Author: क्लिक लुम्बिनी

काठमाडौं,१६ असार। साउदी अरेबिया सरकारले ३३ जना नेपाली नागरिकहरुलाई आममाफी दिएको छ। साउदी अरेबियामा कानुन उल्लघंन गरी कारगारमा सजाए भुक्तान गरिरहेका ३३ जना नेपालीलाई साउदी सरकारले आममाफी दिएको हो। परराष्ट्र मन्त्रालयका अनुसार, रमजान पर्वको अवसरमा साउदी सरकारले ३३ जना नेपालीहरुलाई आममाफी दिएको हो। परराष्ट्र मन्त्रालयद्वारा मंगलबार जारी गरेको विज्ञप्तिमा यो कदम नेपाल र साउदी अरबबीचको लामो समयदेखिको मित्रता, सद्भाव र सौहार्दपूर्ण द्विपक्षीय सम्बन्धको प्रतीक भएको उल्लेख गरिएको छ। मन्त्रालयका अनुसार साउदी अरबस्थित नेपाली दूतावासमार्फत नेपाल सरकारले गरेको अनुरोधपछि ती नेपाली नागरिकलाई आममाफी दिइएको र कानुनी प्रक्रिया पश्चात उनीहरु नेपाल फर्किने छन्।

भैरहवा, असार। भैरहवास्थित काशी नोबल एकेडेमीमा ‘क्वालिटी टिचिङ इन्सपेक्सन’ सम्बन्धी कार्यशाला कार्यक्रम सम्पन्न भएको छ। विद्यालयका प्राचार्य राजेन्द्र घिमिरेको अध्यक्षता तथा सह–प्राचार्य श्री रायमाझीको सञ्चालनमा आयोजित कार्यक्रममा विद्यालयका ५५ जना शिक्षकहरुको सहभागिता रहेको थियो। कार्यक्रममा आइएसओ नेपालका प्रतिनिधि सुदीप शर्मा र आकाश यादवले सहजीकरण गरेका थिए। कार्यशालामा सहभागी शिक्षकहरुलाई पाँच समूहमा विभाजन गरी अन्तरक्रियात्मक छलफल गराइएको थियो। छलफलका क्रममा आत्मअनुशासन, संस्थागत अनुशासन, गुणस्तरीय शिक्षण–सिकाइ तथा गुणस्तरीय शिक्षा सुनिश्चित गर्न कक्षाकोठामा आवश्यक पर्ने सामग्री र अभ्यासका विषयमा विस्तृत रुपमा विचार–विमर्श गरिएको थियो। कार्यक्रममा बोल्दै प्राचार्य राजेन्द्र घिमिरेले विद्यालयले अन्तर्राष्ट्रिय गुणस्तर मान्यता ‘आइएसओ’ प्रमाणपत्र प्राप्त गरेपछि त्यसअनुरुप आवश्यक मापदण्ड कायम राख्न यस्ता…

भैरहवा,१६ असार। रुपन्देही प्रहरीले भारतबाट अवैध रुपमा भन्सार छलेर भित्राइएको साढे २० लाख मूल्य बराबरको आइफोन बरामद गरेको छ । जिल्ला प्रहरी कार्यालय रुपन्देहीका सूचना अधिकारी एवं प्रहरी नायब उपरीक्षक कृष्णकुमार चन्दका अनुसार, कोटहीमाई गाउँपालिका–५ स्थित बेनिनगरमा युपी ५६ डिएक्स ८८३८ नम्बरको भारतीय मोटरसाइकल चेकजाँच गर्दा विभिन्न मोडेलका ३५ थान आइफोन बरामद भएको हो। बरामद फोन र प्रयोग भएको मोटरसाइकल नियन्त्रणमा लिएर आवश्यक कारवाहीका लागि भैरहवा भन्सार कार्यालय पठाइएको प्रहरीले जनाएको छ । यस अघि प्रहरीले ओमसतिया गाउँपालिका ४ बालापुरबाट २३ लाख ९० हजार मूल्य बराबरको विभिन्न मोडेल ३८ थान आइफोन बरामद गरेको थियो ।

