Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
भैरहवा, ३ बैशाख । रुपन्देही जिल्ला अदालतबाट विभिन्न मुद्दामा सजाए पाएका ५ जना फरार प्रतिवादीलाई रुपन्देही प्रहरीले पक्राउ गरेको छ । जिल्ला प्रहरी कार्यालय रुपन्देही तथा मातहत कार्यालयबाट खटिएको संयुक्त प्रहरी टोलीले उनीहरुलाई विभिन्न स्थानबाट पक्राउ गरेको जिल्ला प्रहरी कार्यालय रुपन्देहीका डीएसपी एवं सूचना अधिकारी कृष्णकुमार चन्दले बताए । उनका अनुसार पक्राउ पर्नेमा चेक अनादर मुद्दामा बुटवल उप–महानगरपालिका–११, देविनगरको सिता खत्री र चेक अनादर मुद्दामै सिद्धार्थनगर नगरपालिका–८ फहिम लारी रहेका छन्। क्षेत्रीलाई १५ दिन कैद र तीन हजार जरिवाना तथा लारीलाई १५ दिन कैद र एक हजार पाँच सय जरिवाना सजाएको फैसला भएको थियो । यस्तै, सवारी ज्यान मुद्दामा सैनामैना…
काठमाडौं,३ वैशाख। नेपाल आयल निगमले पेट्रोलियम पदार्थको मूल्य बढाएको छ । पछिल्लो समय पेट्रोलियम पदार्थमा भारी मूल्य हुँदै आएको छ । पेट्रोलियम पदार्थमा मूल्य बढ्दै जाँदा आमसर्वसाधरणको भान्सासमेत महँगिदैँ गएको छ । निगमका अनुसार, डिजेल र मट्टीतेल प्रतिलिटर ३० रुपैयाँले वृद्धि भएको छ । पेट्रोलको मूल्य भने यथावत राखिएको छ । त्यस्तै, आन्तरिकतर्फको हवाई मूल्य पनि प्रतिलिटर ५ रुपैयाँले वृद्धि गरिएको छ।
काठमाडौँ,३०चैत। श्रम संस्कृति पार्टीका अध्यक्ष तथा प्रतिनिधि सभा सदस्य हर्क साम्पाङले प्रधानमन्त्री तथा मन्त्रीहरुको सम्पत्तिको स्रोत माग गरेका छन्। उनले सामाजिक सञ्जालमा लेख्दै स्रोत विनाको सम्पत्ति घुमाइफिराइ भ्रष्टाचार भन्ने बुझिने बताएका छन्। उनले लेखेका छन्, ‘सरकारमा रहेका सबैको सम्पत्ति यति उति भन्ने आयो । अब त्यस्को स्रोत पनि खुलाइदिए राम्रो । स्रोत बिनाको सम्पत्ति त फेरि घुमाइफिराइ भ्रष्टाचार गरेको भन्ने नै बुझिन्छ। स्रोत प्रष्ट्याइदिनु पर्छ ।’
काठमाडौं,३० चैत।प्रतिनिधिसभा सदस्यहरुले सम्पत्ति विवरण सरकारलाई बुझाउन थालेका छन् । संघीय संसद सचिवालयका अनुसार, १० जना बढी सांसद्को सम्पत्ति विवरण प्राप्त भएको छ। सचिवालयको सांसद सुविधा शाखाले सूचना जारी गर्दै आगामी जेठ १० गतेसम्म आफ्नो सम्पत्ति विवरण बुझाउनका लागि आग्रह गरिसकेको छ। । भ्रष्टाचार निवारण ऐन २०५९ को दफा ५० को उपदफा (१) र अख्तियार दुरुपयोग अनुसन्धान आयोग ऐन २०४८ को दफा ३१ क को उपदफा (१) मा सार्वजनिक पद धारण गरेको व्यक्तिले सम्पत्ति विवरण बुझाउनुपर्ने व्यवस्था छ।
काठमाडौं,३० चैत। प्रतिनिधिसभाका सभामुख डोलप्रसाद (डिपी) अर्याल र पूर्वसभामुखद्वय देवराज घिमिरे र अग्निप्रसाद सापकोटाबीच सिंहदरबारमा भेटवार्ता भएको छ। सभामुखमा अर्याल निर्वाचित भएपछि उनीहरुबीच पहिलो औपचारिक भेटवार्ता भएको हो। भेटमा नेपालको संसदीय अभ्यास,विगतका अनुभवहरुको आदान–प्रदान,संघीय संसदको प्रभावकारी सञ्चालन,विधायन प्रक्रियाको सुदृढीकरणका विषयमा छलफल भएको सभामुखको सचिवालयले जनाएको छ। यसअघि चैत्र २६ गते सभामुख अर्याल र राष्ट्रिय सभा अध्यक्ष नारायण प्रसाद दाहालबीच भेटवार्ता भएको थियो।
