Author: क्लिक लुम्बिनी

काठमाडौं,२७ चैत। प्रधानमन्त्री बालेन्द्र (बालेन) शाहले मन्त्रिपरिषद् विस्तार गरेका छन्। दुईजना मन्त्री थप्दै उनले मन्त्रिपरिषद् विस्तार गरेका हुन्। उद्योग, वाणिज्य तथा आपूर्ति मन्त्रीमा गौरीकुमारी यादव र श्रम,रोजगार तथा सामाजिक सुरक्षा मन्त्रीमा रामजी यादव नियुक्त भएका छन्। यससँगै मन्त्रिपरिषद् १६ सदस्यीय बनेको छ। ​नवनियुक्त दुवै मन्त्री राष्ट्रिय स्वतन्त्र पार्टी (रास्वपा) का सांसद हुन्। उनीहरुले आजै राष्ट्रपति भवनमा आयोजित समारोहबीच राष्ट्रपतिसमक्ष पद तथा गोपनीयताको शपथ लिने कार्यक्रम रहेको छ। रामजी सप्तरी क्षेत्र नम्बर २ बाट निर्वाचित सांसद हुन् भने गौरी महोत्तरी क्षेत्र नम्बर ४ बाट निर्वाचित सांसद हुन् ।

काठमाडौं,२६चैत। प्रधानमन्त्री बालेन शाहले श्रम, रोजगार तथा सामाजिक सुरक्षाममन्त्री दीपककुमार साहलाई पदमुक्त गरेका छन्। पार्टी सभापति रवि लामिछानेले अनुशासन समितिको सिफारिस पश्चात मन्त्री साहले पदीय मर्यादाको दुरुपयोग गरेको भन्दै फिर्ता बोलाउन प्रधानमन्त्री शाहलाई पत्राचार गरेपछि प्रधानमन्त्रीले श्रममन्त्रीलाई पदमुक्त गरेका हुन्। साहले पत्नी जुनु श्रेष्ठ स्वास्थ्य बीमा बोर्डको सदस्य पुनः नियुक्ति गर्ने विवादित निर्णय गरेपछि आलोचना भएको थियो ।

काठमाडौं,२६ चैत। नेकपा एमाले अध्यक्ष केपी शर्मा ओली र नेपाली कांग्रेसका नेता रमेश लेखक हाजिर जमानीमा रिहा भएका छन्। सर्वोच्च अदालतको आदेशअनुसार जिल्ला प्रहरी परिसर काठमाडौंले ओली र लेखकलाई परिवारको जिम्मा लगाएर हाजिर जमानीमा रिहा गरेको हो। छाडेको हो। सरकारी वकिलको सहमतिमा आवश्यक परेको बेला उपस्थित हुनेगरी ओली र लेखकलाई परिवारको जिम्मा लगाइएको जिल्ला प्रहरी परिसर काठमाडौंका प्रवक्ता पवन भट्टराईले बताए । त्रिवि शिक्षण अस्पतालमा उपचाररत पूर्व प्रधानमन्त्री ओली हिरासतमुक्त भएपनि उनी केही समय अस्पतालमै रहनेछन्। भदौ २३र२४ गते जेनजी आन्दोलनका घटनाको छानबिन गर्न गठित जाँचबुझ आयोगले फौजदारी मुद्दामा अनुसन्धान गर्न सिफारिस गरेपछि प्रहरीले दुवैजनालाई पक्राउ गरेको थियो ।

भैरहवा, २६ चैत। रुपन्देही प्रहरीले तिलोत्तमा नगरपालिका–५ मणिग्रामस्थित सीएमजी क्लब क्यासिनोबाट ६ जनालाई नेपाली नागरिकलाई पक्राउ गरेको छ । पक्राउ पर्नेहरुमा सर्लाही बरहथवा नगरपालिका–८ का ३१ वर्षीय मुकेश कुमार श्रेष्ठ, ललितपुरको गोदावरी नगरपालिका–१५ का ४१ वर्षीय अजय केसी, बुटवल उपमहानगरपालिका–१२ का ३५ वर्षीय गोबिन्द शर्मा, सोही पालिका वडा नम्बर ११ का ३६ वर्षीय चन्दप्रसाद श्रेष्ठ, सोही पालिका वडा नम्बर ९ का ३५ वर्षीय बासुदेव गौतम र ३५ वर्षीय कृष्ण गौतम रहेको प्रहरीले जनाएको छ। रुपन्देहीस्थित विभिन्न क्यासिनोहरुमा चेकजाँचको क्रममा बुधवार राती उक्त क्यासिनोबाट ६ जना नेपालीलाई पक्राउ गरिएको जिल्ला प्रहरी कार्यालय रुपन्देहीका सूचना अधिकारी एवं डीएसपी कृष्णकुमार चन्दले जनाए ।…

