Author: क्लिक लुम्बिनी

भैरहवा,३० असोज। शान्तिका अग्रदुत गौतम बुद्ध जन्मस्थल लुम्बिनीमा ६७ देशका २ सय बढी सम्पदा विज्ञहरुको उपस्थितिमा अन्तर्राष्ट्रिय वैज्ञानिक सम्मेलन सुरु भएको छ। प्रकोप, द्वन्द्व र शान्ति विषयलाई केन्द्रबिन्दुुमा राखेर युनेस्कोको सल्लाहकार निकाय सम्पदा संरक्षण समाज (इकोमस) नेपालको आयोजनामा बुधबारदेखि वैज्ञानिक सम्मेलन सुरु भएको हो । सम्मेलनको लुम्बिनी प्रदेशका उद्योग, पर्यटन तथा यातायात मन्त्री प्रचण्ड विक्रम न्यौपानेले शुभारम्भ गरे। यसअघि अक्टोबर ११ देखि सुरु भएको इकोमसको वार्षिक सभाको समापन तथा वर्षगाँठ उत्सव मंगलबार सम्पन्न गरिएको थियो। मन्त्री न्यौपानेले बुद्धजन्मस्थल लुम्बिनीमा विभिन्न देशका सम्पदा विज्ञहरुको उपस्थितिमा इकोमसको वार्षिकसभा र वैज्ञानिक सम्मेलन गरेकोमा धन्यवाद व्यक्त गरे। उनले शान्ति भूमि लुम्बिनीमा गरिएको सम्मेलनले विश्वभर…

चितवन,२९ असोज। चितवनको रत्ननगर नगरपालिकास्थित उद्योगको पर्खाल भत्किँदा ३ जनाको मृत्यु भएको छ । साथै दुई जना घाइते भएका छन्। किसान दाना उद्योगको पर्खाल भत्किँदा तीन जना मजदुरहरुको चितवन मेडिकल कलेजमा उपचारको क्रममा मृत्यु भएको प्रहरीले जनाएको छ। दाना उद्योग भित्रको पार्टिसन गरेको १० इन्च बाक्लो इँट्टाको गाह्रो अचानक भत्किदा घटना भएको बताइएको छ । प्रहरीका अनुसार मृत्यु हुनेमा चितवन खैरहनी नगरपालिका २ का ४५ वर्षीय शुकराम दराई, गोरखा घर भई रत्ननगर १२ का ५४ वर्षीय रेशम दराई र रत्ननगर नगरपालिका १२ का ४५ वर्षीय कमल गुरुङछन् । उक्त घटनामा पर्सा जिल्ला घर भई रत्ननगर नगरपालिका १२ का ३९ वर्षीय…

भैरहवा, २९ असोज । रुपन्देहीमा राति ९ बजेसम्म मात्र देउसी भैलो खेल्न पाइने भएको छ । बुधवार जिल्ला प्रशासन कार्यालय रुपन्देहीले एक सूचना जारी गर्दै जिल्लाको शान्ति सुरक्षाको अवस्थालाई मध्यनजर गर्दै देउसी भैलो, नाचगान लगायतका सांस्कृतिक क्रियाकलापहरु बिहान ७ बजे देखि बेलुकी ९ बजेसम्म मात्र संचालन गर्न आग्रह गरेको छ। चाडपर्वमा मनाउने नाममा कसैको ईच्छाविरुद्ध क्रियाकलापहरु तथा समाजमा अशान्ति एवं अशोभनिय क्रियाकलापहरु नगरी स्वतन्त्र र खुशीयालीपूर्वक चाडपर्व मनाउन प्रशासनले अनुरोध गरेको छ । जिल्ला प्रशासन कार्यालय रुपन्देहीका सूचना अधिकारी एवं सहायक प्रमुख जिल्ला अधिकारी चिरन्जिवी रानाले जारी गरेको सूचनामा पर्वमा जुवातास नखेल्न, पटक तथा आतसबाजी जस्ता विष्फोटक पदार्थहरुको आयात, ओसरपसार,…

