Author: क्लिक लुम्बिनी

काठमाडौं,२५ जेठ। विपक्षी दलहरुले प्रधानमन्त्रीले संसद्मा उपस्थित भएर सीमा सम्बन्धी अभिव्यक्तिबारे स्पष्ट जवाफ नदिएसम्म प्रतिनिधि सभाको बैठक अवरोध जारी रहने बताएका छन्। राष्ट्रिय स्वतन्त्र पार्टी (रास्वपा) का सभापति रवि लामिछानेले बोलाएको सर्वदलीय बैठकपछि एमालेका प्रमुख सचेतक ऐन महरले प्रधानमन्त्रीले संसद्मा आएर जवाफ नदिएसम्म संसद गतिविधि अगाडि बढ्न नसक्ने बताए। उनले गम्भीर विषयमा प्रधानमन्त्री बालेन शाहले राष्ट्रघाती अभिव्यक्ति दिएकाले संसदका गतिविधि अगाडि बढ्न नसक्ने बैठकमा जानकारी गराएको बताए। यस्तै बैठकमा रास्वपा सभापति लामिछानेले आफ्नो हालैको भारत भ्रमणबारे जानकारी गराउनुका साथै समसामयिक राजनीतिक विषय र संसद्मा देखिएको गतिरोधबारे छलफल भएको रास्वपाका महामन्त्री कविन्द्र बुर्लाकोटीले जानकारी दिए। आवश्यक परे आफूले पनि सदनमा सम्बोधन…

भैरहवा,२५ जेठ। राष्ट्रिय स्वतन्त्र पार्टी (रास्वपा) रुपन्देहीको प्रथम जिल्ला अधिवेशनबाट सभापतिमा महेन्द्रप्रसाद उपाध्याय निर्वाचित भएका छन्। आइतबार सम्पन्न जिल्ला अधिवेशनबाट आफ्ना प्रतिस्पर्धी आशिष न्यौपानेलाई १५३ मतान्तरले पराजित गर्दै उपाध्याय सभापतिमा निर्वाचित भएका हुन् । निर्वाचन परिणामअनुसार, उपाध्यायले २९६ मत प्राप्त गर्दा न्यौपानेले १४३ मत प्राप्त गरेका निर्वाचित समितिले जनाएको छ। त्यस्तै उपसभापति पदमा दुर्गाप्रसाद अर्याल २३८ मतका साथ निर्वाचित हुँदा प्रतिस्पर्धी रचना क्षेत्रीले १८९ मत प्राप्त गरिन् । सचिव पदमा ज्ञानेन्द्र पाण्डे २३७ मतसहित निर्वाचित भएका छन्। उनका प्रतिस्पर्धी मोहनविक्रम जिसीले २०३ मत प्राप्त गरेका थिए। यस्तै, सहसचिव पदमा बाबुराम अर्याल २७९ मतसहित विजयी हुँदा प्रेमनारायण तिवारीले १४८ मत प्राप्त…

दाङ,२५ जेठ। लुम्बिनी प्रदेश सरकारको मन्त्रिपरिषद् पुनर्गठनसँगै नवनियुक्त ५ मन्त्रीले शपथ लिएका छन्। प्रदेश प्रमुख कृष्णबहादुर घर्तीमगरले सोमबार उनीहरुलाई पद तथा गोपनीयताको शपथ गराए। मुख्यमन्त्री चेतनारायण आचार्यको सिफारिसमा नेपालको संविधानको धारा १६८ को उपधारा (९) बमोजिम मन्त्रिपरिषद् पुनर्गठन गरिएको हो । एमालेका ४ र जसपाका १ जना मन्त्री नियुक्त भएका थिए। नयाँ नियुक्त मन्त्रीहरुमा तुलसी प्रसाद चौधरी, डिल्लीराज भुसाल, रामजी प्रसाद घिमिरे, रत्नबहादुर खत्री र भण्डारीलाल अहिर रहेका छन । चौधरीलाई कृषि, भूमि व्यवस्था तथा सहकारी मन्त्रालय, भुसाललाई ऊर्जा, जलस्रोत तथा सिँचाइ मन्त्रालय, घिमिरेलाई स्वास्थ्य मन्त्रालय, खत्रीलाई भौतिक पूर्वाधार विकास मन्त्रालय र अहिरलाई आन्तरिक मामिला तथा कानून मन्त्रालयको जिम्मेवारी दिइएको…

