Author: क्लिक लुम्बिनी

भैरहवा, १९ माघ। प्रधानमन्त्री कप क्रिकेट प्रतियोगिताका लागि लुम्बिनी प्रदेशको टिम तयारका निम्ति सोमबारदेखि प्रदेशस्तरीय छनोट प्रतियोगिता सुरु भएको छ । लुम्बिनी प्रदेश क्रिकेट संघको आयोजनामा प्रधानमन्त्री कप एक्स्ट्रिम इनर्जी ड्रिंक लुम्बिनी प्रदेशस्तरीय पुरुष एक दिवसीय क्रिकेट छनोट प्रतियोगिता भैरहवास्थित सिद्धार्थ क्रिकेट रंगशाला र तिलोत्तमास्थित एक्स्ट्राटेक ओभल क्रिकेट रंगशालामा हुनेछ। माघ २४ गतेसम्म सञ्चालन हुने प्रतियोगितामा लुम्बिनी प्रदेशका ७ वटा जिल्लाका टीम सहभागी हुने खेल संयोजक एवं संघका प्रदेश सदस्य प्रथम पराजुलीले जानकारी दिए। उनका अनुसार प्रतियोगितामा रुपन्देही, पश्चिम नवलपरासी, पाल्पा, कपिलवस्तु, दाङ, बाँके र बर्दियाका टीम प्रतयोगितामा सहभागी हुनेछन्। क्रिकेट एसोसिएसन अफ नेपाल (क्यान) बाट मान्यता नपाएकाले प्रदेशका अन्य…

काठमाडौं,१९ माघ । अख्तियार दुरुपयोग अनुसन्धान आयोगले काठमाडौंको त्रिभुवन अन्तर्राष्ट्रिय विमानस्थल भन्सार कार्यालयको वैदेशिक हुलाक भन्सार शाखाका भन्सार अधिकृत ईन्द्र न्यौपानेसहित तीनजनालाई घुस रकमसहित नियन्त्रणमा लिएको छ। आयोगले वैदेशिक हुलाक भन्सार शाखाका भन्सार अधिकृत ईन्द्र न्यौपाने, कार्यालय सहयोगी गणेश प्रसाद पुडासैनी र सञ्चार तथा सूचना प्रविधि मन्त्रालय, हुलाक सेवा विभाग गोश्वरा हुलाक कार्यालय पार्सल शाखामा कार्यरत नायब सुब्बा छवि प्रसाद रिजाललाई १ लाख ४६ हजार ४२० रुपैयाँ घुससहित नियन्त्रणमा लिएको हो। आयोगका अनुसार कुरियर कम्पनीमार्फत विदेश पठाउने विभिन्न सामानमा सहजीकरण गरिदिने भन्दै सेवाग्राहीसँग घुसररिसवत माग गरेको उनीहरुविरुद्ध उजुरी परेको थियो। सोही उजुरीका आधारमा आयोगको टंगालबाट खटिएको टोलीले आइतबार उनीहरुलाई डिल्लिबजारस्थित…

भैरहवा, १९ माघ। बिगत दुई दशकदेखि रुपन्देहीको पत्रकारितामा क्रियाशिल रहेका पत्रकार दीपक घिमिरे पुरस्कृत तथा सम्मानित भएका छन्। सार्वजनिक सेवा प्रशारण, नेपाल टेलिभिजनको ४१ औं बार्षिकोत्सवको अवसरमा पत्रकार घिमिरे उत्कृष्ट जिल्ला समाचारदाताको रुपमा पुरस्कृत तथा सम्मानित भएका हुन् । नेपाल टेलिभिजनले पत्रकार घिमिरेलाई व्यवसायिक, जिम्मेवार र जवाफदेहि भएर निरन्तर गर्नुभएको समाचार सम्प्रेषण कार्यको उच्च मुल्याँकन गर्दै यसबर्षको उत्कृष्ट सम्वाददाताको रुपमा नगदसहित पुरस्कृत गरिएको जनाएको छ। पत्रकार घिमिरे बिगत ४ बर्षदेखि नेपाल टेलिभिजनमा रुपन्देही जिल्ला समाचरदाताको रुपमा कार्यरत छन्। २०६१ सालबाट पत्रकारिताको सरुवात गरेका उनले नयाँ भावना दैनिक, बुटवल टुडे दैनिक, दैनिक पत्र दैनिक, बुद्ध टेलिभिजन, तराई टिलिभिजन, ईमेज च्यानलहुँदै पछिल्लो…

