Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
भैरहवा,२६ असोज। नेपालबाट यस वर्षको मनसुन बाहिरिएको छ। असोज २० र २२ गते चार प्रदेशका साथै शनिवार बागमती प्रदेश, मधेश प्रदेश र कोशी प्रदेश गरी नेपालका सबै भू-भागबाट यस वर्षको मनसुन बाहिरिएको जल तथा मौसम विज्ञान विभागको मौसम पूर्वानुमान महाशाखाले जनाएको छ। जुन, जुलाई, अगष्ट, सेप्टेम्बर महिनालाई मनसुन अवधि मानिन्छ । नेपालमा सरदर अक्टोबर दुई तारिखमा मनसुन बहिर्गमन हुने भएतापनि यस वर्षको मनसुन १० दिन ढिलो गरि अक्टोबर १२ मा बाहिरिएको महाशाखाले जारी गरेको मनसुन बहिर्गमन बुलेटिन उल्लेख छ। नेपालमा यस वर्ष १२४ दिनसम्म मनसुन रहन पुगेको छ। जलवायु परिवर्तनको असरले नेपालमा मनसुन आगमन र बहिर्गमन सरदर मितिभन्दा ढिलो हुने…
विरगंज, २६असोज। पर्साको बलिरामपुर क्षेत्रको गण्डक नहरमा दुर्गा भगवानको मूर्ति विसर्जन गर्ने क्रममा एक किशोरको मृत्यु भएको छ। मृत्यु हुनेमा पर्साको बहुदरमाई नगरपालिका-४ का १८ वर्षीय अजितकुमार महतो धानुक रहेको प्रहरीले जनाएको छ। जिल्ला प्रहरी कार्यालय पर्साका सूचना अधिकारी एवं प्रहरी नायब उपरीक्षक दीपक भारतीका अनुसार मृतक धानुक भगवान मूर्ति बिसर्जन गर्नका लागि नहरमा पस्दा डुबेर मृत्यु भएको हो। मृतकको शव पोष्टमार्टमका लागि वीरगन्जको नारायणी अस्पतालमा ल्याइएको प्रहरीले जनाएको छ।
हृदयराम गुप्ता मर्चवार, २६ असोज। रुपन्देहीको मर्चवार क्षेत्रमा दुर्गा मूर्ति बिसर्जन हुने स्थललाई व्यवस्थित र सुरक्षित बनाइएको छ । कोटहीमाई गाउँपालिकाले नेपाल प्रहरी र सशस्त्र प्रहरी बलको समन्वयमा मर्चवारको अधिकांश स्थानका मुर्ति बिसर्जन हुने कोटहीमाई-५ दुईमोहानलाई सुरक्षित तरिकाले व्यवस्थापन गरी तयारी पुरा गरेको गाउँपालिका अध्यक्ष बालकृष्ण त्रिपाठीले बताए । मूर्ति बिसर्जन र विभिन्न किसिमको धार्मिक कार्यको लागि जल भर्ने क्रममा यसअघि नदीमा डुबेर मृत्युसँगै हुने विभिन्न घटनाहरुलाई मध्यनजर गरी सुरक्षा व्यवस्थापन मजबुत बनाइएको गाउँपालिका विपद् ब्यवस्थापन समितिका संयोजक समेत रहेका अध्यक्ष त्रिपाठीले बताए । उनले भने ,‘मुर्ति बिसजर्नमा आएका श्रद्धालुहरु कहाँसम्म जान पाउने, कुन क्षेत्रमा प्रवेश गर्न सक्ने, कुन ठाउँमा…
दाङ,२६ असोज। लुम्बिनी प्रदेशका मुख्यमन्त्री चेतनारायण आचार्यले विजयादशमी पर्वले सबैमा नयाँ उत्साह, जोश तथा जाँगर थप्दै ‘समृद्ध लुम्बिनी, आत्मनिर्भर प्रदेश’को साझा सङ्कल्प पुरा गर्न सहयोग पुग्ने विश्वास व्यक्त गरेका छन्। विजयादशमीको शुभकामना व्यक्त गर्दै मुख्यमन्त्री आचार्यले लुम्बिनी प्रदेश सरकारले प्रदेशको समृद्धि, विकास, सुशासनको चाहना पुरा गर्ने अभियानमा आफ्नो भूमिकाहरु अगाडि बढाइरहेको बताए। ‘नागरिकहरुमा आशा, भरोसा र भविष्य प्रतिको विश्वास जगाउन हर प्रयास गरेका छौँ’, शुभकामना सन्देशमा भनिएको छ,‘आफ्नो देशको माटोप्रति प्रेम, नेतृत्वप्रति विश्वास र भविष्यप्रति ढुक्कको वातावरण निर्माण गर्नु सरकारको प्रमुख दायित्व हो । यो दायित्व निभाउन प्रदेश सरकार प्रतिबद्ध छ ।’ यस्तै मुख्यमन्त्री आचार्यले नेपाली मौलिक सांस्कृतिक पर्वहरुले सांस्कृतिक…
काठमाडौं,२४असोज। नेकपा एमालेले कीर्तिपुरको मैत्रीनगरमा केन्द्रीय कार्यालयको भवन निर्माण गर्ने भएको छ । बल्खुको भवन भुकम्पले भत्काएपछि धुम्बाराही, थापाथली हुदैँ च्यासल ललितपुरमा स्थान्तरण हुदैँ आएको पार्टी कार्यालय अब कीर्तिपुरमा १२ रोपनी जग्गामा निर्माण हुने भएको हो । बिहिवार बसेको एमाले सचिवालय बैठकले मैत्रीनगरमा केन्द्रीय कार्यालयको भवन निर्माण गर्ने निर्णय गरेको हो । शुक्रबार पार्टी अध्यक्ष केपी ओलीले भवनको शिलान्यास गर्ने एमालेले जनाएको छ । च्यासलमा रहेको केन्द्रीय कार्यालयमा पटक पटक मनोहराको पानी पसे पछि एमालेले कीर्तिपुरमा पार्टी कार्यालय बनाउन लागेको हो ।
