Author: क्लिक लुम्बिनी

भैरहवा, १३ मंसिर । कृषकहरुको अहिले रासायनिक मल वितरण केन्द्र र भण्डारण केन्द्रहरुमा भीड छ । खेतमा मल हाल्नका लागि सबैकाम छाडेर उनीहरु मलको खोजीमा दौडधुपमा छन् । सरकारले प्रयाप्त मल उपलब्ध गराउन नसकेको दशकौ भयो । केहीले प्रहरीको लठ्ठी खाएर र केहीले हारगुहार गरेर लुकिछिपी मल भित्रयाउनुपर्ने बाध्यता छ । समयमा मल हाल्न नपाए अनेक समस्या झेल्नुपर्ने चिन्ताले कृषकहरुलाई सताएको छ । सरकारले उपलब्ध गराएको मल थोरै छ । माग उच्च छ । अनुदानको मल स्थानीय स्तरमा तोकिएको मल वितरण केन्द्रबाट वितरणमा पनि भेदभाव छ । वितरण केन्द्रका संचालक समितिहरुले आफ्नालाई मल वितरण गर्दा लाइनमा बसेका किसानहरु रित्तो हात…

दाङ, १३ मंसिर। प्रदेश विकास समस्या समितिको बैठकले २४ वटा समस्याको पहिचान गरेर राष्ट्रिय विकास समस्या समितिमा पठाएको छ । बिहीबार दाङमा बसेको बैठकले संघीय सरकारबाट प्राप्त हुनुपर्ने वित्तीय समानीकरण अनुदानको रकम प्राप्त हुन नसकेको बिषय प्रमुखताका साथ उठाइएको छ । बिहीबार दाङमा बसेको बैठकले समस्या समितिमा पठाएको हो । प्रदेश सरकारले गत बर्षको झण्डै साढे दुई अर्ब दायित्व भुक्तानी गर्न बाँकी छ । संघीय सरकारले वित्तीय समानीकरण अनुदानको रकम नपठाउँदा प्रदेशले आर्थिक संकट भोग्नु परेको छ । सशर्त अनुदानको रकम घटाएर वित्तीय समानीकरण अनुदानको बजेट बढाउने बिषयलाई प्रमुखताका साथ उठाइएको हो । साझा अधिकारका सूचीको कार्य बाँडफाँड र प्रहरी…

दाङ,१३ मंसिर । लुम्बिनी प्रदेशका मुख्यमन्त्री चेतनारायण आचार्यले लगानी अनुसार प्रतिफल आउने योजनाहरुको कार्यान्वयनमा बिशेष ध्यान दिन दिर्नेशन दिएका छन् । प्रदेश विकास समस्या समाधान समितिको बिहीवार बसेको बैठकमा बोल्दै मुख्यमन्त्री आचार्यले प्रतिफल दिने खालका योजनाहरुलाई उच्च प्राथमिकता दिएर कार्यान्वयन गर्न निर्देशन दिएका हुन् । ‘जुन काममा हात हाल्छौं । त्यसबाट परिणाम आउनुपर्छ । प्रतिफल आउने योजनाहरुलाई बिशेष जोड दिएर अघि बढाऔं’, मुख्यमन्त्री आचार्यले भने, ‘५-७ लाख रुपैयाँका आयोजना छन । तर, त्यसले प्रतिफल दिँदैन भने कार्यान्वयन नगरौं । रातो कितावमा लेखिएको भएपनि त्यसले उपलब्धि दिदैन भने कार्यान्वयन गर्न जरुरी छैन ।’ प्रदेश सरकारले अघि बढाएका आयोजना समय सिमा भित्रै…

