Author: क्लिक लुम्बिनी

काठमाडौ, ७ माघ । अख्तियार दुरुपयोग अनुसन्धान आयोगले तत्कालीन गाउँ विकास समिति सचिव आस महमद अन्सारीविरुद्ध विशेष अदालतमा भ्रष्टाचार मुद्दा दायर गरेको छ । अख्तियारले उनीविरुद्ध ३८ लाख ३० हजार ५०० भ्रष्टाचार गरेको अभियोगमा विशेष अदालतमा आरोप पत्र दायर गरेको हो। आयोगका प्रवक्ता नरहरि घिमिरेका अनुसार साविक आदर्श गाविस भवानीपुर जीतपुर हाल (जीतपुर सिमरा उपमहानगरपालिका) बाराका तत्कालीन सचिव अन्सारीले गुदरी बजार र मिना बजारका सटरहरू उपभोक्तालाई भाडामा लगाउँदा लिएको धरौटी वापतको रकमसँग सम्बन्धित कागजातहररु लुकाइ बरबुझारथ समेत नगरेको र २ सय २१ जना उपभोक्ताहरुबाट लिएको धरौटी वापतको ३८ लाख ३० हजार ५०० रुपैयाँ खातामा जम्मा नगरेको अनुसन्धानबाट खुलेको छ। आयोगका…

धरान, ७ माघ। सुनसरीको धरान उपमहानगरपालिका-१५ मा एक युवकको हत्या गरिएको छ । साथीहरुबीच बसेर खाएको चियाको पैसा तिर्ने विषयमा विवाद हुँदा धरान सदन रोडका २१ वर्षीय रिजन राइको खुकुरी प्रहार गरी हत्या गरिएको प्रराम्भिक अनुसन्धानबाट खुलेको जिल्ला प्रहरी कार्यालय सुनसरीका प्रवक्ता डिएसपी रामप्रसाद तिमल्सिनाले बताए। उनका अनुसार गम्भिर घाइते भएका राईको बीपी कोइराला स्वास्थ्य विज्ञान प्रतिष्ठानमा उपचारको क्रममा मृत्यु भएको छ । हत्यामा संग्लन आरोपमा प्रहरीले धरान उपमहानगरपालिका-१३ का १८ वर्षीय उत्सव मगर, २१ वर्षीय विश्रान्ती मगर, उपमनपा-८ का २२ वर्षीय रोमन गुरुङ, १७ वर्षीय प्रस्थान राई र उपमनपा-५ का २१ वर्षीय सुदिप तामाङलाई पक्राउ गरेको जनाएको छ ।…

भैरहवा,७ माघ। चितवनको भरतपुर महानगपरपालिका–११ स्थित बसेनी चोकमा युवकलाई निर्घात कुटपिट गर्ने प्रहरी सहायक निरीक्षक (असई) बुद्धि बहादुर घर्ती भुजेललाई विभागीय कारवाही गरिएको छ । फोन चलाइरहेको युवकलाई ‘को लाई फोन गरेको ? पावर देखाएको?’ भन्दै निर्घात कुटपिट गरेको भीडियो सोमबार बिहान सामाजिक संजालमा भाइरल भएपछि घटनामा संग्लन गणेशस्थान प्रहरी बिटमा कार्यरत प्रहरी सहायक निरीक्षक भुजेललाई विभागीय कारवाही गरिएको जिल्ला प्रहरी कार्यालय चितवनले जनाएको छ । चितवनका एसपी गौतम मिश्रका अनुसार घटना गत पुस १५ गतेको हो । ‘घटनाले प्रहरीको आचरण विपरीत र प्रहरीको प्रतिष्ठामाथी आँच आएको देखिएको छ’,उनले भने,‘यसले प्रहरी प्रति नकारात्मक धारणा बनाइरहेको अवस्था छ । जसकारण हामीले…