काठमाडौं,३० चैत। नेपाली कांग्रेसका नेता पूर्णबहादुर खड्काले पार्टीको महाधिवेशनले वैधानिक रुपमा व्यवस्था नगरेसम्म कुनै पनि आम सदस्यको क्रियाशील सदस्यता खारेज गर्न नसकिने बताएका छन्। कार्यवाहक सभापतिको हैसियतमा सोमबार विज्ञप्ति जारी गर्दै उनले पार्टीभित्रको विवाद सर्वोच्च अदालतमा विचाराधीन रहेकै अवस्थामा एक पक्षले महाधिवेशन घोषणा गर्नु बदनियतपूर्ण भएको टिप्पणी गरे । उनका अनुसार, कांग्रेसको क्रियाशील सदस्यता केवल सदस्यता मात्र नभई व्यक्तिको पार्टीसँगको आबद्धता, योगदान र निरन्तरताको प्रमाण हो। उनले १५औँ महाधिवेशनको कार्यतालिकाअन्तर्गत नवीकरण तथा वितरण गरिएका सदस्यता खारेज गरेर पुनः अद्यावधिक गर्ने कुरा अवैधानिक र पूर्वाग्रही भएको बताएका छन्। यता, महामन्त्री प्रदीप पौडेलले भने सदस्यता खारेज गर्न लागिएको भन्ने विषयको खण्डन गरेका…
काठमाडौं,३०चैत। बैंकहरुले बैशाख महिनाका लागि ब्याजदर घटाएका छन्। सार्वजनिक विवरण अनुसार, बैंकहरुले २०८३ को वैशाख महिनामा मुद्दती निक्षेपमा औसत व्यक्तिगततर्फ ४.४१ प्रतिशत र संस्थागततर्फ औसत ३.२३ प्रतिशत ब्याज दिने भएका छन् । चैतमा औसत ब्याजदर व्यक्तिगततर्फ ४.४९ प्रतिशत थियो भने संस्थागततर्फ औसत ३.२९ प्रतिशत ब्याजदर थियो। बैशाखका लागि १२ वटा बैंकले ब्याजदर स्थिर राखेका छन् भने ७ वटा बैंकले घटाएका छन्। कृषि विकास बैंकले भने ब्याजदर बढाएको छ । सो बैंकले वैशाखमा व्यक्तिगततर्फ ४.१५ प्रतिशत ब्याज दिने जनाएको छ। ब्याजदर घटाउने बैंकहरुमध्ये एभरेष्ट बैंकले वैशाखमा व्यक्तिगततर्फ ४.०५ प्रतिशत, कुमारी बैंकले ४.०५ प्रतिशत, सिटिजन्स बैंकले ४.१२ प्रतिशत, स्ट्याण्डर्ड चार्टर्ड बैंकले ४.१०…
काठमाडौं,३० चैत। आइतबार प्रधानमन्त्री र मन्त्रीहरुको सम्पत्ति विवरण सार्वजनिक भएपछि सामाजिक संजालमा बहस-चर्चा जारी छ। मन्त्रिपरिषद्का सदस्यहरुमध्य धनाढ्य देखिएका गृहमन्त्री सुधन गुरुङको सम्पत्तिको विषयमा पनि सामाजिक संजालमा टीकाटिप्पणी भएपछि सोही विषयमा उनले सामाजिक संजालमार्फत जवाफ दिएका छन् । गृहमन्त्री गुरुङले सरकारलाई बुझाएको सम्पत्ति विवरण अनुसार, उनीसँग ८९ तोला सुन र ६ किलो चाँदी, तीन वटा बैंकमा ६२ लाख रुपैयाँ, विभिन्न कम्पनीमा ४ करोड ३० लाख बराबरको सेयर लगानी रहेको जनाएका छन्। त्यस्तै गोरखामा हजुरबाको नाममा रहेको पैतृक २२१ रोपनी, बुवाको नाममा चितवनको भरतपुरमा ३० कठ्ठा र आफ्नै नाममा धनकुटामा १९ रोपनी १५ आना जग्गा रहेको विवरणमा उल्लेख गरेका छन् ।…
बुटवल। लायन्स क्लब इन्टरनेशनल डिष्ट्रिक ३२५ पिको गभर्नरमा सन्दिप कसौधन निर्वाचित भएका छन्। बुटवलमा सम्पन्न निर्वाचनबाट आगामी बर्ष २०२६/०२७ को लागि कसौधन गर्भनरमा सर्वसम्मत निर्वाचित भएका हुन्। त्यस्तै फस्ट भिडिजिमा मिना पन्थी, सेकेन्ड भिडिजिमा अर्चित श्रेष्ठ निर्वाचित भएका छन् भने डिष्ट्रिक सचिवमा आशिषकृष्ण श्रेष्ठ, डिष्ट्रिक कोषाधक्षमा सुरेन्द्र घिमिरेलाई चयन गरिएको छ। लायन्स क्लब इन्टरनेशनल डिष्ट्रिक ३२५ पि को चौथो अधिवेशनबाट निर्वाचित कसौधनले सम्पूर्ण लायनहरुलाई एकजुट भई मानवीय सेवामा निस्वार्थ रुपमा समर्पित रहन तथा लक्ष्य प्राप्तिका लागि अबिचलित रुपमा लाग्न आग्रह गरे। समाज परिवर्तन नभई मुलुक नबदलिने भन्दै उनले अहिलेको समयमा असल नेतृत्वको अभाव महसुस भएको सुनाए। नेपालको अब हरेक टोल…
उदयपुर,२९ चैत । उदयपुर प्रहरीले भरुवा बन्दुकसहित २ जनालाई पक्राउ गरेको छ । पक्राउ पर्नेहरुमा वेलका नगरपालिका–६ वाबुङलाका ४६ वर्षीय मान बहादुर राई र ४५ वर्षीय राम बहादुर तामाङ रहेको प्रहरीले जनाएको छ । नेपाल प्रहरीको केन्द्रीय समाचार कक्ष अनुसार, इलाका प्रहरी कार्यालय रामपुर ठोक्सिलाबाट खटिएको टोलीले वाबुङलाको सामुदायिक वनबाट २ थान भरुवा बन्दुकसहित उनीहरुलाई पक्राउ गरेको हो । घटनाका सम्बन्धमा आवश्यक अनुसन्धान अघि बढाइएको प्रहरीले जनाएको छ ।