Author: क्लिक लुम्बिनी

काठमाडौं,१असोज। नेपाली कांग्रेसका सभापति शेरबहादुर देउवाले प्रदेशलाई अझ बढी उत्तरदायी बनाउनु पर्ने भएपनि प्रदेश संरचना हटाउन नसकिने बताएका छन् । मंगलबार कांग्रेसको कानुन विभागद्वारा काठमाडौंमा आयोजित कार्यक्रमलाई सम्बोधन गर्दै उनले ‘प्रदेश संरचना हट्ने कुरा छैन। हटाउने अवस्था पनि छैन। यसलाई कसरी उत्तरदायी बनाउने भन्ने छ । यसलाई बढी प्रभावकारी बनाउनुपर्छ।’ उनले संविधानमा सुधार हुने विषयहरू संशोधन हुने भन्दै संविधान संशोधन प्रजातन्त्रको विरुद्ध नहुने बताए। संविधान संशोधनलाई सकारात्मक रुपमा बुझ्न आग्रह गर्दै उनले भने ‘ओलीजी प्रधानमन्त्री हुने बेला संविधान संशोधन गर्ने कुरामा सहमति भएको छ । संविधानमा सुधार हुने कुरामा संशोधन आवश्यक पनि छ । तर संविधान संशोधन प्रजातन्त्रको खिलाफ हुँदैन…

भैरहवा,१असोज। रुपन्देहीमा सर्प महोत्सव आयोजना गरिएको छ। अन्तर्राष्ट्रिय सर्पदंश जनचेतना दिवसको अवसरमा ‘मानव र सर्पबीच सहअस्तित्व प्रवर्द्धन’नारा सहित लुम्बिनी प्रदेशमै पहिलोपटक तिलोत्तमाको शंकरनगर बनबाटिका तथा अनुसन्धान केन्द्र परिसरमा महोत्सव आयोजना गरिएको हो। उक्त महोत्सव दुई दिनसम्म संचालन हुनेछ । सर्पसम्बन्धी अध्ययन-अनुसन्धान गर्ने अन्तर्राष्ट्रिय संस्था अल्कोबाका अनुसार सन् २०२२ मा नेपालमा ४० हजार जनालाई सर्पले टोकेको थियो ।जसमध्ये तीन हजार जनाको मृत्यु भएको थियो । तथ्यांक अनुसार नेपालमा सर्पदंशको दर र मृत्युदर वर्षेनी बढ्दो अवस्थामा छ। अन्य वन्यजन्तुको तुलनामा सर्पदंशबाट हुने मानवीय क्षति बढी भएपनि यसको रोकथामका लागि सम्बन्धित सरकारी निकायले पर्याप्त चासो नदिएको र लगानी पनि नगरेको सरोकारवालाले गुनासो गर्दै…

भैरहवा,१असोज। नेपालको अन्तर्राष्ट्रिय सीमा क्षेत्रमा बसोबास गर्ने नागरिकहरुका लागि सशस्त्र प्रहरी बल, नेपालको भर्नामा छुट्टै कोटा दिने तयारी गरिएको छ। जसका लागि सशस्त्र प्रहरीले बलको प्रस्तावित नयाँ ऐनको मस्यौदामा सीमा क्षेत्रमा बसोबास गर्ने नागरिकलाई दुई प्रतिशत कोटा दिने व्यवस्थाको प्रस्ताव गरेको छ। सशस्त्र प्रहरीका अधिकारीहरुले सीमा क्षेत्रमा बसोबास गर्नेहरुका लागि ५ प्रतिशत कोटा छुट्टाउनु पर्ने लबिइङ गरेका थिए । तर, ऐनको प्रस्तावित मस्यौदामा २ प्रतिशत कोटाको व्यवस्था गर्ने उल्लेख भए अनुसार २ प्रतिशत कोटा प्रस्ताव गरिएको हो। संविधान अनुसार आरक्षण दिइएको बाहेक खुलामध्येको दुई प्रतिशतमा सीमावर्ती क्षेत्रका वासिन्दालाई अवसर दिने तयारी गरिएको बताइएको छ। सशस्त्र प्रहरीको नयाँ ऐन सम्बन्धी मस्यौदा…