काठमाडौं,२५ चैत। शिक्षा, विज्ञान तथा प्रविधि मन्त्रालयले मापदण्ड विपरीत शुल्क असुल्ने निजी विद्यालयलाई कानुनअनुसार कारबाही गर्न गृह प्रशासन र स्थानीय तहलाई आग्रह गरेको छ। मन्त्रालयले तीन दिन अघि बढी शुल्क लिने र शैक्षिक सत्र सुरु हुनुअघि भर्ना लिने कार्य रोक्न निर्देशन दिएको थियो। तर, अझै पनि केही विद्यालयले गैरकानुनी रुपमा शुल्क असुलिरहेको गुनासो आएपछि शिक्षा ऐन २०२८ अनुसार त्यस्ता शुल्क विद्यार्थीलाई फिर्ता गर्न पुन: निर्देशन दिइएको हो। ‘कुनै पनि विद्यालयले यो निर्देशनभन्दा अन्यथा गरेको पाइएमा सोही ऐनको दफा १६६ (७) को प्रावधान तथा अन्य प्रचलित कानुन बमोजिम थप कारबाही प्रक्रिया अगाडि बढाउन पर्ने अवस्था भए गृह मन्त्रालय, सम्बन्धित जिल्ला प्रशासन…

काठमाडौं,२५ चैत। सरकारले सार्वजनिक यातायातको भाडादर बढाउने निर्णय गरेको छ। इन्धनको मूल्यमा भएको उत्तारचढाव र विभिन्न सूचकहरुलाई कारण देखाउँदै सरकारले नयाँ भाडादर निर्धारण गरेको हो। नेपाल यातायात व्यवसायी राष्ट्रिय महासंघका वरिष्ठ उपाध्यक्ष सरोज सिटौलाका अनुसार, सार्वजनिक यातायातको भाडा १६.७१ प्रतिशतले वृद्धि गरिएको छ। त्यस्तै मालवाहक सवारी साधनतर्फ पहाडी बाटोमा सञ्चालन हुने सवारीको भाडा २१.६८ प्रतिशत र तराईको बाटोमा सञ्चालन हुने सवारीको भाडा १५.७५ प्रतिशतले बढाइएको छ। यो निर्णयसँगै अब सर्वसाधारणले यात्रा गर्दा र सामान ढुवानी गर्दा बढेको नयाँ दर अनुसार शुल्क तिर्नुपर्नेछ । यातायात व्यवस्था विभागले भाडा समायोजनको स्वीकृतिका लागि मन्त्रालयमा प्रस्ताव पठाएको थियो। भौतिक पूर्वाधार तथा यातायातमन्त्री सुनील लम्सालले…

काठमाडौं,२५ चैत। फौजदारी कसूरको अनुसन्धानका लागि पक्राउ परेका व्यक्तिलाई सावर्जनिक गर्ने कार्यविरुद्ध सर्वोच्च अदालतमा रिट दायर भएको छ। अदालतबाट दोषी ठहर नहुँदै सार्वजनिक गर्ने र दबाबमा पारी बयान लिने कार्यविरुद्ध सर्वोच्च अदालतमा रिट निवेदन दायर भएको हो। प्रधानमन्त्री तथा मन्त्रिपरिषदको कार्यालय,गृह मन्त्रालय,प्रहरी प्रधान कार्यालय,महान्यायाधिवक्ताको कार्यालय र कानुन,न्याय तथा संसदीय मामिला मन्त्रालयलाई विपक्षी बनाउँदै अधिवक्ता कुमार थपलियाले परमादेशसहित आवश्यक आदेशको माग गर्दै सर्वोच्चमा रिट दायर गरेका हुन्। पक्राउ गरिएका कुनै पनि अभियुक्तको नाम,थर,फोटो ,भिडियो वा पहिचान पनि सञ्चारमाध्यम वा सामाजिक सञ्जालमार्फत् सार्वजनिक नगर्न-नगराउन आदेश माग गरिएको छ। पक्राउ पर्नासाथ सार्वजनिकीकरण,जबरजस्ती बयान लिने र सोही बयानलाई अभियोजनको मुख्य आधार मान्ने प्रवृत्तिले न्याय…

