Author: क्लिक लुम्बिनी

भैरहवा, १३ भदौ । भैरहवा भन्सार कार्यालयले भारतबाट अवैध रुपमा भन्सार छलेर भित्राइएको साढे दश टन चिनीसहित ट्रक र चालकलाई नियन्त्रणमा लिएको छ । रुपन्देहीको मायादेवी गाउँपालिको झुलनीपुरबाट बिहिवार बिहान साढे दुइ बजे लु २ ख २८३६ नम्बरको ट्रकमा २ सय १० बोरा (साढे दश टन) चिनी पोखरा लैजाने क्रममा बेथरी क्षेत्रबाट बरामद गरिएको भैरहवा भन्सार कार्यालयका प्रमुख नारद गौतमले जानकारी दिए । उनका अनुसार ६ लाख ३० बजार मूल्य बराबरको उक्त चिनीको प्रज्ञापन पत्र, बिलबिजक नभएको अवस्था नियन्त्रणमा लिइएको हो । उक्त क्षेत्रबाट निरन्तर रुपमा भन्सार छली गरेर विभिन्न साम्रगी भित्रिने गर्दछ । गत भदौ ८ गते पनि भन्सार…

काठमाडौं, १२ भदौ । नेपालले साफ यु-२० च्याम्पियनसिपको उपाधी चुम्नबाट चुकेको छ । बुधबार एन्फा कम्पलेक्समा भएको फाइनल फुटबल खेलमा नेपाल बंगलादेशसँग ४-१ गोलले पराजित भएसँगै उपाधी चुम्नबाट चुकेको हो । दुई पटकको उपाधी चुमिसकेको नेपाललाई पराजित गर्दै बंगलादेशले पहिलोपटक उपाधी चुम्न सफल भएको हो । फाइनल खेलको पहिलो हाफमै मिराजुलको गोलबाट बंगलादेशले अग्रता लिएको थियो। खेलको ५५ औं मिनेटमा मिराजुलले दोस्रो गोल गर्दै अग्रता पनि डबल बनाएका थिए। ७१औं मिनेटमा बंगलादेशका लागि रवि हुसेनले गोल थपे भने इन्जुरी टाइममा बंगलादेशले थप एक गोल गरेको थियो। नेपालका लागि समिर तामाङले ८१औं मिनेटमा सान्त्वना गोल गरे।

भैरहवा, १२ भदौ । नेपाल प्रहरीका प्रहरी महानिरीक्षक (आईजीपी) बसन्त बहादुर कुवँरले संगठनमा सुदृढिकरण कार्य अन्र्तगत प्रहरीका (बैंक) खाता देखि लिएर डिआईजीसम्मलाई कारवाही गर्न लागेको बताएका छन् । ‘हामी डिआईजी सा’बसम्मलाई ‘क्रपसन’मा कारवाही गर्दैछौ । तपाई सबैले बुझ्नुपर्छ म–म नभन्नुस’, बुधवार जिल्ला प्रहरी कार्यालय रुपन्देहीको नवनिर्मित भवनको उद्घाटन गरे पश्चात कार्यक्रममा कड्किदै उनले भने, ‘तपाई परिवारको (बैंक) खाता चेक गर्दैर्छौँ । तपाईहरुको खाता चेक गर्दैछौँ । तपाईको साथीसंगतीको खाता चेक गर्दैछौँ । अहिले एक जना डिआईजी सा’ब फस्दै हुनुहुन्छ । त्यसैले यी कुराहरु बुझ्नुस है बुझ्नुस । निर्मम हुनुपर्ने अवस्था छ ।’ कारवाही गर्न लागिएको डिआइजीको नाम भने उनले खुलाएनन्…

