Author: क्लिक लुम्बिनी

भैरहवा, १३ भदौ । अख्तियार दुरुपयोग अनुसन्धान आयोगले नापी कार्यालय भैरहवाका प्रमुख एवं नापी अधिकृत सुग्रिव यादवविरुद्ध भ्रष्टाचार मुद्दा दायर गरेको छ । आयोगले यादवसहित उनको श्रीमती गायत्री यादब, छोराहरु सुधान्सु यादब र शुभम यादबलाई प्रतिवादी बनाउँदै शुक्रवार विशेष अदालतमा भ्रष्टाचार मुद्दा (आरोप पत्र) दायर गरेको हो । आयोगका अनुसार सार्वजनिक पद धारण गरेको मिति २०५३/०३ /१३ गतेदेखि २०८१/०३/१६ गतेसम्मको जाँच अवधिमा ९ करोड ३ लाख ९५ हजार ४४४ रुपैयाँ आर्जन गरेको देखिएको तर सोही अवधिमा यादवले १४ करोड ८३ लाख ५७ हजार ८८४ रुपैयाँ बराबरको सम्पत्ति खर्च तथा लगानी गरेको खुल्न आएको छ। प्रमुख यादवले ५ करोड ७९ लाख…

काठमाडौं,१३ भदौ । नेपालको गुप्तचर निकाय राष्ट्रिय अनुसन्धान विभागका प्रमुख हुतराज थापा सेवा अवधिको कारण अनिवार्य अवकाशमा जाँदैछन् । ०७९ भदौ २८ मा विभागको प्रमुख (मुख्य अनुसन्धान निर्देशक)मा नियुक्त भएका थापा तीन वर्षको सेवा अवधिको कारण अगामी भदौ २८ गतेदेखि उनी अनिवार्य अवकाशमा जाने भएका हुन् । विभागको नियमावलीमा विभागको प्रमुख मुख्य अनुसन्धान निर्देशकको पदावधि ३ वर्ष कायम छ। उनी ०५३ सालमा अनुसन्धान अधिकृतबाट सेवामा प्रवेश गरेका थिए। उनको अवकाशसँगै उनकै ‘ब्याचमेट’ मध्येले गुप्तचरको बागडोर सम्हाल्ने देखिएको छ । थापासँगै सेवाप्रवेश गरेका ‘ब्याचमेट’ टेकेन्द्र कार्की र ओम प्रकाश जोशी प्रमुखका लागि लबिंगमा छन् । हाल कार्की प्रदेश समन्वय विभाग, इन्टेलिजेन्स…

काठमाडौं,१३ भदौ। लोकतान्त्रिक समाजवादी पार्टी (लोसपा) ले आगामी चैत ६ र ७ गते पहिलो महाधिवेशन गर्ने निर्णय गरेको छ । पार्टी अध्यक्ष महन्थ ठाकुर र शीर्ष नेतासहितको भदौ ८ र ९ गते बसेको बिस्तारित बैठकले अगामी चैतमा महाधिवेशन गर्ने निर्णय गरेको हो । २०७८ भदौमा गठन भएको लोसपाले यस वर्षभित्र महाधिवेशन गर्नुपर्दछ । लोसपा बैठकले तराई–मधेशका जिल्लामा खडेरीले प्रभावित गरेको हुँदा किसानलाई क्षतिपूर्तिको प्याकेज घोषणा गर्न संघीय तथा प्रादेशिक सरकार माग गरेको छ। तराई–मधेशका जिल्लाहरुको पानीको सतह दिन–प्रतिदिन तल जाँदै गरेको उल्लेख गर्दै दीर्घकालीन चुरे संरक्षणलाई तीन तहकै सरकारले प्राथमिकतामा राख्न ध्यानाकर्षण गराइएको छ । तराई-मधेशका जिल्लामा लुटपाट, चोरी–डकैती र…

