Author: क्लिक लुम्बिनी

काठमाडौं,२६ असार। काठमाडौंस्थित राहदानी विभाग अगाडीमा आत्मदाहको प्रयास गरेका मुगुको सोरु गाउँपालिका–१ का २५ वर्षीय गणेश नेपाली मृत्यु भएको छ। उपचारका क्रममा शुक्रबार वीर अस्पतालमा निधन भएको प्रहरी स्रोतले जनाएको छ। यद्यपि, समाचार तयार पार्दासम्म वीर अस्पतालले उनको निधनबारे औपचारिक जानकारी सार्वजनिक गरेको छैन। गम्भीर घाइते भएका नेपालीको वीर अस्पतालको बर्न विभागमा भेन्टिलेटरमा राखेर उपचार भइरहेको थियो। उनको शरीरको करिब ५५ प्रतिशत भाग जलेको चिकित्सकहरूले बताएका थिए। उनलाई थप उपचारका लागि भारतको नयाँ दिल्लीस्थित एम्स अस्पताल लैजाने तयारी गरिएको थियो। तर, स्वास्थ्य अवस्था अत्यन्तै नाजुक भएकाले स्थानान्तरण गर्दा थप जोखिम हुन सक्ने चिकित्सकहरुको सुझावपछि वीर अस्पतालमै उपचारलाई निरन्तरता दिइएको थियो।…

काठमाडौं,२६ असार। सरकारले राहदानी नियमावली संशोधन गर्दै नयाँ अनुसूची लागू गरेको छ। परराष्ट्र मन्त्रालयले नेपाल राजपत्रमा सूचना प्रकाशित गर्दै राहदानी नियमावली, २०७७ को अनुसूची–२ अन्तर्गतको खण्ड ‘ख’ संशोधन गरिएको जनाएको छ। मन्त्रालयका सचिव अमृतबहादुर राईका अनुसार, नियमावलीको नियम ३० ले दिएको अधिकार प्रयोग गर्दै साविकको खण्ड ‘ख’ हटाई नयाँ व्यवस्था लागू गरिएको हो। यसैबीच, राहदानी विभागले राहदानी सेवालाई नयाँ प्रणालीमा रुपान्तरण गर्ने क्रममा दुई दिन सेवा स्थगित गरेको छ। विभागले जारी गरेको सूचनाअनुसार प्रणाली परिवर्तनका कारण बिहीबार र शुक्रबार नयाँ राहदानीका लागि आवेदन दर्ता तथा सम्बन्धित सेवा बन्द रहनेछन्। यद्यपि, यसअघि नै तयार भइसकेका राहदानी भने सम्बन्धित सेवाग्राहीलाई नियमित रुपमा…

दाङ,२६ असार। लुम्बिनी प्रदेश सरकारले चालु आर्थिक वर्ष २०८२/८३ को असार २५ गतेसम्म कुल बजेटको ६७.१८ प्रतिशत खर्च गरेको छ। आर्थिक मामिला तथा योजना मन्त्रालय तथा प्रदेश लेखा नियन्त्रक कार्यालयले सार्वजनिक गरेको प्रारम्भिक विवरणअनुसार ३८ अर्ब ९१ करोड रुपैयाँको कुल बजेटमध्ये २६ अर्ब १४ करोड २७ लाख ९४ हजार रुपैयाँ खर्च भएको हो । चालुतर्फ विनियोजन गरिएको १५ अर्ब ४३ करोड ८५ लाख ३५ हजार रुपैयाँमध्ये १० अर्ब ४६ करोड २३ लाख १४ हजार रुपैयाँ अर्थात् ६७.७६ प्रतिशत खर्च भएको छ। यस्तै पुँजीगततर्फ विनियोजन गरिएको २३ अर्ब ४७ करोड १४ लाख ६५ हजार रुपैयाँमध्ये १५ अर्ब ६७ करोड ७९ लाख…