भैरहवा, ११ भदौ । रुपन्देहीको भैरहवा स्थित भैरहवा नमुना उच्च माध्यमिक विद्यालयका विद्यार्थी र अभिभावकले उपद्र मच्चाएपछि ड्युटीमा तैनाथ नेपाली सेनाका कर्मचारी सहित चार जना घाइते भएका छन् । मंगलबार भैरहवा उच्च माध्यमिक विद्यालयमा अध्यनरत विधार्थी र विधार्थीका अभिभावकबीच विवाद हुदाँ कुटपिटको घटना भएको विद्यालयका प्रधानाध्यापक चुन्नुप्रसाद पाण्डेले जानकारी दिए । उनका अनुसार विद्यालयमा अध्यनरत छात्रालाई जिस्काएको विषयलाई लिएर अभिभावक र विद्यार्थीबीच सुरु भएको विवादले कुटपिटको घटना हुदाँ विद्यालयका कर्मचारी संजय गुप्तासहित केही घाइते भएका छन् ।‘अभिभावकले विद्यार्थीलाई हातपात गरेपछि मैले दुवैपक्षबीच मेलमिलाप गराइसकेको थिए’, उनले भने, ‘तर, फेरी घटना भएछ ।’ प्रत्यक्षदर्शीका अनुसार विद्यालयसँगै टाँसिएर रहेको नेपाली सेनाको श्रीकाली…

काठमाडौं, ११ भदौ । प्रहरीले काठमाडौंको त्रिभुवन अन्तर्राष्ट्रिय विमानस्थलबाट सुनसहित दुई जनालाई पक्राउ गरेको छ । पक्राउ पर्नेहरुमा नवलपरासी बर्दघाट नगरपालिका-४ का२७ वर्षीय प्रशान्त गैरे र सप्तरी सुरूङ्गा नगरपालिका-३ का ४१ वर्षीय सन्तोष कुमार कुँवर रहेको प्रहरीले जनाएको छ । प्रहरीले विमानस्थलको अन्तर्राष्ट्रिय उडानतर्फको आगमन पार्किङ एरियाबाट उनीलाई पक्राउ गरेको हो । उनीहरुबाट ८१ ग्राम सुन बरामद भएको प्रहरीले जनाएको छ । हिमालयन एयरलाइन्सको उडानद्वारा कतारबाट काठमाडौं आएका प्रशान्तबाट सन्तोषले सुन लैजाने क्रममा प्रहरीले दुवै जनालाई पक्राउ गरेको हो।आवश्यक अनुसन्धान एवं कारबाहीको लागि उनीहरुलाई प्रहरी वृत्त गौशाला पठाइएको छ।

धादिङ, ११ भदौ । धादिङको ससाहमा सवारी दुर्घटना हुदाँ आठ जना घाइते भएका छन् । धादिङबाट काठमाडौं जाँदै गरेको ना ७ ख ३१९८ नम्बरको बस र बागमती प्रदेश ००१ ज ०५२९ ईभी भ्यान नीलकण्ठ नगरपालिका-८ ससाहमा ठोक्किएर दुर्घटना हुदाँ बसमा सवार आठ जना घाइते भएको धादिङका डिएसपी मकेन्द्रकुमार मिश्रले बताए । घाइतेहरुको धादिङ अस्पतालमा उपचार भइ रहेको छ र गम्भिर घाइते भएका दुई जनालाई थप उपचारका लागि काठमाडौं पठाउने तयारी भइरहेको अस्पतालले जनाएको छ ।

भैरहवा, ११ भदौ । काठमाडौंबाट आन्तरिक र अन्तर्राष्ट्रिय उडान गर्ने वायुसेवा कम्पनीहरुले अब भैरहवा र पोखराबाट अनिवार्य सेवा दिनुपर्ने भएको छ । काठमाडौंको त्रिभुवन अन्तर्राष्ट्रिय विमानस्थलको ट्याक्सी वे मर्मत सम्भार गर्नुपर्ने भएकोले उक्त समयावधीमा कटौती हुने उडान काठमाडौं बाहिर विमानस्थलबाट गर्नका लागि नेपाल नागरिक उड्डयन प्राधिकरणले वायुसेवा कम्पनीहरुलाई पत्राचार गरेको छ । जसकारण काठमाडौंबाट सेवा दिदै आएको कम्पनीहरुले अब भैरहवा र पोखरा अन्तर्राष्ट्रिय विमानस्थलबाट अनिवार्य उडान गर्नुपर्ने भएको छ । प्राधिकरणका अनुसार आगामी कार्तिक २३ गते देखि मर्मत सम्भारका लागि राती १० बजे देखि बिहान ८ बजेसम्म विमानस्थल बन्द रहनेछ । जसकारण सो समयावधीमा काठमाडौंबाट ३३ प्रतिशत उडान कटौती हुने…