भैरहवा, १३ मंसिर। के तपाई सामाजिक संजाल टिकटकको प्रयोगले भीडियोहरु बनाएर पोस्ट् गर्ने गर्नुहुन्छ ? यदि गर्नुहुन्छ भने तपाईको लागि खुशीको खबर हो यो । नियममा रहेर भीडियो बनाएर टिकटकमा पोस्ट् गर्नेलाई नगदसहित आर्कषक पुरस्कारको व्यवस्था गरिएको छ । सिद्धार्थ उद्योग वाणिज्य संघ, रुपन्देहीले भैरहवाको अंचलपुरमा आगामी मंसिर २० गते देखि पुस १ गतेसम्म आयोजना गरेको लुम्बिनी राष्ट्रिय महोत्सवको ‘लुम्बिनी महोत्सवमा घुम्न जाऔं’ भनेर उत्कृष्ट टिकटक भिडियो बनाएर पोष्ट गर्नेलाई नगदसहितको पुरस्कारको व्यवस्था गरेको हो। महोत्सवको प्रचारप्रसार तथा प्रवद्र्धन गर्ने उद्देश्यले टिकटक प्रतियोगिताको आयोजना गरिएको सिद्धार्थ उद्योग वाणिज्य संघका सचिव तथा महोत्सवका प्रचारप्रसार समिति संयोजक मंगल भण्डारीले जानकारी दिए ।…

भैरहवा, १३ मंसिर । सिद्धार्थ उद्योग वाणिज्य संघ रुपन्देहीले आयोजना गर्न लागेको लुम्बिनी राष्ट्रिय महोत्सवमा निःशुल्क माटो परिक्षणको व्यवस्था मिलाएको छ । महोत्सवमा निःशुल्क माटोको परिक्षणले यस क्षेत्रका किसानहरु लाभान्वित हुने आयोजकको विश्वास छ । भैरहवाको अंचलपुरमा मंसिर २० देखि पुस १ सम्म चल्ने महोत्सवमा मंसिर २६, २७ र २८ गते तीन दिन माटो परीक्षणका लागि समयावधि तोकिएको छ । ‘कृषि क्षेत्रमा रासायनिक मलको प्रयोगले उब्जनीको कमीले किसानहरुले चाहेको जति उब्जनी बढाउन सकेका छैनन्’, सिद्धार्थ उद्योग बाणिज्य संघका अध्यक्ष ठाकुरकुमार श्रेष्ठले भने, ‘अब के गर्ने ? कसरी गर्ने ? भन्ने विषयको पनि केहीलाई जानकारी छैन । जसकारण पनि हामीले महोत्सवमा…

भैरहवा, मंसिर १३ । के तपाईले गरिरहेको कृषिको उब्जनीमा बृद्धि भएको छैन ? खेतको माटो अर्कै र तपाईले अर्कै वस्तुको कृषि त गरिरहनु भएको छैन ? तपाईले गर्ने कृषिको माटो कस्तो छ ? कतै माटो कै कारणले त उत्पादनमा कमी आएको छैन ? यस्तै प्रश्नको जानकारीसहित माटो परिक्षण गराउन चाहनु भएको छ भने चिन्ता नलिनुहोस् । सिद्धार्थ उद्योग वाणिज्य संघ, रुपन्देहीले कृषकहरुलाई लक्षित गरेर भैरहवामा आयोजना गर्न लागेको लुम्बिनी राष्ट्रिय महोत्सवमा निःशुल्क माटो परिक्षणको व्यवस्था मिलाएको छ । कृषकले कृषि गरिरहेको वा गर्न खोजेको खेतबारीको माटो थोरै परिमाणमा साथमा लिएर महोत्सवमा निःशुल्क रुपमा माटो परिक्षण गरिने र साथै आवश्यक जानकारी…

भैरहवा, १२ मंसिर। नेपाल आयल निगम लिमिटेडको लुम्बिनी प्रादेशिक कार्यालय तथा भण्डारण डिपो निर्माणका लागि डीपीआर (बिस्तृत परियोजना प्रतिवेदन) तयार गर्न नेपाल आयल निगम र काठमाडौं विश्वविद्यालयबीच बुधवार सम्झौता भएको छ । नेपाल आयल निगम लिमिटेड भण्डारण क्षमता वृद्धि परियोजना प्रमुख तथा निगमका उपनिर्देशक प्रदीप यादव र काठमाण्डौं विश्वविद्यालय (कन्सल्टेन्सी सेवा) का प्रमुख विवेक बरालबीच दस्तखतसहित सम्झौता भएको हो । रुपन्दहीको ओमसतिया र रोहिणी गाउँपालिकास्थित रोहिणी नदी किनारामा रहेको ११ बिघा जमिन क्षेत्रफलमा नेपाल आयल निगमले ३ अर्ब २० करोड रुपैयाँको लागतमा लुम्बिनी प्रदेशस्तरको आधुनिक भण्डारण डिपो तथा कार्यालयको निर्माण कार्य अघि बढाएको छ । जस अनुरुप काठमाडौं विश्वविद्यालयले भ्याटसहित…