भैरहवा,असोज २९। युनेस्कोको सल्लाहकार निकाय सम्पदा संरक्षण समाज (इकोमस) को बार्षिक सभा तथा ६० औं बर्षगाठ शान्तिका अग्रदुत गौतमबुद्धको जन्मस्थल लुम्बिनीमा मनाइएको छ। असोज २५ देखि लुम्बिनीमा सुरु भएको बार्षिक सभाको मंगलबार समापन तथा ६० औं बर्षगाठ मनाइएको हो। विश्वसम्पदा स्थल तथा बुद्धजन्मस्थल लुम्बिनीमा महासभा र ६० औं बर्षगाठ लुम्बिनीमा मनाउन पाउनु निकै गर्वको बिषय भएको इकोमस नेपालका अध्यक्ष ज्ञानिन राईले बताए। सन् १९६५ मा स्थापना भएको इकोमस ११७ देशमा राष्ट्रिय समिति, ३१ वटा बैज्ञानिक समिति र १३७ देशबाट १२ हजार ७१५ जना विज्ञ सदस्य रहेका छन्। अध्यक्ष राईका अनुसार महासभामा मानवताको हितका लागि सम्पदा संरक्षण, आध्यात्मिकता, पर्यटन प्रबद्र्धन र…

भैरहवा, २९ असोज। रुपन्देहीको ओमसतिया गाउँपालिका–२ पड्सरीस्थित भूमिदेव फर्निचर बजारले आफ्ना उत्पादनहरुमा ३५ प्रतिशतसम्म छुटको अफर ल्याएको छ। प्रालिले पत्रकार सम्मेलनको आयोजना गरेर १५ औं वर्षमा कम्पनी प्रवेश र तिहारको अवसरमा ‘कम्पनीले भूमिदेव फर्निचर मेला’ सञ्चालन गरी उक्त अफर ल्याइएको जनाएको छ । यो छुटको अफर असोज २७ देखि अगामी छठ पर्वसम्मका लागि रहेको भूमिदेव फर्निचर बजारका उत्पादन प्रबन्धक अभिषेक अर्यालले बताए। पडसरीमा मुख्य कार्यालय रहेको कम्पनीको देशका विभिन्न स्थानमा ८ वटा शाखा रहेको छ ।र, सबै शाखामा अफर लागु गरिएको बताइएको छ । उनले आगामी दिनहरुमा अझ नविन डिजाइन, वातावरणमैत्री उत्पादन र आधुनिक प्रविधिको प्रयोगद्वारा सेवा विस्तार गर्ने कम्पनीको…

भारत,२८ असोज। भारतको उत्तर प्रदेश विशेष कार्यबल (एसटीएफ) ले नक्कली परमिट बनाएर नेपाल-भारत बस सेवा संचालन गरेको आरोपमा २ जनालाई पक्राउ गरेको छ । पक्राउ पर्नेमा बस संचालन गरिरहेका रामप्रसाद र बाले थापा भनिने बालकिशन रहेका छन्। पक्राउ परेकाहरुका साथबाट ११ वटा नक्कली यात्रा परमिट, एउटा ल्यापटप, र तीनवटा मोबाइल फोन बरामद गरिएको एसटीएफले जनाएको छ। बसलाई नियन्त्रणमा लिएर घटनाबारे थप अनुसन्धान अगाडी बढाइएको छ।

काठमाडौं,२८ असोज। नेपाल पञ्चाङ्ग निर्णायक विकास समितिले यस वर्षको भाइटीकाको उत्तम साइत सार्वजनिक गरेको छ। समितिका अध्यक्ष प्रा. शम्भुप्रसाद ढकालका अनुसार कात्तिक ६ गते बिहीबार बिहान ११:३९ बजे भाइटीकाको साइत उत्तम रहेको छ। उनले यस वर्ष यमपञ्चक कात्तिक १ गते शनिबारदेखि सुरु हुने बताए। त्यस दिनदेखि यमदीप दान सुरु गरिन्छ। धन त्रयोदशी र धनतेरस पर्व पनि यसै दिन परेको समितिले स्वीकृति दिएका पात्रोमा उल्लेख छ। कात्तिक २ गते आइतबार काग तिहार परेको छ। यसै दिन धनवन्तरी जयन्ती पर्व पनि मनाइन्छ । कात्तिक ३ गते सोमबार बिहान नरक स्नानसहित कुकुर तिहार र बेलुकी लक्ष्मीपूजा परेको छ। कात्तिक ३ गते सोमबार दिउँसो…