पोखरा, ११ भदौ । पोखरामा पदयात्राका क्रममा दुई जना पर्यटक बेपत्ता भएका छन् । स्पेनिस नागरिक रहेका उनीहरु चक्रीय अन्नपूर्ण पदमार्ग अन्तर्गतको प्रसिद्ध पर्यटकीयस्थल घोरेपानी पदयात्राको क्रममा बेपत्ता भएका हुन् । कास्कीको अन्नपूर्ण गाउँपालिका–९, तिखेढुङ्गाबाट उल्लेरी हुँदै घोरेपानी जाने क्रममा स्पेनिस नागरिक इरिक कासानोभास र मोलास जुन्का मेसी सम्पर्कविहीन भएको गाउँपालिकाका प्रवक्ता भरतराम गुरुङले जानकारी दिए । ‘उनीहरु अन्नपूर्ण संरक्षण क्षेत्रको चेकपोस्टमा नाम टिपाएर उल्लेरी तर्फ लागेका थिए’ गुरुङले भने. ‘भुरूङ्ग्दी खोलाको पुल मुनि रहेको पुरानो बाटोबाट हिड्दा खोलाले बगाएको हुन सक्ने आंकलन गरिएको छ ।’ पर्यटकहरुलाई सोमबार दिनभर खोजी गर्दा नभेटिएपछि मंगलबार गोताखोर परिचालन गर्ने बताइएको छ ।

कपिलवस्तु, १० भदौ । कपिलवस्तुमा यात्रुवाहक बस दुर्घटना भएको छ । सुर्खेतबाट नारायणगढतर्फ जादै गरेको लु २ ख १५९८ नम्बरको बस शिवराज नगरपालिका-१ बनकसबासामा दुर्घटना हुदाँ २४ जना घाईते भएको प्रहरीले जनाएको छ । घाइतेहरुमध्ये १७ जनाको चन्द्रौटास्थित विभिन्न अस्पतालमा र सात जना गम्भिर घाइतेहरुको भैरहवास्थित यूनिभर्सल मेडिकल कलेजमा उपचार भइरहेको जिल्ला ट्राफिक प्रहरी कार्यालय कपिलवस्तुका प्रहरी निरिक्षक अनिष भण्डारीले बताए । मोटरसाइकल जोगाउने क्रममा बस पल्टिएर दुर्घटना भएको प्रहरीको भनाई छ । बसका चालक र सहचालकलाई नियन्त्रणमा लिइएको र घटनाबारे अनुसन्धान भइरहेको प्रहरीले जनाएको छ ।

अछाम, १० भदौ । अछाममा नेपाली काँग्रेसका नेताहरुबीच मदिरा पार्टीमा कुटाकुट भएको छ । आइतबार राति जिल्ला समन्वय समितिको सरकारी निवासमा मदिरा सेवनको क्रममा नेपाली काँग्रेसबाट निर्वाचित जिल्ला समन्वय समितिका प्रमुख ललितबहादुर कुँवर र नेपाली कांग्रेसका जिल्ला प्रवक्ता पदम शाहबीच कुटाकुट भएको हो । दुवै जनाबीच कुटपिटको क्रममा शाहले मदिराको बोतल प्रहार गरेपछि कुँवरको टाउकोमा चोट लागेको र शाहको हातमा चोट लागेको जिल्ला प्रहरी कार्यालय अछामका प्रमुख डीएसपी ईश्वरी प्रसाद भण्डारीले जानकारी दिए। उनका अनुसार कुँवरको टाउकोमा ४ वटा टाँका लगाइएको छ। कुटाकुट कुन विषयमा भएको भन्ने नखुलेको उनको भनाई छ । स्वास्थ्य परीक्षणमा दुवैजनाले मदिरा सेवन गरेको पाइएको प्रहरीले…