काठमाडौं,२४ जेठ। थाइल्यान्डस्थित नेपाली राजदूतावासले भिसा अवधि समाप्त भइसकेपछि पनि कम्बोडियामा अवैध रुपमा बसिरहेका ६६ जना नेपाली नागरिकलाई तत्काल स्वदेश फर्किन निर्देशन दिएको छ। दूतावासले आइतबार जारी गरेको सूचनामा अवैध रुपमा बसेका नेपालीहरुको नाम सार्वजनिक गर्दै जुन १२ तारिखभित्र स्वदेश फर्कन निर्देशन दिएको हो। दूतावासका अनुसार विभिन्न उद्देश्यले कम्बोडिया पुगेका ६०२ जना नेपाली नागरिकको भिसा अवधि समाप्त भएपछि पनि नवीकरण नगरी बसिरहेको अवस्थामा कम्बोडिया सरकारसँग समन्वय गरी भिसा शुल्क तथा जरिवाना मिनाहा गराउँदै स्वदेश फिर्तीको सहजीकरण गरिएको थियो। तर इमेल, फोन तथा ह्वाट्सएपमार्फत सम्पर्क गर्दा पनि ६६ जना नेपाली नागरिकले नेपाल फर्किन तदारुकता नदेखाएको दूतावासले जनाएको छ। दूतावासले तोकिएको समयमै…

काठमाडौं,२४ जेठ। परराष्ट्रमन्त्री शिशिर खनालले नेपाल–भारतबीचको सीमा समस्याको समाधान कूटनीतिक माध्यम र विद्यमान द्विपक्षीय संयन्त्रमार्फत खोजिने बताएका छन्। तीनदिने भारत भ्रमणपछि स्वदेश फर्किएका मन्त्री खनालले सीमा विवाद समाधानका लागि नेपालले ऐतिहासिक तथ्य, प्रमाण र दस्तावेजका आधारमा समाधान गर्ने नेपालको स्पष्ट अडान रहेको बताए। उनले नेपाल र भारतबीच सीमा समस्यालाई वार्ता र कूटनीतिक माध्यमबाट समाधान गर्ने साझा धारणा रहेको उल्लेख गर्दै आवश्यक परे विद्यमान संयन्त्रसँगै अन्य उपयुक्त संयन्त्रलाई पनि परिचालन गर्ने विषयमा भारतसँग छलफल भएको बताए। मन्त्री खनालले नेपाल-भारतबीच हुने हरेक औपचारिक छलफलमा सीमा समस्याको विषयलाई निरन्तर उठाउने प्रतिबद्धता पनि व्यक्त गरे। प्रधानमन्त्रीको हालैको अभिव्यक्तिबारे उठेका टिप्पणीप्रति स्पष्ट पार्दै उनले नेपालले…

रसुवा,२४ जेठ। प्रहरीले हुण्डी कारोबारको आरोपमा एक जनालाई पक्राउ गरेको छ । पक्राउ पर्नेमा रसुवाको गोसाईकुण्ड गाउँपालिका-३ का ३५ वर्षीय मिङमार छिरिङ गुरुङ रहेका छन्। जिल्ला प्रहरी कार्यालय रसुवाका सूचना अधिकारी एवं प्रहरी निरीक्षक राजु शाहका अनुसार स्याफ्रुवेशीबाट काठमाडौं जाँदै गरेको ना १ ज ४८०७ नम्बरको गाडी चेकजाँच गर्दा गुरुङले बोकेको झोलाबाट १९ लाख ५२ हजार एक सय रुपैयाँ बरामद भएको हो । पक्राउ परेको गुरुङविरुद्ध हुण्डी सम्बन्धी कारोबार गर्न नहुने कसुरमा अदालतबाट ७ दिनको म्याद थप गरी घटनाका सम्बन्धमा थप अनुसन्धान भइरहेको प्रहरीले जनाएको छ।

काठमाडौं,२४ जेठ। पूँजीबजारमा लगानीकर्ताको पहिचान प्रणालीलाई थप व्यवस्थित र विश्वसनीय बनाउन साउन १ गतेदेखि नयाँ डिम्याट (हितग्राही) खाता खोल्दा राष्ट्रिय परिचय नम्बर अनिवार्य हुने भएको छ। सिडिएस एण्ड क्लियरिङ लिमिटेडका अनुसार कम्पनी सञ्चालक समितिको जेठ १३ गते बसेको निर्णयअनुसार नयाँ व्यवस्था लागू गर्न लागिएको हो। यसअन्तर्गत नयाँ डिम्याट खाता खोल्ने तथा विद्यमान खाताको केवाईसी विवरण अद्यावधिक गर्ने लगानीकर्ताले राष्ट्रिय परिचय नम्बर अनिवार्य रुपमा उपलब्ध गराउनुपर्नेछ। सिडिएसले लगानीकर्ताको एकीकृत पहिचान प्रणाली विकास गर्न, दोहोरो विवरण नियन्त्रण गर्न तथा पूँजीबजारमा पारदर्शिता र नियामकीय निगरानी सुदृढ बनाउन यो व्यवस्था लागू गरिएको जनाएको छ।

