Author: क्लिक लुम्बिनी

भैरहवा,१२ जेठ। जल तथा मौसम विज्ञान विभागले बिहीवार (आज) दिउँसो रुपन्देहीसहितका केही जिल्लामा तीव्र गतिको हावाहुरी चल्ने भएकोले सतर्कता अपनाउन आग्रह गरेको छ। विभागले आज सूचना जारी गर्दै हावाहुरीले छाना उडाउने, रुख र पोल ढल्ने जोखिम हुने भएकाले सतर्क रहन विभागले आग्रह गरेको हो । विभागका अनुसार, यी हुन् हावाहुरीबाट प्रभावित हुने जिल्लाहरु : लुम्बिनी प्रदेश : रुपन्देही सहित आसपासका जिल्ला बागमती प्रदेश : मकवानपुर र चितवन सहित आसपासका जिल्ला गण्डकी प्रदेश : नवलपुर र तनहुँ सहित आसपासका जिल्ला कोशी प्रदेश : झापा र मोरङ सहित आसपासका जिल्ला मधेश प्रदेश : बारा, पर्सा, सर्लाही र धनुषा सहित आसपासका जिल्ला ।

काठमाडौं,९ जेठ। नेपाल प्रहरीले गत वैशाख महिनामा लागूऔषध कारोबार तथा ओसारपसारमा संलग्न आरोपमा देशभरबाट १ हजार ५६ जनालाई पक्राउ गरेको छ। नेपाल प्रहरीको केन्द्रीय समाचार कक्ष अनुसार, पक्राउ पर्नेमा काठमाडौं उपत्यकाबाट १ सय ७१ जना, कोशी प्रदेशबाट २ सय ६ जना, मधेश प्रदेशबाट ७० जना, बागमती प्रदेशबाट १ सय ५४ जना, गण्डकी प्रदेशबाट ५६ जना, लुम्बिनी प्रदेशबाट १ सय ६९ जना, कर्णाली प्रदेशबाट २१ जना, सुदूरपश्चिम प्रदेशबाट १ सय ६७ जना तथा लागूऔषध नियन्त्रण ब्यूरोबाट ४२ जना रहेका छन् । उक्त अवधिमा प्रहरीले गाँजा, चरेस, हेरोइन, अफिम, कोकिन, पोलेन लगायत विभिन्न प्रकारका अवैध लागूऔषधसमेत बरामद गरेको जनाएको छ। प्रहरीका अनुसार,…

काठमाडौं,९ जेठ। मानव बेचबिखन तथा ओसारपसारमा संलग्न अरोपमा प्रहरीले २ जना भारतीय नागरिकलाई पक्राउ गरेको छ। पक्राउ पर्नेमा भारतको राजस्थान प्रदेशका २४ वर्षीय छोटुलाल जांगिड र सोही प्रदेशका २१ वर्षीय देन्वेन्द्रकुमार हरिजन रहेको प्रहरीले जनाएको छ। नेपाल प्रहरीका प्रवक्ता एवं प्रहरी नायब महानिरीक्षक अविनारायण काफ्लेका अनुसार, ललितपुर महानगपालिका–१४ खुमलटारको एक बालिकालाई फकाएर दिल्ली जाने बसको टिकट काट्दै गरेको अवस्थामा पीडित बालिकाको उद्धार गरी उनीहरुलाई पक्राउ गरिएको हो । घटनाका सम्बन्धमा थप अनुसन्धान भइरहेको प्रहरीले जनाएको छ।

