Author: क्लिक लुम्बिनी

काम गर्ने स्थल कार्यालयमा ढिलो आउने कर्मचारीलाई कारवाही भएको तपाईँले थाहा पाउनु भएकै होला ! तर, के तपाईँलाई थाहा छ ? स्पेनमा एक महिला कर्मचारी कार्यालय समय अघि नै पुग्दा जागिरबाट बर्खास्त हुनु परेको छ । कार्यालयको तोकिएको समयभन्दा अघि नै धेरै पटक कार्यालय पुग्नलाई स्पेनको सामाजिक अदालतले पेशागत आचरणको गम्भीर उल्लंघन भएको ठहर गरेको छ। स्पेनको अलिकान्तेस्थित एक डेलिभरी कम्पनीमा करार सम्झौतामा कार्यरत महिला कर्मचारी कार्यालयको तोकिएको समयभन्दा अघि नै पटक पटक कार्यालय पुग्न थालिन् । कम्पनीले कार्यालय अगावै नआउनका लागि पटक पटक चेतावनी दिदाँ पनि उनी ३० देखि ४५ मिनेट अघि कार्यस्थलमा आउने गरेको भन्दै कम्पनीले उनलाई बर्खास्त…

बर्दघाट, १५ पुस । पूर्वपश्चिम राजमार्गको दाउन्ने खण्डमा सवारी साधन आवागमन बन्द भएको छ । इलाका प्रहरी कार्यालय दुम्कीबासका प्रहरी नायव निरीक्षक ज्ञानप्रसाद काफ्लेका अनुसार दाउन्ने खण्डमा शीतलहरले सडक चिप्लो हुँदा सवारीसाधन संचालनमा कठिनाई भएपछि सवारी साधन आवागमन बन्द भएको हो । सवारी साधन आवागमन बन्द भएपछि बर्दघाट र दुम्किबासतर्फ गाडीको लाम लागेको छ। शीतलहर कम भएपछि सवारी साधन संचालन हुने प्रहरीले जनाएको छ। बुटवल नारायणगढ सडकखण्ड निर्माणाधिन अवस्थामा छ । उक्त सडकखण्डको अन्य स्थानमा यात्रा सहज भएपनि दाउन्ने खण्डमा निर्माणकार्य अझै पूर्ण हुन सकेको छैन ।

काठमाडौं,१४ पुस। राष्ट्रिय स्वतन्त्र पार्टी (रास्वपा) र उज्यालो नेपाल पार्टी (उनेपा) बीच सात बुँदे सहमती भएको छ । सोमबार साँझ रास्वपा सभापति रवि लामिछाने, उज्यालो नेपाल पार्टीका अध्यक्ष अनुपकुमार उपाध्यायबीच भएको सात बुँदे सहमती भएको हो । लामिछाने र उज्यालो नेपाल पार्टीका संरक्षक कुलमान घिसिङ र काठमाडौं महानगरपालिकाका मेयर बालेन शाहबीच भएको छलफलपछि सहमति भएको हो । पत्रमा कुलमान घिसिङले उपाध्यायलाई दस्तखत गर्न लगाएका छन्।दुई पार्टीबीच एकता सम्बन्धी सहमति पत्रमा बालेन साक्षीको रुपमा दस्तखत गरेका छन्। सहमति अनुसार सभापति रवि लामिछानेपश्चात दोस्रो वरियतामा रहने गरी घिसिङलाई उपसभापति बनाईने भएको छ। हेर्नुहोस् सहमती पत्र :

भैरहवा,१४ पुस । लुम्बिनीमा आयोजित तीन दिवसीय तेस्रो लुम्बिनी न्युज फेस्टिवल १५ बुँदे लुम्बिनी घोषणा पत्र–२०८२ जारी गर्दै सकिएको छ । लुम्बिनी प्रेस क्लब, रुपन्देहीद्धारा तीन दिवसीय आयोजित न्युज फेस्टिवल सोमबार घोषणा पत्र जारी गर्दै सम्पन्न भएको क्लबका उपाध्यक्ष तथा कार्यक्रम संयोजक दीपेन्द्र बडुवालले जानकारी दिए । घोषणा पत्रमा मोफसलको पत्रकारितालाई राष्ट्रिय तथा अन्तर्राष्ट्रिय बहसको केन्द्रमा स्थापित गर्न लुम्बिनी न्युज फेस्टिवललाई नियमित र दिगो प्लेटफर्मका रुपमा विकास गर्ने प्रतिबद्धता व्यक्त गरिएको छ । यस्तै, तथ्यमा आधारित, जिम्मेवार र सकारात्मक पत्रकारितामार्फत् नेपाल–भारत सीमापार सम्बन्धलाई सुदृढ बनाउने विषयमा सञ्चारकर्मीको भूमिका अझ प्रभावकारी बनाउने, लुम्बिनी, कपिलवस्तु र आसपासका क्षेत्रमा हुने तथ्यविहीन, अपुष्ट र…