भैरहवा, २४ जेठ। रुपन्देही क्रिकेट संघको निर्वाचनमा बुटवल क्षेत्रका मतदाताहरुले अध्यक्ष पदका उम्मेदवार पूर्व अन्तर्राष्ट्रिय क्रिकेट खेलाडी शक्ति गौचनलाई समर्थन गर्ने सामूहिक निर्णय गरेका छन् । संघमा अध्यक्ष पदमा गौचन र वर्तमान अध्यक्ष हरिबहादुर थापाले उम्मेदवारीको घोषणा गरेका छन्। दुवै जना आ-आफ्नो एजेण्डासहित चुनावी मैदानमा उत्रिएका छन्। संघको अधिवेशन लक्षित शनिवार बुटवल क्रिकेट विकास समितिको कार्यवाहक अध्यक्ष रोमित बज्राचार्यको अध्यक्षतामा बसेको बैठक थियो। समितिको अगुवाइमा बसेको बैठकमा बुटवल क्षेत्रका विभिन्न क्लबका प्रतिनिधिहरुले गौचनलाई समर्थन गर्ने निर्णय गरेको प्राप्त निर्णयपत्रमा उल्लेख छ। संघको निर्वाचनमा रुपन्देही क्रिकेटको महत्वपूर्ण इकाइका रुपमा रहेको बुटवल क्रिकेट विकास समिति अन्तर्गतका मतदाताको भूमिका निर्णायक मानिन्छ। यही कारण…

काठमाडौं,२३ जेठ। ललितपुरको गोदावरी नगरपालिकाका प्रमुख प्रशासकीय अधिकृतले प्रयोग गर्दै आएको गाडी बेवारिसे अवस्थामा बरामद भएको छ। गत जेठ २० गते मध्यराति पालिकाको प्रमुख प्रशासकीय अधिकृत मानबहादुर खड्काले प्रयोग गर्ने सरकारी नम्बर प्लेटको बा २ झ १८७८ नम्बरको गाडी चोरी भएको थियो। गाडी चोरी भएको विषयमा प्रहरी कार्यालयमा जानकारी गराइएपछि खोजी गरिएको थियो । गाडी खोजीको क्रममा ललितपुर महानगरपालिका-२८ हरिसिद्दि स्थित रिद्दिसिद्दिमा बेवारिसे अवस्थामा बरामद भएको र घटनाका सम्बन्धमा आवश्यक अनुसन्धान अघि बढाइएको प्रहरीले जनाएको छ।

भैरहवा,२३ जेठ। पूर्व अन्तर्राष्ट्रिय क्रिकेट खेलाडी शक्ति गौचनले रुपन्देही क्रिकेट संघको अध्यक्ष पदमा उम्मेदवारी दिने घोषणा गरेका छन्। शनिबार लुम्बिनी खुकुरी क्लबले भैरहवामा आयोजना गरेको पत्रकार सम्मेलनमा गौचनले आगामी जेठ २५ गते हुने संघको निर्वाचनमा अध्यक्ष पदका लागि उम्मेदवारी दिने जानकारी दिएका हुन्। उनले क्रिकेट क्षेत्रमा आफूले गरेको २५ वर्षभन्दा लामो योगदानलाई रुपन्देही क्रिकेटको विकास र विद्यमान समस्याको समाधानमा केन्द्रित गर्ने प्रतिबद्धता व्यक्त गरे। उनले भौतिक पूर्वाधार नभएसम्म खेलको विकास नहुने भन्र्दै रुपन्देही क्रिकेटको विकासका लागि आफुसँग धेरै योजना रहेको र निर्वाचित भएपछि छर्लङ्ग देखिने बताए । एक समय खेलाडी उत्पादनको प्रमुख केन्द्रका रुपमा परिचित रुपन्देहीमा पछिल्लो समय प्रतिभावान खेलाडी…