Author: क्लिक लुम्बिनी

रौतहट,२७ असोज। रौतहटको गौर नगरपालिकामा पानीमा डुबेर ३ बालिकाको मृत्यु भएको छ । सीमा क्षेत्र नजिक बाढीको पानीमा डुबेर राजदेवी नगरपालिका-८ कि १३ वर्षीया आस्था कुमारी बैठा, १५ वर्षीया रागनी यादव र मौसमी बैठाको मृत्यु भएको जिल्ला प्रहरी कार्यालय रौतहटले जनाएको छ। सात जना बालिकाहरु गौरतर्फ घाँस लिन आउँदै गर्दा उनीहरु बाढीको पानीमा डुबेका थिए। डुबेकामध्ये ४ जनाको स्थानीयले उद्धार गरेका थिए भने नेपाल प्रहरी र सशस्त्र प्रहरीको टोलीले खोजी गर्ने क्रममा तीन जना बालिकाको शव बरामद भएको छ। मृतक तीनै जना बालिकाको शव प्रादेशिक अस्पताल गौरमा राखिएको प्रहरीले जनाएको छ ।

काठमाडौं,२७ असोज। पूर्वप्रहरी अतिरिक्त महानिरीक्षक देवेन्द्र सुबेदीविरुद्ध नेकपा माओवादी केन्द्रका संयोजक पुष्पकमल दाहाल (प्रचण्ड)को सचिवालयले साइबर ब्यूरोमा उजुरी दिएको छ। सचिवालयले पूर्व प्रहरी अतिरिक्त महानिरीक्षक सुबेदीले विभिन्न सामाजिक सन्जालमार्फत संयोजक प्रचण्डको निवासबाट घर जलाइनु भन्दा दुई दिन पहिले नै दुई वटा ट्रकमा दुई करोड रुपैया लगेर लुकाइएको भन्दै पुरै गलत र तथ्यहीन प्रचार गराइरहेको भन्दै साइबर ब्युरोमा उजुरी गरेको जानकारी दिएको छ। सचिवालयले झुठ्ठा सामग्री प्रबाह गरि भ्रम सिर्जना गराउनुका साथै चरित्रहत्या समेत गरिएको बताएको छ। संयोजकको सचिवालयका तर्फबाट आइतबार ब्यूरोमा गरिएको उजुरीमा डिजिटल माध्यममार्फत् गरिएका यस्ता गलत प्रचारप्रसार साइबर कानुनविपरीत भएकाले त्यसबारे आवश्यक अनुसन्धान गरि कानुनी कारबाहको माग गरिएको…

महेन्द्रनगर,२७ असोज। हमास समूहको नियन्त्रणमा रहेका कञ्चनपुरको भीमदत्त नगरपालिका–३ का विपिन जोशीको अवस्थाका विषयमा विपिनका परिवारजन र इजरायलस्थित नेपाली दूतावाससँग ‘भिडियो कन्फरेन्स’ भएको छ। उक्त भिडियो कन्फरेन्समा जोडिएका विपिनका परिवारका सदस्य किशोर जोशीले आज नियन्त्रण मुक्त हुन लागेका २० जना बन्धकमा विपिनको नाम नरहेको इजरायली सरकारका तर्फबाट इजरायली डिफेन्स फोर्स (आइडिएफ) ले जानकारी गराएको बताए। ‘आज छुट्ने लिष्टमा विपिनको नाम छैन, फेरि पनि हामी निरन्तर अपडेट गर्छौँ भनेर इजरायलबाट भनिएको छु’, उनले भने, ‘अहिले छुट्नेमा विपिनको नाम नरहे पनि हामी उहाँ छुट्नेमा पूर्ण आशावादी छौँ, अहिले नै उहाँ छैनन् भन्न मिल्दैन।’ जोशीले इजरायली प्रतिनिधि, संयुक्त राज्य अमेरिकाबाट विपिनका आमा र…

