Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
भैरहवा । लागुऔषध सेवन गरी सवारी साधन चलाउने ८ जना चालकलाई रुपन्देही प्रहरीले नियन्त्रणमा लिएको छ । जिल्ला ट्राफिक प्रहरी कार्यालय रुपन्देही, वडा प्रहरी कार्यालय भैरहवा र सिटी अस्पतालको प्राविधिक सहयोगमा ओमसतिया गाउँपालिका-१ ठुटिपिपलस्थित गरिएको चेकजाँचको क्रममा लागुऔषध सेवन गरी सवारी साधन चलाउने ८ जना चालकलाई नियन्त्रणमा लिएको हो । जिल्ला प्रहरी कार्यालय रुपन्देहीका डीएसपी गणेश सापकोटाका अनुसार, सिद्धार्थ राजमार्गमा चेकजाँचका क्रममा साना तथा ठूला सवारी साधनका चालकहरुलाई मादक पदार्थ तथा लागुपदार्थ सेवन परीक्षण गर्दा ८ जना चालक लागुऔषध सेवन गरेको अवस्थामा फेला परेका थिए। उनीहरुलाई नियन्त्रणमा लिएर उक्त सम्बन्धमा थप अनुसन्धान कार्य जारी रहेको प्रहरीले जनाएको छ।
काठमाडौं,११ बैशाख। सरकारले आगामी तीन महिनासम्म कुनै पनि कर्मचारीलाई वैदेशिक भ्रमणमा मनोनयन नगर्न निर्देशन दिएको छ । प्रधानमन्त्री तथा मन्त्रिपरिषद्को कार्यालयले सबै मन्त्रालय, आयोग तथा अन्य सबै निकायलाई पत्र पठाउँदै उक्त व्यवस्था कार्यान्वयन गर्न निर्देशन दिएको हो । गत चैत १३ गते बसेको सरकारको निर्णयअनुसार स्वीकृत शासकीय सुधारसम्बन्धी एक सय कार्यसूचीलाई उच्च प्राथमिकताका साथ लागू गर्ने क्रम जारी रहेकाले उक्त निर्देशन दिइएको प्रधानमन्त्री कार्यालयले जनाएको छ। ‘कर्मचारी वैदेशिक भ्रमणमा जाँदा उक्त एक सय कार्यसूचीको कार्यान्वयनमा बाधा उत्पन्न हुनसक्ने भएकाले वैदेशिक भ्रमणमा कुनै पनि कर्मचारीलाई मनोनयन नगर्न अनुरोध छ’, प्रधानमन्त्री कार्यालयद्वारा जारी निर्देशनमा उल्लेख छ ।
काठमाडौं,१० बैशाख। सरकारले महाराजगञ्जस्थित राष्ट्रिय प्रहरी प्रशिक्षण प्रतिष्ठानको जग्गा राष्ट्रपति कार्यालयको नाममा हस्तान्तरण नगर्ने निर्णय गरेको छ। बिहीबार बसेको मन्त्रिपरिषद् बैठकका निर्णय सार्वजनिक गर्दै सरकारका प्रवक्ता सस्मीत पोखरेलले प्रतिष्ठानको जग्गा राष्ट्रपति कार्यालयको नाममा हस्तान्तरण गर्ने निर्णय भए पनि उक्त निर्णय खारेज गरिएको जानकारी दिए। प्रतिष्ठान१ सय १४ रोपनीभन्दा बढी जग्गा छ। उनका अनुसार, नेपाल सरकार मन्त्रिपरिषद्को २०७५ भदौ १ गतेको निर्णयअनुसार उक्त जग्गा राष्ट्रपति कार्यालयको नाममा हस्तान्तरण गर्ने भनिएको थियो। तर, मन्त्रिपरिषद् बैठकले सो निर्णय उल्ट्याउँदै जग्गा पूर्ववत् रुपमा राष्ट्रिय प्रहरी प्रशिक्षण प्रतिष्ठानकै प्रयोगमा रहने निर्णय गरेको हो। यससँगै बैठकले सरकारी निकायहरुमा प्रयोग भइरहेका सफ्टवेयर तथा सूचना प्रविधिसम्बन्धी विषयको अध्ययन…
