Author: क्लिक लुम्बिनी

काठमाडौं,३२ असार। सर्वोच्च अदालतको अन्तरिम आदेशपछि सम्पत्ति छानबिन आयोगले सम्पत्ति विवरण संकलन तथा छानबिनसम्बन्धी सबै प्रक्रिया हालका लागि स्थगित गरेको छ। सर्वोच्च अदालतका न्यायाधीश नृपध्वज निरौलाको एकल इजलासले अर्को आदेश नभएसम्म कसैसँग पनि सम्पत्ति विवरण माग नगर्न तथा प्राप्त विवरणमाथि कुनै प्रकारको छानबिन नगर्न आयोगका नाममा अन्तरिम आदेश जारी गरेको हो। यसअघि आयोगले सार्वजनिक सूचना जारी गर्दै सार्वजनिक जवाफदेही पदमा रहेका तथा पूर्व पदाधिकारी र कर्मचारीसँग सम्बन्धित सम्पत्ति विवरण संकलन भइरहेको जनाएको थियो। तर, आयोगको उक्त प्रक्रियाविरुद्ध परेको रिटमा सुनुवाइ गर्दै सर्वोच्चले तत्कालका लागि सम्पत्ति विवरण संकलन र छानबिन रोक्न आदेश दिएको हो। सर्वोच्चको आदेशपछि आयोगले विवरण संकलन, प्राप्त विवरणको…

काठमाडौं,३१ असार। अख्तियार दुरुपयोग अनुसन्धान आयोगले ६ लाख रुपैयाँ घुससहित इलामको चुलाचुली गाउँपालिकाका इन्जिनियर (छैटौँ) डिल्ली राज खड्कालाई पक्राउ गरेको छ। अख्तियारका प्रवक्ता सुरेश न्यौपानेका अनुसार, आयोगको केन्द्रीय कार्यालय र इटहरी कार्यालयको संयुक्त टोलीले पुलको रिडिजाइन स्वीकृत गराइदिने तथा ठेक्काको भुक्तानी प्रक्रिया सहजीकरण गरिदिने भन्दै घुस मागेको उजुरीका आधारमा बुधबार उनलाई घुससहित पक्राउ गरिएको हो। इन्जिनियर खड्कालाई दमक नगरपालिका–१ स्थित खाजा घरबाट सेवाग्राहीसँग ६ लाख रुपैयाँ घुस लिइसकेको अवस्थामा पक्राउ गरिएको हो। घटनाका सम्बन्धमा थप अनुसन्धान भइरहेको अख्तियारले जनाएको छ।

भैरहवा,३१ असार। रुपन्देही प्रहरीले नक्कली नेपाली नोट छपाइ तथा कारोबारमा संलग्न गिरोहविरुद्ध सञ्चालन गरेको ‘अपरेशन चार्ली’ अन्तर्गत ६ जनालाई पक्राउ गरेको छ। पक्राउ पर्नेहरुमा रुपन्देहीको बुटवल उपमहानगरपालिका–११ की ३६ वर्षीया गंगाकुमारी पुर्वछाने, पोखरा महानगरपालिका–१ का किरण कृष्ण तिवारी, भक्तपुरको चाँगुनारायण नगरपालिका–१ का रामचन्द्र खत्री, कपिलवस्तुको बाणगंगा नगरपालिका-२ का संजय थारु, दोलखा शैलुङ गाउँपालिका–४ का ३८ वर्षीय पासाङ तामाङ र भारतको पश्चिम बंगाल सिलुगढीका ४९ वर्षीय बासुमित्र आनन्द रहेको प्रहरीले जनाएको छ। पोखराबाट पक्राउ परेका तिवारीको साथबाट एक हजार दरका ४७८ थान र बुटवलबाट पक्राउ परेको पुर्वछानेको घरबाट एक हजार दरका १०३ थान नक्कली नोट बरामद भएको जिल्ला प्रहरी कार्यालय रुपन्देहीका…

