Author: क्लिक लुम्बिनी

भैरहवा, ५ मंसिर । विश्वकप खेल्नका लागि पाकिस्तान जान लागेको नेपाली राष्ट्रिय नेत्रहीन क्रिकेट टिमलाई विदाई गरिएको छ । बुधबार रुपन्देही क्रिकेट संघले भैरहवामा एक कार्यक्रमबीच टिमलाई विदाई गरेको हो । पाकिस्तानमा हुन लागेको नेत्रहीन टि–२० विश्वकपमा सहभागी हुन बुधबार नेपाली टिम रुपन्देहीको बेलहिया नाकाबाट भारत हुँदै पाकिस्तानतर्फ प्रस्थान गरेको छ । टिममा खेलाडी, अफिसियल, कोच, व्यवस्थापक र मेडिकल टिमसहित २१ जना सहभागी छन् । नोभेम्बर २३ देखि डिसेम्बर ३ सम्म पाकिस्तानको लावर र मुल्तानमा हुने विश्वकपमा नेपाली टिमले प्रतिस्पर्धा गर्नेछ । खेलाडीलाई विदाई गर्दै सिद्धार्थनगर नगरपालिकाका उपप्रमुख उमा अधिकारी, रुपन्देही क्रिकेट संघका अध्यक्ष हरिबहादुर थापा, संघका संस्थापक प्रेमकुमार सेन्चुरी,…

भैरहवा, ५ मंसिर । रुपन्देहीको भैरहवामा अनलाइन बेटिङ (सट्टेबाजी) संचालन गरेको आरोपमा प्रहरीले १४ जनालाई पक्राउ गरेको छ । सिद्धार्थनगर नगरपालिका–३ सगुनी पथ स्थित अस्फाक आलमको घरमा अनलाइन खेल मार्फत अवैध रुपमा सट्टेबाजी जुवा संचालन गरेको सूचनाको आधारमा छापा मारेर उनीहरुलाई पक्राउ गरिएको प्रहरीले जनाएको छ । पक्राउ परेका सबै भारतीय नागरिक हुन् । सामाजिक संजाल वाट्स एप समेतको माध्यमबाट टाइगर ग्रुप, शिव ग्रुप, विनायक ग्रुप गठन गरेर क्रिकेट, फुटबल, टेनिस, हक्की, घोडा दौड, लगायतका खेलहरुमा सट्टेबाजी संचालन गरिरहेको अवस्थामा उनीहरुलाई पक्राउ गरिएको रुपन्देहीका एसपी रंजितसिंह राठौरले बताए । उनका अनुसार पक्राउ परेका व्यक्तिहरुले ल्डर्स एक्सचेन्ज, अल प्यानल, अल प्यानल…

काठमाडौ, ४मंसिर । मेडिकल व्यवसायी दुर्गा प्रसाईं पक्राउ परेका छन्। ‘फेक डकुमेन्ट’ को सहारामा प्रधानमन्त्री केपी शर्मा ओलीविरुद्ध दुष्प्रचार गरेको र अफवाह फैलाएको भन्दै उनलाई पक्राउ गरिएको केन्द्रीय अनुसन्धान ब्यूरोले जनाएको छ । विद्युतीय कारोबार ऐनअन्तर्गतको कसूरमा उनीमाथि कारवाही प्रक्रिया अगाडि बढाइने प्रहरीले जनाएको छ।सामाजिक सञ्जालमा कम्बोडियामा ओलीको लगानी रहेको भन्दै उनले सार्वजनिक गरेको कागजातमा प्रधानमन्त्री ओलीको नामसहित र नक्कली दस्तखत रहेको थियो। प्रहरीले उक्त ‘फेक डकुमेन्ट’प्रचारप्रसार गर्नेमाथि पनि निगरानी बढाएको छ। यसअघि काठमाडौं जिल्ला अदालतले प्रसाईँलाई विद्युतीय कारोबार ऐनअन्तर्गतको कसूरमा अनुसन्धान गर्नका लागि पक्राउ अनुमति दिएको थियो। लगत्तै पक्राउ परेका प्रसाईंलाई प्रहरीले नियन्त्रण लिएको थियो। साइबर सम्बन्धी कसुरमा असोज…

