Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
पोखरा,८ चैत। अख्तियार दुरुपयोग अनुसन्धान आयोगले पोखरा अन्तर्राष्ट्रिय विमानस्थल निर्माणको क्रममा भ्रष्टाचार गरेको आरोपमा २१ जनासविरुद्ध भ्रष्टाचार मुद्दा दायर गरेको छ । आयोगले आईतबार संस्कृति, पर्यटन तथा नागरिक उड्डयन मन्त्रालयका पूर्वसचिव र नेपाल नागरिक उड्डयन प्राधिकरण (क्यान)का तत्कालीन तीनजना महानिर्देशकहरुसहित २१ जनाविरुद्ध ४६ करोड १५ लाख भ्रष्टाचार गरेको आरोपमा विशेष अदालतमा मुद्दा दायर गरेको हो। पोखरा विमानस्थल निर्माणमा भएको भ्रष्टाचारसम्बन्धीको यो दोस्रो मुद्दा हो। यसअघि आठ अर्ब ३७ करोड भ्रष्टाचारको आरोपमा अख्तियारले गत मंसिर २१ मा तत्कालीन पाँच मन्त्री, १० पूर्वसचिवसहित ५५ जनाविरुद्ध विशेष अदालतमा मुद्दा दायर गरेको थियो। उक्त मुद्दा अदालतमा विचारधीन रहेकै अवस्थामा अख्तियारले दोस्रो मुद्दा पनि दायर…
भैरहवा, ८ चैत। दीर्घकालीन फोहोरमैला व्यवस्थापनका लागि रुपन्देहीको सिद्धार्थनगर नगरपालिकाले वर्गीकरण गरिएको फोहोरमैला संकलन गर्ने जनाएको छ । सिद्धार्थनगर नगरपालिकाका प्रमुख प्रशासकीय अधिकृत जनक थापाले आगामी चैत १८ गतेदेखि फोहोर वर्गीकरण नगर्ने जुनसुकै निकायको फोहोर पालिकाले नउठाउने नगर कार्यपालिकाले निर्णय गरेको बताए। नगरपालिकाले कुहिने जैविक फोहोर घरेलु फोहोरमैला (खाना पकाउँदा बाँकी रहेका अवशेष, भात, दाल, तरकारी तथा फलफूलका बोक्रा, सागसब्जी, पातिङ्गर, घाँस, चिया तथा कफीका अवशेष आदि कुहिने फोहोर) जस्ता सडिगली जाने प्रकृतिका घरायसी वस्तुहरु, नकुहिने (अजैविक) फोहोरमैलामा प्लाष्टिक, पोलिथिन, रबर, कपडा, जुत्ता, ब्याट्री, विद्युतीय सामानहरुका अवशेष जस्ता सडिगली नजाने प्रकृतिका फोहोरहरु तथा नकुहिने (अजैविक) फोहोरमैला अन्र्तगत सिसा, काँच, धातु,…
काठमाडौं,८ चैत। गृहमन्त्री ओमप्रकाश अर्याल र नेपाली सेनाका प्रधानसेनापति अशोक राज सिग्देलबीच भेटवार्ता भएको छ। आइतबार बिहान प्रधानसेनापति सिग्देल अर्याललाई भेट्न गृह मन्त्रालय पुगेका थिए। भेटवार्ताबारे दुवै पक्षले आधिकारिक जानकारी गराएको छैन। प्रधानसेनापति सिग्देलले जेनजी आन्दोलनका घटनाबारे तयार पारिएको प्रतिवेदनबारे चासो राखेका छन्। गत भदौ २३ र २४ गते जेनजी आन्दोलनका क्रममा भएका घटनाको विस्तृत प्रतिवेदन गौरीबहादुर कार्की संयोजकत्वको समितिले प्रधानमन्त्रीलाई बुझाएको थियो। उक्त प्रतिवेदन सरकारले सार्वजनिक गरेको छैन। सरकारले प्रतिवेदनमाथि अध्ययन भइरहेको बताएको छ। जेनजी आन्दोलनका क्रममा देशभर सरकारी संरचनामा आगजनी र क्षति पुगेपछि सर्वसाधारणले सेनाको भूमिकामाथि आलोचना गर्दै आएका छन्।
