Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
भैरहवा, ३ चैत। नेपाल प्रहरीका महानिरीक्षक (आईजीपी) बसन्त बहादुर कुँवर चैत ४ गते (सोमबार) राति १२ बजेबाट अनिवार्य अवकाशमा जाँदैछन्। प्रहरी नियमावलीमा उल्लेख रहेको ३० वर्षे सेवा अवधिका कारण कुँवर अवकाशमा गएसँगै नेपाल प्रहरीले नयाँ ३१ औं महानिरीक्षक (आईजीपी) पाउने भएको छ। तर, कुवँर अवकाशमा जानु एक दिनअघि सम्म पनि सरकारले ३१ औं आईजीपीको रुपमा नयाँ अनुहारको टुंगो लगाउन सकेको छैन । नेपाली सेनामा अवकाशमा जानु एक महिना अघि नै विदा बसेर नयाँ प्रधानसेनापतिलाई संगठनबारे बुझ्न निमित्त दिने चलन छ। तर, नेपाल प्रहरी संगठनमा राजनीतिक दाउपेच यदि हदसम्म पुगेको छ कि सरकारलाई पनि नेतृत्व छान्न सकस पर्ने गरेको छ। करिब…
भैरहवा, ३ चैत। नेपालको स्थानीय बजारमा सुनको मूल्यमा सामान्य गिरावट भएको छ । नेपाल सुनचाँदी व्यवसायी महासंघका अनुसार छापावाल सुन प्रतितोला ४ सय रुपैयाँले घटेर १ लाख ७४ हजार १०० रुपैयाँ कारोबार भइरहेको छ। शुक्रबार प्रतितोला ४ हजार रुपैयाँले बढेर १ लाख ७४ हजार ५०० रुपैयाँमा कारोबार भएको थियो। सुनको मूल्य घटेसँगै चाँदी पनि घटेको छ। आइतबार चाँदी प्रतितोला ५ रुपैयाँले घटेर २ हजार ४५ रुपैयाँमा कारोबार भइरहेको महासंघले जनाएको छ। शुक्रबार चाँदी तोलाको २ हजार ५० रुपैयाँमा कारोबार भएको थियो।
काठमाडौ, ३ चैत। लुम्बिनी प्रदेशलाई पराजित गर्दै प्रथम आईजीपी कप क्रिकेट प्रतियोगिताको उपाधि मधेस प्रदेश प्रहरीले उचालेको छ। नेपाल प्रहरी खेलकुद समितिले मुलपानी क्रिकेट मैदानमा शनिवार सम्पन्न फाइनल खेलमा मधेस प्रदेश प्रहरीले लुम्बिनी प्रदेशलाई १४ रनले पराजित गर्दै उपाधि उचालेको हो। प्रहरी महानिरीक्षक वसन्तबहादुर कुँवरले विजयी टिमका खेलाडी तथा अफिसियललाई पदक, प्रमाणपत्र, ट्रफी र नगद पुरस्कार प्रदान गरे। गत फागुन २७ गतेदेखि भएको उक्त प्रतियोगितामा राष्ट्रिय प्रहरी प्रशिक्षण प्रतिष्ठान र सातवटै प्रदेश प्रहरी कार्यालय गरी आठ टोली सहभागी थिए।
काठमाडौं,३ चैत। संघीय संसदअन्तर्गत प्रतिनिधिसभा बैठक बस्दैछ। नयाँ बनेश्वारस्थित संघीय संसद भवनमा बिहान ११ बजेका लागि बैठक डाकिएको संसद सचिवालयका महासचिव पद्म प्रसाद पाण्डेले जानकारी लिए। बैठकमा उपप्रधानमन्त्री तथा अर्थमन्त्री विष्णुप्रसाद पौडेलले आर्थिक कार्यविधि तथा वित्तिय उत्तरदायित्व (पहिलो संशोधन) विधेयक,२०८१ माथि विचार गरियोस् भन्ने प्रस्ताव प्रस्तुत गर्ने सम्भावित कार्यसूची छ। यसैगरी अर्थमन्त्री पौडेलले निजीकरण (पहिलो संशोधन) विधेयक २०८१, माथि विचार गरियोस् भन्ने प्रस्ताव प्रस्तुत गर्ने कार्यसूचीमा उल्लेख छ। बैठकमा आर्थिक तथा व्यवसायिक वातावरण सुधार र लगानी अभिवृद्धि सम्बन्धी केही नेपाल ऐनलाई संशोधन गर्ने विधेयक २०८१ माथि विचार गरियोस् भन्ने प्रस्ताव प्रस्तुत गर्ने कार्यसूची छ।