काठमाडौं,१ असोज। कृषि तथा पशुपन्छी मन्त्री रामनाथ अधिकारीले किसानको जीवनमा सकारात्मक परिवर्तन ल्याउन जरुरी रहेको बताएका छन् । काठमाडौंको बल्खु स्थित कृषि तथा तरकारी बजारको वार्षिकोत्सव कार्यक्रममा बोल्दै उनले किसानको जीवनमा सकारात्मक परिवर्तन नआएसम्म राज्यले लिएका लक्ष्यहरू पुरा हुन नसक्ने बताए। आफूले मन्त्रालयको जिम्मेवारी सम्हाले देखि किसानलाई मलको सहज व्यवस्था, दूध किसानको बक्यौता रकम भुक्तानीको लागि पहल गरेको उल्लेख गर्दे उनले कृषि उपजको उत्पादन सँगै यसको बजारीकरणमा किसानले समस्या भोग्न नपरोस् भन्ने आफ्नो चाहना रहेको सुनाए। तरकारीमा विषादीको अत्यधिक प्रयोग बढ्दै गएकोमा चिन्ता व्यक्त गर्दे मन्त्री अधिकारीले यसलाई न्यूनीकरण गर्न जरुरी रहेको बताए। किसान र सम्बन्धित निकायबीच निकटता भए मात्र…

भैरहवा, १असोज। भारतको राजधानी अर्थात दिल्ली राज्यको मुख्यमन्त्री आतिशी मर्लेना बन्ने भएकी छिन्। मुख्यमन्त्री अरबिन्द केजरीवालले राजीनामा दिने भएपछि आम आदमी पार्टीले आतिशीलाई नयाँ मुख्यमन्त्री बनाउने निर्णय गरेको हो। भारतीय संचारमाध्यम आजतकका अनुसार मंगलबार बसेको आम आदमी पार्टीको विधायक दलको बैठकमा पार्टी अध्यक्ष समेत रहेका केजरीवलले आतिशीलाई मुख्यमन्त्रीको रुपमा प्रस्ताव गरेका हुन्। जसमा उनलाई मुख्यमन्त्री बनाउने निर्णय भएको हो। मुख्यमन्त्री केजरीवाल जमानतमा जेलबाट बाहिरएपछि मुख्यमन्त्रीबाट राजीनामा दिने र फेरी जनताबाट निर्वाचित भएपछि मात्र मुख्यमन्त्री बन्ने घोषणा गरेका थिए । उनले आजै अपराह्न राजीनामा दिने बताइएको छ । ४३ वर्षीया आतिशी हाल दिल्ली सरकारमा शिक्षा मन्त्री छिन् ।

काठमाडौं,१ असोज। नेपालमा नौलो प्रविधिको विकास गरिएको छ। हाल नेपालको बजारमा पेट्रोल, डिजेल र ग्याँसबाट बढी गाडी संचालनमा छन् । पछिल्लो समय ब्याट्रीबाट चल्ने गाडीको माग पनि बजार बढेको छ। यी इन्धनहरुबाट गाडी चलिरहेपनि नेपालमा अब ‘डुअल मोडल’ अर्थात पेट्रोल र हाइड्रोेजन दुबै इन्धनबाट चल्ने इन्जिनको विकास गरिएको छ। काठमाडौं थापागाउँस्थित रिन्यु जेन रिसोर्सेस नेपालले इन्जिनियरिङ अध्ययन संस्थान पुल्चोक र बेलायतको एक विश्वविद्यालयसँग सहकार्य गरी पेट्रोल र हाइड्रोेजन दुबै इन्धनबाट चल्ने कारको इन्जिन विकास गरेको हो । उक्त प्रविधिलाई ‘डुअल मोडल हाइड्रोजन कम्बसन इन्जिन’ नाम दिइएको छ । ‘डुअल मोडल’ इन्जिन विकसित मुलुकहरुमा सफल परिक्षण भएर व्यापारिक प्रयोजनमा समेत गइरहेको…

भैरहवा,३१भदौ। इजाजत (लाइसेन्स) प्राप्त हतियारको निषेधित क्षेत्र तोकिएको छ। गृह मन्त्रालयले लाइसेन्सप्राप्त हतियारको निषेधित क्षेत्रबारे उल्लेख गर्दै सोमबार राजपत्रमा सूचना प्रकाशित गरेको छ। प्रकाशित सूचना अनुसार सूचनामा हातहतियार खरखजाना ऐन २०१९ को दफा ८ ल दिएको अधिकार प्रयोग गरी लिएको हतियार दफा ३ बमोजिम राख्न वा लिएर हिड्न पाउने उल्लेख गरिएको छ । तर दफा ४ र ५ बमोजिम यात्रा इजाजतपत्र लिए पनि इजाजत यात्रा अनुमति नलिएका हतियारहरु घर बाहिर लैजान नमिल्ने उल्लेख गरिएको छ । सूचनामा भनिएको छ–‘यात्रा इजाजतपत्र प्राप्त गरेका हातहतियार समेत न्यायिक निकाय, संसद भवन तथा परिसर, हातहतियारको इजाजतपत्र लिएको कार्यालयमा इजाजतपत्र नवीकरणका लागि ल्याउने वा लैजाने…