भैरहवा, ७ माघ। सिद्धार्थ होटल संघ नेपाल (सान) ले सत्कार दिवस मनाउने भएको छ । संघको भैरहवामा बसेको छैठौं बैठकले आगामी जेठ १६ गते संघको साधारणसभाका दिन सत्कार दिवस मनाउने निर्णय गरेको हो । बैठकले होटल व्यवसायीको लागि सरकारले विशेष योजनाका साथ काम गर्न नसकेको, पर्यटन नीति पर्यटनमैत्री नभएकोले फेरबदलगरी पर्यटनमैत्री नीति बनाउन सरकारसँग माग गरेको छ । बैठकले नेपाल पर्यटन बोर्डको समन्वयमा भियतनाममा हुने पर्यटन प्रबद्र्धन कार्यक्रममा सहभागीता जनाउने, मायादेवी सुत्केरी मार्गको प्रवद्र्धनका लागि विशेष योजनाकासाथ कपिलबस्तुको तिलौराकोटदेखि लुम्बिनीसम्म स्थानीयहरुको सहभागीतमा पदयात्रा गर्ने निर्णय गरेको संघका अध्यक्ष चन्द्रप्रकाश (सीपी) श्रेष्ठले बताए । सिद्धार्थ होटल संघ नेपाल, होटल एसोसिएशन नेपालको…

काठमाडौं,७ माघ । टर्कीमा अवैध रुपमा बसेका पाँच जना नेपालीलाई त्यहाँबाट निष्काशन गरिएको छ । अवैध रुपमा बसेका पाँच नेपालीलाई टर्कीको अध्यागमनले पक्राउ गरी निष्काशन गरेको हो । निष्काशित भएर गत गत शनिबार टर्किस एयरलाइन्सको विमानबाट जीवन राज आङदाम्बे, राजु सुनुवार, गोविन्द श्रेष्ठ, नरध्वज थारु र श्रीष थापा काठमाडौं आइपुगेको बताइएको छ । टर्कीमा रहँदा उनीहरुको कुन काम गरेको विषयमा खुलेको छैन भने ट्राभल डकुमेन्ट बनाएर उनीहरु नेपाल आएका हुन्। उनीहरुलाई मानव तस्करको सञ्जालले त्यहाँ अलपत्र पारेको हुने सक्ने आशंका गरिएको छ ।

भैरहवा,७ माघ। चितवनको भरतपुर महानगपरपालिका–११ स्थित बसेनी चोकमा गस्ती गर्ने क्रममा प्रहरीले युवकलाई निर्घात कुटपिट गरेको प्रकरणमा संग्लन प्रहरी कर्मचारी उपर विभागीय कारवाही प्रक्रिया अगाडी बढेको नेपाल प्रहरीले जनाएको छ । सोमबार नेपाल प्रहरीले एक सूचना जारी गर्दै प्रहरीले कुटपिट गरिरहेको भीडियो सामाजिक संजालमा सार्वजनिक भएको विषयमा प्रहरी प्रधान कार्यालयको ध्यानाकर्षण भएको जनाएको छ । सूचनामा भनिएको छ–‘पदीय मर्यादा र आचरणमा विपरीतका क्रियाकलाप गर्ने प्रहरी कर्मचारीलाई कारवाहीको दायरामा ल्याउने नेपाल प्रहरीको नीति अनुरुप घटनाको सत्य-तथ्य जाँचबुझ गर्ने प्रयोजनार्थ जिल्ला प्रहरी कार्यालय चितवनले छानबिन समिति गठन गरी घटनामा संग्लन प्रहरी कर्मचारी उपर विभागीय कारवाही प्रक्रिया अगाडि बढाइसकेको …।’ चितवनको भरतपुर महानगपरपालिका…

भैरहवा, ७ माघ । चितवनको भरतपुर महानगरपालिकाको बाइपास सडकखण्डस्थित प्रहरीले एक युवकमाथि निर्घात कुटपिट गरेका छन् । ‘को लाई फोन गरेको ? पावर देखाएको ?’ भन्दै प्रहरीले युवकलाई लात्तीले हानेर लडाएर बुटैबुटले हानेको समाजिक संजालमा भाइरल भएको भीडियोमा देखिएको छ । भीडियो अनुसार प्रहरीबाट जोगिन ती युवक भाग्न खोज्छन् । तर प्रहरीले लात्तीले हानेर युवकलाई बिजुलीको पोल छेउमा लडाउँछन् । युवक लडिसकेपछि पनि उनले गाली गर्दै लात्ती प्रहार गरिरहेको देखिन्छ । सामाजिक सञ्जालमा भिडियो पोस्ट गर्नेले सो घटना चितवनको भनेका छन् । चितवनका एसपी गौतम मिश्रका अनुसार डीएसपी ज्ञान कुमार महतोको नेतृत्वमा तीन सदस्यीय छानबिन समिति गठन गरी उक्त घटनाको…

