Author: क्लिक लुम्बिनी

हृदयराम गुप्तामर्चवार,३१ साउन। रुपन्देही क्षेत्र नं. ४ का प्रतिनिधिसभा सदस्य कन्हैया बनियाले भारतसँग जोडिएको सीमा नाका कालिदहलाई स्वच्छ, व्यवस्थित र आकर्षक बनाउँदै देशकै प्रमुख पर्यटकीय प्रवेशद्वारका रुपमा विकास गर्ने योजना अघि बढाइएको बताएका छन्। सांसद बनियाको नेतृत्वमा शनिबार कालिदह क्षेत्रमा सरसफाइ अभियानसमेत सञ्चालन गरिएको थियो । लुम्बिनीसँग नजिक रहेको ऐतिहासिक तथा धार्मिक महत्वको कालिदहलाई पर्यटकीय गन्तव्यका रुपमा विकास गर्न सरसफाइसँगै आवश्यक पूर्वाधार निर्माणको पहल अघि बढाइएको उनले बताए। सुनौली नाकाको ढाँचामा कालिदहमा चार लेनको वातावरणमैत्री सडक, व्यवस्थित ढल निकास, हरियाली प्रवद्र्धन र वृक्षरोपणलगायतका पूर्वाधार निर्माण गर्ने योजना रहेको उनले जानकारी दिए। आवश्यक प्रक्रिया पूरा गरी निर्माणसम्बन्धी टेन्डर प्रक्रियामा जाने तयारी…

हृदयराम गुप्ता मर्चवार,३१ साउन। रुपन्देहीको कोटहीमाई गाउँपालिकाले आन्तरिक विवादका कारण करिब एक महिना ढिलो गरी आर्थिक वर्ष २०८३/८४ को नीति तथा कार्यक्रम र बजेट ल्याएको छ। कानुनी व्यवस्थाअनुसार स्थानीय तहले असार १० गतेभित्र गाउँसभा गर्नुपर्ने भए पनि विवादका कारण ढिलो गरी १९औँ गाउँसभा सम्पन्न भएको हो। गाउँसभामा अध्यक्ष बालकृष्ण त्रिपाठीले ‘स्वास्थ्य, शिक्षा, कृषि र पूर्वाधार, समृद्ध कोटहीमाईको मूल आधार’ भन्ने नारासहित नीति तथा कार्यक्रम प्रस्तुत गरे। कार्यक्रममा शिक्षा, स्वास्थ्य, कृषि, रोजगारी, पूर्वाधार, सूचना प्रविधि र सुशासनलाई प्राथमिकता दिइएको छ। कृषि उत्पादन बढाउन प्राङ्गारिक मलको प्रयोग र विषादीको सुरक्षित प्रयोगमा जोड दिइने, बाँझो जग्गामा फलफूल खेती गर्ने किसानलाई प्रोत्साहन गर्ने तथा…

हृदयराम गुप्ता मर्चवार,२९ साउन। रुपन्देहीको मर्चवारमा कबड्डी प्रतियोगिता सुरु भएको छ। स्थानीय युवाहरुको संयुक्त आयोजनामा शुक्रबारदेखि कबड्डी प्रतियोगिता सुरु भएको हो। प्रतियोगिताको उद्घाटन गर्दै प्रतिनिधिसभा सदस्य कन्हैया बनियाले पुरानो तथा मौलिक खेल कबड्डीको प्रवर्द्धनमा युवाहरुको भूमिका महत्वपूर्ण रहेको बताए। उनले मर्चवारमा पहिलोपटक कबड्डी प्रतियोगिता आयोजना हुनु खेलकुदको विकासका लागि सकारात्मक सुरुवात भएको उल्लेख गरे। ‘मर्चवारमा पहिलोपटक कबड्डी प्रतियोगिता आयोजना हुनु खेलकुद प्रवद्र्धनका लागि नयाँ सुरुवात हो । युवाहरुले नयाँ सोच र उत्साहका साथ खेलकुदको विकासमा सकारात्मक सन्देश दिएका छन्,’ उनले भने। सांसद बनियाले खेलकुदले शारीरिक तथा मानसिक स्वास्थ्यमा सकारात्मक प्रभाव पार्नुका साथै देशको सम्मान र गौरव बढाउन महत्वपूर्ण भूमिका खेल्ने…