दाङ,३१ असार। लुम्बिनी प्रदेश सरकारअन्तर्गत प्रदेश तथा स्थानीय शासन सवलीकरण कार्यक्रम अन्तर्गत नवप्रवर्तन साझेदारी परियोजनाका लागि आठ स्थानीय तहका परियोजना स्वीकृत भएका छन्। आर्थिक वर्ष २०८३/८४ मा सञ्चालन हुने परियोजनाका लागि प्रदेश सरकारले प्रतियोजना २५ लाख रुपैयाँका दरले अनुदान उपलब्ध गराउने भएको छ। मुख्यमन्त्री चेतनारायण आचार्यको अध्यक्षतामा बुधबार बसेको प्रदेश निर्देशक समितिको बैठकले प्रदेश तथा स्थानीय शासन सवलीकरण कार्यक्रम दस्तावेज तथा नवप्रवर्तन साझेदारी परियोजना सञ्चालन कार्यविधि, २०८२ बमोजिम उक्त निर्णय गरेको हो। बैठकले आर्थिक वर्ष २०८२/८३ अन्तर्गत सञ्चालित प्रदेश तथा स्थानीय शासन सवलीकरण कार्यक्रमको वार्षिक प्रगतिको समीक्षा गर्दै आगामी वर्षका लागि पूर्ण प्रस्ताव पेस गरेका स्थानीय तहका परियोजनामध्ये मूल्याङ्कनका आधारमा…

काठमाडौं,३१ असार। स्थायी र करारका कर्मचारी हटाउने सरकारी तयारीको विरोधमा विभिन्न मन्त्रालयमा कार्यरत कर्मचारीहरुले बुधबार पनि अर्थ मन्त्रालयमा धर्ना दिएका छन्। सरकारले आउट सोर्सिङमार्फत काम गराउने नीति लिई आफूहरुलाई हटाउन खोजेको भन्दै उनीहरु सेवा निरन्तरताको माग गर्दै आन्दोलनमा उत्रिएका हुन्। खर्च कटौतीको नीतिका नाममा अस्थायी र करार कर्मचारी हटाउन खोजिएको उनीहरुको भनाइ छ। राष्ट्रिय स्वतन्त्र पार्टी (रास्वपा) सांसद आशिका तामाङले आन्दोलनरत कर्मचारीको मागबारे जानकारी लिँदै यस विषयमा संसदमा आवाज उठाउने प्रतिबद्धता जनाएकी छन्।

काठमाडौं,३१ असार। नेपाल सरकारले विपद् खोज तथा उद्धार कार्यमा उच्च जोखिममा खटिने सशस्त्र प्रहरी बलका विशेष तालिमप्राप्त उद्धारकर्तालाई प्रोत्साहन तथा उच्च जोखिम भत्ता उपलब्ध गराउने निर्णय गरेको छ। मन्त्रिपरिषद्को असार ३० गतेको निर्णयअनुसार ,उद्धार कार्यमा खटिने कर्मचारीले मासिक आधारभूत तलबको १५ प्रतिशत प्रोत्साहन भत्ता प्राप्त गर्नेछन्। साथै, उच्च जोखिमयुक्त क्षेत्रमा खटिएको प्रत्येक दिन ५०० रुपैयाँका दरले उच्च जोखिम भत्ता पनि उपलब्ध गराइनेछ। यो सुविधा गोताखोर तथा उच्च हिमाली भूभागजस्ता अति जोखिमयुक्त क्षेत्रमा खटिने सशस्त्र प्रहरीका उद्धारकर्तालाई प्रदान गरिनेछ। सरकारले यस निर्णयले उद्धारकर्मीको मनोबल अभिवृद्धि गर्नुका साथै विपद् खोज तथा उद्धार कार्यलाई थप प्रभावकारी बनाउन सहयोग पुग्ने विश्वास व्यक्त गरेको छ।

भैरहवा,२६ असार । रुपन्देही प्रहरीले सात किलो एक सय ग्राम लागुऔषध गाँजासहित एक जनालाई पक्राउ गरेको छ। पक्राउ पर्नेमा कञ्चन गाउँपालिका-२ स्थित कटैयाका ४८ वर्षीय पाचु मल्लाह रहेको प्रहरीले जनाएको छ। जिल्ला प्रहरी कार्यालय रुपन्देहीका सूचना अधिकारी एवं डीएसपी कृष्ण कुमार चन्दका अनुसार, पक्राउ परेका मल्लाहको घरमा गाँजाको कारोबार भइरहेको सूचनाका आधारमा इलाका प्रहरी कार्यालय रुद्रपुरबाट खटिएको टोलीले खानतलासी गर्ने क्रममा पुजा कोठामा लुकाएर राखेको उक्त परिमाणको गाँजा बरामद भएको हो। घटनाका सम्बन्धमा थप अनुसन्धान भइरहेको प्रहरीले जनाएको छ।