काठमाडौं,२८असोज। नेपाल राष्ट्र बैंकले यस वर्षको तिहारमा सुनका असर्फी बिक्री नगर्ने भएको छ । तर, चाँदीको मेडालियन (सिक्का) बिक्री गरिरहेको छ। राष्ट्र बैंकका सहायक प्रवक्ता सुमन न्यौपानेले तिहारमा सुनका असर्फी बिक्री नहुने र चार प्रकारका चाँदीका मेडालियन सिक्का भने बिक्री भइरहेको बताए। जसमा लक्ष्मी मेडालियन, गणेश मेडालियन, गजलक्ष्मी र गाई मेडालियन रहेका छन । उनका अनुसार चाँदीका मेडालियन सबै सिक्का १० ग्रामका रहेका छन् भने मूल्य ३ हजार रुपैयाँ तोकिएको छ। एक जनाले एउटामात्र सिक्का किन्न पाइनेछ। सिक्का किन्नको लागि नागरिकताको फोटोकपी वा नागरिकता नम्बर उल्लेख भएको कुनै पनि अन्य परिचयपत्र आवश्यक पर्ने नेपाल राष्ट्र बैंकले जनाएको छ।

काठमाडौं,२८ असोज। प्रधानमन्त्री सुशीला कार्कीले चन्दा संकलन गर्ने कार्यको लागि कुनै व्यक्ति वा समूहलाई आधिकारिक अनुमति नदिएको स्पष्ट पारेकी छिन्। सामाजिक सञ्जालमार्फत उनले आफ्नो नाममा भइरहेका सबै आर्थिक कारोबार तथा संकलनहरु पूर्णतः अनधिकृत र गैरकानुनी ठगी भएको स्पष्ट पारेकी हुन्। प्रधानमन्त्री तथा मन्त्रिपरिषद्को कार्यालयले पनि केही व्यक्ति वा समूहले प्रधानमन्त्री कार्की र प्रधानमन्त्री कार्यालयको हवाला दिँदै विभिन्न परियोजना, कोष वा सामाजिक कार्यका लागि भन्दै चन्दा सहयोग माग गरेको भन्ने जानकारीप्रति ध्यानाकर्षण भएको उल्लेख गरेको छ। प्रधानमन्त्री तथा मन्त्रिपरिषद् कार्यालयका सहसचिव एवं प्रवक्ता रविलाल शर्माले भ्रामक कार्यमा विश्वास नगर्न तथा कसैले यस्तो कार्यका लागि आग्रह गरेमा पूर्ण रुपमा अस्वीकार गर्न आग्रह…

काठमाडौं,२८ असोज। सर्वोच्च अदालतमा प्रतिनिधिसभा विघटनविरुद्ध धमाधम रिट परेका छन्। सर्वोच्चका सहायक प्रवक्ता एवं उपरजिष्ट्रार निराजन पाण्डेका अनुसार अहिलेसम्म ७ वटा रिट प्राप्त भएको र अध्ययनको क्रममा रहेको छ। केही रिट निवेदनमा अन्तिरम सरकार गठनको प्रक्रियामा र केहीमा प्रतिनिधिसभा विघटनमाथि प्रश्न उठाइएको बुझिएको छ। आगजनीकारण सर्वोच्च अदालतको कामकारवाही प्रभावित भएपछि गत आइतबारको पूर्ण बैठकले रिट निवेदनहरु दर्ता खुला गर्ने निर्णय गरेपछि रिट दर्ता हुने क्रम बढेको हो । सांसद समेत नरहेकी पूर्वप्रधानन्यायाधीश सुशीला कार्कीलाई राष्ट्रपति रामचन्द्र पौडेलले भदौ २७ गते प्रधानमन्त्रीमा नियुक्त गरेका थिए। लगत्तै मन्त्रीपरिषदको बैठकबाट निर्णय गर्दै कार्कीले राष्ट्रपतिसमक्ष प्रतिनिधिसभा विघटनको सिफारिस गरेकी थिइन्। जेनजी समूहको सिफारिसमा प्रधानमन्त्री…