अछाम, १३ भदौ। महिनावारी भएको बेला त्रिपाल टाँगेर सुतेका अवस्थामा पहिरो खस्दा ढुंगा लागेर दुई जनाको मृत्यु भएको छ । अछामको पंचदेवल विनायक नगरपालिका-८ बारलामा पहिरो खस्दा ढुंगा लागेर सोही स्थानको ३५ वर्षिया निम खनाल र मंगलसेन नगरपालिका-६ की ७ वर्षिया कविता भण्डारीको घटनास्थलमै मृत्यु भएको प्रहरीले जनाएको छ। सँगै सुतेकी कविताकी आमा रत्ना भण्डारी घाइते हुँदा उपचारको लागि स्थानीय स्वास्थ्य चौकी बारला पठाइएको छ । दुवै जना महिनावारी भएको समयमा घरदेखि टाढा खेतबारीमा त्रिपाल टाँगेर सुतेको अवस्थामा घटना भएको वडा अध्यक्ष छत्रबहादुर शाहीले बताए। गाउँ माथिको भिरबाट ढुंगा त्रिपालमाथि खसेको शाहीले बताए। घटनाका अनुसन्धान तथा कानूनी प्रक्रियाको लागि जिल्ला…

परासी, १३ भदौ। पश्चिम नवलपरासी प्रहरीले बर्दघाटबाट १८ ओटा गोरुसहित ट्रक नियन्त्रणमा लिएको छ। गोरु राखेर पूर्वतर्फ जाँदै गरेको ना ६ ख ९१७७ नम्बरको ट्रक बर्दघाट नगरपालिका–४ को टिसिएन चोकमा नियन्त्रणमा लिएको प्रहरीले जनाएको छ। प्रहरीका अनुसार १८ वटा गोरुमध्ये एउटा गोरु मृत अवस्थामा भेटिएको छ। ट्रक चालक मकवानपुर, हेटौंडा–१९ बस्तिपुरका २८ वर्षीय तोयनाथ शिवाकोटीलाई नियन्त्रणमा लिएर आवश्यक अनुसन्धान अघि बढाईएको जिल्ला प्रहरी कार्यालय पश्चिम नवलपरासीले जनाएको छ। बरामद गोरुलाई सुनवल नगरपालिका–३ कीर्तिपुरस्थित कामधेनु गौशालामा बुझाइएको छ।

काठमाडौं, १३ भदौ । नेपाल प्रहरीको ३२ औं प्रहरी महानिरीक्षक (आईजीपी) मा एआईजी चन्द्रकुवेर खापुङलाई नियुक्त गरिएको छ । शुक्रवार बसेको मन्त्रिपरिषद्ले बैठकले १९ गतेदेखि लागू हुने गरी खापुङलाई महानिरीक्षक नियुक्त गर्ने निर्णय गरेको हो । हालका आईजीपी दीपक थापा भदौ १८ गते राति १२ बजेदेखि अनिवार्य अवकाशमा जाँदैछन्। महानिरीक्षक हुने खापुङ हाल प्रहरीको केन्द्रीय अनुसन्धान ब्यूरो (सीआईबी) मा प्रमुख छन्।

भैरहवा, १३ भदौ । रुपन्देहीको सिद्धार्थनगर नगरपालिकाको कार्यालयले आइतबार (भदौ १५ गते) स्थानीय बिदा दिएको छ। थारु सामुदायको बड्की आईतबार पर्वको अवसरमा विदा दिइएको नगरपालिकाको कार्यालयले जनाएको छ । भदौ १३ गतेको नगर कार्यपालिकाको निर्णय अनुसार पालिका मातहतका वडा कार्यालयहरु, स्वास्थ्य संस्थाहरु, सामुदायिक तथा संस्थागत विद्यालयहरुमा स्थानीय विदा दिइएको पालिकाद्वारा जारी सूचनामा उल्लेख छ । (विदा) निर्णयलाई पालिकामा रहेका संस्थागत विद्यालयहरुले विगत देखि नै अटेर गर्दै आएपनि स्थानीय सरकारले कारवाही गर्न सकेको छैन् । लुम्बिनी प्रदेश सरकारले बड्की आईतबार पर्व नभएको दिन गत आईतबार नै सार्वजनिक विदा दिएको थियो ।