काठमाडौं,२३ असार। संयुक्त अरब इमिरेट्स (यूएई) सरकारले १ सय ११ जना नेपाली नागरिकहरुलाई आममाफी दिएको छ। ईद अल–अधा २०२६ को अवसरमा यूएई सरकारले १ सय ११ जना नेपाली नागरिकहरुलाई आममाफी दिएको परराष्ट्र मन्त्रालयले जनाएको छ। परराष्ट्र मन्त्रालयले मंगलबार विज्ञप्ति जारी गर्दै यूएई सरकारको उक्त निर्णयप्रति आभार व्यक्त गरेको छ। विज्ञप्तिअनुसार परराष्ट्र मन्त्रालयको निर्देशनमा अबुधाबीस्थित नेपाली दूतावासले यूएई सरकारसमक्ष गरेको अनुरोधका आधारमा यूएई सरकारले १ सय ११ नेपाली कैदीलाई आममाफी दिने निर्णय गरेको हो । आममाफी पाएका नेपाली नागरिकमाथि अन्य कुनै कानुनी मुद्दा वा यात्रा प्रतिबन्ध नरहेको अवस्थामा यूएईको प्रचलित कानुनअनुसार आवश्यक कानुनी तथा प्रशासनिक प्रक्रिया पूरा गरेपछि उनीहरु नेपाल फर्कन…

काठमाडौं,२३ असार। नेपाल रेडक्रस सोसाइटीले संस्थाका सवारी साधन, एम्बुलेन्स तथा रेडक्रस चिन्हको अनधिकृत र गैरसंस्थागत प्रयोग नगर्न निर्देशन दिएको छ। संस्थाको छविमा नकारात्मक असर पर्ने गरी विभिन्न तहमा सवारी साधनको दुरुपयोग भइरहेको भन्ने गुनासो बढेपछि रेडक्रस केन्द्रीय कार्यालयले यस्तो अपिल जारी गरेको हो। रेडक्रसद्वारा जारी सूचनाअनुसार, संस्थाका सम्पत्तिहरु मानवीय सेवा, राहत तथा उद्धार, स्वास्थ्य सेवा, विपद् व्यवस्थापन र रक्तसञ्चारलगायत स्वीकृत संस्थागत कार्यमा मात्र प्रयोग गर्नुपर्ने आग्रह गरेको छ। उक्त सूचनामा भनिएको छ, ‘नेपाल रेडक्रस सोसाइटीका नाममा रहेका कतिपय सवारी साधन र एम्बुलेन्सहरु व्यक्तिगत, पारिवारिक, व्यावसायिक वा राजनीतिक प्रयोजनमा प्रयोग भएको भन्ने सरोकारवालाहरुको टिप्पणी र सञ्चारमाध्यममा आएका समाचारप्रति संस्थाको ध्यानाकर्षण भएको…

काठमाडौं,२३ असार। नेपालको स्थानीय बजारमा मंगलबार सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार सोमबार सुन प्रतितोला २ लाख ८९ हजार ४ सय रुपैयाँमा कारोबार भएकोमा मंगलबार १४ सय रुपैयाँले घटेर २ लाख ८८ हजार रुपैयाँमा कारोबार भइरहेको छ। यस्तै, चाँदीको मूल्य पनि घटेको छ। मंगलबार चाँदी प्रतितोला ४ हजार ५५५ रुपैयाँमा कारोबार भइरहेको महासंघले जनाएको छ।

काठमाडौं,२३ असार। राष्ट्रिय परीक्षा बोर्डले माध्यमिक शिक्षा परीक्षा (एसईई) पूरक परीक्षाको नतिजा सार्वजनिक गरेको छ। राष्ट्रिय परीक्षा बोर्डअन्तर्गतको परीक्षा नियन्त्रण कार्यालयले नतिजा सार्वजनिक गरेको हो । गत असार १ देखि ९ गते सम्म भएको पूरक परीक्षामा सहभागी परीक्षार्थीमध्ये ६४.६८ प्रतिशत उतिर्ण भएको कक्षा १० का परीक्षा नियन्त्रक टुकराज अधिकारीले बताए। उक्त परीक्षामा १ लाख २९ हजार १ सय १४ जना सामेल थिए। जसमा, ८३ हजार ५ सय २३ जना वर्गीकृत हुन सफल भएका छन्। पूरकको नतिजासँगै एसईई उतीर्ण गर्ने विद्यार्थी ८५.३७ प्रतिशत पुगेका छन् । परीक्षामा नियमिततर्फ ४ लाख ३० हजार ६ सय ६७ परीक्षार्थी रहेका थिए । मूल परीक्षामा…

