। गत बुधबार साँझ कामबाट फर्किँदै गर्दा पप्पुले गुड्डीलाई बाटोमा रोकेर आफूसँग घर जान दबाब दिए। गुड्डीले अस्वीकार गरेपछि रिसाएका पप्पुले उनलाई नजिकैको झाडीमा घिसारेर लगे। त्यहाँ उनले गुड्डीको घाँटी थिचेर कुटपिट गरे र अन्तमा उनको नाक टोकेर…

काठमाडौं,२२ साउन। नेकपा माओवादी केन्द्रबाट सर्लाहीको बागमती नगरपालिकामा निर्वाचित प्रमुख (मेयर) भरतकुमार थापा भ्रष्टाचार र गैरकानूनी सम्पत्ति आर्जनको मुद्दामा दोषी ठहर भएका छन्। मुद्दा दायर पश्चात निलम्बित भएका उनी फरक–फरक मुद्दामा विशेष अदालतले दोषी ठहर गरेको छ। विशेष अदालतका अध्यक्ष टेकनारायण कुँवर र सदस्यहरु मुरारीबाबु श्रेष्ठ र विदुर कोइरालाको इजलासले एउटा मुद्दामा एक वर्ष कैद सजाय निर्धारण गरेको छ भने अर्को मुद्दाको सजाय निर्धारणका लागि साउन २९ गते पेसी तोकेको छ। थापा गैरकानूनी सम्पत्ति आर्जन मुद्दामा दोषी ठहर भएका हुन्। उनलाई उक्त मुद्दामा एक वर्ष कैद र बिगो बराबर तीन करोड ४५ लाख २२ हजार ३८७ रुपैयाँ २३ पैसा जरिवाना…

काठमाडौं,२२ साउन। भारतमा सिन्धुलीका एक युवकको मिर्गौला निकालिएको घटनामा प्रहरीले एक जनालाई पक्राउ गरेको छ। मानव बेचबिखन तथा अनुसन्धान ब्यूरोका प्रमुख कृष्ण पंगेनीले उक्त घटनामा नुवाकोटका समिर परियारलाई काठमाडौंबाट पक्राउ गरिएको बताए। सिन्धुलीको दुधौली नगरपालिका–१ का खिलबहादुर भुजेललाई कामको प्रलोभनमा भारत लगी बन्धक बनाएर गिरोहले उनको मिर्गौला निकालेको बताइन्छ । पोखरामा भेटिएका एकजना भारतीय नागरिकले उनलाई होटलमा वेटरको काम लगाइदिने भनेर भारत लगेका थिए। घर फर्किएपछि देब्रेतर्फ लगाइएको टाँका लगाइएको विषयमा घरमा बताएपछि अस्पतालमा जाँच गराउँदा एउटा मिर्गौला नभएको खुलेको थियो ।