लुम्बिनी,९ जेठ। बेलायतकी इन्डो–प्यासिफिक तथा इक्वालिटिज् उपमन्त्री सीमा मल्होत्राले लुम्बिनी सम्पूर्ण मानवजातिका लागि प्रेरणा, शान्ति र सद्भावको केन्द्र भएको बताएकी छन् । लुम्बिनी भ्रमणका क्रममा उनले बेलायत सरकार, युनेस्को र दुर्हाम विश्वविद्यालयको सहयोगमा लुम्बिनी तथा कपिलवस्तु क्षेत्रमा गरिएको उत्खननबाट महत्वपूर्ण ऐतिहासिक तथा पुरातात्त्विक तथ्य उजागर भएको उल्लेख गर्दै यस्ता सम्पदाको संरक्षण सबैको साझा दायित्व भएको बताइन्। लुम्बिनी भ्रमणपछि उपमन्त्री मल्होत्राले प्राचीन कपिलवस्तु तिलौराकोटस्थित राजा शुद्धोधनको राजप्रासाद तथा राजकुमार सिद्धार्थले २९ वर्ष बिताएको ऐतिहासिक स्थलको अवलोकन गरेकी थिइन् । लुम्बिनी र कपिलवस्तुमा भएको वैज्ञानिक अध्ययन, अनुसन्धानबारेमा उनलाई त्यहाँ जानकारी गराइएको थियो। त्यस्तै शनिबार लुम्बिनी प्रदेशका मुख्यमन्त्री चेतनारायण आचार्य र उपमन्त्री मल्होत्राबीच…

भैरहवा, जेठ ९ । भैरहवामा भएको ‘पञ्चकन्या रुपन्देही सुपरलिग’को उपाधि वेष्टर्न क्रिकेट क्लब, बुटवलले उचालेको छ। शनिबार सिद्धार्थ क्रिकेट रंगशालामा भएको फाइनल खेलमा लुम्बिनी खुकुरी क्लब, भैरहवालाई ४५ रनले पराजित गर्दै वेष्टर्नले उपाधि उचालेको हो । उपाधीसँगै वेष्टर्नले १ लाख १ रुपैयाँ र उपविजेतामा लुम्बिनी खुकुरीले ५० हजार १ रुपैयाँ प्राप्त गर्याे । टस जितेर ब्याटिङमा रोजेको वेष्टर्नले निर्धारित ५० ओभरमा ४८ ओभर २ बलमा सबै विकेट गुमाउँदै १ सय ८२ रन बनाउन सफल भयो। जसका लागि देव खनालले ३०, दीपेश रोक्काले २७, सन्देश थापाले २६, सुमित नेवारले २०, रन्जित खत्रीले १९, प्रज्जवल थापाले १४, कलम अली मुसलमानले १३, अभिशेष…

दाङ, ७ जेठ। लुम्बिनी प्रदेश सरकारले आगामी आर्थिक वर्ष २०८३/०८४ को बजेट उत्पादन, रोजगारी, पूर्वाधार विकास, सुशासन र सामाजिक न्यायमा केन्द्रित हुने जनाएको छ। लुम्बिनी प्रदेश सभामा विनियोजन विधेयक २०८३ का सिद्धान्त र प्राथमिकता प्रस्तुत गर्दै आर्थिक मामिला तथा योजनामन्त्री धनेन्द्र कार्कीले कृषि, उद्योग, पर्यटन, ऊर्जा र पूर्वाधारमार्फत अर्थतन्त्र चलायमान बनाइने बताए। उनले युवा लक्षित सीप विकास, स्वरोजगार तथा स्टार्टअप कार्यक्रममार्फत प्रदेशभित्रै रोजगारी सिर्जना गरिने जानकारी दिए। सरकारले डिजिटल शासन प्रणाली विस्तार, चालु खर्च नियन्त्रण, अधुरा आयोजनालाई प्राथमिकता तथा स्वास्थ्य, शिक्षा, पर्यटन र सामाजिक सशक्तीकरणका कार्यक्रमलाई बजेटमा समेट्ने जनाएको छ। बुद्ध जन्मस्थल लुम्बिनीलाई आरोग्य तथा धार्मिक पर्यटन केन्द्रका रुपमा विकास…

भैरहवा, ७ जेठ। रुपन्देहीको सिद्धार्थनगर नगरपालिकाले आगामी आर्थिक वर्ष २०८३/०८४ को नीति, बजेट तथा कार्यक्रम तर्जुमाका लागि सरोकारवालासँग सुझाव माग गरेको छ। नगरपालिकाले बिहीवार सूचना जारी गर्दै स्थानीय अर्थतन्त्रलाई चलायमान बनाउने, आर्थिक, सामाजिक, सांस्कृतिक, पर्यावरणीय, पूर्वाधार विकास लगायत सम्बन्धित विषयमा आगामी जेठ १४ गतेभित्र सुझाव उपलब्ध गराउन आग्रह गरेको हो। हेर्नुहोस् सूचना :

