Author: क्लिक लुम्बिनी

भैरहवा, १५ फागुन। प्रहरीले तिलोत्तमा नगरपालिकाका दुई जना फरार प्रतिवादीहरुलाई पक्राउ गरेको छ। पक्राउ पर्नेमा तिलोत्तमा नगरपालिका १५ मधवलियाका रोहित भन्ने सर्वजित चौधरी र मनोज चौधरी रहेको प्रहरीले जनाएको छ। लागुऔषध अन्य मुद्दामा अदालतबाट दोषी ठहर भएका उनीहरुलाई रुपन्देहीको इलाका प्रहरी कार्यालय मंगलापुरबाट खटिएको टोलीले पक्राउ गरेको जिल्ला प्रहरी कार्यालय रुपन्देहीका डीएसपी एवं सूचना अधिकारी सुरज कार्कीले जनाए। उनका अनुसार पक्राउ परेका सर्वजितलाई २५ दिन कैद र ४५० रुपैयाँ जरिवाना सजाए र मनोजलाई २ महिना कैद सजाएको फैसला भएको थियो। पक्राउ परेका दुई युवाहरुलाई जिल्ला अदालत रुपन्देही पेश गरिएको र त्यहाँबाट सजाए भुक्तानका लागि कारगार चलान गरिएको प्रहरीले जनाएको छ…

भैरहवा, १५ फागुन। रुपन्देहीको सिद्धार्थनगर नगरपालिकाका नगर प्रमुख (मेयर) इश्तियाक अहमद खाँले सरसफाईको दिगो व्यवस्थापनको लागी समुदाय एवं जनसहभागिता महत्वपूर्ण हुने बताएका छन्। बङ्गलादेशको राजधानी ढाकामा आयोजित अन्तरदेशीय स्वस्थ्य तथा सरसफाई सम्बन्धी ट्वाईलेट कनफ्रेन्स सम्मेलनलाई सम्बोधन गर्दै उनले सरसफाई कार्यक्रम सञ्चालन गर्न जनताको सहभागिता महत्वपूर्ण हुने बताएका हुन । ‘राम्रो स्वच्छता र उचित फोहोर डिस्पोजललाई प्रोत्साहित गर्दै हामी विद्यालय र छिमेकमा नियमित रुपमा जागरुकता अभियानहरु चलाउँछौँ’,उनले भने, ‘समुदाय नेतृत्वको कार्यक्रमहरुले घरपरिवारलाई शौचालय निर्माण र प्रयोग गर्न मद्दत गरेको छ र महिला समूहहरुले सरसफाई सुविधाहरु कायम राख्न ठूलो भूमिका खेलेको छ।दुवै अनसाइट र अफ-साईट सरसफाई मूल्य श्रृङ्खलालाई पनि प्राथमिकता दिइन्छ।’ उनले…

काठमाडौं,१५ फागुन। काठमाडौंको त्रिभुवन अन्तराष्ट्रिय विमानस्थलबाट सुनसहित चार जना विदेशी नागरिकलाई पक्राउ गरिएको छ। पक्राउ पर्नेमा उज्वेकिस्तानका तीन महिला अखमदजनोभ्ना डिल्फुजा मारिफालिब, इस्राइलोभ्ना साओदत फैजिवा, गुलामनोभन उमिदा अखमेदोभ र पुरुष सरदार तुर्सुनोभ रहेका छन्। दुबई-काठमाडौंको दुबई एफजेएड ५७५ उडानबाट बुधबार राति नेपाल आएका उनीहरुको साथबाट ३ किलो ७४५ ग्राम सुन बरामद भएको विमानस्थल सुरक्षा कार्यालयका एसएसपी सोमेन्द्र सिंह राठोरले जानकारी दिए। उनका अनुसार भन्सारबाट जाँचपास सकेर निस्किने क्रममा शंका लागेर खानतलासी गर्दा सुन बरामद भएको हो। सुन महिलाको साथबाट बरामद भएको हो। एउटै समूहका भएकाले अनुसन्धानका लागि पुरूषलाई समेत पक्राउ गरिएको हो। घटनाका सम्बन्धमा अनुसन्धान भईरहेको प्रहरीले जनाएको छ।