काठमाडौं,२४ असोज। निवर्तमान प्रधानमन्त्री एवं नेकपा एमाले अध्यक्ष केपी शर्मा ओलीको सुरक्षार्थ भूपू सैनिक, प्रहरी संगठन र राष्ट्रिय युवा संघका कार्यकर्ता खटिने भएका छन्। सुशिला कार्की नेतृत्वको सरकारले ओलीको सुरक्षार्थ खटिएका सुरक्षाकर्मीहरुलाई फिर्ता बोलाएको थियो । जसपश्चात एमाले पोलिट ब्यूरो सदस्य महेश बस्नेतले अब ओलीको सुरक्षामा भूपू सुरक्षाकर्मी र युवा संघ खटिने जनाएका छन् । ‘यो निर्णय नेतृत्वप्रतिको सम्मान मात्र होइन, राष्ट्रप्रतिको जिम्मेवारीको प्रतीक हो। जनताको विश्वासले उभ्याएको नेताको सुरक्षामा पनि जनता स्वयं उभिएका छन्’ उनले शुक्रवार सामाजिक संजाल फेसबुकमार्फत भनेका छन् ।

काठमाडौं,२४ असोज। सन् २०२५ का लागि नोबेल शान्ति पुरस्कार भेनेजुएलाकी मारिया कोरिना मचाडोलाई प्रदान गरिएको छ। नोबेल समितिले शान्तिको साहसीलाई यस वर्षको नोबेल शान्ति पुरस्कार प्रदान गरिएको जनाएको छ। भेनेजुएलाका जनताका लागि लोकतान्त्रिक अधिकारको प्रवर्द्धन गर्ने अथक कार्य र तानाशाहीबाट लोकतन्त्रमा न्यायपूर्ण तथा शान्तिपूर्ण संक्रमण प्राप्त गर्न गरेको संघर्षका लागि मारिया कोरिना माचाडोलाई नोबेल शान्ति पुरस्कार प्रदान गरेको समितिले बताएको छ। यस्तै समितिले सन् २०२५ को नोबेल शान्ति पुरस्कार “अँध्यारो बढ्दो समयमा पनि लोकतन्त्रको ज्योति जलाइरहेकी” महिलालाई प्रदान गरिएको उल्लेख गरेको छ। माचाडो लोकतान्त्रिक शक्तिलाई एकताबद्ध पार्ने एक महत्त्वपूर्ण व्यक्तित्व भएको नोबेल पुरस्कार समितिका अध्यक्ष अध्यक्ष जोर्गेन वाट्ने फ्राइड्नेसले बताएका…

काठमाडौं,२४ असोज। सरकारले मन्त्रिपरिषद बैठकका निर्णयहरु सार्वजनिक गरेको छ। शुक्रबार सरकारका प्रवक्ता एवं सञ्चार तथा सूचना प्रविधिमन्त्री जगदीश खरेलले असोज २३ गतेको मन्त्रिपरिषद बैठकका निर्णयहरु सार्वजनिक गरेका हुन्। बैठकले २० वटा निर्णय गरेको छ। बैठकले तीन महिनाका लागि इलाम जिल्लालाई विपद् संकटग्रस्त क्षेत्र घोषणा गर्ने निर्णय गरेको छ। हेर्नुहोस् निर्णय:

काठमाडौं,२४ असोज। नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले सक्कली जेनजीसँग सहकार्य गरेर नक्कली जेनजीहरु सार्वजनिक गर्नुपर्ने बताएका छन् । शुक्रबार सम्पादकहरुसँग छलफल उनले जेनजी आन्दोलन अन्तर्राष्ट्रिय विषय नै भएको र नेपालको आन्दोलनमा पनि देशी विदेशी शक्तिहरु सक्रिय भएको अनुभव आफूले गरेको बताए । ‘जेनजी आन्दोलन अन्तर्राष्ट्रिय विषय भयो । विभिन्न देशमा चल्दै छ,’ उनले भने, ‘एक भारतीय बौद्धिकले जेनजी आन्दोलन चटपटे हो भने । राजावादीदेखि देशी विदेशीसमेत छन् । मलाई पनि त्यस्तै लाग्यो ।’ उनले २३ गतेको प्रदर्शनमा आन्तरिक र २४ गतेको प्रदर्शनमा बाह्य पक्षको मुख्य भूमिका रहेको पनि बताए ।