भैरहवा, १४ पुस । लुम्बिनी समाचार महोत्सवमा जिम्मेवार पत्रकारिता, सीमापार सम्बन्ध, लुम्बिनीको विकासका लागि संवाद, तथ्यपरक सूचना र सरोकारवालाबीच सहकार्य अनिवार्य भएको विभिन्न बहस तथा प्यानल छलफलबाट निष्कर्ष निकालिएको छ। लुम्बिनी प्रेस क्लब रुपन्देहीद्धारा लुम्बिनीमा आयोजित तेस्रो लुम्बिनी समाचार महोत्सवमा पत्रकारितामा प्रश्न: जिम्मेवारी र जवाफदेहिता, सीमापार सम्बन्ध : आवश्यकता र सम्भावना तथा लुम्बिनी: लगानी र पर्यटन विषयमा नेपाल, भारतका पत्रकारहरुसहित सरोकारवालाबीच भएको बहस तथा प्यानल छलफल गरिएको छ। कार्यक्रमलाई सम्बोधन गर्दै लुम्बिनी प्रदेशका मुख्यमन्त्री चेतनारायण आचार्यले मोफसलको पत्रकारिताको सुदृढीकरण, प्रेस स्वतन्त्रताको संरक्षण र स्थानीय विषयवस्तुमा सार्थक बहस सिर्जना गर्नु आजको आवश्यकता भएको बताए । मिडियाबाट नकारात्मक समाचार प्रवाह भए सम्बन्ध…

लुम्बिनी, १४ पुस । अगामी फागुन २१ गते हुने प्रतिनिधिसभा सदस्यको निर्वाचन नजिकिदैं गएसँगै चिसोयाममा निर्वाचनको माहौल तातेको छ । राजनीतिक वृतहरुमा तिव्र रुपमा छलफल भइरहेको छ । निर्वाचन गतिविध बढ्दै गएका छन् । अगामी निर्वाचन लक्षित विभिन्न राजनीतिक दलहरुबीच एकिकरण देखि लिएर चुनावी गठबन्धनसम्म हुने खबरहरु सार्वजनिक भइरहेका छन्। राष्ट्रिय स्वतन्त्र पार्टी (रास्वपा) का सभापति रवि लामिछाने र बालेन्द्र शाह (बालेन) बीच सात बुँदे सहमती भएसँगै नेपालको राजनीतिमा तंरग पैदा भएको छ । यसैबीच रुपन्देहीको निर्वाचन क्षेत्र नम्बर ५ मा उम्मेदवारको चर्चा सुरु भएको छ । दुवै जना साथमा चुनावमा होमिने सहमती भएसँगै रुपन्देहीको निर्वाचन क्षेत्र नम्बर ५ मा…

काठमाडौं,१४ पुस। राष्ट्रिय स्वतन्त्र पार्टी (रास्वपा)को प्रि–इलेक्सन नतिजा सार्वजनिक भएको छ। सार्वजनिक नतिजा अनुसार, रमेश प्रसाईं १८,२२३ मतसहित पहिलो नम्बरमा निर्वाचित भएका छन्। दोस्रोमा प्रमोद न्यौपाने १४,१६७ मतसहित, तेस्रोमा रञ्जु दर्शना १३,५५१ मतसहित निर्वाचित भएकी छन्। अन्य स्थानमा क्रमशः टिका संग्रौला १३,१०६, लिमा अधिकारी १२,७६०, समीक्षा बास्कोटा १२,४६०, विपिनकुमार आचार्य १२,२४५, क्रान्तिशिखा धिताल ११,७८१ र प्रतिभा रावल ११,७२१ मतसहित निर्वाचित भएका छन्। परिणाम अनुसार, आदिवासी जनजाति तर्फ उत्तमबहादुर गुरुङ १६,०१२, सतिकला राई १४,२०१, टासी लाजोम १३,०७३ र मिलन लिम्बु १३,०५९ मतसहित निर्वाचित भएका छन्। दलिततर्फ, विजय जैरु १३,१४३, अमृता विक १०,०७३, सविना विश्वकर्मा १२,८५६, स्मृति सेञ्जुरी १२,७१० र अविता नेपाली…