काठमाडौं,१० वैशाख। नेपालको स्थानीय बजारमा सुनचाँदीको मूल्य घटेको छ । बिहीवार सुन प्रतितोला १ हजार ८ सय रुपैयाँ र चाँदी ११० रुपैयाँले घटेको नेपाल सुनचाँदी व्यवसायी महासंघले जनाएको छ। महासंघका अनुसार, बुधवार सुन प्रतितोला ३ लाख ५ सय रुपैयाँमा कारोबार भएकोमा आज सुन प्रतितोला २ लाख ९८ हजार ७ सय रुपैयाँमा कारोबार भइरहेको छ । त्यस्तै आज चाँदीको मूल्य पनि प्रतितोला ११० रुपैयाँ घटेको छ । बुधवार ५ हजार १३० रुपैयाँमा कारोबार भएको चाँदी आज प्रतितोला ५ हजार २० रुपैयाँमा किनबेच भइरहेको महासंघले जनाएको छ ।
भैरहवा,९ बैशाख। रुपन्देहीको सिद्धार्थनगर नगरपालिका-९ (भैरहवा) स्थित कठौतियामा बस्दै आएका एक युवक बेपत्ता भएका छन् । आफुहरुसँगै बस्दै आएका १९ वर्षीय सलमान खान गत शनिबार (बैशाख ५ गते) साँझदेखि घरबाट रिसाएर निस्किएपछि सम्पर्कमा नरहेको युवकका भिनाजु कलामुद्दीन खानले बताए। बेपत्ता भएका युवकले निलो रंगको टिर्सट र निलो रंग जिन्स पाइन्ट लगाएको बताइएको छ । उनले दिएको जानकारी अनुसार, अपाङ्गता भएका व्यक्ति (हिड्डुल गर्नमा असहजता र बोल्न असमर्थ) समेत रहेको र उनको खोजी कार्य जारी रहे पनि हालसम्म कुनै जानकारी प्राप्त हुन सकेको छैन। यदि कसैले उनलाई कतै देखेमा नजिकको प्रहरी कार्यालय वा परिवारको सम्पर्क नम्बर 9811988043 मा जानकारी गराउन उनले…
काठमाडौं,९ बैशाख। गृह मन्त्रालयको जिम्मेवारी प्रधानमन्त्री बालेन्द्र शाहले नै राख्ने भएका छन्। गृहमन्त्री सुधन गुरुङले पदबाट राजीनामा दिएसँगै शाहले उक्त जिम्मेवारी आफू मातहत नै राखेको प्रधानमन्त्रीको सचिवालयले जानकारी दिएको छ । विवादित व्यापारी दीपक भट्टसँग साझेदार रहेको तथ्य बाहिरिएपछि गुरुङ विवादमा तानिएका थिए। त्यसपछि उनले आफूमाथि पनि निष्पक्ष छानबिन होस् भन्दै पदबाट राजीनामा दिएका हुन् ।
कमल रायमाझीबर्दिया (राजापुर), ९ बैशाख। महिला, बालबालिका तथा ज्येष्ठ नागरिकहरुको सेवा प्रवाहलाई प्रभावकारी बनाउने उद्देश्यले बर्दियाको राजापुरमा निर्माणाधीन सेवा केन्द्र भवनबारे सामुदायिक स्तरमा छलफल कार्यक्रम सम्पन्न भएको छ। संयुक्त राष्ट्रसंघ परियोजना सेवा कार्यालय (यूएनओपीएस) को समन्वयमा नेपाल सरकार तथा एसियाली विकास बैंकको सहयोगमा सञ्चालित “महिला उत्थानशील परियोजना” अन्तर्गत इलाका प्रहरी कार्यालय राजापुर, बर्दियाको परिसरमा उक्त भवन निर्माण भइरहेको छ। निर्माणपूर्व चरण (प्री–कन्स्ट्रक्सन फेज) अन्तर्गत आयोजना गरिएको सामुदायिक परामर्श बैठकले भवनलाई थप व्यवस्थित, पहुँचयोग्य र सेवामुखी बनाउन महत्त्वपूर्ण सहयोग पुग्ने यूएनओपीएसले जनाएको छ। कार्यक्रममा स्थानीय जनप्रतिनिधि, सरोकारवाला निकाय र सर्वसाधारणले सक्रिय सहभागिता जनाउँदै भवन निर्माणका विभिन्न पक्षमा सुझाव दिएका थिए। सहभागीहरुले…