काठमाडौं,२४ असोज। निवर्तमान गृहमन्त्री रमेश लेखकले भदौ २३ र २४ गते भएको जेनजी आन्दोलनमा सरकारले गोली हान्ने नदिएको बताएका छन्। शुक्रवार नेपाली कांग्रेसको पार्टी कार्यालयमा संचारकर्मीहरुसँग कुराकानी गर्दै उनले भने,‘प्रधानमन्त्रीजीले वा गृहमन्त्रीले आदेश गरेको भनेर विभिन्न चर्चाहरु उठेका छन्। यो प्रधानमन्त्रीले गृहमन्त्रीले कुनै पनि रुपमा आदेश गर्ने विषय होइन । त्यस्ता खालका कुनै आदेश पनि गरिएको छैन ।’ उनले आन्दोलनमा घुसपैठ भएको विषय सत्य देखिएको समेत बताए । ‘घुसपैठ भएको विषय मैले नै भनिरहेको विषय होइन। स्वयं प्रदर्शनका आयोजकहरुले नै भनिरहेको विषय थियो,’ उनले भने, ‘त्यो पछि यथार्थमा सत्य देखियो। जसका कारणले यत्रो ठूलो पीडादायी घटना भए।’ लेखकले अहिलेको समय…

काठमाडौं,२३ असोज। काठमाडौंको माइतीघर मण्डलामा प्रदर्शन गर्न गएका १६ जनालाई प्रहरीले पक्राउ गरेको छ। जेनजीमाथि धोका भएको भन्दै माइतीघर मण्डलामा प्रदर्शन गर्न गएका १६ जनालाई पक्राउ गरिएको प्रहरीले जनाएको छ। पक्राउ पर्नेमा डा. निकोलस भुसाल, एसपी साह। सञ्जि दाहाल लगायत रहेका छन्। उनीहरुलाई जिल्ला प्रहरी परिसर काठमाडौँमा राखिएको छ। जिल्ला प्रशासन कार्यालय काठमाडौंले कसैलाई पनि प्रदर्शनका लागि अनुमति नदिएको अवस्थामा उनीहरु प्रदर्शन गर्न भन्दै माइतीघर पुगेपछि पक्राउ गरिएको जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले बताए । माइतीघर क्षेत्रमा भुसाल नेतृत्वको समूहले शान्तिपूर्ण प्रदर्शन गर्ने भन्दै भेला भएको थियो।

काठमाडौं,२३ असोज। नेकपा एमालेका नेता महेश बर्तौलाले वर्तामान गृहमन्त्री ओमप्रकाश अर्याललाई राज्यविरुद्धको अपराधमा तत्काल गिरफ्तार गरी अनुसन्धान प्रक्रिया अगाडि बढाइनुपर्ने बताएका छन्। मुलुकमा अराजकता, दण्डहिनता र जघन्य प्रकृतिका आपराधिक घटनाहरु ह्वात्तै बढेर गएको बताउँदै उनले गृहमन्त्रीलाई पदबाट बर्खास्त गरी राज्यविरुद्धको अपराधमा तत्काल गिरफ्तार अनुसन्धान प्रक्रिया अगाडि बढाइनुपर्ने बताएका हुन्। ‘सिंहदरवार, संसद भवन, सर्वोच्च अदालत , अख्तियार भवन र प्रहरी चौकीहरु लगायतमा आगो लगाएर ध्वस्त बनाउन नेपाल राष्ट्रका विरुद्ध परिचालित र निर्देशित मतियार पनि हुन यिनी’, बर्तौलाले सामाजिक सञ्जलामा लेखेका छन्, ‘त्यसैले सतहमा उद्घाटित यी सबै गम्भीर तथ्यहरुका आधारमा देशलाई भयानक क्षति र शोकमा डुबाउने योजनाकारका रुपमा रहेका अहिलेका गृहमन्त्रीलाई पदबाट…