काठमाडौं, १८ माघ। विशेष अदालत काठमाडौंले पूर्वप्रधानमन्त्री एवं नेपाली कम्युनिष्ट पार्टीका संयोजक माधव कुमार नेपालविरुद्ध भ्रष्टाचार मुद्दामा साक्षी बुझ्ने आदेश दिएको छ । पतञ्जली योगपीठ तथा आयुर्वेद कम्पनी नेपालको जग्गा हिनामिना प्रकरणमा विशेष अदालतका न्यायाधीश नारायणप्रसाद पौडेल र डिल्लीरत्न श्रेष्ठको इजलासले साक्षी बुझ्ने आदेश दिएको हो। अदालतको आदेशसँगै अब मुद्दाका साक्षीहरुलाई अख्तियारले विशेष अदालतसमक्ष बकपत्र गराउनेछ। अख्तियार दुरुपयोग अनुसन्धान आयोगले पतञ्जलि जग्गा प्रकरणमा नेपालसहित ९३ जनालाई प्रतिवादी बनाएर विशेष अदालतमा जेठ २२ गते मुद्दा दायर गरेको थियो ।नेपालविरुद्ध अख्तियारले १८ करोड ५८ लाख ५० हजार रुपैयाँ बिगो जरिवाना र सजाय मागदाबी गरेको छ ।

काठमाडौं,१८ माघ। प्रतिनिधिसभा सदस्य निर्वाचनका लागि प्रत्यक्षतर्फको १५ जिल्लाको मतपत्र छपाइको काम सकिएको छ। ७७ जिल्लामध्ये १५ जिल्लाको १८ निर्वाचन क्षेत्रको मतपत्र छपाइको काम सकिएको निर्वाचन आयोगले जनाएको छ । आयोगका अनुसार कालिकोट, सल्यान, मुगु, जुम्ला, डोल्पा, हुम्ला, जाजरकोटको प्रत्यक्षतर्फको मतपत्र छपाइ भइसकेको छ। त्यस्तै झापा क्षेत्र नं ५, सुर्खेतको १ र २, बाजुरा र अछामको क्षेत्र नं १ र २, रुकुमपश्चिम, कैलाली क्षेत्र नं १, सुनसरीको क्षेत्र नं १, दैलेख निर्वाचन क्षेत्र नं १ र २ को प्रत्यक्षतर्फको मतपत्र छपाइ भएको छ । १० लाख ९८ हजार २०० नमूना मतपत्र छपाइ सम्पन्न भएर निर्वाचन क्षेत्रमा पुगिसकेको र समानुपातिकतर्फको दुई…

पाल्पा, १८ माघ। पाल्पा जिल्लामा २९ वटा मतदानस्थल अतिसंवेदनशीलमा वर्गिकरण गरिएको छ । दुई निर्वाचन क्षेत्र रहेको जिल्लामा कुल ११८ वटा मतदानस्थल छन् । निर्वाचन क्षेत्र नम्बर १ मा ५२ र २ मा ६६ वटा मतदानस्थल छन् । पाल्पाका प्रमुख जिल्ला अधिकारी विनु बज्राचार्यका अनुसार क्षेत्र नम्बर १ मा रहेको मतदानस्थलमध्ये २० वटा रहेका र २ मा रहेको मतदानस्थलमध्ये ९ वटा अतिसंवेदनशील सूचीमा राखिएको छ । त्यस्तै क्षेत्र नं १ मा २४ वटा संवेदनशील र ८ वटा सामान्यको सूचीमा छन् । क्षेत्र नं २ मा २६ वटा संवेदनशील र ३१ वटालाई सामान्यमा राखिएको छ । पाल्पामा दुई लाख सात हजार…