भैरहवा, १२ मंसिर। रुपन्देहीको भैरहवा स्थित सिद्धार्थ क्रिकेट रंगशालामा जारी सुपरलिग क्रिकेट प्रतियोगितामा बुटवल राइनोज ‘ए’ डिभिजनमा प्रवेश गरेको छ । बुधबार भएको डिभिजन ‘बी’ को अन्तिम खेलमा स्टार क्रिकेट क्लबलाई ३३ रनले पराजित गर्दै बुटवल राइनोज ‘ए’ डिभिजनमा प्रवेश गरेकोे हो । यस खेलसँगै डिभिजन ‘बी’का सबै खेलहरु सकिएका छन् । डिभिजन ‘बी’बाट बुटवल राइनोजसँगै प्रोफेसनल मास्टर्स–११ पनि ‘ए’ डिभिजनमा प्रवेश गरेको छ । अन्य टिम भने ‘बी’ डिभिजनमै रोकिएका छन् । टस हारेर ब्याटिङको निम्तो पाएको बुटवल राइनोजले निर्धारित ५० ओभरको खेलमा ४६ ओभर ३ बल खेल्दै सबै विकेट गुमाएर १ सय २७ रनको योगफल बनायो । उसका…

काठमाडौ, १२ मंसिर । नेपाल विद्युत प्राधिकरणले तत्काल उद्योगहरुको बिजुली नकाट्ने भएको छ। बुधवार बसेको प्राधिकरण सञ्चालक समितिको बैठकले उद्योगहरुको बिजुली नकाट्ने निर्णय गरेको हो। विद्युत् नियमन आयोगले उद्योगहरुको लाइन नकाटी बक्यौता असुली गर्न निर्देशन दिएपछि बोर्डले यस्तो निर्णय गरेको बताइएको छ। बोर्डले गरेको उक्त निर्णयप्रति दुई सञ्चालक कपिल आचार्य र भक्तबहादुर पुनले फरक मत राखेका थिए। नियमन आयोगले सर्वोच्च अदालतका पूर्वन्यायाधीश गिरीशचन्द्र लाल अध्यक्षताको आयोगले तयार पारेको ‘डेडिकेटेड’ र ‘ट्रंक लाइन’ सम्बन्धी प्रतिवेदन कार्यान्वयन गर्नुपर्ने राय दिएको छ। प्राधिकरणले एक महिनाअघि उद्योगहरुले बक्यौता रहेको उद्योगहरुका विद्युत कटौती गरेको थियो।

भैरहवा, ११ मंसिर । लुम्बिनी बौद्ध विश्वविद्यालयले वार्षिकोत्सव तथा दीक्षान्त समारोह आयोजना गर्न लागेको छ । विश्वविद्यालयले मंगलबार लुम्बिनीमा पत्रकार सम्मेलनको आयोजना गरी आगामी मंसिर १४ गते लुम्बिनीमा तेस्रो दीक्षान्त समारोह आयोजना गर्न लागिएको र तयारी अन्तिम चरणमा पुगेको जनाएको छ । २०औं वार्षिकोत्सवको अवसरमा तेस्रो विशेष दीक्षान्त समारोह र १७औं सभाको बैठक गरिने विश्वविद्यालयका रजिष्ट्रार डा.तिलकराम आचार्यले जानकारी दिए । लुम्बिनी विकास कोषस्थित अन्तर्राष्ट्रिय ध्यान केन्द्रमा हुने वार्षिकोत्सव, विशेष दीक्षान्त समारोह प्रधानमन्त्री एवं विश्वविद्यालयका कुलपति केपी शर्मा ओलीको अध्यक्षता–प्रमुख आतिथ्यतामा हुनेछ। सभाको बैठक भने विश्वविद्यालयको सिनेट हलमा हुने बताइएको छ। उनले विशेष दीक्षान्त समारोहमा विद्यावारिधि, स्नातकोत्तर र स्नातक तहका…