काठमाडौं, १ चैत। नेपाल विद्यार्थी संघ (नेविसंघ) ले ‘स्मार्ट शिक्षा नीति’ ल्याउन देखि क्याम्पस परिसरमा सस्तो तथा निःशुल्क होस्टेल व्यवस्था सम्मका लागि पहल गर्ने प्रतिबद्धता जनाएको छ। संघले पत्रकार सम्मेलन गरी स्वतन्त्र विद्यार्थी युनियन (स्ववियु) को चुनावी घोषणापत्र सार्वजनिक गर्दै हरेक विश्वविद्यालय तथा क्याम्पसमा ‘डिजिटल लाइब्रेरी’ र ‘निःशुल्क वाईफाई व्यवस्थापन’ का लागि पहल गर्ने समेत जनाएको छ। विद्यार्थी स्वयमको सक्रिय सहभागिता र नेतृत्वमा डिजिटल माध्यममार्फत ज्ञान सिर्जना, सङ्ग्रह र प्रवर्द्धन गर्ने कार्यक्रम सञ्चालन, अनुसन्धान, रचनात्मक लेखन, शैक्षिक सामग्री निर्माण तथा डिजिटल पुस्तकालय विस्तारलाई प्रोत्साहन गरिने नेविसंघले घोषणा पत्रमा उल्लेख गरेको छ। त्रिभुवन विश्वविद्यालयका हालसम्मका सम्पूर्ण शोधपत्र संग्रह गरी अभिलेख निर्माण…
लुम्बिनी, १ चैत। शान्तिका अग्रदुत गौतम बुद्धको जन्मस्थल लुम्बिनीमा भिक्षु प्रबज्या कार्यक्रम सकिएको छ। मायादेवी मन्दिर परिसरमा पाँचसय जनालाई बौद्ध धर्मगुरुहरुबाट चीवर दान गरी सुुरु भएको क्लपुत्र प्रबज्या ५ सय नवश्रामणेरलाई प्रमाणपत्र प्रदान गर्दै कार्यक्रम सकिएको हो। प्रबज्या समापन समारोहलाई सम्बोधन गर्दै लुम्बिनी विकास कोषका कार्यकारी सदस्य श्याम रोक्काले भिक्षु प्रबज्या कार्यक्रमले बौद्ध संस्कृतिको संरक्षण र संवद्र्धन गर्न मात्र नभई विश्वलाई शान्ति र अहिंसाको सन्देश दिन सहयोग पुगेको बताए। उनले नयाँ भिक्षुहरुलाई धार्मिक र आध्यात्मिक शिक्षा दिनका साथै समाजमा सहिष्णुता र समानताको मूल्य स्थापित गर्न र विशेष गरी युवा पुस्तालाई प्रोत्साहित गर्न भिक्षु प्रबज्या कार्यक्रम महत्वपूर्ण रहेको बताए। गौतमबुद्धको पवित्र…
भैरहवा, १ चैत। आज होली अर्थात फागु पुर्णिमा तराईका विभिन्न जिल्लाहरुमा हर्षोल्लासका साथ मनाईँदैछ। पहाडी र हिमाली क्षेत्रमा मनाइएको भोलीपल्ट तराईमा होली मनाउने गरिन्छ। रुपन्देही जिल्लाको विभिन्न स्थानको चोकमा साङ्गतिक कार्यक्रमका साथै एक आपसमा मित्रता, आत्मीयता र सद्भाव दर्शाउन परिवार, आफन्त, साथी भाईहरुलाई अबिर तथा रङ लगाई होली पर्व मनाईँदैछ। होली पर्वलाई शान्तिपूर्ण रुपमा सम्पन्न गराउनका लागि रुपन्देही प्रहरीले सुरक्षा योजना लागु गरेको छ। जसका लागि ८८० प्रहरी परिचालन गरिएको जिल्ला प्रहरी कार्यालय रुपन्देहीले जनाएको छ। जिल्लाको सुरक्षा व्यवस्था कडा पारिएको छ। जिल्लामा पिकेट, गाडी मोबाइल गस्ती, ठाउँठाउँमा चेकिङ प्वाइन्ट, पैदल गस्ती लगायतका लागि प्रहरीका टिमहरु विभाजन गरी खटाइएको जिल्ला…