भैरहवा, १८ माघ । भैरहवा क्षेत्रमा लामो समय देखि पत्रकारितामार्फत समाजमा योगदान गर्दै आएका डम्वरराज (शम्भु) पन्त पनि चुनावी मैदानमा उत्रिएका छन् । आगामी फागुन २१ गते हुने प्रतिनिधिसभा सदस्यको निर्वाचनमा पूर्वमन्त्री प्रभु साह नेतृत्वको आम जनता पार्टी (आजपा) बाट सिद्धार्थनगर नगरपालिका-६ निवासी पन्त समानुपातिकतर्फको उम्मेदवार बनेका हुन् । समानुपातिकतर्फ खसआर्य समूहमा रुपन्देहीबाट उनको एकल नाम छ । चुनाव चिन्ह मोबाइल रहेको उक्त पार्टीबाट अर्का पत्रकार ऋषि धमला पनि रौतहट–४ मा प्रत्यक्षतर्फ उम्मेदवारी दिएर चुनावमा होमिएका छन् ।

काठमाडौं,१६ माघ । निर्वाचन आयोगले मिथ्या–भ्रमपूर्ण सूचना र घृणास्पद अभिव्यक्ति दिने व्यक्तिको निगरानी र कारबाही प्रक्रिया बढाएको छ । निर्वाचन आचारसंहिता उल्लंघन हुने गरी भ्रमपूर्ण सूचना र घृणास्पद अभिव्यक्ति दिएको पाइएपछि आयोगले निगरानी र कारवाही प्रक्रिया बढाएको हो । आयोग अन्तर्गतको निर्वाचन सूचना सम्प्रेषण तथा समन्वय केन्द्रअन्तर्गतको सूचना सदाचार प्रवर्द्धन इकाइले ३०२ मिथ्या र भ्रमपूर्ण सूचना र घृणास्पद अभिव्यक्ति दिने व्यक्तिको पहिचान गरेको छ। मिथ्या र भ्रमपूर्ण सूचनाहरु निर्वाचन आचारसंहिता, २०८२, विद्युतीय (इलेक्ट्रोनिक) कारोबार ऐन, २०६३ र प्रेस काउन्सिल ऐन, २०४८ बमोजिम कारबाहीका लागि सम्बन्धित निकायमा पठाइएको आयोगले जनाएको छ।

गुल्मी,१६ माघ । तीन महिनाको छोराको हत्याको आरोपमा प्रहरीले बुवालाई पक्राउ गरेको छ । पक्राउ पर्नेमा गुल्मीको इश्मा गाउँपालिका–२ छल्दीटारका ४६ वर्षीय सन्तबहादुर कुमाल रहेको प्रहरीले जनाएको छ । नेपाल प्रहरी केन्द्रीय समाचार कक्ष अनुसार, पक्राउ परेका बुवा सन्तबहादुरले रातीको समयमा मादकपदार्थ सेवन गरेर ३ महिनाको छोरा सुवास कुमालको हत्या गरेको आरोप छ । घटनाको सूचना प्राप्तपश्चात प्रहरी चौकी हस्तिचौरबाट खटिएको प्रहरीले उनलाई पक्राउ गरेको छ । पक्राउ परेका वुवामाथि कर्तव्य ज्यानको कसुरमा आवश्यक अनुसन्धान अघि बढाइएको प्रहरीले जनाएको छ ।

काठमाडौं,१६ माघ। विवादको क्रममा श्रीमतीको हत्या गरेर श्रीमान प्रहरी कार्यालयमा पुगेका घटना बाहिरिएको छ । ललितपुरको गोदावरी नगरपालिका–७ देवीचौरका ३० वर्षीय विनादे पाख्रिनले २३ वर्षीया कोपिला पाख्रिनको हत्या गरेको प्रहरी कार्यालयमा आएको जिल्ला प्रहरी परिसर ललितपुरका एसपी गौतम मिश्रले बताए । उनका अनुसार चिर्पटले हानेर श्रीमतीको हत्या गरेर खाटमा सुताएको अवस्वामा शव बरामद भएको छ । दुबै जनाले मदिरा सेवन पश्चाच विवाद हुँदा श्रीमानले श्रीमतीको हत्या गरेको प्राराम्भिक अनुसन्धानमा खुलेको र थप अनुसन्धान भइरहेको प्रहरीले जनाएको छ ।