काठमाडौं,२९ साउन। नेपाली सेनाले खुला तथा समावेशी प्रतियोगिताबाट २८० जना अधिकृत क्याडेट पदमा भर्नाका लागि दरखास्त आह्वान गरेको छ। नेपाली सेना भर्ना छनोट निर्देशनालय, जंगी अड्डाले जारी गरेको सूचनाअनुसार, नेपाली सेनाका सन्ततिका लागि १४, महिला २४, आदिवासी जनजाति ३९, मधेसी ३३, दलित १८ र पिछडिएको क्षेत्र ६ पद छुट्याइएको छ। बाँकी १४६ पद खुलातर्फ आवेदन आह्वान गरिएको छ । इच्छुक नेपाली नागरिकले भदौ १८ गतेसम्म आवेदन दिन सक्ने र दोब्बर दस्तुर तिरेर भदौ २५ गतेसम्म आवेदन दिन सकिने सूचनामा उल्लेख छ ।

काठमाडौं,२९ साउन। नेपाली कांग्रेसका नेता डा. शशांक कोइरालाले पार्टीको आन्तरिक एकता सुदृढ बनाउनु आफ्नो प्रमुख दायित्व भएको बताएका छन्। शुक्रबारदेखि सुरु भएको संस्थापन इतर पक्षको राष्ट्रिय भेलालाई सम्बोधन गर्दै उनले कांग्रेस एकताबद्ध भएर अघि बढे कसैले पनि पराजित गर्न नसक्ने दाबी गरे। कोइरालाले पार्टी सभापति शेरबहादुर देउवाको नेतृत्वप्रति पूर्ण समर्थन जनाउँदै देउवा नै पार्टीका नेता र सभापति भएको बताए। वीपी कोइरालाले देउवालाई ‘पश्चिमको राजकुमार’ भन्ने गरेको उल्लेख गर्दै उनले बनारसमा रहँदाका स्मृतिहरु साझा गर्दै देउवाको नेतृत्वमा कांग्रेस अघि बढ्ने विश्वास व्यक्त गरे। उनले पार्टीभित्रको एकता र उत्साहले नै कांग्रेसको भविष्य सुनिश्चित गर्नेमा जोड दिए।

भारत, २९ साउन। भारतको झारखण्डमा नेपाली तीर्थयात्री सवार बस दुर्घटना हुँदा १० वर्षीय बालकसहित तीन जनाको मृत्यु भएको छ। दु रौतहटबाट भारतको प्रसिद्ध धार्मिक स्थल बाबा वैद्यनाथ धाम र बासुकीनाथको दर्शन तथा पूजाआजा गरी फर्किंदै गरेको तीर्थयात्री सवार बस झारखण्डको कोडरमा जिल्लास्थित पोखरडीहा मोडनजिकै ट्रकसँग ठोक्किएर दुर्घटना भएको भारतीय सञ्चारमाध्यमले जनाएका छन्। भारतीय सञ्चारमाध्यमका अनुसार, दुर्घटनामा मृत्यु हुनेमध्ये रौतहटका १० वर्षीय शिवम कुमारको पहिचान खुलेको छ। अन्य दुई मृतकको भने पहिचान हुन नसकेको स्थानीय प्रहरीले जनाएको छ। बसमा करिब ४५ जना तीर्थयात्री सवार रहेको बताइएको छ। जसमध्ये १० जनाको अवस्था गम्भीर रहेको जनाइएको छ। घाइतेहरुको स्थानीय अस्पतालमा उपचार जारी रहेको…

काठमाडौं,२९ साउन। गृहमन्त्री सुधन गुरुङले मन्त्रालयका सचिव र प्रहरी प्रमुखमाथि लेखा समितिमा गरिएको व्यवहारप्रति आपत्ति जनाएका छन्। शुक्रबार सिंहदरबारमा बसेको प्रतिनिधिसभाअन्तर्गतको कानुन समितिको बैठकमा मन्त्री गुरुङले आफ्नो अनुपस्थितिमा गृह सचिव र प्रहरी प्रमुखप्रति गरिएको व्यवहार तथा प्रस्तुतिप्रति आपत्ति जनाउँदै मन्त्रालयको गम्भीर ध्यानाकर्षण भएको बताए। उनले उजुरी वा आरोप लाग्दैमा कसैलाई दोषी करार गर्दै चरित्र हत्या गर्न नमिल्ने भन्दै न्यायिक तथा कानुनी प्रक्रिया पूरा नगरी समितिमा त्यस्तो व्यवहार गरिनु अनुचित भएको धारणा राखे। उजुरीकै आधारमा कोही पनि न्यायाधीश बन्न नहुने उल्लेख गर्दै मन्त्री गुरुङले वर्तमान सरकारको स्पिरिटअनुसार प्रहरी प्रशासन दिनरात खटिरहेको बताए। प्रहरीको पोसाक र अन्य सामग्री खरिदको विषयमा परेको उजुरीलाई…