भैरहवा, १४ फागुन । रुपन्देहीको ओमसतिया गाउँपालिकाको कार्यालयले बिहीवार सार्वजनिक विदा दिएको छ। गाउँपालिकाले फागुन १५ गते बिहीबार ४३ औं मगर दिवस हर्षोल्लासका साथ मनाउन सार्वजनिक बिदा दिएको हो । मगर समुदायको उपस्थिति रहेको गाउँपालिकामा मंगलबारको निर्णय अनुसार सार्वजनिक बिदा दिइएको गाउँपालिकाका अध्यक्ष मन्जित कुमार यादव (सोनु) ले जानकारी दिए ।  त्यस्तै दिवसको अवसरमा सिद्धार्थनगर नगरपालिकाले पनि पालिकामा स्थानीय सार्वजनिक विदा दिएको छ।

नवलपरासी पश्चिम, १३ फागुन। नवलपरासी पश्चिम जिल्लाको पाल्हिनन्दन गाउँपालिका–३ स्थित बेलासपुरमा दुई समूहबीच झडप भएको छ । प्रेम सम्बन्धको विषयमा केटा र केटी पक्षबीच झडप हुँदा सर्वसाधरण र प्रहरी घाईते भएका छन् । झडपका क्रममा केटा पक्षको समूहले केटी पक्षका आफन्तको कवार्ड गोदाममा आगजनी गरेको र घरमा समेत क्षति पुगेको प्रहरीले जनाएको छ । स्थानीयहरुका अनुसार सोमबार साँझ केटाका भाइ काम विशेषले बेलासपुर आउँदा अर्को पक्षको समूहले गरेको कुटपिटको विषयमा मंगलबार केटा पक्षका समूह कुटपिटको कारण सोध्दै बिहान केटीको आफन्तको घरमा पुगेपछि दुई समूहबीच झडप सुरु भएको हो। दुई समूहबीच झडप भइरहँदा गाडीको ठक्करबाट दुईजना घाइते भएपछि स्थित तनावग्रस्त भएको…

दाङ, १२ फागुन । लुम्बिनी प्रदेशलाई आगामी आर्थिक वर्ष सडक आश्रित मानवमुक्त घोषणा गर्ने तयारी गरिएको छ । चालू आर्थिक वर्षको वार्षिक नीति तथा कार्यक्रममा सहयोगापेक्षी सडक मानवमुक्त प्रदेश निर्माण कार्यलाई निरन्तरता दिने उल्लेख छ। अब आगामी वर्ष वार्षिक बजेट तथा कार्यक्रममा सुनिश्चित गरी लुम्बिनी प्रदेशलाई सडक आश्रित मानवमुक्त प्रदेश बनाउने गरी प्रदेश सरकार अघि बढ्ने मुख्यमन्त्री चेतनारायण आचार्यले बताए। मानवता प्रवद्र्धन अभियान अन्तर्गत मानवसेवा आश्रमसँग लुम्बिनी प्रदेश सरकारले सोमबार मुख्यमन्त्री तथा मन्त्रिपरिषद्को कार्यालयमा छलफल गर्दै मानवतायुक्त प्रदेश बनाउने अभियानलाई प्रदेश सरकारले पूर्ण साथ दिने प्रतिवद्धता व्यक्त गरेको छ। ‘कसैले पनि सडकमा बास बस्न नपरोस्, भोकभोकै बस्न नपरोस्,’मुख्यमन्त्री आचार्यले भने–‘संविधानले…

भैरहवा, १२ फागुन। प्रधानमन्त्री कप राष्ट्रिय क्रिकेट प्रतियोगिताका लागि लुम्बिनी प्रदेश स्तरीय छनोट खेलमा रुपन्देही च्याम्पियन बनेको छ । आइतबार भैरहवास्थित सिद्धार्थ क्रिकेट रंगशालामा सम्पन्न फाइनल खेलमा दाङलाई ९३ रनले पराजित गर्दै रुपन्देही छनोट खेलको च्याम्पियन बनेको हो । विजेता र उपविजेता टिमले ट्रफी, मेडल र प्रमाणपत्र प्राप्त गरे । टस हारेर ब्याटिङको निम्तो पाएको रुपन्देहीले निर्धारित ५० ओभरमा ९ विकेट गुमाएर २ सय १ रन बनायो । उसका लागि प्रज्वल थापाले शतकीय पारी खेले । उनले १ सय १ रन जोडे । यस्तै, मनिष थापाले २४, मिर्नाल गुरुङले २२, एजाजुल हकले १८ र विप्रशन केसीले १२ रन बनाए ।…