बुटव,२५ चै। चितवनबाट रुपन्देहीको बुटवलमा विक्रीका लागि राखिएको तरकारीमा अत्याधिक विषादी भेटिएको छ । बुटवल कृषि उपज थोक बजार केन्द्रमा राखिएको हरियो तरकारी तथा फलफूलको नमुना संकलन गरेर परीक्षण गर्दा बोडीमा अत्याधिक विषादी भेटिएको हो । अत्याधिक विषादीका कारण उपभोग गर्न नमिल्ने एक क्विन्टल बीस किलो बोडी बुटवल उपमहानगरपालिकासँग समन्वयमा नष्ट गरिएको विषादी अवशेष द्रुत विश्लेषण प्रयोगशाला एकाई बुटवलका नायब प्राबिधिक सहायक राजिब भण्डारीले जानकारी दिए। बोडीमा अर्गानोक फस्टफोरेष्ट समुहको विषादी ९७.०६७ प्रतिशत भेटिएको उनले बताए । बुटवलको प्रत्येक दिन थोक बजारमा ल्याईने तरकारी तथा फलफूलको नमुना संकलन गरी विषादी अवशेष परिक्षण गर्ने गरिएको छ। उनका अनुसार, शून्यदेखि ३५ प्रतिशतसम्मको…

काठमाडौं,२५ चैत। पूर्वप्रधानमन्त्री शेरबहादुर देउवा र उनकी श्रीमती तथा पूर्वपरराष्ट्र मन्त्री डा.आरजु राणा देउवाविरुद्ध पक्राउ पुर्जी जारी भएको छ । सम्पत्ति शुद्धीकरण कसुरमा अनुसन्धानका लागि सम्पत्ति शुद्धीकरण अनुसन्धान विभागले जिल्ला अदालत काठमाडौंबाट उनीहरु विरुद्ध पक्राउ पुर्जी लिएको बताइएको छ । देउवा दम्पत्ति स्वास्थ्य उपचार गराउन भन्दै हाल उनीहरु विदेशमा छन् ।

काठमाडौं,२४चैत। मन्त्रिपरिषद् बैठकका प्रमुख निर्णयहरु सार्वजनिक गरिएको छ। मंगलबार बसेको बैठकले बृहत्तर लुम्बिनी क्षेत्र विकास परियोजनाका लागि विश्व बैंकबाट विनियोजन हुने ८५ मिलियन अमेरिकी डलर बराबरको ऋण स्वीकृत गर्ने देखि पेट्रोलियम पदार्थको आपूर्ति असहजताका कारण जोर–बिजोर प्रणाली लागू गर्ने सम्भावना उल्लेख गर्दै, जनतालाई ‘वर्क फ्रम् होम’ अपनाउन र विद्युतीय साधनको प्रयोग बढाउन आग्रह गर्ने लगायत विभिन्न निर्णयहरु गरेको छ । बैठकको निर्णय सुनाउँदै संघीय मामिला तथा सामान्य प्रशासन मन्त्री प्रतिभा रावलका अनुसार, जलस्रोत तथा उर्जा अनुसन्धान केन्द्र ललितपुर महानगरपालिका वडा नं ३ पुलचोकबाट गोदावरी नगरपालिका ३ मा स्थानान्तरण गर्ने निर्णय, भूमि व्यवस्था तथा सहकारी गरिबी निवारण मन्त्रालय अन्तर्गत समस्याग्रस्त सरकारी…