भैरहवा,६ माघ। रुपन्देहीको बुटवलस्थित सुप्रिम बचत तथा ऋण सहकारी संस्थाको रकम ठगी अभियोगमा ४२ जनालाई प्रतिवादी बनाउँदै जिल्ला अदालत रुपन्देहीमा मुद्दा दर्ता भएको छ । सहकारी ठगी प्रकरणमा प्रतिवादीहरुविरुद्ध सहकारी ठगी, संगठित अपराध र सम्पत्ति शुद्धिकरण मुद्दा दर्ता भएको छ । गत बैशाख ३ गते अदालतमा पेश भएको अभियोग पत्रबाट २८ जनाविरुद्ध सहकारी ठगी मुद्दा दर्ता भएको थियो भने माघ ३ गते पेश भएको थप अभियोग पत्रबाट प्रतिवादी कायम भइसकेका २८ जनामध्ये दिनेश रोक्काविरुद्ध सम्पत्ति शुद्धिकरण र अन्य १६ जनाविरुद्ध सहकारी ठगी, संगठित अपराध मुद्दा दर्ता भएको छ । पुरक अभियोगपत्रबाट प्रतिवादी कायम भइसकेका २८ जनामध्ये आठ जना र नयाँ…

भैरहवा, ६ माघ । राष्ट्रिय स्वतन्त्र पार्टीका सभापति एवं गोर्खा मिडिया नेटवर्क प्रालिका पूर्वप्रबन्धक रवि लामिछानेविरुद्ध जिल्ला अदालत रुपन्देहीमा पनि सहकारी ठगी र संगठित अपराधमा मुद्दा दर्ता भएको छ । बुटवलस्थित सुप्रिम बचत तथा ऋण सहकारी संस्थाको ४४ जना बचतकर्ताको पुरक जाहेरीले जिल्ला सरकारी वकिल कार्यालय रुपन्देहीले आइतबार मुल मुद्दाका २८ जनामध्ये थप अभियोगपत्रबाट ८ जना र पुरक अभियोगपत्रबाट लामिछाने, पूर्वडीआईजी छविलाल जोशीसहित १४ जना गरी २२ जनाविरुद्ध सहकारी ठगी र संगठित अपराधमा मुद्दा दर्ता गरेको हो । यस अघि बैशाख ३ गते अदालतमा पेश भएको अभियोग पत्रबाट २८ जनाविरुद्ध सहकारी ठगी र माघ ३ गते पेश भएको थप अभियोग…

भैरहवा,६ माघ । राष्ट्रिय स्वतन्त्र पार्टीका सभापति एवं गोर्खा मिडिया नेटवर्क प्रालिका पूर्वप्रबन्धक रवि लामिछानेविरुद्ध जिल्ला अदालत रुपन्देहीमा सहकारी ठगी र संगठित अपराध मुद्दा दर्ता भएको छ। सहकारी ठगी प्रकरणमा पूर्वगृहमन्त्री समेत रहेका लामिछानेविरुद्ध जिल्ला सरकारी वकिल कार्यालय रुपन्देहीले मुद्दा दर्ता गरेको हो। आइतबार जिल्ला सरकारी वकिल कार्यालयले ट्रक (प्रहरीको वान्टेन) भरेर मुद्दामा लाग्ने प्रमाण र मिसिल अदालत पठाएपछि त्यसलाई रुजु गरेर साँझ दर्ता गरिएको हो। ‘बुटवलस्थित सुप्रिम बचत तथा ऋण सहकारी संस्थाको रकम ठगी मुद्दामा थप अभियोगपत्र र पुरक अभियोगपत्रबाट ३९ जना विरुद्ध आज मुद्दा दर्ता भएको छ’, जिल्ला अदालत रुपन्देहीका श्रेष्तेदार यज्ञमूर्ति ज्ञवालीले क्लिक लुम्बिनीसँग भने, ‘मुद्दाका सबै…