काठमाडौं,२९ साउन। सभामुख डोलप्रसाद (डिपी) अर्यालले भैरहवास्थित गौतमबुद्ध अन्तर्राष्ट्रिय विमानस्थल र पोखरा अन्तर्राष्ट्रिय विमानस्थललाई छिट्टै पूर्ण रुपमा सञ्चालनमा आउने बताएका छन्। नेपाल एसोसिएसन अफ टुर एन्ड ट्राभल एजेन्ट्स (नाटा) को ५९औँ वार्षिक साधारणसभालाई शुक्रबार सम्बोधन गर्दै उनले दुवै विमानस्थलको नियमित सञ्चालनका लागि सरकारले गम्भीरतापूर्वक छलफल गरिरहेको बताए। उनले भैरहवा र पोखरा विमानस्थलबाट हवाई सेवा निरन्तर सञ्चालन गर्ने विषयमा सरकारको तहमा घनिभूत छलफल भइरहेको जानकारी दिए। ‘भैरहवा र पोखरा विमानस्थलका विषयमा घनिभूत छलफल भइरहेको छ । मलाई विश्वास छ, छिट्टै यी विमानस्थलले निरन्तरता पाउनेछन् र त्यहाँबाट हवाई सेवा सुचारु रुपमा सञ्चालन हुनेछ,’ उनले भने। उनले पर्यटन क्षेत्रको विकास र प्रवर्द्धनका लागि…

काठमाडौं,२८ साउन। प्रहरीले जनआस्था साप्ताहिकका सम्पादक किशोर श्रेष्ठलाई पक्राउ गरेको घटनाप्रति प्रेस काउन्सिल नेपालले गम्भीर ध्यानाकर्षण भएको जनाएको छ। काउन्सिलले श्रेष्ठको निजी निवासमा खानतलासी गर्नुका साथै सञ्चारमाध्यमको कार्यालयमा समेत छापा मारेर कम्प्युटरलगायत सामग्री जफत गरिएको घटनाप्रति आपत्ति जनाएको हो। बिहीबार जारी विज्ञप्तिमा काउन्सिलले सञ्चारमाध्यमको कार्यालयमा हतियारसहित प्रवेश गरी सामग्री जफत गरिएको घटनाप्रति चिन्ता व्यक्त गरेको छ। सम्पादक श्रेष्ठलाई पक्राउ गरी निजी निवासमा खानतलासी गरिएको तथा बिहानै सञ्चारमाध्यमको कार्यालयमा हतियारसहित प्रवेश गरी सामग्री जफत गरिएको विषयमा आफ्नो गम्भीर ध्यानाकर्षण भएको काउन्सिलले जनाएको छ।

काठमाडौं,२८ साउन। नेपाल इन्भेष्टमेन्ट मेगा बैंक (एनआइएमबी) लिमिटेडका सञ्चालक तथा प्रमुख कार्यकारी अधिकृतविरुद्ध काठमाडौं जिल्ला अदालतमा अभियोगपत्र दायर भएको विषयमा नेपाल राष्ट्र बैंकले आफ्नो धारणा सार्वजनिक गरेको छ। राष्ट्र बैंकले घटनाबारे जानकारी प्राप्त भएको जनाउँदै बैंकको सञ्चालन तथा व्यवस्थापनलाई नजिकबाट निगरानी गरिरहेको जनाएको छ। साथै, विद्यमान कानुनी व्यवस्थाबारे आवश्यक राय–सुझाव लिएर छलफल भइरहेको पनि राष्ट्र बैंकले स्पष्ट पारेको छ। राष्ट्र बैंकका अनुसार, बैंकको तरलता अवस्था तथा वित्तीय सबलतासम्बन्धी सूचकहरु तोकिएको मापदण्डअनुसार सन्तोषजनक छन्। बैंकको दैनिक कारोबार तथा सञ्चालनमा तत्काल कुनै जटिलता उत्पन्न हुने अवस्था नरहेको पनि राष्ट्र बैंकले जनाएको छ। अदालतमा मुद्दा विचाराधीन रहेकाले मुद्दाको प्रकृति, समयावधि र गम्भीरताका साथै…