भैरहवा, १२ फागुन । रुपन्देहीको सिद्धार्थनगर नगरपालिकाका प्रमुख (मेयर) इश्तियाक अहमद खाँ बङ्गलादेश प्रस्थान गरेका छन् । बङ्गलादेशको राजधानी ढाकामा फ्रेबअरी २५ र २६ तारिखमा हुने स्वास्थ्य तथा सरसफाई सम्बन्धी अन्तरदेशीय सम्मेलनमा सहभागी हुन उनी सोमबार त्रिभुवन अन्तर्राष्ट्रिय बिमानस्थलबाट त्यसतर्फ प्रस्थान गरेको नगर प्रमुख खाँका स्वकीय सचिव ईन्जिनियर बरकत बादशाह शेषले जानकारी दिए । यो सम्मेलनले उद्योग र शिक्षाविद्, नीति निर्माताहरु, विकास साझेदारहरु र अनुसन्धानकर्ताहरुसँग सहकार्य गरी ज्ञान आदानप्रदान गर्ने र वास्तविक प्रगतिलाई व्यवहारमा लागु गर्ने उद्देश्य लिएको छ। सरसफाई क्षेत्रमा मुख्य सत्रहरु, प्यानल छलफल, प्रदर्शनी र नेटवर्किङ मार्फत अवसरहरु विश्वव्यापी सरसफाई चुनौतीहरुको सामना गर्ने र नवीनतालाई प्रेरित गर्ने सम्मेलनको…

कपिलवस्तु, १२ फागुन । लुम्बिनी प्रदेशका मुख्यमन्त्री चेतनारायण आचार्यले मुस्लिम समुदायका धेरै बालबालिका अझै पनि विद्यालय बाहिर रहेको भन्दै विद्यालय शिक्षामा सहभागी गराउनुपर्ने आवश्यकता औंल्याएका छन् । कपिलवस्तुको मायादेवी गाउँपालिका–१ स्थित पकडीमा आयोजित अल–मरकजुल इस्लामीको वार्षिकोत्सव तथा विद्यार्थी सम्मान कार्यक्रमलाई सम्बोधन गर्दै उनले विद्यालय बाहिर रहेका बालबालिकालाई शिक्षाको पहुँचमा ल्याउन समुदायका अगुवाहरूले सक्रिय भूमिका खेल्नुपर्ने बताए । ‘धेरै बालबालिका अझै पनि विद्यालय शिक्षाबाट वञ्चित छन् । विशेष गरी छोरीहरूको विद्यालय जाने दर न्यून छ । छोराछोरीलाई समान अवसर र शिक्षा दिनुपर्छ,’उनले भने । मुख्यमन्त्री आचार्यले उमेर नपुगी हुने विवाहको समस्या गम्भीर रूपमा बढ्दै गएकोमा चिन्ता व्यक्त गरे । ‘२० वर्ष…

भैरहवा, ११ फागुन। स्वास्थ्यको लागि हिडाइ भन्ने उद्देश्य राख्दै आएको भैरहवाको जगर्श ग्रुपले रक्तदान कार्यक्रम तथा मृगौला बिरामीलाई सहयोग प्रदान गरेको छ । ग्रुपको भैरहवाको बुद्धचोक स्थित सचिवालयमा शनिवार आयोजित रक्तदान कार्यक्रममा ३६ पिन्ट रगत संकलन भएको कार्यक्रमका संयोजक रमेश घिमिरेले बताए । उक्त कार्यक्रममा १० जना भन्दा बढी युवतीहरुले समेत रक्तदान गरेको उनले जनाए । शनिबार बजारमा बिहानै देखि धेरै कार्यक्रमहरु भएता पनि रक्तदाताहरुले उत्साहपूर्वक रक्तदान गरेको र महिलाहरु समेत उल्लेख्य रुपमा सहभागिता भएको जगर्श ग्रुप भैरहवाका अध्यक्ष प्रियबन्धु न्यौपानेले बताए । कार्यक्रममा बि पोजिटिभ रक्त समुहको रगत आवश्यक भएका एक बिरामीका आफन्तले रक्तदान स्थलबाटै रगत लिएर बिरामी उपचारत…