काठमाडौं,१४ पुस। अशोक राई नेतृत्वको जनता समाजवादी पार्टी (जसपा) फुटेको छ। जसपा सह-अध्यक्ष रेणु यादवसहित बहुमत केन्द्रीय सदस्यहरु जनता समाजवादी पार्टी नेपालसँग एकता गरेका छन्। सोमबार जसपाका सह-अध्यक्ष रेणु, सचिव प्रदीप यादवसहितका बहुमत केन्द्रीय सदस्यहरुले एकताका लागि सहमतिमा हस्ताक्षर गरेका हुन्। एकतापछि प्रदीप यादवले मधेश र मधेशी जनताको अधिकार सुनिश्चित्तताका लागि एकीकृत भएको प्रतिक्रिया दिए। उनले भने, मधेश आन्दोलनको उपलब्धिको रुपमा रहेको संघीयता गणतन्त्रको संरक्षण एवं सम्वर्द्धन तथा मधेश र मधेशी जनताको अधिकार सुनिश्चित्तताका लागि बदलिदो राजनैतिक परिवेशमा जनता समाजवादी नेपाल र जनता समाजवादी पार्टीको एकता अपरिहार्य रहेकाले मधेशी जनताको चाहना र जनअपेक्षालाई सिरोधार्य गरी एकता भएको घोषणा गर्दछु ।’ 

काठमाडौं, १४ पुस । पूर्वगृहमन्त्री रमेश लेखकले भदौ २३ र २४ गतेको घटना सम्बन्धमा गठित जाँचबुझ आयोग समक्ष लिखित धारणा पेश गरेका छन्। उनले आयोगमा पदाधिकारीहरुले सोधेको प्रश्नको बयानमार्फत जवाफ दिनुका साथै लिखित रुपमा तयार पारेको जवाफ पनि पेस गरेका छन् । सोमबार आयोगमा उपस्थित भएका लेखकले प्रदर्शनका क्रममा बल प्रयोग गर्न कुनै लिखित वा मौखिक आदेश नदिएको स्पष्ट पारेका छन्। आयोगलाई बुझाएको ६ पृष्ठ लामो लिखित जवाफमा उनले भदौ २२ गतेको केन्द्रीय सुरक्षा समितिको बैठकमा ‘कुनै हताहती नहोस् र संयमता अपनाउनू’ भनी निर्देशन दिएको उल्लेख गरेका छन्। पूर्वमन्त्री लेखकले जेनजी समूहको शान्तिपूर्ण प्रदर्शनलाई लोकतन्त्र विरोधी तत्त्वले हिंसात्मक बनाइएको दाबी…

काठमाडौं,१३ पुस। नेपाली कांग्रेसले विगतका निर्वाचनमा पार्टीका आधिकारिक उम्मेदवारविरुद्ध बागी उम्मेदवारी दिनेहरु माथिको कारबाही फुकुवा गरेको छ। पार्टीको कार्यसम्पादन समितिको बैठकले बागी उम्मेदवारी दिनेहरु माथिको कारबाही फुकुवा गरेको हो। केन्द्रीय कार्यालयका मुख्यसचिव कृष्णप्रसाद पौडेलले पार्टीका तल्ला कमिटीलाई गरिएको परिपत्रमा भनिएको छ, ‘विगतका निर्वाचनमा पार्टीको उम्मेदवार वा पार्टीले समर्थन गरेका उम्मेदवारविरुद्ध उम्मेदवारी दिने, प्रस्तावक वा समर्थक भएर अनुशासन विपरीत काम गर्ने व्यक्तिहरुलाई केन्द्रीय अनुशासन समितिले गरेको निष्काशन, निलम्बन वा पार्टीको विधानअनुसार स्वतः लाग्ने कारबाहीको बाँकी अवधि माफी/मिनाहा गरिने निर्णय गरिएको छ।’ त्यसैगरी, कारबाही माफी/मिनाहा भएका व्यक्तिहरुको पार्टीमा वहाल रहेको पद कायम नरहने गरी क्रियाशील सदस्यताको निरन्तरता कायम गरिने र आवश्यक परे…