भैरहवा, १५ असार। लुम्बिनी प्रदेशमा धान खेतीयोग्य ३ लाख १ हजार ३७२ हेक्टर क्षेत्रफलमध्ये ६२ हजार ६७०.५७ हेक्टरमा धान रोपाइँ भएको छ। यो कुल क्षेत्रफलको २०.५ प्रतिशत हो। प्रदेश कृषि मन्त्रालयका अनुसार, पर्याप्त वर्षा नहुँदा अधिकांश जिल्लामा रोपाइँ प्रभावित भएको छ। सिँचाइ सुविधा नपुगेका क्षेत्रका किसान आकाशे पानीको भरमा रहेकाले यस वर्ष मध्य असारसम्म पनि रोपाइँ सुस्त बनेको मन्त्रालयले जनाएको छ। प्रदेश कृषि मन्त्रालयका बागबानी अधिकृत सन्देश धितालका अनुसार असार १४ गतेदेखि वर्षा सुरु भएकाले अब रोपाइँको गति बढ्ने अपेक्षा गरिएको छ।

दाङ,१५ असार। लुम्बिनी प्रदेशका मुख्यमन्त्री चेतनारायण आचार्यले कृषि क्षेत्रको आधुनिकीकरण, धान उत्पादन वृद्धि र खाद्य आत्मनिर्भरताका लागि प्रदेश सरकार प्रतिबद्ध रहेको बताएका छन्। २३ औँ राष्ट्रिय धान दिवस तथा रोपाइँ महोत्सव २०८३ को अवसरमा शुभकामना जारी गर्दै मुख्यमन्त्री आचार्यले ‘जलवायूमैत्री प्रविधि, धानमा आत्मनिर्भरता र समृद्धि’ भन्ने नारालाई व्यवहारमा उतार्दै कृषि उत्पादन र उत्पादकत्व बढाउने दिशामा प्रदेश सरकारले विभिन्न कार्यक्रम सञ्चालन गरिरहेको बताए। नेपालको अर्थतन्त्र, खाद्य सुरक्षा, रोजगारी र ग्रामीण जीवनको प्रमुख आधार धान खेती भएकाले यसलाई आधुनिक, व्यवसायिक तथा जलवायूमैत्री बनाउनु समयको आवश्यकता भएको उल्लख गरेका छन्। बदलिँदो जलवायु र मौसमको अनिश्चितताबीच नवीन प्रविधिको प्रयोग, वैज्ञानिक खेती प्रणाली तथा प्रभावकारी…

परासी,१५ असार। पश्चिम नवलपरासीको पाल्हीनन्दन गाउँपालिकाकी उपाध्यक्ष फातुमा खातुन अन्सारीले आफूलाई पदमुक्त गर्ने निर्वाचन आयोगको निर्णयविरुद्ध सर्वोच्च अदालतमा रिट दायर गरेकी छन्। नेपाली कांग्रेसको केन्द्रीय कार्य सम्पादन समितिले काङ्ग्रेसबाट निर्वाचित अन्सारी अन्य दलमा प्रवेश गरेको भनी निर्णयको प्रतिलिपिसहित आयोगमा जानकारी गराए पश्वात् आयोगको असार ८ गतेको बैठकले उपाध्यक्षको पद रिक्त गर्ने निर्णय गरेको थियो। जसपश्चात आयोगले असार ९ गते उपाध्यक्ष पद रिक्त भएको सूचना जारी गरेको थियो। आयोगको निर्णय कानुनविपरीत रहेको दाबी गर्दै उनले उक्त निर्णय बदर गरी उपाध्यक्षकै हैसियतमा काम गर्न दिनका लागि सर्वोच्चमा उत्प्रेषणको रिट दायर गरेकी हुन्। रिटमाथि आज न्यायाधीशद्वय विनोद शर्मा र सुनिलकुमार पोखरेलको संयुक्त इजलासमा…