पोखरा, ८ चैत। जुवातास खेलिरहेको अवस्थामा प्रहरीले ११ जनालाई पक्राउ गरेको छ । वडा प्रहरी कार्यालय बैदामबाट खटिएको प्रहरी टोलीले पोखरा महानगरपालिका-१७ मा जुवातास खेलिरहेको अवस्थामा ११ जनालाई पक्राउ गरेको जिल्ला प्रहरी कार्यालय कास्कीले जनाएको छ । प्रहरीका अनुसार, पक्राउ परेका आरोपीहरुको साथबाट नगद ३ लाख ४६ हजार ९ सय ६५ रुपैयाँ र १० बुक तास बरामद भएको छ । घटनाका सम्बन्धमा आवश्यक अनुसन्धान भइरहेको प्रहरीले जनाएको छ।
काठमाडौं,८ चैत। नेपाली कांग्रेसले आन्तरिक विवादका कारण प्रतिनिधिसभा निर्वाचनमा अपेक्षित नतिजा प्राप्त नभएको प्रारम्भिक निष्कर्ष निकालेको छ। पार्टी कार्यालय सानेपामा जारी केन्द्रीय कार्यसमिति बैठककाबीच सञ्चारकर्मीसँग कुराकानी गर्दै पार्टीका प्रवक्ता देवराज चालिसेले पार्टीले पराजय भोगेको अधिकांश क्षेत्रको मतान्तरलाई हेर्दा पार्टीको आन्तरिक कारणले नै अपेक्षित मत नआएको प्रारम्भीक निष्कर्ष रहेको बताए। त्यसका अतिरिक्त निर्वाचन क्याम्पेनिङमा भएका त्रुटि समेत देखिएकाले बैठकमा विस्तृत रुपमा छलफल भइरहेको उनले बताए। कतिपय क्षेत्रहरुमा संगठनात्मक कमजोरी मात्रै नभइ पार्टीप्रति जनताको विश्वासमै पनि प्रश्न उठेको आभाष बैठकले गरेको उनले उल्लेख गरे । पार्टीको क्रियाशिल सदस्यको संख्या बढ्दै जाँदा मत भने घट्दै गएकाले निर्वाचनको परिणामलाई गहिरो र तथ्यमा आधारित भएर…
काठमाडौं,३ चैत। वाणिज्य, आपूर्ति तथा उपभोक्ता संरक्षण विभागले एलपी ग्यासमा भइरहेको कालोबजारी र कृत्रिम अभावबारे जानकारी दिन सर्वसाधारणलाई निःशुल्क हटलाइन ११३७ मा सम्पर्क गर्न आग्रह गरेको छ। पछिल्ला दिनमा ग्यास लुकाएर अभाव सिर्जना गर्ने र चर्को मूल्यमा बिक्री गर्ने गुनासो बढेपछि विभागले यस्तो आग्रह गरेको हो। उपभोक्ताले सहज रुपमा सूचना दिन सकून् भनेर देशभरबाट निःशुल्क फोन गर्ने व्यवस्था गरिएको विभागले जनाएको छ। नेपाल आयल निगमले आधा सिलिण्डर वितरणको व्यवस्था गरे पनि बजारमा अभाव कायमै रहेको छ। यस्तो अवस्थामा गैरकानुनी कारोबार गर्नेहरुमाथि कडा कारबाही गरिने विभागले चेतावनी दिएको छ। विभागले अनुगमनलाई तीव्र बनाउँदै उपभोक्ता संरक्षण ऐन, २०७५ अनुसार कारबाही गरिरहेको जनाएको…
काठमाडौं,३ चैत। मध्यपूर्व र पश्चिम एसियामा बढ्दो युद्धको प्रभाव देखाउँदै इन्धनमा गरिएको भारी मूल्यवृद्धिप्रति नेपाल निर्माण व्यवसायी महासंघले आपत्ति जनाएको छ। महासंघले जारी गरेको विज्ञप्तिमा निर्माणको मुख्य सिजनमै डिजेल, पेट्रोल, मट्टितेललगायतमा भएको मूल्यवृद्धिले निर्माण व्यवसायीहरुलाई ठूलो आर्थिक भार परेको र यसले सरकारी पूर्वाधार खर्चसमेत बढाउने जनाएको छ। महासचिव रोशन दाहालले सीमित आयातकर्ताहरुले कार्टेलिङ गरी बिटुमिनमा कृत्रिम अभाव सिर्जना गरी निर्माण व्यवसायीहरुलाई ठूलो आर्थिक समस्यामा पारेको महासंघको दाबी छ। बिटुमिनको अभाव र मूल्य प्रतिलिटर ४० रुपैयाँसम्म बढ्दा कालोपत्रे काम प्रभावित भएको महासंघको भनाइ छ। साथै भारतले बिटुमिन निर्यात रोकेपछि समस्या झन् बढेको उल्लेख गरिएको छ। फलामे डन्डी र सिमेन्टमा समेत मूल्यवृद्धि…