भैरहवा,७ जेठ । रुपन्देहीको बेलहिया–सुनौली नाकामा निर्माणाधीन आईसीपी (एकीकृत चेक पोस्ट) सम्म रेल–वे कनेक्टिभिटी विस्तारमा पहल गर्न प्रतिनिधि सभा सदस्य पुनमकुमारी अग्रवालले सरकारसँग माग गरेकी छन् । बिहीबारको प्रतिनिधि सभा बैठकमा विशेष समय लिएर बोल्दै राष्ट्रिय स्वतन्त्र पार्टी (रास्वपा) सांसद अग्रवालले रेल–वे कनेक्सन हुँदा व्यापार सहजीकरण हुनुका साथै ढुवानी लागत समेत घट्ने जनाइन् । ‘नाकामा निर्धाणाधीन आईसीपी सम्पन्न पछि नेपाल–भारत व्यापार, आवतजावत सहज र भन्सार व्यवस्थापन आधुनिक हुने अपेक्षा गरिएको छ । तर, आईसीपीसम्म रेल–वे कनेक्टिभिटीको पहल हुन सकेको छैन । बेलहियासम्म रेल–वे कनेक्टिभिटीले मालसामान ढुवानी सहज, छिटो र कम खर्चिलो बनाउनेछ भने नेपालका उद्योग, व्यवसाय तथा पर्यटन क्षेत्रलाई पनि…

भैरहवा, ७ जेठ । जल तथा मौसम विज्ञान विभागले लुम्बिनी प्रदेशमा यस वर्षको मनसुन अवधिमा सरदरभन्दा कम वर्षा र तापक्रम बढ्ने सम्भावना धेरै रहेको जनाएको छ । लुम्बिनी प्रदेशका साथै देशभर यस मनसुनको अवधिमा कम वर्षा भइ लामो समयसम्म खडेरी लाग्दा एक्कासी वर्षा भएर बाढी पहिरो आउने जोखिम पनि कायमै रहेको विभागकी प्रवक्ता एवं मौसमविद् विभूति पोखरेलले बताइन् । उनका अनुसार, मौसम पूर्वानुमानलाई थप प्रविधियुक्त बनाइएकाले बढि प्रभावकारी हुँदै गएकोले यस वर्षको मनसुनमा सरदरभन्दा कम वर्षा हुने र सरदरभन्दा बढी तापक्रम हुने प्रक्षेपण गरिएको छ। यस वर्षको मनसुनमा कर्णाली प्रदेशका दक्षिणी भू-भाग, लुम्बिनी प्रदेशका अधिकांश भू-भाग, मधेस प्रदेशका पूर्वी भू-भाग…

भारत । भारतको सर्वोच्च अदालतका प्रधानन्यायाधीश सूर्य कान्तले एक मुद्दाको सुनुवाइका क्रममा गरेको विवादास्पद टिप्पणीका कारण त्यहाँ ‘कक्रोच जनता पार्टी’ ट्रेडिङमा छ। प्रधानन्यायाधीशले देशका बेरोजगार युवाको तुलना कथित रुपमा ‘कक्रोच’ सँग गरेको भन्दै विरोधमा त्यहाँ ‘कक्रोच जनता पार्टी’ गठन गरिएको छ। शुक्रबार, प्रधानन्यायाधीश सूर्य कान्तले खुला अदालतमा सुनुवाइका क्रममा ‘परजीवीहरू’ ले प्रणालीमाथि आक्रमण गरिरहेको बताएका थिए र युवाहरूलाई ‘रोजगारी नपाउने र कुनै पेसामा स्थान नभएका’ कक्रोचसँग तुलना गरेका छन्। उनले भनेका छन्, ‘केही युवाहरू कक्रोच जस्तै छन्, जसले न त रोजगारी पाउँछन् न त कुनै पेसामा नै स्थान पाउँछन्। उनीहरूमध्ये कोही मिडियाकर्मी, कोही सामाजिक सञ्जाल प्रयोगकर्ता, कोही सूचनाको हक सम्बन्धी…