काठमाडौं, १३ भदौ । नेपालको स्थानीय बजारमा सुनको मूल्यले ऐतिहासिक रेकर्ड कायम गरेको छ । शुक्रवार सुन प्रतितोला १२ सय रुपैयाँले बढेर प्रतितोला दुई लाख रुपैयाँ पार गरेर ऐतिहासिक रेकर्ड कायम गरेको हो। नेपाल सुन चाँदी व्यवसायी महासंघका अनुसार आज सुन प्रतितोला सुनको मूल्य २ लाख ६०० सय रुपैयाँमा किनबेच भइरहेको छ। सुनको मूल्यसँगै चाँदीको मूल्य पनि बढेको छ । आज चाँदी प्रतितोला २ हजार ३६० रुपैयाँमा कारोबार भइरहेको महासंघले जनाएको छ। बिहीबार चाँदी प्रतितोला २ हजार ३५५ रुपैयाँमा कारोबार भएको थियो।

नुवाकोट, १२ भदौ । प्रहरीले जुवा खेलिरहेको अवस्थामा २२ जनालाई पक्राउ गरेको छ । नुवाकोटको शिवपुरी गाउँपालिका-६ गुर्जेभन्ज्याङ स्थित बार्दलिन होटलमा जुवा खेलिरहेका अवस्थामा उनलाई कौडा र नगदरकम सहित पक्राउ गरिएको जिल्ला प्रहरी कार्यालय नुवाकोटका एसपी दुर्गाराज रेग्मीले बताए । उनका अनुसार ६ जना महिला सहित २२ जनालाई ३१ थान कौडा र १० लाख ७१ हजार ६ सय रुपैयाँसहित जुवा खेलिरहेको अवस्थामा पक्राउ गरिएको हो । होटलमा जुवा खेलिरहेको सूचना पाएपछि प्रहरीले होटलमा छापा मारेको थियो । पक्राउ परेकाहरुलाई विदुरस्थित प्रहरी हिरासतमा राखिएको छ। उनीहरुलाई जुवा सम्बन्धी कसुरमा जिल्ला प्रशासन कार्यालय नुवाकोटबाट सात दिनको म्याद लिएर थप अनुसन्धान भइरहेको प्रहरीले…

काठमाडौं, १२ भदौ । अख्तियार दुरुपयोग अनुसन्धान आयोगले जाजरकोट भेरी नगरपालिका वडा कार्यालय भवन निर्माणको ठेक्कामा अनियमितता भएको निश्र्कष निकाल्दै ८ जनाविरुद्ध भ्रष्टाचार मुद्दा दायर गरेको छ। आयोगले पालिकाको वडा कार्यालय भवन निर्माणको ठेक्कामा अनियमितता गरेको आरोपमा ६ जना कर्मचारी र ठेकेदार कम्पनीका दुईजना गरी आठजनाविरुद्ध बिहीवार विशेष अदालतमा भ्रष्टाचार मुद्दा दायर गरेको हो। आयोगले भेरी नगरपालिकाका निमित्त प्रमुख प्रशासकीय अधिकृत दलबहादुर घर्ती, इन्जिनियर मोहन मल्ल, कानुन अधिकृत प्रकाश कुमार शाही, सामाजिक विकास अधिकृत अनिस साह, लेखापाल राजेन्द्र बहादुर कठायत र जिन्सी शाखा प्रमुख तथा नायव सुब्बा कृतिबहादुर थापा, ठेकेदार गंगा कुमारी खड्का र चित्रबहादुर बोहराविरुद्ध मुद्दा दायर गरेको हो…