भैरहवा,२४ असोज । लुम्बिनी प्रदेशका मुख्यमन्त्री चेतनारायण आचार्यले दसैं विदाको अवधीमा सरकारी सवारीसाधन प्रयोग नगर्ने भएका छन्। गृह जिल्ला अर्घाखाँची पुगेका उनले दसैं विदाभरी सरकारी सवारीसाधन प्रयोग नगर्ने भएका हुन् । मुख्यमन्त्री आचार्यले निजी सवारीसाधन प्रयोग गरेर जिल्ला तहका भेटघाट थालेको निजी सचिवालयले जनाएको छ । सचिवालयका अनुसार प्रयोगमा रहेको बा १ झ ७८९० नम्बरको गाडी नचढेर उनले बा १६ च ३८४३ नम्बरको निजी सवारीसाधनको प्रयोग गरेका छन् । यस्तै मुख्यमन्त्री आचार्यले सुरक्षामा प्रयोग हुने सरकारी लु १ झ ४९८ नम्बरको गाडी दसैं विदाभरीका लागि फिर्ता समेत गरेका छन् । उनको सुरक्षार्थ प्रयोग हुदै आएको सरकारी गाडी दाङमा फिर्ता पठाइएको…
काठमाडौं,२४ असोज। नेकपा एमालेले सचिवालय बैठक बस्दैँछ ।ललितपुरस्थित केन्द्रिय कार्यालयमा अपरान्ह १२ बजे बैठक बस्नेछ । बैठकमा बडा दशैंको शुभकामना आदानप्रदान तथा देशभरी भएका बाढी पहिरोको घटनामा भएको क्षति संकलन र उद्धारसहितका कार्यमा सरकार र पार्टीले खेलेको भूमिकाबारेमा छलफल हुने जनाईएको छ ।
भारतका प्रसिद्ध उद्योगपति एवं टाटा समूहका पूर्वअध्यक्ष रतन टाटाको बुधबार राति करिब ११ः३० बजे निधन भएको छ । अहिलेसम्म टाटा समूहको सर्वोच्च पदमा टाटा परिवारका सदस्य रहदैँ आएका थिए तर यस्तो अवस्थामा धेरैको मनमा प्रश्न छ कि रतन टाटाको निधन पछि उनको विरासत कसले सम्हाल्छ? अहिले समूहको कमान्ड एन चन्द्रशेखरनसँग छ, उनी टाटा परिवारका होइनन्। १८६८ मा यसको स्थापना पछि १९०४ सम्म यस समूहको संस्थापक जमसेटजी एन टाटाले सुरुको नेतृत्व गरेका थिए । उनी पछि समूहको जिम्मेवारी सर दोराबजी टाटा, जेआरडी टाटा र २०१२ मा रतन टाटाले गरेका थिए । हाल, रतन टाटाका भाइ नोएल नवल टाटाका छोराछोरी लेह, माया…
भैरहवा,२४असोज। नेपाल विद्युत प्राधिकरणले डेडिकेटेड तथा ट्रंकलाइनको बक्यौता बुझाउनका लागि उद्योगहरुलाई अनुरोध गरेको छ । बिहिवार प्राधिकरणले ४९ वटा उद्योगको नाममा सूचना जारी गर्दै कात्तिक ८ गतेभित्र बक्यौता बुझाउन अनुरोध गरेको हो। तोकिएको समय अवधिभित्र महसुल नबुझाएमा कानुन बमोजिम असुल उपर गर्ने विद्युत् प्राधिकरणले जनाएको छ। ‘नेपाल सरकार, मन्त्रिपरिषद्को मिति २०६१-०१-२७ को निर्णय तथा नेपाल विद्युत प्राधिकरण सञ्चालक समितिको मिति २०८१-०४-०७ को ९७९ औं बैठकको निर्णयानुसार डेडिकेटेड फिडर तथा ट्रक लाइन मार्फत विद्युत उपभोग गरे बापत तिर्नुपर्ने २०७२ माघदेखि २०७५ वैशाख सम्मको बक्यौता विद्युत महसुल बुझाउनका लागि वितरण केन्द्रहरूबाट विभिन्न मितिमा पत्राचार भएकै छ’ सूचनामा भनिएको छ, ‘सो सम्बन्धमा तपसिलका…
गोरखा,२४असोज। गोरखामा एक महिलाको हत्या गरिएको छ । पालुङ्टार नगरपालिका-७ पुर्ने पिपलस्थित घरमा अज्ञात व्यक्तिले खुकुरी प्रहार गरी २८ वर्षीया रश्मि कुमालको हत्या गरिएको प्रहरीले जनाएको छ। प्रहरीका अनुसार घटनापश्चात उपचारका लागि लक्ष्मी सामुदायिक अस्पतला हुँदै दमौली अस्पताल लैजादा चिक्तिसकले मृत घोषणा गरेको हो। घटनामा मृतककै आफन्त संग्लन रहेको प्रराम्भिक अनुसन्धानमा पाइएको र थप अनुसन्धान भइरहेको जिल्ला प्रहरी कार्यालय गोरखाले जनाएको छ।