भारत, असार। भारतको तामिलनाडु सरकारले राज्यको सरकारी अस्पतालहरुमा जन्मने प्रत्येक नवजात शिशुलाई १ ग्राम सुनको औंठी उपहार दिने घोषणा गरेको छ। मुख्यमन्त्री सी. जोसेफ विजयको नेतृत्वमा रहेको सरकारले थाइमामन थङ्गा मोथिरा थिट्टम (मामाको सुनको औंठी योजना) अन्तर्गत उक्त कार्यक्रम ल्याएको हो। तमिल संस्कृतिमा नवजात शिशुलाई मामाको तर्फबाट सुन उपहार दिएर स्वागत गर्ने थाइमामन सिर परम्परा रहेको छ। सोही सांस्कृतिक मान्यतालाई आत्मसाथ गर्दै अब सरकारले नै राज्यका प्रत्येक शिशुको मामाुको भूमिका निभाउँदै सुनको औंठी उपहार दिन लागेको जारी विज्ञप्तिमा उल्लेख छ। यस योजनाका लागि सरकारले वार्षिक ७५५.८३ करोड भारु बजेट छुट्याएको छ। यो योजना औपचारिक रुपमा आगामी सेप्टेम्बर १५ (पूर्व मुख्यमन्त्री…

काठमाडौं,१४ असार। गृह मन्त्रालयको जिम्मेवार व्यक्ति हुँ भन्दै प्रहरी कार्यालयमा अनधिकृत पहुँच राख्न खोजेको आरोपमा एक जना पक्राउ परेका छन् । पक्राउ पर्नेमा ३० वर्षीय आदित्य सिंह छन्। उनले आफूलाई गृहमन्त्रालयको जिम्मेवार व्यक्ति भन्दै प्रहरी कार्यालयमा सेटिङ मिलाउन खोजेको प्रहरीको भनाइ छ । कोटेश्वरस्थित खरिबोट क्षेत्रबाट पक्राउ गरिएका सिंहमाथि अनुसन्धान भइरहेको प्रहरीले जनाएको छ।

दाङ,१४ असार। लुम्बिनी प्रदेशमा वृक्षारोपण अभियान सुरु गरिएको छ। वन तथा वातावरण मन्त्रालय, डिभिजन वन कार्यालय देउखुरी तथा विभिन्न सामुदायिक वनको सहकार्यमा अभियान सुरु गरिएको हो। प्रदेशभर २५ लाख बिरुवा उत्पादन गरिएको र सरकारी, निजी तथा सार्वजनिक स्थानको ६० हेक्टरभन्दा बढी क्षेत्रफलमा वृक्षारोपण गर्ने लक्ष्य राखिएको लुम्बिनी प्रदेश सरकारले जनाएको छ। लुम्बिनी प्रदेशका मुख्यमन्त्री चेतनारायण आचार्यले गढवा गाउँपालिका २ महदेवास्थित महदेवा सामुदायिक वनमा बिरुवा रोपेर अभियानको शुभारम्भ गरे। कार्यक्रमलाई सम्बोधन गर्दै मुख्यमन्त्री आचार्यले बिरुवा रोप्नु मात्रै पर्याप्त नभई त्यसको संरक्षण सबैभन्दा महत्वपूर्ण पक्ष भएको बताए। उनले हरेक वर्ष लाखौं बिरुवा रोपिए पनि संरक्षणको अभावका कारण अपेक्षित परिणाम प्राप्त हुन नसकेको…

भैरहवा,असार। औषधि व्यवस्था विभागले रुपन्देहीको ग्रेस फार्मास्युटिकल्स प्रालिद्वारा उत्पादित लिनारेस एम ८५० ट्याब्लेट औषधि गुणस्तरहीन पाएपछि तत्काल बजारबाट फिर्ता गर्न निर्देशन दिएको छ। बजार अनुगमनका क्रममा संकलन गरिएको नमुनाको प्रयोगशालामा परीक्षण गर्दा उत्पादन निर्धारण गुणस्तर मापदण्डअनुसार नरहेको विभागले जनाएको छ। विभागका अनुसार, राष्ट्रिय औषधि प्रयोगशालाबाट गरिएको परीक्षणमा ब्याच नम्बर टीएलएमएस-००६ को लिनारेस एम ८५० ट्याब्लेट न्यून गुणस्तर भएको पाइएको छ। औषधि ऐन, २०३५ को दफा १४ बमोजिम उक्त ब्याच नम्बरको औषधिको बिक्री–वितरण तत्काल रोक्का गरी बजारबाट फिर्ता गर्न विभागले निर्देशन समेत दिएको छ। साथै सम्बन्धित उद्योग तथा त्यसका प्रतिनिधिलाई बजारबाट फिर्ता गरिएको औषधिको विवरण विभागमा पेश गर्न विभागद्वारा जारी सूचनामा…