काठमाडौं,२३ असार। प्रधानमन्त्री बालेन्द्र शाह र एसियाली विकास बैंक (एडीबी) का अध्यक्ष मासातो कान्दाबीच शिष्टाचार भेटवार्ता भएको छ। मंगलबार प्रधानमन्त्री तथा मन्त्रिपरिषद्को कार्यालयमा प्रधानमन्त्री बालेन र एडीबीका अध्यक्ष कान्दाबीच भेटवार्ता भएको हो। भेटमा नेपाल-एडीबी सहकार्य, विकास आयोजना तथा आर्थिक सहयोगका विषयमा छलफल भएको बताइएको छ। यसअघि सोमबार नेपाल सरकार र एडीबीबीच अर्थ मन्त्रालयमा दुईवटा आयोजना तथा कार्यक्रम कार्यान्वयनका लागि १६५ मिलियन अमेरिकी डलर (करिब २५ अर्ब रुपैयाँ) बराबरको सहुलियतपूर्ण ऋण सम्झौतामा हस्ताक्षर भएको थियो। अर्थ मन्त्रालयका अनुसार, हस्ताक्षर भएका सम्झौतामध्ये ‘एकीकृत खानेपानी तथा ढल व्यवस्थापन आयोजना’ का लागि ११५ मिलियन अमेरिकी डलर (करिब १७ अर्ब ५० करोड रुपैयाँ) सहुलियतपूर्ण ऋण…

काठमाडौं,२३ असार। नेपाल राष्ट्र बैंकले २५ अर्ब रुपैयाँ बराबरको ऋणपत्र २०८४ ‘ङ’ निष्कासनका लागि बोलकबोल आह्वान गरेको छ। बैंकले मंगलबार सार्वजनिक गरेको सूचनाअनुसार इच्छुक सहभागीले अनलाइन प्रणालीमार्फत बोलकबोल गर्न सक्नेछन्। बोलकबोल प्रक्रियामा राष्ट्र बैंकबाट इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्था (काउण्टरपार्टी) मात्र सहभागी हुन पाउने व्यवस्था गरिएको छ। बोलकबोल गर्दा सहभागी संस्थाले आफूले खरिद गर्न चाहेको रकम र प्रस्तावित ब्याजदर उल्लेख गर्नुपर्नेछ। ब्याजदर दशमलवपछिका चार अंकसम्म उल्लेख गर्न सकिने राष्ट्र बैंकले जनाएको छ। न्यूनतम ५ करोड रुपैयाँदेखि अधिकतम आह्वान गरिएको कुल २५ अर्ब रुपैयाँसम्म, ५ करोड रुपैयाँले निःशेष भाग जाने गरी बोलकबोल गर्न सकिने व्यवस्था…

काठमाडौं,२२ असार। अर्थ मन्त्रालयअन्तर्गतका दुई प्रमुख भन्सार विभाग र आन्तरिक राजस्व विभागमा नयाँ नेतृत्व नियुक्त गरिएको छ। मन्त्रालयले सोमबार गरेको निर्णयअनुसार दुबै विभागमा सहसचिव तहका अधिकारीलाई नेतृत्वको जिम्मेवारी प्रदान गरिएको हो। मन्त्रालयका अनुसार, भन्सार विभागको महानिर्देशकमा सहसचिव यमलाल भुसाल नियुक्त भएका छन्। विभागको उपमहानिर्देशकमा प्रेम प्रसाद आचार्य नियुक्त भएका छन्। निमित्त महानिर्देशक भरतमणि पाण्डेय अर्थमन्त्रालय बाहिर सरुवा भएका छन्। त्यस्तै, भन्सार विभागको उपमहानिर्देशकको जिम्मेवारी सहसचिव प्रेमप्रसाद आचार्यलाई दिइएको मन्त्रालयले जनाएको छ। यस्तै आन्तरिक राजस्व विभागको महानिर्देशकमा डा. भीष्मकुमार भुसाल नियुक्त भएका छन्। हालका महानिर्देशक रमेश अर्याल अर्थ मन्त्रालय बाहिर सरुवा भएका हुन्। नयाँ जिम्मेवारी पाएका तीनैजना सहसचिव हालैको मन्त्रिपरिषद् बैठकबाट…