दाङ, ४ मंसिर । लुम्बिनी प्रदेशका मुख्यमन्त्री चेतनारायण आचार्यले प्रदेशको आर्थिक विकाससँग जोडिएका महत्वपूर्ण आयोजनाहरुमा लगानी भित्र्याउन दातृ निकायहरुसँगको छलफललाइ तीव्रता दिएका छन् । मंगलबार मुख्यमन्त्री तथा मन्त्रीपरिषदको कार्यालय राप्ती उपत्यका देउखुरीमा ब्रिटस एम्बेस्सीका आर्थिक विभाग प्रमुख साम फेलको नेतृत्वमा रहेको टोलीसँग छलफल गर्दै प्रदेशको आर्थिक विकाससँग जोडिएका महत्वपूर्ण आयोजनाहरुमा लगानी गर्न मुख्यमन्त्री आचार्यले आह्वान गरेका छन् । सरकारले लगानीको वातावरण बनाउने भएकाले ढुक्क भएर प्रदेशका योजनाहरुमा साझेदारी गर्न उनले आग्रह गरे । प्रदेश राजधानीलाई हरित र नदी सभ्यतामा आधारित नमूना शहर बनाउन लगानी चाहिएको जानकारी गराउदै सरकारले लगानीको वातावरण बनाउने र त्यसमा ढुक्क भएर काम गर्न उनले आग्रह गरे…

हृदयराम गुप्तामर्चवार, ४ मंसिर । कृषकहरुको अहिले रसायनिक मल वितरण केन्द्र र भण्डारण केन्द्रहरुमा भीड छ । खेतमा मल हाल्नका लागि सबैकाम छाडेर मल प्राप्तीका लागि उनीहरु दौडधुपमा छन् । सरकारले प्रयाप्त मल उपलब्ध गराउन नसकेको दशकौ भयो । केहीले भारतबाट भारतीय प्रहरीको लठ्ठी खाएर र केहीले हारगुहार गरेर लुकिछिपी मल भित्रयाउनुपर्ने बाध्यता छ । समयमा मल हाल्न नपाए अनेक समस्या झेल्नुपर्ने चिन्ताले कृषकहरुलाई सताएको छ । सरकारले उपलब्ध गराएको मल थोरै छ । माग उच्च छ । अनुदानको मल स्थानीय स्तरमा तोकिएको मल वितरण केन्द्रबाट वितरणमा पनि भेदभाव छ । वितरण केन्द्रका संचालक समितिहरुले आफ्नालाई मल वितरण गर्दा लाइनमा…

हृदयराम गुप्तामर्चवार, ४ मंसिर । कोटहीमाई गाउँपालिकाले कृषि विकासका लागि विद्युतीकरणको महत्वाकांक्षी योजना सुरु गरेको छ । यस योजनाले कृषि प्रयोजनका लागि निःशुल्क विद्युत आपूर्ति हुने र पालिकाकाहरु कृषकहरु लाभान्वित हुने बताइएको छ । साथै, कृषको जीवनस्तर समेत उकास्निेमा विश्वास लिइएको छ । योजनाको पहिलो चरणमा वडा नं. १, २ र केही क्षेत्रको वडा नं. ३ मा तारपोल व्यवस्थापनको काम सुरु गरिएको कोटहीमाई गाउँपालिकाका अध्यक्ष बालकृष्ण त्रिपाठीले बताए । निःशुल्क विद्युत उपलब्धताले उत्पादन लागत घट्ने र कृषी उत्पादन क्षमता वृद्धि हुने अपेक्षा गरिएको छ । उनले भने, ‘सिँचाईमा खपत हुने विद्युत गाउँपालिकाबाट निःशुल्क उपलब्ध गराउँदा कृषकहरुको मनोबल उच्च हुनेछ र…

भैरहवा, ४ मंसिर । भैरहवाका उद्योगी–व्यवसायीले यस क्षेत्रको पर्यटन क्षेत्रको प्रवर्द्धनमा ध्यान दिनुपर्नेमा जोड दिएका छन् । उनीहरुले गौतमबुद्ध अन्तर्राष्ट्रिय विमानस्थलबाट अन्तर्राष्ट्रिय उडान पुनः सुरु भएको र यसलाई निरन्तरता दिनुपर्नेमा सबै लाग्नुपर्नेमा जोड दिए । चेम्बर अफ कमर्स, रुपन्देही (उद्योग व्यापार संगठन, रुपन्देही) लेभैरहवामा आयोजना गरेको रुपन्देहीका नवआगन्तुक प्रमुख जिल्ला अधिकारी बासुदेव घिमिरेको स्वागत तथा परिचयात्मक कार्यक्रम उनीहरुले यस्तो बताएका हुन् । कार्यक्रममा उद्योग व्यापार संगठन, रुपन्देहीका अध्यक्ष दर्पण श्रेष्ठले विमानस्थलबाट नियमित रुपमा अन्तर्राष्ट्रिय उडानका लागि विगतमा संगठनले दबाबमूलक कार्यक्रम गरेको बताए । उनले भने, ‘पर्यटन क्षेत्रको विकास र प्रवर्द्धनका लागि अन्तर्राष्ट्रिय उडानलाई निरन्तरता दिनुपर्छ । लामो समयदेखि निर्माण सुरु…