विराटनगर,३ चैत। सिटिजन्स बैंक इन्टरनेशनलमा करिब पाँच करोड रुपैयाँ हिनामिना भएको भन्दै प्रहरी कार्यालयमा जाहेरी परेको छ। बैंकको आन्तरिक छानबिनका क्रममा विराटनगरस्थित कञ्चनबारी शाखामा नक्कली ऋणी खडा गरेर चार करोड ९१ लाख रुपैयाँभन्दा बढी रकम हिनामिना भएको पाइएपछि बैंक प्रशासनले जिल्ला प्रहरी कार्यालय मोरङमा जाहेरी दिएको हो । रकम हिनामिनामा बैंकका कर्मचारीहरुकै प्रत्यक्ष संलग्नता देखिएको छ । बैंकका सूचना अधिकारी नारायणराज अधिकारीका अनुसार, नियमित रुपमा गरिने आकस्मिक लेखापरीक्षणका क्रममा ऋण लगानीमा शंकास्पद विवरणहरु भेटिएका थिए । केही कर्मचारीको मिलेमतोमा नक्कली ऋणीका नाममा ऋण प्रवाह गरिएको प्रारम्भिक अनुसन्धानबाट खुलेको छ। ‘नक्कली ऋणी खडा गरेको देखिएपछि हामीले सूक्ष्म अध्ययन गर्यौं,’ उनले भने,…
काठमाडौं,३ चैत। काठमाडौंको त्रिभुवन अन्तर्राष्ट्रिय विमानस्थलमा लागुऔषध गाँजासहित दुई जना भारतीय नागरिकहरु पक्राउ परेका छन् । पक्राउ पर्नेहरुमा ४२ वर्षीय अब्दुल खालिक अब्दुल हानन्न सिद्धिकी र ४० वर्षीय रिजवान मोद युसफ रहेका छन् । त्रिभवुन अन्तर्राष्ट्रिय विमानस्थल सुरक्षा कार्यालय र लागुऔषध नियन्त्रण ब्यूरोबाट खटिएको प्रहरीले नेपाल एयरलाइन्सको उडानद्वारा बैंककबाट काठमाडौं आएका उनीहरुलाई जाँच गर्दा अब्दुलको साथबाट २ किलो १ सय ग्राम र रिजवानको साथबाट १ किलो ६० ग्राम उक्त गाँजा बरामद भएको प्रहरीले जनाएको छ। उनीहरुलाई आवश्यक अनुसन्धान तथा कारवाहीको लागि लागूऔषध नियन्त्रण ब्यूरो पठाइएको प्रहरीले जनाएको छ ।
काठमाडौँ,३ चैत। तत्कालीन राष्ट्रपति विद्यादेवी भण्डारीले २०७९ सालको स्थानीय तह निर्वाचनमा खर्च विवरण नबुझाएका उम्मेदवारहरुको जरिवाना छुट दिने निर्णयविरुद्ध परेको रिट सर्वोच्च अदालतले खारेज गरेको छ। करिब तीन वर्षपछि न्यायाधीशद्वय मनोजकुमार शर्मा र मेघराज पोखरेलको संयुक्त इजलासले उक्त रिट खारेज गर्ने फैसला सुनाएको हो। भण्डारीको निर्णयविरुद्ध अधिवक्ता सविन पोखरेलले २०७९ फागुन १० गते सर्वोच्च अदालतमा रिट दायर गरेका थिए। त्यसअघि निर्वाचन आयोगले स्थानीय तह निर्वाचनमा खर्च विवरण नबुझाउने उम्मेदवारलाई कानुनअनुसार जरिवाना गर्ने निर्णय गरेको थियो। आयोगले निर्वाचन खर्च विवरण नबुझाएका १ लाख २३ हजार ६२४ जना उमेदवारबाट जरिवाना असुल गर्ने निर्णय भएको थियो । देशैभरिका ती उमेदवारको कुल जरिवाना रकम…