भैरहवा, २९ फागुन।प्रधानमन्त्री कप एकदिसीय राष्ट्रिय क्रिकेट प्रतियोगितामा बिहीबार भएका तीन खेलमा लुम्बिनी प्रदेश, विभागीय टोली त्रिभुवन आर्मी र नेपाल एपीएफ क्लब विजयी भएका छन् । भैरहवास्थित सिद्धार्थ क्रिकेट रंगशालामा भएको खेलमा लुम्बिनी प्रदेशले गण्डकी प्रदेशमाथि १४ रनको जित निकाल्यो । टस हारेर ब्याटिङको निम्तो पाएको लुम्बिनीले ४९.५ ओभरमा २ सय १७ रन बनायो । जसमा म्यान अफ द म्याच प्रज्वल थापाले ७२ रनको अर्धशतकीय पारी खेले । बलिङमा गण्डकीका अमृत गुरुङले ३ तथा चन्द्र पौडेल र विपिन क्षेत्रीले २–२ विकेट लिए । जवाफी ब्याटिङ गरेको गण्डकीले ९ विकेट गुमाएर २ सय ३ रन मात्रै बनायो र पराजित भयो ।…
भैरहवा, २९ फागुन। जिल्ला प्रहरी कार्यालय रुपन्देहीले होली पर्व सभ्य रुपमा मनाउन सर्वसाधारणहरुलाई आग्रह गरेको छ ।साथै, पर्वलाई मध्यनजर गर्दै जिल्लामा सुरक्षा योजना लागु गरिएको छ। जिल्लामा पिकेट, गाडी मोबाइल गस्ती, ठाउँठाउँमा चेकिङ प्वाइन्ट, पैदल गस्ती लगायतका लागि प्रहरीका टिमहरु विभाजन गरी खटाइएको जिल्ला प्रहरी कार्यालय रुपन्देहीका एसपी रंजितसिंह राठौरले जानकारी दिए। होली पर्वलाई लक्षित गरी जिल्लाभर करिब आठ सय ८० जना प्रहरी परिचालन गरिएको उनले बताए । ‘सर्वसाधरणहरुलाई सभ्य रुपमा होली पर्व मनाउन अपिल गरेका छौं र पर्व लक्षित सुरक्षा योजना बनाएर लागु पनि गरेका छौँ’,उनले भने, ‘यदि पर्वमा कसैले नियम विपरित कार्य गरेको पाइए पक्राउ गरेर कारवाही गर्छौं।’…
कालिकोट,२९ फागुन। कालिकोटमा युवाहरुबीच ग्याङ फाइट हुँदा एक युवकको मृत्यु भएको छ। जिल्लाको खाँडाचक्र नगरपालिका–१० स्थित चौकीमा गएराति एक स्थानीयको घरको पूजा स्थलमा पुगेका युवाहरुबीच ग्याङ फाइट हुँदा तिलागुफा नगरपालिका–७ छाप्रेका १७ वर्षीय राजेश शाहीको मृत्यु भएको प्रहरीले जनाएको छ। साथै, भुपेन्द्र शाही घाईते भएका छन्। घटनामा खुकुरीको प्रयोग गरिएको छ।जिल्ला प्रहरी कार्यालय कालिकोटका प्रमुख डीएसपी टेकबहादुर रावतका अनुसार घटनामा संग्लन आरोपमा पाँच जना युवाहरुलाई पक्राउ गरिएको छ। पक्राउ परेका सबै युवाहरु १८ वर्ष मुनि उमेर समूहका छन्। मृतकको शव पोष्टमार्टमका लागि अस्पताल पठाईएको र घटनाको अनुसन्धान भईरहेको जिल्ला प्रहरी कार्यालय कालिकोटले जनाएको छ।