भैरहवा, २ मंसिर । रष्ट्रिय कर सप्ताहको अवसरमा भैरहवामा सेवाग्राहीलाई सम्मान गरिएको छ । आन्तरिक राजस्व कार्यालय भैरहवाले कर सप्ताह अन्र्तगत दोस्रो दिन आइतबार कार्यालयमा सेवा लिन आएको पहिलो सेवाग्राही राजु कौशललाई सम्मान गरेको हो । तिलोत्तमा नगरपालिका वडा नम्बर १७ कोटिहवामा लक्ष्मी साइकल सर्भिस संचालन गर्दै आएका कौशललाई प्रमुख कर अधिकृत प्रेम राज पोखरेलले माला, खादा टीका लगाएर सम्मान गर्दै कर चुक्ता प्रमाणपत्र हस्तान्तरण गरेका थिए । कर सप्ताहको पहिलो दिन शनिवार परेकोले आइतबार कार्यालय आएका पहिलो सेवाग्राहीको रुपमा कौशललाई सम्मानित गरिएको कार्यालयका सूचना अधिकारी एवम कर अधिकृत धनिश्वर अर्यालले बताए । आफु कार्यालयमा कर चुक्ता प्रमाणपत्र लिन आउदा…

भैरहवा,२ मंसिर । ट्राभल व्यवसायीहरुको साझा संस्था नेपाल एशोसियशन अफ टुर एण्ड ट्राभल एजेन्टस् (नाट्टा) लुम्बिनी प्रदेशको अध्यक्षमा चन्द्र बहादुर थापा निर्वाचित भएका छन् ।संस्थाको १५ औँ साधारसभा तथा अधिवेसनबाट थापा सर्वसम्मत रुपमा अध्यक्षमा निर्वाचित भएका हुन् । निर्वाचन समितिका अनुसार प्रदेशको बरिष्ठ उपाध्यक्षमा कुलचन्द्र पान्डे, द्धितीय उपाध्यक्षमा गोबिन्द सिंह, तृतिय उपाध्यक्षमा अन्जन कुमार श्रेष्ठ, महासचिवमा सिता बसेल, सचिवमा अंकित जैसवाल, कोषाध्यक्षमा प्रदीप कुमार पोखरेल र सहकोषाध्यक्षमा बिराट श्रेष्ठ चयन भएका छन् । यस्तै सदस्यहरुमा बरुण ज्ञवाली, जिवनाथ पौडेल, गणेश भट्टराई, टंक काफ्ले, गौरब पाण्डे, भुवन पाण्डे, प्रदीपप्रसाद उदय र मित्र शरण शर्मा चयन भएका निर्वाचन समितिले जनाएको छ ।

काठमाडौं, २ मंसिर। गृहमन्त्री रमेश लेखक र भारतको सशस्त्र सीमा सुरक्षा बल (एसएसबी) का महानिर्देशक अमृतमोहन प्रसादबीच भेटवार्ता भएको छ । सिंहदरबारस्थित गृह मन्त्रालयमा भएको भेटवार्तामा नेपाल–भारत सीमामा सशस्त्र प्रहरी बल नेपाल र एसएसबीले सौहार्दपूर्ण वातावरण गरिरहेको कार्यका विषयमा कुराकानी भएको छ । भेटवार्ताका क्रममा गृहमन्त्री लेखकले सीमा क्षेत्रमा हुने लागूऔषधको अवैध कारोबार र ओसारपसार नियन्त्रण, मानव बेचबिखन नियन्त्रणका साथै सीमा क्षेत्रमा हुने अपराधिक गतिविधी नियन्त्रणमा सहकार्य गर्न जोड दिए । गृहसचिव गोकर्णमणि दुवाडी, सशस्त्र प्रहरी बल नेपालका प्रमुख सशस्त्र प्रहरी महानिरीक्षक राजु अर्याल र एसएसबीका महानिर्देशक अमृत मोहन प्रसाद सहभागी उक्त भेटवार्तामा नेपाल-भारत सीमा क्षेत्रमा आम नागरिकलाई कष्ट नहुने…