दाङ,३१भदौ। लुम्बिनी प्रदेशका मुख्यमन्त्री चेतनारायण आचार्यले लुम्बिनी प्रदेशको उज्जवल भविष्य निर्माण गर्न तथ्य र प्रमाणमा आधारित योजनाहरुलाई अघि बढाउन प्रदेश योजना आयोगलाई निर्देशन दिएका छन्। प्रदेश योजना आयोगका नवनियुक्त उपाध्यक्ष र सदस्यहरुको शपथ ग्रहण कार्यक्रमलाई सम्बोधनगर्दै मुख्यमन्त्री आचार्यले समृद्ध लुम्बिनी आत्मनिर्भर प्रदेशको आकांक्षा पुरा गर्न प्रदेश योजना आयोगले तथ्य र प्रमाणमा आधारित योजनालाई अघि बढाउन निर्देशन दिए। ‘पहिलो आवधिक योजनाको जगमा प्रदेश उभिएको छ। अब हामी दोस्रो आवधिक योजना निर्माणको अन्तिम चरणमा छौं’उनले भने,‘दोस्रो आवधिक योजनालाई पूर्णता दिन यहाँहरुको भूमिका प्रदेशले चाहेको छ ।’ नव नियुक्त प्रदेश योजना आयोगका उपाध्यक्ष डा.डिल्लीराज अर्याल र सदस्यहरु डा.सुदन कुमार वली, भुवन चौधरी र…

दाङ,३१ भदौ। लुम्बिनी प्रदेश निजामती सेवा ऐन, २०८० लाई संसोधन गर्न बनेको विधेयक पारित भएको छ। प्रदेश सभाको सोमबार बसेको बैठकमा मुख्यमन्त्री चेतनारायण आचार्यको तर्फबाट भौतिक पूर्वाधार विकास मन्त्री भूमिश्वर ढकालले पेश गरेको प्रस्ताव सर्वसम्मतीले पारित भएको हो । प्रदेश सभाको गत शुक्रवार बसेको बैठकमा पेश भएको संशोधन विधेकमा ५ वटा संशोधन परेका थिए । परेका संशोधनलाई शुक्रवारै बसेको दोस्रो बैठकले प्रदेश मामिला तथा कानून समितिमा छलफलका लागि पठाउने निर्णय गरेको थियो । प्रदेश मामिला तथा कानुन समितीका सभापति दिल कुमारी बुढाको संयोजकत्वमा रहेको समितीले दफावार छलफल पछि प्रदेश निजामती सेवा ऐन, २०८० लाई संशोधन गर्न बनेको प्रतिवेदन सहितको विधेयक…

भैरहवा,३१भदौ। इस्लाम धर्मका प्रवर्तक हजरत मोहम्मद पैगम्बर सल्लाह अलैवसल्लमको १४९९ औँ जयन्तीको अवसरमा भैरहवामा आयोजित र्याली कार्यक्रममा भएको फोहोर सहभागी युवाहरुले आफै उठाएर सरसफाई गरेका छन्। हजारौँको संख्यामा र्यालीमा सहभागी सर्वसाधरणलाई पानी, मिठाई बिस्कुट वितरण गरिएको थियो । जसक्रममा विभिन्न स्थानमा फोहोर भएको थियो । र्याली पश्चात स्थानीय मेराज खानको नेतृत्वमा र्यालीमा सहभागी युवाहरुले मिलन चोक, बुद्ध चोक, बैंक रोड लगायतस्थानमा यत्रतत्र फालिएका पानीका बोतल, मिठाइका डब्बा लगायत भएका फोहोर उठाएर सफा गरेका हुन् । कार्यक्रमको क्रममा बजारमा फोहोर भएपछि नगरवासीको कर्तव्य बोध गर्दै आफु युवाहरुले मिलेर फोहोर उठाएको युवा खानले बताए । ‘सहर सफा रहनपर्छ । कार्यक्रममा हामीहरुबाटै फोहोर…