काठमाडौं,२६ असार। लुम्बिनी बौद्ध विश्वविद्यालयले आगामी आर्थिक वर्ष २०८३/८४ का लागि ४९ करोड ८८ लाख रुपैयाँको बराबरको बजेट, नीति तथा कार्यक्रम स्वीकृत गरेको छ। शिक्षा, विज्ञान तथा प्रविधि मन्त्री एवं विश्वविद्यालयका सहकुलपति सस्मित पोखरेलको अध्यक्षतामा बसेको १९ औं सभा बैठकले बजेट, नीति तथा कार्यक्रम स्वीकृत गर्दै विश्वविद्यालयले आफ्नो मूल उद्देश्यअनुसार बौद्ध शिक्षा, बौद्ध दर्शन र बौद्ध अध्ययनमा केन्द्रित भएर शैक्षिक कार्यक्रम सञ्चालन गर्नुपर्नेमा जोड दिए। उनले विश्वविद्यालयलाई राष्ट्रिय तथा अन्तर्राष्ट्रिय स्तरमा बौद्ध अध्ययनको उत्कृष्ट केन्द्रका रुपमा विकास गर्न आवश्यक रणनीति अवलम्बन गर्न निर्देशन दिए। बैठकमा उपकुलपति डा. माणिकरत्न शाक्यले विश्वविद्यालयमा हाल २ हजार ६२० विद्यार्थी अध्ययनरत रहेको र विश्वविद्यालयअन्तर्गत ५४…

सलमान खानभैरहवा, २६ असार । रुपन्देही प्रहरीले मायादेवी गाउँपालिका-५ स्थित गुरुवनियामा गोली प्रहार गरी एक जना भारतीय नागरिकलाई पक्राउ गरेको छ । भारततर्फबाट लागुऔषध ब्राउन सुगर र पेस्तोलसहित मोटरसाइकलमा आएका भारतको उत्तर प्रदेशका अकबाल खानलाई नियन्त्रणमा लिन खोज्दा प्रतिरक्षामा गोली प्रहार गरी उनलाई पक्राउ गरिएको जिल्ला प्रहरी कार्यालय रुपन्देहीका सूचना अधिकारी एवं डीएसपी कृष्ण कुमार चन्दले जानकारी दिए । उनका अनुसार पक्राउ परेका आरोपीको खुट्टामा गोली लागेको छ । बरामद लागुऔषधको परिमाण एकिन भइसकेको छैन। आरोपीको साथबाट लागुऔषध ब्राउन सुगर, पेस्तोल, गोली र प्रयोग गरिएको भारतीय नम्बर प्लेटको मोटरसाइकल नियन्त्रणमा लिइएको प्रहरीले जनाएको छ ।

काठमाडौं,२६ असार। सार्वजनिक खरिद अनुगमन कार्यालयले आठ वटा निर्माण कम्पनीलाई तथा आपूर्तिकर्तालाई कालोसूचीमा राखेको छ। सार्वजनिक निकायबाट लेखी आएबमोजिम सार्वजनिक खरिद ऐन, २०६३ को दफा ६३ को उपदफा (१) बमोजिम सूचना प्रकाशित भएको मितिदेखि लागु हुने गरी कालोसूचीमा राखिएको कार्यालयद्वारा शुक्रवार जारी सूचनामा उल्लेख छ। सूचना अनुसार, कालोसूचीमा परेका निर्माण व्यवसायी तथा आपूर्तिकर्ताहरुले कालोसूचीमा परेको अवधिभर सार्वजनिक निकायका कुनै पनि खरिद प्रक्रियामा भाग लिन पाउने छैनन् । हेर्नुहोस् सूचीः