काठमाडौं, ९ बैशाख। नेपाली कम्युनिष्ट पार्टी (नेकपा) का संयोजक पुष्पकमल दाहाल ‘प्रचण्ड’ले नेपालको कम्युनिष्ट आन्दोलनले अहिले केही समयका लागि धक्का खेपेको बताएका छन्। काठमाडौंमा आयोजित एक कार्यक्रममा बोल्दै उनले हालैको निर्वाचनमा नेकपाले कहाँ कमजोरी गर्यो भन्ने विषयमा वस्तुनिष्ठ मूल्याङ्कन आवश्यक रहेको बताए। उनले निर्वाचन परिणामलाई आत्मसमीक्षा गर्ने अवसरका रुपमा लिनुपर्ने धारणा राखे। पूर्व प्रधानमन्त्री प्रचण्डले लामो समय सत्तामा रहँदा पार्टीभित्र विभिन्न कमजोरी र विकृति जम्मा भएको स्वीकार गर्दै अहिलेको परिणामले ती “फोहोरमैला” हटाउने मौका दिएको उल्लेख गरे। उनले अहिले नेकपालाई जनताले घृणा गरेको नभई, नुहाइधुहाइ गरेर सफा भएर आउ भनेर सबक मात्र सिकाएको बताए । उनले यो अवस्थालाई पार्टी शुद्धीकरण…
काठमाडौं,९ बैशाख। गृहमन्त्री सुधन गुरुङले पदबाट राजीनामा दिएका छन् । विवादित व्यवसायी दीपक भट्टसँग विभिन्न सेयर कारोबारमा मुछिएको आरोपपछि गुरुङले प्रधानमन्त्री बालेन्द्र शाह (बालेन) लाई राजीनामा बुझाएका हुन् । उनले सामाजिक सञ्जाल फेसबुक मार्फत नैतिकता, स्वार्थ द्वन्द्व र निष्पक्ष छानबिनको आधारमा राजीनामा दिएको बताएका छन् । स्ट्याट्समामा उनले ‘मेरो लागि पदभन्दा ठूलो कुरा नैतिकता हो, र जनविश्वासभन्दा ठूलो शक्ति कुनै हुँदैन’ भन्दै सार्वजनिक जीवनमा पारदर्शिता र उत्तरदायित्व अनिवार्य भएको उल्लेख गरेका छन्। उनले देशमा सुशासन, पारदर्शिता र जवाफदेहिताको माग गर्दै उठिरहेको जेन जेड आन्दोलनले पनि सार्वजनिक नेतृत्व स्वच्छ हुनुपर्ने सन्देश दिएको बताएका छन्। उनले भनेका छन्, ‘मसँग सम्बन्धित विषयमा निष्पक्ष…
काठमाडौं,९ वैशाख। खाद्य वस्तुको गुणस्तर र स्वच्छताको प्रत्यक्ष अनुगमन तथा नियमन गर्ने जिम्मेवारी प्रदेश र स्थानीय तह दिइएको छ कृषि तथा पशुपन्छी विकास मन्त्रालयले ‘खाद्य स्वच्छता तथा गुणस्तर ऐन, २०८१’ अनुसार बजार अनुगमनमा प्रदेश र स्थानीय तहलाई सक्रिय बनाउने तयारी गरेको हो । जसअनुसार प्रदेश सरकारले आफ्नो क्षेत्रभित्र र स्थानीय तहहरुले आफ्नो पालिका क्षेत्रमा बिक्री हुने खाद्य पदार्थको गुणस्तर परीक्षण तथा नियमन गर्नेछन् । मन्त्रालयका अनुसार यस कदमले उपभोक्ताको स्वास्थ्य अधिकारलाई स्थानीय तहबाटै सुनिश्चित गर्ने लक्ष्य राखेको छ । साथै, उक्त अधिकार कार्यान्वयनका लागि स्थानीय तहहरुले आफ्नै कानुनी व्यवस्था अनुसार खाद्य निरीक्षक नियुक्त गर्न सक्नेछन्। आवश्यक योग्यता पुगेका व्यक्तिलाई खाद्य…